ಮುಂಬೈನಲ್ಲಿ ನಡೆದ IIFTC ಇಂಟರ್ನ್ಯಾಷನಲ್ ಕಾನ್ಕ್ಲೇವ್ನಲ್ಲಿ ಸಂಜು ವೆಡ್ಸ್ ಗೀತಾ-2 ಸಿನಿಮಾ ಕನ್ನಡದ ಸುಮಾರು 265 ಚಿತ್ರಗಳನ್ನ ಹಿಂದಿಕ್ಕಿ ಪ್ರಶಸ್ತಿ ಮುಡಿಗೇರಿಸಿಕೊಂಡಿದೆ. 60 ವಿವಿಧ ದೇಶಗಳಿಂದ ಆಯ್ಕೆ ಆದಂತಹ ಸಿನಿಮಾಗಳಲ್ಲಿ ಪಟ್ಟಿಯಲ್ಲಿ ಡಿಂಪಲ್ ಕ್ವೀನ್ ರಚಿತಾ ರಾಮ್-ಡೈಮಂಡ್ ಸ್ಟಾರ್ ಶ್ರೀನಗರ ಕಿಟ್ಟಿಯ ಚಿತ್ರ ಎಲ್ಲರ ದಿಲ್ ದೋಚಿರುವುದು ಹೆಮ್ಮೆಯ ವಿಷಯ.
ಸಂಜು ವೆಡ್ಸ್ ಗೀತಾ.. 2011ರಲ್ಲಿ ತೆರೆಕಂಡ ಈ ಸಿನಿಮಾ ರಮ್ಯಾ-ಶ್ರೀನಗರ ಕಿಟ್ಟಿ ಜೋಡಿಯಿಂದ ಸಿಕ್ಕಾಪಟ್ಟೆ ಮೋಡಿ ಮಾಡಿತ್ತು. ಅದರಲ್ಲೂ ಡೈರೆಕ್ಟರ್ ನಾಗಶೇಖರ್ ಕಥೆ, ನಿರ್ದೇಶನ, ಮ್ಯೂಸಿಕ್ ಸೆನ್ಸ್ ಸಿನಿಮಾದ ದೊಡ್ಡ ಗೆಲುವಿಗೆ ನಾಂದಿ ಹಾಡಿತ್ತು. ಅದ್ರ ಸೀಕ್ವೆಲ್ ಮೂವಿ ಸಂಜು ವೆಡ್ಸ್ ಗೀತಾ-2 ಕಳೆದ ವರ್ಷ ಬಿಡುಗಡೆಯಾಗಿ ಸಖತ್ ಸೌಂಡ್ ಮಾಡಿದ್ದು ಗೊತ್ತೇಯಿದೆ. ಆದ್ರೆ ಈ ಬಾರಿ ನಾಗಶೇಖರ್ ಡೈಮಂಡ್ ಸ್ಟಾರ್ ಶ್ರೀನಗರ ಕಿಟ್ಟಿ ಜೊತೆ ಲೇಡಿ ಸೂಪರ್ ಸ್ಟಾರ್ ರಚಿತಾ ರಾಮ್ನ ನಾಯಕಿ ಆಗಿಸಿಕೊಂಡು ಸಿನಿಮಾ ಕಟ್ಟಿದ್ದರು.
ಸಂಜು ವೆಡ್ಸ್ ಗೀತಾ-2ಗೆ IIFTC ಇಂಟರ್ನ್ಯಾಷನಲ್ ಗರಿ
ವಿಶ್ಯುವಲ್ ಟ್ರೀಟ್ಗಾಗಿ 265 ಚಿತ್ರಗಳಲ್ಲಿ ಆಯ್ಕೆಯಾದ ಚಿತ್ರ
ಸತ್ಯ ಹೆಗಡೆ ಸಿನಿಮಾಟೋಗ್ರಫಿ, ಶ್ರೀಧರ್ ವಿ ಸಂಭ್ರಮ್ ಸಂಗೀತ ಸಂಯೋಜನೆ ಇರೋ ಸಂಜು ವೆಡ್ಸ್ ಗೀತಾ-2 ಲೋಕಲ್ ಟು ಇಂಟರ್ನ್ಯಾಷನಲ್ ನೋಡುಗರ ಕಣ್ಮನ ತಣಿಸಿತ್ತು. ಅದರಲ್ಲೂ ಶಿಡ್ಲಘಟ್ಟದಿಂದ ಸ್ವಿಟ್ಜರ್ಲೆಂಡ್ ವರೆಗಿನ ಜರ್ನಿ ನಿಜಕ್ಕೂ ಮನ ಮೋಹಕ. ಒಂದೊಂದು ಫ್ರೇಮ್ ಕೂಡ ಪೇಂಟಿಂಗ್ನಂತೆ ಮೂಡಿಬಂದಿತ್ತು. ಸಿನಿಮಾಗೆ ಮಿಕ್ಸ್ಡ್ ರಿವ್ಯೂವ್ಸ್ ಬಂತಾದರೂ, ರಿಲೀಸ್ನಲ್ಲಿ ವ್ಯತ್ಯಯ ಆಯಿತಾದ್ರೂ ಸಹ ವಿಶ್ಯುವಲಿ ಫೀಲ್ ಗುಡ್ ಮೂವಿ ಅನಿಸಿತ್ತು.
ಇದೀಗ ಅದೇ ವಿಶ್ಯುವಲ್ ಎಕ್ಸೆಲೆನ್ಸ್ಗಾಗಿ ಮುಂಬೈನಲ್ಲಿ ನಡೆದ IIFTC ಇಂಟರ್ನ್ಯಾಷನಲ್ ಅವಾರ್ಡ್ ಮುಡಿಗೇರಿಸಿಕೊಂಡಿದೆ ಸಂಜು ವೆಡ್ಸ್ ಗೀತಾ-2. ಇದೇ ಮಾರ್ಚ್ 10ರಂದು ಮುಂಬೈನಲ್ಲಿ 8ನೇ ಇಂಡಿಯಾ ಇಂಟರ್ನ್ಯಾಷನಲ್ ಫಿಲ್ಮ್ ಟೂರಿಸಂ ಕಾನ್ಕ್ಲೇವ್ ನಡೆದಿದೆ. ಅಲ್ಲಿ ಸುಮಾರು 60 ದೇಶಗಳ ಸಿನಿಮಾಗಳ ಜೊತೆ ನಮ್ಮ ಇಂಡಿಯನ್ ಲಾಂಗ್ವೇಜಸ್ ಮೂವೀಸ್ ಕೂಡ ಕಾಂಪೀಟ್ ಮಾಡಿದ್ದವು. ಅದರಲ್ಲೂ ಕನ್ನಡದಿಂದ ಕಳೆದ ವರ್ಷ ರಿಲೀಸ್ ಆದ 265 ಸಿನಿಮಾಗಳ ಪೈಕಿ ಎಲ್ಲಾ ಚಿತ್ರಗಳನ್ನ ಹಿಂದಿಕ್ಕಿ ಸಂಜು ವೆಡ್ಸ್ ಗೀತಾ-2 ಅವಾರ್ಡ್ ತನ್ನದಾಗಿಸಿಕೊಂಡಿದೆ.
ಮುಂಬೈನಲ್ಲಿ ಅವಾರ್ಡ್ ಫಂಕ್ಷನ್.. 60 ರಾಷ್ಟ್ರಗಳು ಭಾಗಿ
ನಾಗಶೇಖರ್, ನಿರ್ಮಾಪಕ ಛಲವಾದಿ ಕುಮಾರ್ ಖುಷ್
ನಿರ್ದೇಶಕ ನಾಗಶೇಖರ್ ಹಾಗೂ ನಿರ್ಮಾಪಕ ಛಲವಾದಿ ಕುಮಾರ್ IIFTC ಇಂಟರ್ನ್ಯಾಷನಲ್ ಅವಾರ್ಡ್ನ ಪಡೆದುಕೊಂಡು, ಇಡೀ ಕರುನಾಡು ಹಾಗೂ ಕನ್ನಡ ಚಿತ್ರರಂಗವನ್ನ ಪ್ರತಿನಿಧಿಸಿದ್ದಾರೆ. ಆ ಖುಷಿಯ ಕ್ಷಣಗಳನ್ನ ಗ್ಯಾರಂಟಿ ನ್ಯೂಸ್ ಜೊತೆಗೂ ಹಂಚಿಕೊಂಡಿದ್ದಾರೆ. ವಿಶೇಷ ಅಂದ್ರೆ ನಿರ್ಮಾಪಕ ಛಲವಾದಿ ಕುಮಾರ್ ತಮ್ಮ ಮಗನ ಸಮೇತ ತೆರಳಿ ಅವಾರ್ಡ್ ಸ್ವೀಕರಿಸಿದ್ದು ಅವಿಸ್ಮರಣೀಯ. ಇವರ ಈ ಸಂಭ್ರಮದ ಕ್ಷಣಗಳಿಗೆ ಹಿರಿಯನಟಿ ಖುಷ್ಬೂ ಕೂಡ ಸಾಕ್ಷಿಯಾಗಿರೋದು ಮತ್ತೊಂದು ಹೈಲೈಟ್.
ಶಿಡ್ಲಘಟ್ಟ ಟು ಸ್ವಿಟ್ಜರ್ಲೆಂಡ್ ಚಿತ್ರಿಸಿರೋ ಸಂಜು ವೆಡ್ಸ್ ಗೀತಾ-2 ಹೀಗೆ ಕನ್ನಡಿಗರ ಮನಸ್ಸಿನ ಜೊತೆ ಅಂತಾರಾಷ್ಟ್ರೀಯ ಮಟ್ಟದ ಜ್ಯೂರಿಗಳ ಹೃದಯ ಕೂಡ ಗೆದ್ದಿರೋದು ಖುಷಿಯ ವಿಚಾರ. ನಿರ್ದೇಶಕ ನಾಗಶೇಖರ್ ಮತ್ತೊಮ್ಮೆ ತಮ್ಮ ಕ್ರಿಯಾಶೀಲತೆಯನ್ನ ಮೆರೆದಿರೋದು ಗ್ರೇಟ್.
