ಜನ್ಮದಿನಾಂಕದ ಆಧಾರದ ಮೇಲೆ ನಮ್ಮ ಭವಿಷ್ಯವನ್ನು ನಿರ್ಧರಿಸುವ ಸಂಖ್ಯಾಶಾಸ್ತ್ರವು ಜೀವನದ ಏರಿಳಿತಗಳನ್ನು ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಮಾರ್ಚ್ 10ರ ಈ ದಿನ, ಗ್ರಹಗತಿಗಳ ಚಲನೆಗೆ ಅನುಗುಣವಾಗಿ 1ರಿಂದ 9ರ ವರೆಗಿನ ಜನ್ಮಸಂಖ್ಯೆಯವರಿಗೆ ದಿನ ಭವಿಷ್ಯ ಹೇಗಿರಲಿದೆ ? ಯಾರು ಜಾಗರೂಕರಾಗಿರಬೇಕು ಮತ್ತು ಯಾರಿಗೆ ಆರ್ಥಿಕ ಲಾಭ ಕಾದಿದೆ ಎಂಬ ಸಂಪೂರ್ಣ ವಿವರ ಇಲ್ಲಿದೆ.
ಜನ್ಮಸಂಖ್ಯೆ 1: ಇಂದು ನೀವು ಅತಿಯಾದ ಆತ್ಮವಿಶ್ವಾಸದಿಂದ ದೊಡ್ಡ ಸಾಹಸಕ್ಕೆ ಕೈಹಾಕಬೇಡಿ. ನಿಮ್ಮ ಕೈಯಲ್ಲಿರುವ ಹಣ ಮತ್ತು ಸಂಪನ್ಮೂಲಗಳ ಮೇಲೆ ಮಾತ್ರ ನಂಬಿಕೆ ಇಡಿ. ಬಾರದ ಸಾಲ ಅಥವಾ ಬರಲಿರುವ ಹಣವನ್ನು ನಂಬಿ ಹೊಸ ಪ್ರಾಜೆಕ್ಟ್ ಆರಂಭಿಸುವುದು ಅಪಾಯಕಾರಿ.
ಜನ್ಮಸಂಖ್ಯೆ 2: ಪ್ರೇಮಿಗಳಿಗೆ ಇಂದು ಮಧುರವಾದ ದಿನ. ಸಂಗಾತಿಯೊಂದಿಗೆ ಭವಿಷ್ಯದ ಬಗ್ಗೆ ಗಂಭೀರ ಚರ್ಚೆ ನಡೆಸುವಿರಿ. ಆದರೆ, ಕೆಲಸದ ಸ್ಥಳದಲ್ಲಿ ಅತಿಯಾದ ಸಲುಗೆ ಬೇಡ. ವೃತ್ತಿಜೀವನದಲ್ಲಿ ಶಿಸ್ತು ಕಾಪಾಡಿಕೊಳ್ಳದಿದ್ದರೆ ಮುಜುಗರದ ಸನ್ನಿವೇಶ ಎದುರಿಸಬೇಕಾದೀತು.
ಜನ್ಮಸಂಖ್ಯೆ 3: ಧಾರ್ಮಿಕ ಕಾರ್ಯಗಳಲ್ಲಿ ಆಸಕ್ತಿ ಹೆಚ್ಚಲಿದೆ. ದೇವಾಲಯಗಳಿಗೆ ಭೇಟಿ ನೀಡುವ ಯೋಗವಿದೆ. ನಿಮ್ಮ ಹಳೆಯ ಬಾಕಿ ಹಣ ವಸೂಲಿಯಾಗುವ ಸಾಧ್ಯತೆ ಇದೆ. ಆದರೆ ವಿದ್ಯಾರ್ಥಿಗಳು ಇಂದು ಏಕಾಗ್ರತೆಯ ಕೊರತೆ ಎದುರಿಸಬಹುದು, ಓದಿನ ಕಡೆ ಹೆಚ್ಚಿನ ಗಮನ ನೀಡಿ.
ಜನ್ಮಸಂಖ್ಯೆ 4: ಯಾವುದೇ ಮುನ್ಸೂಚನೆ ಇಲ್ಲದೆ ದಿಢೀರ್ ಪ್ರವಾಸ ಕೈಗೊಳ್ಳುವಿರಿ. ವ್ಯಾಪಾರದಲ್ಲಿ ಭಾವನಾತ್ಮಕ ನಿರ್ಧಾರಗಳು ಬೇಡ, ಲಾಭದ ಕಡೆಗೆ ಮಾತ್ರ ಗಮನವಿರಲಿ. ಆಯುರ್ವೇದ ಕ್ಷೇತ್ರದವರಿಗೆ ಇಂದು ಲಾಭದಾಯಕ ದಿನವಾಗಲಿದೆ.
ಜನ್ಮಸಂಖ್ಯೆ 5: ಮನೆಯ ಖರ್ಚುಗಳು ಕೈಮೀರಿ ಹೋಗಬಹುದು. ಆದಾಯ ಮತ್ತು ಖರ್ಚಿನ ನಡುವೆ ಸಮತೋಲನ ಕಾಯ್ದುಕೊಳ್ಳುವುದು ಸವಾಲಾಗಲಿದೆ. ಹೆಚ್ಚುವರಿ ಆದಾಯಕ್ಕಾಗಿ ನೀವು ಪಡುವ ಶ್ರಮಕ್ಕೆ ತಕ್ಕ ಫಲ ಸಿಗಲಿದೆ. ಸಂಗಾತಿಯ ಇಷ್ಟಕಷ್ಟಗಳಿಗೆ ಸ್ಪಂದಿಸುವಿರಿ.
ಜನ್ಮಸಂಖ್ಯೆ 6: ಇಂದು ನಿಮ್ಮ ನಿರ್ಧಾರಗಳಿಗೆ ಸಂಬಂಧಿಕರಿಂದ ವಿರೋಧ ವ್ಯಕ್ತವಾಗಬಹುದು. ಆಸ್ತಿ ಮಾರಾಟ ಅಥವಾ ಬಾಡಿಗೆ ಬರುವಂತಹ ಮನೆಯನ್ನು ಖರೀದಿಸುವ ಆಲೋಚನೆ ಮಾಡುವಿರಿ. ಸ್ಥಿರ ಆದಾಯದ ಕಡೆಗೆ ನಿಮ್ಮ ಒಲವು ಹೆಚ್ಚಿರಲಿದೆ.
ಜನ್ಮಸಂಖ್ಯೆ 7: ಉದ್ಯೋಗದಲ್ಲಿ ನಿಮ್ಮ ಮೇಲೆ ಒತ್ತಡ ಹೆಚ್ಚಾಗಬಹುದು. ನಂಬಿದವರು ಕೊನೆ ಕ್ಷಣದಲ್ಲಿ ಕೈಕೊಡುವ ಸಾಧ್ಯತೆ ಇರುವುದರಿಂದ, ಸ್ವತಂತ್ರವಾಗಿ ಕೆಲಸ ನಿರ್ವಹಿಸುವುದು ಉತ್ತಮ. ಯಾರನ್ನೂ ಅತಿಯಾಗಿ ಹಚ್ಚಿಕೊಳ್ಳದೆ ನಿರ್ಭಾವುಕ ನಿರ್ಧಾರ ತೆಗೆದುಕೊಳ್ಳುವುದು ಇಂದಿನ ಅನಿವಾರ್ಯತೆ.
ಜನ್ಮಸಂಖ್ಯೆ 8: ನಿಮ್ಮ ಬದ್ಧತೆ ಮತ್ತು ಸಮಯಪ್ರಜ್ಞೆಗೆ ಎಲ್ಲೆಡೆ ಮೆಚ್ಚುಗೆ ಸಿಗಲಿದೆ. ಇತರರು ಅರ್ಧಕ್ಕೆ ಬಿಟ್ಟ ಕೆಲಸವನ್ನು ನೀವು ಯಶಸ್ವಿಯಾಗಿ ಪೂರ್ಣಗೊಳಿಸುವಿರಿ. ಹಣಕಾಸಿನ ವ್ಯವಹಾರ ಮಾಡುವಾಗ ಮೊದಲೇ ಸ್ಪಷ್ಟವಾಗಿ ಮಾತನಾಡುವುದು ಒಳಿತು. ಪ್ರವಾಸಕ್ಕಾಗಿ ಸ್ವಲ್ಪ ಹಣ ವ್ಯಯವಾಗಲಿದೆ.
ಜನ್ಮಸಂಖ್ಯೆ 9: ಸಂಗಾತಿಯೊಂದಿಗೆ ಸುದೀರ್ಘ ಪಯಣ (Long Drive) ಕೈಗೊಳ್ಳುವಿರಿ. ಮನಸ್ಸಿನ ಗುಟ್ಟುಗಳನ್ನು ಬಿಚ್ಚಿಡಲು ಇದು ಸಕಾಲ. ಹೊಸ ಕೋರ್ಸ್ ಸೇರುವ ಆಲೋಚನೆ ಇದ್ದರೆ ಮುಂದುವರಿಯಿರಿ. ಆದರೆ, ವೃತ್ತಿಪರರು ಮಾಹಿತಿಯನ್ನು ಹಂಚಿಕೊಳ್ಳುವ ಮುನ್ನ ಸರಿಯಾಗಿ ಪರಿಶೀಲಿಸಿಕೊಳ್ಳಿ.
