ಕೇಂದ್ರ ಸರ್ಕಾರದಿಂದ ಅತೀ ದೊಡ್ಡ ‘ಗೋಲ್ಡ್’ ಗುಡ್ ನ್ಯೂಸ್! ಇನ್ಮೇಲೆ ದುಬೈನಿಂದ ಕಡಿಮೆ ಬೆಲೆಗೆ ಚಿನ್ನ ತರಬಹುದು

ಚಿನ್ನದ ಬೆಲೆ ದಿನೇ ದಿನೇ ಏರುತ್ತಿರುವ ಹಿನ್ನೆಲೆಯಲ್ಲಿ ದುಬೈ, ಸಿಂಗಪೂರ್, ಥೈಲೆಂಡ್ ಮುಂತಾದ ದೇಶಗಳಿಂದ ಕಡಿಮೆ ಬೆಲೆಗೆ ಬಂಗಾರ ತರಲು ಆಸಕ್ತರು ಹೆಚ್ಚಾಗುತ್ತಿದ್ದರು. ಆದರೆ ಹಳೆಯ ಕಸ್ಟಮ್ಸ್ ನಿಯಮಗಳಿಂದಾಗಿ ತೊಂದರೆ ಎದುರಾಗುತ್ತಿತ್ತು. ಈಗ ಕೇಂದ್ರ ಸರ್ಕಾರದ ಹೊಸ ಬಜೆಟ್ ನಿಯಮಗಳು ಚಿನ್ನಪ್ರಿಯರಿಗೆ ದೊಡ್ಡ ರಿಲೀಫ್ ನೀಡಿವೆ. ಹೊಸ ಕಸ್ಟಮ್ಸ್ ಬ್ಯಾಗೇಜ್ ಡಿಕ್ಲರೇಶನ್ ಅಂಡ್ ಪ್ರೊಸೆಸಿಂಗ್ ರೆಗ್ಯುಲೇಷನ್ಸ್ 2026 ಫೆಬ್ರವರಿ 2ರಿಂದ ಜಾರಿಗೆ ಬಂದಿದ್ದು, ವಿದೇಶದಿಂದ ಬರುವ ಪ್ರಯಾಣಿಕರು ಹೆಚ್ಚು ತೂಕದ ಆಭರಣಗಳನ್ನು ಟ್ಯಾಕ್ಸ್ ಫ್ರೀ ತರಬಹುದಾಗಿದೆ.

ಹೊಸ ನಿಯಮಗಳ ಪ್ರಮುಖ ಅಂಶಗಳು: ಕೇಂದ್ರ ಹಣಕಾಸು ಸಚಿವಾಲಯದ ಹೊಸ ನಿಯಮಗಳ ಪ್ರಕಾರ:

• ಮಹಿಳಾ ಪ್ರಯಾಣಿಕರು: ಗರಿಷ್ಠ 40 ಗ್ರಾಂ ತೂಕದ ಆಭರಣಗಳನ್ನು (ಬಂಗಾರ/ಬೆಳ್ಳಿ) ಯಾವುದೇ ಕಸ್ಟಮ್ಸ್ ಡ್ಯೂಟಿ ಇಲ್ಲದೆ ತರಬಹುದು.
• ಪುರುಷ ಪ್ರಯಾಣಿಕರು: ಗರಿಷ್ಠ 20 ಗ್ರಾಂ ತೂಕದ ಆಭರಣಗಳನ್ನು ಡ್ಯೂಟಿ ಫ್ರೀ ತರಬಹುದು.

ಈ ಮಿತಿ ಕೇವಲ ಆಭರಣಗಳಿಗೆ (ಜ್ಯುವೆಲರಿ) ಮಾತ್ರ ಅನ್ವಯವಾಗುತ್ತದೆ. ಹಳೆಯ ನಿಯಮದಲ್ಲಿ ಮೌಲ್ಯದ ಆಧಾರದ ಮೇಲೆ (ಪುರುಷರಿಗೆ ₹50,000, ಮಹಿಳೆಯರಿಗೆ ₹1 ಲಕ್ಷ) ಮಿತಿ ಇತ್ತು ಮತ್ತು ಧರಿಸಿದ ಆಭರಣಗಳಿಗೆ ಮಾತ್ರ ವಿನಾಯಿತಿ ಇತ್ತು. ಈಗ ತೂಕದ ಆಧಾರದ ಮೇಲೆ ಮಿತಿ ನಿಗದಿಯಾಗಿದ್ದು, ಲಗೇಜ್‌ನಲ್ಲಿ ತರುವ ಆಭರಣಗಳಿಗೂ ಅನ್ವಯವಾಗುತ್ತದೆ.

ಹೆಚ್ಚು ತೂಕದ ಆಭರಣ ತಂದರೆ ಏನು ಮಾಡಬೇಕು? ನಿಗದಿತ ಮಿತಿಗಿಂತ ಹೆಚ್ಚು ತೂಕದ ಆಭರಣಗಳಿದ್ದರೆ:

• ಹೊಸದಾಗಿ ಖರೀದಿಸಿದ್ದು ಮತ್ತು ಹಳೆಯದು (ಪರ್ಸನಲ್ ಯೂಸ್) ಎಂದು ಪ್ರತ್ಯೇಕವಾಗಿ ಘೋಷಿಸಬೇಕು.
• ಒಟ್ಟು ಆಭರಣಗಳ ತೂಕವನ್ನು ಇಂಡಿಯನ್ ಕಸ್ಟಮ್ಸ್ ಡಿಕ್ಲರೇಶನ್ ಫಾರ್ಮ್‌ನಲ್ಲಿ ಸ್ಪಷ್ಟವಾಗಿ ತುಂಬಬೇಕು. ಹೀಗೆ ಮಾಡದಿದ್ದರೆ ಕಸ್ಟಮ್ಸ್ ಡ್ಯೂಟಿ ಅಥವಾ ದಂಡ ವಿಧಿಸಲಾಗುತ್ತದೆ.

ಇತರ ವಸ್ತುಗಳ ಡ್ಯೂಟಿ ಫ್ರೀ ಮಿತಿ

• ಭಾರತೀಯ ನಿವಾಸಿಗಳು/ಭಾರತೀಯ ಮೂಲದ ಪ್ರವಾಸಿಗರು: ₹75,000 ಮೌಲ್ಯದ ವಸ್ತುಗಳು ಡ್ಯೂಟಿ ಫ್ರೀ.
• ವಿದೇಶಿ ಪ್ರವಾಸಿಗರು: ₹25,000 ಮೌಲ್ಯದ ವಸ್ತುಗಳು ಡ್ಯೂಟಿ ಫ್ರೀ.
• ಮದ್ಯ: ಗರಿಷ್ಠ 2 ಲೀಟರ್ ವೈನ್/ಲಿಕರ್.
• ಸಿಗರೇಟ್: 100, ಸಿಗಾರ್: 25 ಅಥವಾ 125 ಗ್ರಾಂ ತಂಬಾಕು.
• 18 ವರ್ಷ ಮೇಲ್ಪಟ್ಟವರು: ಒಂದು ಹೊಸ ಲ್ಯಾಪ್‌ಟಾಪ್/ನೋಟ್‌ಪ್ಯಾಡ್ ಡ್ಯೂಟಿ ಫ್ರೀ.

ನಿಷೇಧಿತ ವಸ್ತುಗಳು ನಕಲಿ ಭಾರತೀಯ ಕರೆನ್ಸಿ, ಮಾದಕ ವಸ್ತುಗಳು, ಬೌದ್ಧಿಕ ಹಕ್ಕು ಉಲ್ಲಂಘಿಸುವ ವಸ್ತುಗಳು, ವನ್ಯಜೀವಿ ಉತ್ಪನ್ನಗಳು, ಭಾರತದ ನಕ್ಷೆಯನ್ನು ತಪ್ಪಾಗಿ ತೋರಿಸುವ ವಸ್ತುಗಳು ಮತ್ತು ಕೆಲವು ಪ್ರಾಣಿ/ಪಕ್ಷಿ ಉತ್ಪನ್ನಗಳನ್ನು ತರಲು ಸಂಪೂರ್ಣ ನಿಷೇಧವಿದೆ. ಉಲ್ಲಂಘಿಸಿದರೆ ಕಠಿಣ ಕಾನೂನು ಕ್ರಮ ಎದುರಾಗುತ್ತದೆ.

ಹೊಸ ನಿಯಮಗಳ ಉದ್ದೇಶ ಪ್ರಯಾಣಿಕರಿಗೆ ಸ್ಪಷ್ಟತೆ ನೀಡುವುದು, ಏರ್‌ಪೋರ್ಟ್‌ನಲ್ಲಿ ಅನಗತ್ಯ ತೊಂದರೆಗಳನ್ನು ಕಡಿಮೆ ಮಾಡುವುದು ಮತ್ತು ಕಸ್ಟಮ್ಸ್ ಪ್ರಕ್ರಿಯೆಯನ್ನು ಸುಗಮಗೊಳಿಸುವುದು ಈ ನಿಯಮಗಳ ಮುಖ್ಯ ಉದ್ದೇಶವಾಗಿದೆ. ದುಬೈನಿಂದ ಅಥವಾ ಇತರ ದೇಶಗಳಿಂದ ಬರುವವರು ಈ ನಿಯಮಗಳನ್ನು ಮುಂಚಿತವಾಗಿ ತಿಳಿದುಕೊಂಡರೆ ಚಿನ್ನದ ಆಭರಣಗಳನ್ನು ಸುಲಭವಾಗಿ ತರಬಹುದು.

ಈ ಹೊಸ ನಿಯಮಗಳು ಚಿನ್ನದ ಬೆಲೆ ಏರಿಕೆಯ ನಡುವೆಯೂ ಪ್ರಯಾಣಿಕರಿಗೆ ದೊಡ್ಡ ರಿಲೀಫ್ ನೀಡಿವೆ.