ಬಿಹಾರದಲ್ಲಿ ಸಿನಿಮಾ ತಾರೆಗಳಿಗೆ ಸ್ಪರ್ಧೆ ಕೊಡುವಂಥ ಭೀಕರ ದರೋಡೆ ಘಟನೆ ನಡೆದಿದೆ. ಮಾಸ್ಕ್ ಮುಚ್ಚಿಕೊಂಡು ಗನ್ ಹಿಡಿದ ದರೋಡೆಕೋರರ ಗುಂಪೊಂದು, ತನಿಷ್ಕಾ ಶೋರಂಗೆ ನುಗ್ಗಿ ಗ್ರಾಹಕರು ಮತ್ತು ಸಿಬ್ಬಂದಿಯನ್ನು ಗನ್ ಪಾಯಿಂಟ್ನಲ್ಲಿ ಒತ್ತೆಯಾಗಿಟ್ಟುಕೊಂಡು 25 ಕೋಟಿ ರೂಪಾಯಿ ಮೌಲ್ಯದ ಚಿನ್ನದ ಆಭರಣಗಳನ್ನು ದೋಚಿ ಪರಾರಿಯಾಗಿದ್ದಾರೆ.
ಈ ಘಟನೆ ನಡೆದಿದ್ದು, ಸಿಸಿಟಿವಿ ದೃಶ್ಯಾವಳಿಗಳಲ್ಲಿ ಕಾಣುದಂತೆ ಮಾಸ್ಕ್ ಧರಿಸಿ ಕೈಯಲ್ಲಿ ಗನ್ ಹಿಡಿದು ಶೋ ರೂಂಗೆ ನುಗ್ಗಿದ ದರೋಡೆಕೋರರು, ಗ್ರಾಹಕರು ಮತ್ತು ಉದ್ಯೋಗಿಗಳನ್ನು ಕೈ ಮೇಲೆತ್ತಿ ಶರಣಾಗುವಂತೆ ಹೇಳಿದ್ದಾರೆ. ಕದಲಿದಲ್ಲಿ ಗುಂಡು ಹಾರಿಸುವುದಾಗಿ ಬೆದರಿಸಿದ್ದಾರೆ.
ಸಿನಿಮಾ ಸನ್ನಿವೇಶದಂತಹ ಲೂಟಿ!
ದರೋಡೆಕೋರರು ಮೊದಲೇ ಯೋಜನೆ ರೂಪಿಸಿದಂತೆ, ರಸ್ತೆಯುದ್ದಕ್ಕೂ ಕಾರುಗಳನ್ನು ನಿಲ್ಲಿಸಿ ಅಂಗಡಿಯೊಳಗೆ ಪ್ರವೇಶಿಸಿದರು. ಗನ್ ತೋರಿಸಿ ಭದ್ರತಾ ಸಿಬ್ಬಂದಿಯಾಗಿ ಕೆಲಸ ಮಾಡುತ್ತಿದ್ದ ಮನೋಜ್ ಕುಮಾರ್‌ ಎಂಬುವವರಿಂದ ಬಂದೂಕು ಕಸಿದುಕೊಂಡರು. ನಂತರ, ಜ್ಯುವೆಲ್ಲರಿ ಶಾಪ್‌‌‌ನಲ್ಲಿ ಆಭರಣ ಇಡುವಂಹ ರ್ಯಾಕ್‌‌‌‌‌ಗಳ ಬಳಿ ಹೋಗಿ ಕೈಗೆ ಸಿಕ್ಕ ಎಲ್ಲವನ್ನೂ ಚೀಲಗಳಲ್ಲಿ ತುಂಬಿದರು. ಸಿಬ್ಬಂದಿ ಮತ್ತು ಗ್ರಾಹಕರು “ಕದಲಿದರೆ ಗುಂಡು ಹಾರಿಸುತ್ತೇವೆ” ಎಂಬ ಬೆದರಿಕೆಗೆ ಸಿಬ್ಬಂದಿಗಳು ಹೆದರಿ ಕೈ ಮೇಲೆತ್ತಿ ನಿಂತರು.
ಪೊಲೀಸರ ನಿರ್ಲಕ್ಷ್ಯ: 20-30 ಬಾರಿ ಕರೆ ಮಾಡಿದರು ಪ್ರತಿಕ್ರಿಯೆ ಇಲ್ಲ!
ಘಟನೆಯ ಸಮಯದಲ್ಲಿ, ಅಂಗಡಿಯ ಸಿಬ್ಬಂದಿಯೊಬ್ಬರು ಪೊಲೀಸ್ ಠಾಣೆಗೆ 20-30 ಬಾರಿ ತುರ್ತು ಕರೆ ಮಾಡಿದರೂ ಸಹಾಯಕ್ಕೆ ಬರಲಿಲ್ಲ. ನಗರದ ಪೊಲೀಸ್ ಸ್ಟೇಷನ್ ಕೇವಲ 600 ಮೀಟರ್ ದೂರದಲ್ಲಿದ್ದರೂ, ಅಧಿಕಾರಿಗಳು ಸಮಯಕ್ಕೆ ತಲುಪದಿದ್ದರಿಂದ ದರೋಡೆಕೋರರು ಸುಲಭವಾಗಿ ತಪ್ಪಿಸಿಕೊಂಡರು. ಈ ಘಟನೆ ಬಗ್ಗೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದು, ದರೋಡೆಕೋರರ ಪತ್ತೆಗೆ ಬಲೆ ಬೀಸಿದ್ದಾರೆ.
