ತಲೈವಾ ರಜನೀಕಾಂತ್ ಹಾಗೂ ದಳಪತಿ ವಿಜಯ್ ಸಿನಿಮಾಗಳ ನಟಿಮಣಿ ಸ್ಟಾರ್ ನಟನೊಬ್ಬನ ಮುಖವಾಡ ಕಳಚುವ ಮೂಲಕ ಟಾಕ್ ಆಫ್ ದಿ ನೇಷನ್ ಆಗಿದ್ದಾರೆ. ಶೂಟಿಂಗ್ ಸೆಟ್ನಲ್ಲಿ ಅನುಮತಿ ಇಲ್ಲದೆ ಕ್ಯಾರವಾನ್ ಒಳಗೆ ಬಂದ ಆತ, ಮಾಡಿದ್ದೇನು ಅಂತಲೂ ಬಾಯ್ಬಿಟ್ಟಿದ್ದಾರೆ. ಅಂದಿನಿಂದ ಆತನ ಸಿನಿಮಾಗಳಲ್ಲಿ ನಟಿಸ್ತಿಲ್ಲ ಅಂತ ತೆರೆಮರೆ ಸ್ಟೋರಿಯನ್ನ ಮುಖ್ಯ ವಾಹಿನಿಗೆ ತಂದಿದ್ದಾರೆ. ಯಾರು ಆ ಚೆಲುವೆ..? ಆಕೆಗೆ ಕಾಟ ಕೊಟ್ಟ ಸ್ಟಾರ್ ಯಾರು ಅಂತೀರಾ..? ಜಸ್ಟ್ ವಾಚ್.
- ಪೂಜಾ ಪರ್ಮಿಷನ್ ಇಲ್ಲದೆ ಕ್ಯಾರವಾನ್ಗೆ ಬಂದ ಸ್ಟಾರ್
- ಗ್ಲಾಮರ್ ಹಿಂದೆ ಮರೆಮಾಡಿದ ಕಹಿ ಸತ್ಯ ಬಿಚ್ಚಿಟ್ಟ ಚೆಲುವೆ
- ಸ್ಟಾರ್ ನಟನಿಗೆ ಕಪಾಳಮೋಕ್ಷ ಮಾಡಿದ್ರಂತೆ ಪೂಜಾ ಹೆಗ್ಡೆ
- ನೆಗೆಟಿವ್ ಪಿಆರ್ ಯುದ್ಧ.. ಕಿಡಿಕಾರಿದ ಪ್ರಭಾಸ್ ಫ್ಯಾನ್ಸ್
ರಜಿನಿಕಾಂತ್ ಅಭಿನಯದ ಕೂಲಿ ಚಿತ್ರದ ಮೋನಿಕಾ ಹಾಡಿನಲ್ಲಿ ಗ್ಲಾಮರ್, ಗ್ರೇಸ್, ಗ್ಲೋ ಎಲ್ಲವನ್ನೂ ಮಿಕ್ಸ್ ಮಾಡಿ ಸೌತ್ ಸಿನಿ ಪ್ರೇಕ್ಷಕರ ಗಮನ ಸೆಳೆದಿದ್ದ ಪೂಜಾ, ಈಗ ದಳಪತಿ ವಿಜಯ್ ಅವರ ಜನನಾಯಗನ್ ಮೂಲಕ ಮತ್ತೆ ಕಾಲಿವುಡ್ನ ಹಾಟ್ ಟಾಪಿಕ್ ಆಗಿದ್ದಾರೆ. ಚಿತ್ರ ತೆರೆಗೆ ಬರೋದು ಮಾತ್ರ ಬಾಕಿ, ಆದರೆ ಪೂಜಾ ಹೆಸರು ಈಗಾಗಲೇ ಟ್ರೆಂಡಿಂಗ್ ನಲ್ಲಿದೆ.
ಆದ್ರೆ ಇದೇ ಹೊತ್ತಲ್ಲಿ, ಪೂಜಾ ಸಿನಿ ಬದುಕಿನ ಹಿಂದಿನ ಒಂದು ಕಹಿ ಅಧ್ಯಾಯ ಮತ್ತೆ ಹೊರಗೆ ಬಂದಿದೆ, ಸಿನಿ ವಲಯದಲ್ಲಿ ಗುಸುಗುಸು ಹುಟ್ಟುಹಾಕಿದೆ. ತೆಲುಗು ಸಿನಿ ವರದಿಗಳ ಪ್ರಕಾರ, ಪೂಜಾ ಇತ್ತೀಚಿನ ಸಂದರ್ಶನವೊಂದರಲ್ಲಿ ತಮ್ಮ ಕರಿಯರ್ನಲ್ಲೇ ಅತೀ ಶಾಕಿಂಗ್ ಅನುಭವವೊಂದನ್ನು ಹಂಚಿಕೊಂಡಿದ್ದಾರಂತೆ. ಆದರೆ ಇಲ್ಲಿ ಟ್ವಿಸ್ಟ್ ಏನಂದ್ರೆ ಆ ಸಂದರ್ಶನದ ವಿಡಿಯೋ ಲಿಂಕ್ ಮಿಸ್ಸಿಂಗ್ ಆಗಿದೆ. ಇದೇ ವಿಚಾರ ಈ ಸ್ಟೋರಿಗೆ ಇನ್ನಷ್ಟು ಮಸಾಲಾ ಸೇರಿಸಿದೆ.
ವರದಿಗಳಲ್ಲಿ ಹೇಳೋದೇನೆಂದರೆ, ಇದು ಕೆಲವು ವರ್ಷಗಳ ಹಿಂದೆ ನಡೆದ ಘಟನೆ. ಒಂದು ಬಿಗ್ ಬಜೆಟ್ ಸಿನಿಮಾದಲ್ಲಿ ನಟಿಸುವ ಅವಕಾಶ ಸಿಕ್ಕಾಗ ಪೂಜಾಗೆ ಅದು ಡ್ರೀಮ್ ಪ್ರಾಜೆಕ್ಟ್ ಆಗಿತ್ತಂತೆ. ದೊಡ್ಡ ಸ್ಟಾರ್ ನಟನ ಜೊತೆ ಸ್ಕ್ರೀನ್ ಶೇರ್ ಮಾಡೋದು, ಕರಿಯರ್ನಲ್ಲಿ ದೊಡ್ಡ ಮೈಲಿಗಲ್ಲು ಅನ್ನಿಸಿತ್ತು. ಆದರೆ ಆ ಖುಷಿಯ ಮಧ್ಯೆ, ಆ ಹೀರೋ ಆಕೆಯ ಕ್ಯಾರವಾನ್ಗೆ ಅನುಮತಿ ಇಲ್ಲದೆ ಪ್ರವೇಶಿಸಿದ್ದಾನಂತೆ. ಅಷ್ಟೇ ಅಲ್ಲ, ಆತನ ವರ್ತನೆ ಮಿತಿಮೀರಿದೆ ಎಂಬ ಆರೋಪಗಳು ಕೇಳಿಬರುತ್ತಿವೆ. ಪರಿಸ್ಥಿತಿ ಕೈ ಮೀರುತ್ತಿದ್ದಂತೆಯೇ, ಪೂಜಾ ಮೌನವಾಗಿರಲಿಲ್ಲ ತಕ್ಷಣವೇ ಪ್ರತಿಕ್ರಿಯಿಸಿ, ಆ ನಟನಿಗೆ ಕಪಾಳಮೋಕ್ಷ ಮಾಡಿದ್ರು ಅನ್ನೋ ಮಾತುಗಳು ಸಿನಿ ಕಾರಿಡಾರ್ಗಳಲ್ಲಿ ಹರಿದಾಡುತ್ತಿವೆ.
ಇದಾದ ಬಳಿಕ ಬಾಡಿ ಡಬಲ್ ಬಳಸಿ ಶೂಟಿಂಗ್ ಮುಗಿಸಿದೆ ಅನ್ನೋ ಹೇಳಿಕೆ ಮತ್ತಷ್ಟು ಕುತೂಹಲ ಕೆರಳಿಸಿದೆ. ಅಷ್ಟೇ ಅಲ್ಲ, ಆಮೇಲೆ ಅ ಸ್ಟಾರ್ ನಟ ನನ್ನ ಜೊತೆಗೆ ಕೆಲಸ ಮಾಡಲು ಇಷ್ಟಪಡಲಿಲ್ಲ ಎನ್ನುವ ಅಂಶ ಸಿನಿ ಗಾಸಿಪ್ಗೆ ಮತ್ತೊಂದು ಲೇಯರ್ ಸೇರಿಸಿದೆ. ಈ ನಡುವೆ ಸೋಷಿಯಲ್ ಮೀಡಿಯಾದಲ್ಲಿ ನೆಗಟಿವ್ ಪಿಆರ್ ಯುದ್ಧ ಕೂಡ ಭುಗಿಲೆದ್ದಿದೆ. ಕೆಲ ಪೇಜ್ಗಳು ನಟಿಯನ್ನು ಟಾರ್ಗೆಟ್ ಮಾಡಿ ಫೇಕ್ ರೂಮರ್ಸ್ ಹಬ್ಬಿಸಲಾಗ್ತಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿವೆ. ಒಬ್ಬ ನಟಿಯನ್ನು ಕೆಳಗೆ ಇಳಿಸಲು ಸುಳ್ಳು ಕಥೆಗಳು? ಅನ್ನೋ ಪ್ರಶ್ನೆಗಳು ಟ್ರೋಲ್ಗಳಿಂದ ಹಿಡಿದು ಅಭಿಮಾನಿಗಳವರೆಗೆ ಹರಿದಾಡುತ್ತಿವೆ. ಪೂಜಾ ಪರವಾಗಿ ಬೆಂಬಲಿಸುವವರು, ಪೂಜಾ ಹೆಗ್ಡೆ ಈಗ ಮತ್ತೆ ಟಾಪ್ ಗೇರ್ಗೆ ಬಂದಿದ್ದಕ್ಕೆ ಕೆಲವರಿಗೆ ಅಸಹನೆ ಅಂತ ವಾದ ಮಾಡುತ್ತಿದ್ದಾರೆ.
ಒಟ್ಟಿನಲ್ಲಿ ಈ ವಿಚಾರ ನಟ ಪ್ರಭಾಸ್ ಹೆಸರು ತಳುಕು ಹಾಕಿಕೊಂಡಿದ್ದು, ರಾಧೆ ಶ್ಯಾಮ್ ಬಳಿಕ ಇಬ್ಬರೂ ಒಟ್ಟಿಗೆ ನಟಿಸಿದ ನಿದರ್ಶನವೇ ಇಲ್ಲ. ಯಾವಾಗ ನೆಟ್ಟಿಗರು ಪ್ರಭಾಸ್ ಅಂತ ಗೆಸ್ ಮಾಡ್ತಿದ್ದಾರೋ, ಆಗಲಿಂದ ಡಾರ್ಲಿಂಗ್ ಫ್ಯಾನ್ಸ್ ಗರಂ ಆಗಿದ್ದಾರೆ. ಈಕೆ ಬೇಕು ಅಂತಲೇ ಇದನ್ನ ಪಬ್ಲಿಸಿಟಿಗಾಗಿ ಮಾಡ್ತಿದ್ದಾರೆ ಅಂತ ಕಿಡಿ ಕಾರುತ್ತಿದ್ದಾರೆ. ಇದು ನಿಜವಾದ ಅನುಭವವೇ? ಅಥವಾ ಸೋಷಿಯಲ್ ಮೀಡಿಯಾ ಯುಗದ ಮಸಾಲಾ ಗಾಸಿಪ್ ಆಟವೇ? ಸತ್ಯ ಏನೇ ಇರಲಿ, ಒಂದು ವಿಷಯ ಮಾತ್ರ ಕ್ಲಿಯರ್.. ಪೂಜಾ ಹೆಗ್ಡೆ ಹೆಸರು ಈಗ ಸಿನಿ ಇಂಡಸ್ಟ್ರಿಯಲ್ಲಿ ಹಾಟೆಸ್ಟ್ ಟಾಪಿಕ್ ಆಗಿದೆ. ಮುಂದೆ ಈ ಕಥೆ ಯಾವ ತಿರುವು ತಗೊಳ್ಳುತ್ತೆ ಅನ್ನೋದನ್ನ ನೋಡೋದೇ ಈಗಿನ ಸಿನಿ ಲವರ್ಸ್ಗೆ ಫುಲ್ ಎಂಟರ್ಟೈನ್ಮೆಂಟ್.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
| Reported by: ಕೀರ್ತಿ ಪಾಟೀಲ್, ಫಿಲ್ಮ್ ಬ್ಯೂರೋ, ಗ್ಯಾರಂಟಿ ನ್ಯೂಸ್
