ಬಿಗ್ ಬಾಸ್ ಕನ್ನಡ ಸೀಸನ್ 12 ಈಗ ತನ್ನ ಎಲ್ಲಾ ಡ್ರಾಮಾ, ಇಮೋಷನ್ ಮತ್ತು ಗೇಮ್ ಸ್ಟ್ರಾಟಜಿಯನ್ನ ಒಟ್ಟಿಗೆ ಸುರಿದಿದೆ. ಈ ಬಾರಿ ಮನೆಯಲ್ಲಿ ಅತ್ಯಂತ ಕ್ಲೋಸ್ ಎಂದು ಗುರುತಿಸಲಾದ ಜೋಡಿ ಕಾವ್ಯ ಶೈವ ಮತ್ತು ಗಿಲ್ಲಿ. ಸೀಸನ್ ಶುರುವಾದ ದಿನದಿಂದಲೂ ಇವರಿಬ್ಬರ ನಡುವಿನ ಬಾಂಡಿಂಗ್ ಎಲ್ಲರ ಗಮನ ಸೆಳೆದಿತ್ತು. “ಕಾವು-ಗಿಲ್ಲಿ” ಎಂಬ ಹೆಸರೇ ಮನೆಯಲ್ಲೂ, ಸೋಷಿಯಲ್ ಮೀಡಿಯಾದಲ್ಲೂ ಟ್ರೆಂಡ್ ಆಗಿತ್ತು. ಆದರೆ ಇದೀಗ ಬಂದಿರುವ ಒಂದು ಪ್ರೋಮೋ ಎಲ್ಲರನ್ನೂ ಶಾಕ್ ನೀಡಿದೆ. ಕಾವ್ಯ ತನ್ನ “ಬೆಸ್ಟ್ ಫ್ರೆಂಡ್” ಗಿಲ್ಲಿಗೆ ದೂರವಾಗುತ್ತಿರುವಂತೆ ಕಾಣುತ್ತಿದ್ದಾರಾ? ಎಂಬ ಕುತೂಹಲ ಮೂಡಿದೆ.
ಪ್ರೋಮೋದಲ್ಲಿ ಕಾವ್ಯ ಉಗ್ರಂ ಮಂಜು ಅವರ ಜೊತೆಗೆ ವಾಕ್ ಮಾಡುತ್ತಾ ಮಾತನಾಡುತ್ತಾರೆ. “ನನಗೆ ಫ್ರೆಂಡ್ಶಿಪ್ಗಿಂತ ಪರ್ಫಾಮೆನ್ಸ್ ಮುಖ್ಯ. ಇವರೆಲ್ಲ (ಅಭಿ, ಧನುಷ್) ಫ್ರೆಂಡ್ಶಿಪ್ ನೋಡಿ ನಡೆದುಕೊಂಡ್ರೆ ಬಾತ್ರೂಮ್, ಕಿಚನ್ ಟಾಸ್ಕ್ ಕೂಡ ಕೊಡ್ತಾ ಇರಲಿಲ್ಲ. ನಾನು ಕೂಡ ಇನ್ನು ಮುಂದೆ ಪ್ರಾಕ್ಟಿಕಲ್ ಆಗಿ ಆಡ್ತೀನಿ” ಎಂದು ಕಾವ್ಯ ನೇರವಾಗಿ ಹೇಳಿಬಿಡುತ್ತಾರೆ. ಇದನ್ನು ಕೇಳಿದ ಉಗ್ರಂ ಮಂಜು “ಹಾಗಾದ್ರೆ ನೀನೊಬ್ಬಳೇ ಕಪ್ ಗೆಲ್ಲೇ ಬೇಕು ಅಂತ ಡಿಸೈಡ್ ಮಾಡಿದ್ದೀಯಾ?” ಎಂದು ಕೇಳಿದಾಗ, ಕಾವ್ಯ ಇನ್ನೂ ದೊಡ್ಡ ಬಾಂಬ್ ಸಿಡಿಸುತ್ತಾರೆ. “ನನಗೆ ಕಪ್ಗಿಂತ ನನ್ನ ಪರ್ಸನಾಲಿಟಿ ಮತ್ತು ವಿಲ್ ಪವರ್ ಮುಖ್ಯ. ಯಾವ ಕಾರಣಕ್ಕೂ ಬಿಟ್ಟುಕೊಡಲ್ಲ.” ಎಂದಿದ್ದಾರೆ.
ಈ ಸಂಭಾಷಣೆ ನಡೆಯುತ್ತಿರುವಾಗಲೇ ಗಿಲ್ಲಿ ಹೊರಗಿನಿಂದ “ಕಾವು… ಕಾವು…” ಅಂತ ಕರೆಯುತ್ತಾರೆ. ಆದರೆ ಕಾವ್ಯ ತಿರುಗಿ ನೋಡುವುದೇ ಇಲ್ಲ. ಪ್ರೋಮೋದಲ್ಲಿ ಗಿಲ್ಲಿ ಒಂಟಿಯಾಗಿ ನಿಂತಿರುವ ಶಾಟ್ ತೋರಿಸಿ ವೀಕ್ಷಕರ ಹೃದಯ ಒಡೆಯುವಂತೆ ಮಾಡಲಾಗಿದೆ. ಇದನ್ನು ನೋಡಿದ ನೆಟ್ಟಿಗರು ತಕ್ಷಣ ಎರಡು ತಂಡವಾಗಿ ವಿಭಜನೆಯಾದರು. ಒಂದು ತಂಡ “ಕಾವ್ಯ ಅಭಿ-ಧನುಷ್ಗೆ ಟಾಂಗ್ ಕೊಡ್ತಾ ಇದ್ದಾಳೆ. ಗಿಲ್ಲಿಗೆ ಏನೂ ಆಗಲ್ಲ” ಅಂತ ವಾದಿಸುತ್ತಿದ್ದರೆ, ಮತ್ತೊಂದು ತಂಡ “ಇದು ಗಿಲ್ಲಿ-ಕಾವ್ಯ ಫ್ರೆಂಡ್ಶಿಪ್ಗೆ ಫುಲ್ ಸ್ಟಾಪ್” ಎಂದು ಭಾವುಕವಾಗಿ ಕಾಮೆಂಟ್ ಮಾಡುತ್ತಿದೆ.
ನಿಜವಾಗ್ಲೂ ಕಾವ್ಯ-ಗಿಲ್ಲಿ ಬಾಂಡ್ ಈಗಷ್ಟೇ ಬ್ರೇಕ್ ಆಗುತ್ತಿದೆಯಾ? ಸೀಸನ್ ಆರಂಭದಿಂದಲೂ ಗಿಲ್ಲಿ ಕಾವ್ಯಗೆ ತುಂಬಾ ಪ್ರೊಟೆಕ್ಟಿವ್ ಆಗಿದ್ದರು. ಕಾವ್ಯ ಬೇರೆ ಯಾರ ಜೊತೆಗಾದರೂ ಹೆಚ್ಚು ಮಾತನಾಡಿದರೆ ಗಿಲ್ಲಿ ಮುನಿಸು, ಒಂಟಿಯಾಗಿ ಕುಳಿತುಕೊಳ್ಳುತ್ತಿದ್ದ ದೃಶ್ಯಗಳು ಬಹಳ ಬಾರಿ ಕ್ಯಾಮೆರಾದಲ್ಲಿ ಸೆರೆಯಾಗಿವೆ. ಆದರೆ ಕಾವ್ಯ ಯಾವಾಗಲೂ “ಇದು ಕೇವಲ ಫ್ರೆಂಡ್ಶಿಪ್, ಆಟಕ್ಕೆ ಗೇಮ್ ಬೇರೆ” ಎಂದು ಹೇಳಿದ್ದರು. ಈಗ ಆ ಮಾತುಗಳೇ ಎದ್ದು ಕಾಣುತ್ತಿವೆ.
ಈ ಪ್ರೋಮೋದ ನಂತರ #SaveKavyaGilliFriendship, #KavyaPracticalPlayer ಎಂಬ ಹ್ಯಾಶ್ಟ್ಯಾಗ್ಗಳು ಟ್ವಿಟರ್ನಲ್ಲಿ ಟ್ರೆಂಡ್ ಆಗುತ್ತಿವೆ. ಕೆಲವರು “ಗಿಲ್ಲಿ ಇನ್ನೂ ಇಮೋಷನಲ್ ಆಗಿ ಆಡ್ತಿದ್ದಾರೆ, ಕಾವ್ಯ ಸ್ಮಾರ್ಟ್ ಆಗಿ ಮುಂದೆ ಹೋಗ್ತಿದ್ದಾಳೆ” ಎಂದು ಪ್ರಶಂಸಿಸುತ್ತಿದ್ದಾರೆ. ಇನ್ನು ಕೆಲವರು “ಕಾವ್ಯ ಗಿಲ್ಲಿಯನ್ನ ಬಳಸಿಕೊಂಡು ಈಗ ಬಿಟ್ಟುಬಿಟ್ಟಿದ್ದಾಳೆ” ಎಂದು ಆರೋಪಿಸುತ್ತಿದ್ದಾರೆ. ಇನ್ನು ಮುಂದೆ ಕಾವ್ಯ ಸೀರಿಯಸ್ ಗೇಮರ್ ಆಗಿ ಮಾರ್ಪಟ್ಟರೆ, ಗಿಲ್ಲಿ ಒಂಟಿಯಾಗಿ ಹೋರಾಡಬೇಕಾಗುತ್ತದೆ.
