ಇತ್ತೀಚೆಗೆ ಧಾರ್ಮಿಕ ವಿಧಿ ವಿಧಾನಗಳ ಕುರಿತ ವಿಷಯಗಳಿರೋ ಸಿನಿಮಾಗಳಿಗೆ ಡಿಮ್ಯಾಂಡ್ ಹೆಚ್ಚಿದೆ. ಕಾಂತಾರ ಬೆನ್ನಲ್ಲೇ ಮತ್ತೊಂದು ಅಂಥದ್ದೇ ಕಂಟೆಂಟ್ ಇರೋ ಸಿನಿಮಾ ಬರ್ತಿದೆ. ಕೋಮಲ್ ನಟನೆಯ ಕೋಣ ಸಿನಿಮಾ ಅದಾಗಿದ್ದು, ಟೀಸರ್ ಜೊತೆ ಟ್ರೈಲರ್ ಕೂಡ ನೋಡುಗರಿಗೆ ವ್ಹಾವ್ ಫೀಲ್ ಕೊಡ್ತಿದೆ.
ನವರಸ ನಾಯಕ ಜಗ್ಗೇಶ್ ಸಹೋದರ ಕೋಮಲ್ ಇತ್ತೀಚೆಗೆ ಸಿನಿಮಾಗಳ ಸಂಖ್ಯೆಗಿಂತ, ಅವುಗಳಲ್ಲಿರೋ ಗಟ್ಟಿ ಕಥೆಗೆ ಜಾಸ್ತಿ ಒತ್ತು ಕೊಡ್ತಿದ್ದಾರೆ. ಅದೇ ಕಾರಣದಿಂದ ಕಥೆಗಳ ಆಯ್ಕೆಯಲ್ಲಿ ಸಿಕ್ಕಾಪಟ್ಟೆ ಚೂಸಿ ಆಗಿದ್ದಾರೆ. ಸದ್ಯ ಕೋಣ ಅನ್ನೋ ಚಿತ್ರ ಮಾಡ್ತಿರೋ ಕೋಮಲ್, ಟೀಸರ್‌ನಿಂದ ಭರವಸೆ ಮೂಡಿಸಿದ್ರು. ಇದೀಗ ಟ್ರೈಲರ್‌ನಿಂದ ಒಂದೊಳ್ಳೆ ಸಿನಿಮಾ ಮೂಲಕ ಥಿಯೇಟರ್‌ಗೆ ಬರುವ ಲಕ್ಷಣ ತೋರಿದ್ದಾರೆ.
ಕಾಂತಾರ ಬೆನ್ನಲ್ಲೇ ಕೋಮಲ್ ‘ಕೋಣ’ ಚಿತ್ರ ಸದ್ದು
ಟೀಸರ್ ಅಷ್ಟೇ ಅಲ್ಲ ಟ್ರೈಲರ್ ಕೂಡ ಹುಬ್ಬೇರಿಸುತ್ತಿದೆ
ಇದು ಕೋಣ ಚಿತ್ರದ ಟ್ರೈಲರ್ ಝಲಕ್. ಹಾರರ್ ಥ್ರಿಲ್ಲರ್ ಜಾನರ್‌ನ ಈ ಸಿನಿಮಾದಲ್ಲಿ ಪಂಜುಗಳ ಮೆರವಣಿಗೆ ಜೋರಿದೆ. ಒಂದಷ್ಟು ಆಚಾರಗಳಿಗೂ ದೃಶ್ಯರೂಪ ಕೊಟ್ಟಂತಿದೆ. ಬಹುತೇಕ ನೈಟ್ ಎಫೆಕ್ಟ್‌‌ನಲ್ಲಿ ಚಿತ್ರಿಸಿರೋ ಈ ಸಿನಿಮಾ, ನಮ್ಮ ನೆಲದ ಮಣ್ಣಿನ ಮತ್ತಷ್ಟು ವೈಚಾರಿಕ ಅಂಶಗಳಿಗೆ ಕೈಗನ್ನಡಿ ಆದಂತಿದೆ. ಹಾಗಾಗಿಯೇ ಟೀಸರ್ ಹಾಗೂ ಟ್ರೈಲರ್ ದೃಶ್ಯಗಳು ಸಿಕ್ಕಾಪಟ್ಟೆ ಥ್ರಿಲ್ ನೀಡ್ತಿವೆ.
ಕೋಮಲ್ ಜೊತೆ ತನಿಷಾ ಕುಪ್ಪಂಡ ಕೂಡ ಮುಖ್ಯಭೂಮಿಕೆಯಲ್ಲಿದ್ದು, ಆಕೆಯೇ ತನ್ನ ಹೋಮ್ ಬ್ಯಾನರ್‌‌ನಡಿ ಈ ಕೋಣ ಚಿತ್ರವನ್ನು ನಿರ್ಮಾಣ ಮಾಡ್ತಿರೋದು ವಿಶೇಷ. ವಿಜಯ್ ಚೆಂಡೂರು, ಎಂ ಕೆ ಮಠ, ತುಕಾಲಿ ಸಂತೋಷ್, ಜಗಪ್ಪ, ಮಂಜು ಪಾವಗಡ ಸೇರಿದಂತೆ ಬಹುದೊಡ್ಡ ತಾರಾಗಣ ಇರೋ ಈ ಸಿನಿಮಾ ಗೆಲ್ಲುವ ಭರವಸೆ ಮೂಡಿಸಿದೆ. ಅದ್ರಲ್ಲೂ ಕೋಮಲ್ ಲುಂಗಿ ಡ್ಯಾನ್ಸ್ ಇಂಪ್ರೆಸ್ಸೀವ್ ಆಗಿದೆ.
ಹರಿಕೃಷ್ಣ ಎಸ್ ನಿರ್ದೇಶನದ ಕೋಣ ಸಿನಿಮಾ, ಕಾಂತಾರ ಬಳಿಕ ಅಂಥದ್ದೇ ಶೈಲಿಯಲ್ಲಿ ತಯಾರಾಗಿದ್ದು, ಟೆಕ್ನಿಕಲಿ ಭೇಷ್ ಎನ್ನುವಂತಿದೆ. ಕಥೆಯಲ್ಲಿ ಧಮ್ ಇದ್ದು, ಪಾತ್ರಗಳಲ್ಲಿ ಜೀವಂತಿಕೆ ಇದ್ರೆ ಈ ಸಿನಿಮಾ ಕಂಡಿತಾ ಬಿಗ್ ಹಿಟ್ ಆಗೋದ್ರಲ್ಲಿ ಡೌಟೇ ಇಲ್ಲ.
