ನವದೆಹಲಿ: ಕೇಂದ್ರದ ಮೋದಿ ಸರ್ಕಾರವು ಜೀವರಕ್ಷಕ ಮತ್ತು ಅಗತ್ಯ ಔಷಧಗಳ ಬೆಲೆಯನ್ನು ಮರುನಿಗದಿ ಮಾಡಿ, ರೋಗಿಗಳಿಗೆ ಕೈಗೆಟುಕುವ ಚಿಕಿತ್ಸೆಯನ್ನು ಒದಗಿಸುವತ್ತ ಮಹತ್ವದ ಕ್ರಮ ಕೈಗೊಂಡಿದೆ. ರಾಷ್ಟ್ರೀಯ ಔಷಧೀಯ ಬೆಲೆ ಪ್ರಾಧಿಕಾರ (ಎನ್ಪಿಪಿಎ) ಮಧುಮೇಹ, ಕ್ಯಾನ್ಸರ್ ಮತ್ತು ಇತರ ಗಂಭೀರ ಕಾಯಿಲೆಗಳಿಗೆ ಸಂಬಂಧಿಸಿದ 71 ಔಷಧಗಳ ಬೆಲೆಯನ್ನು ನಿಗದಿಪಡಿಸಿದೆ. ಔಷಧ ಬೆಲೆ ನಿಯಂತ್ರಣ ಆದೇಶ 2003ರ ಅಡಿಯಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ. ಈ ನಿರ್ಧಾರದಿಂದ ಔಷಧ ಉತ್ಪಾದಕರು ಗುಣಮಟ್ಟದ ಔಷಧಗಳನ್ನು ಕಡಿಮೆ ಬೆಲೆಯಲ್ಲಿ ತಯಾರಿಸಬೇಕಾಗಿದೆ, ಇದರಿಂದ ಸಾಮಾನ್ಯ ಜನರಿಗೆ ಆರೋಗ್ಯ ಸೇವೆಗಳು ದೊರೆಯಲಿದೆ.
71 ಔಷಧಗಳ ಪೈಕಿ ಮಧುಮೇಹ ಸಂಬಂಧಿತ ಔಷಧ “‘ಎಂಪಾಗ್ಲಿಫ್ಲೋಝಿನ್’” ಎಂಬ ಔಷಧವು ಈ ವರ್ಷದ ಆರಂಭದಲ್ಲಿ ಪೇಟೆಂಟ್ನಿಂದ ಹೊರಬಂದಿದ್ದು, ಇದರ ಬೆಲೆಯನ್ನು ಪ್ರತಿ ಮಾತ್ರೆಗೆ 14 ರಿಂದ 31 ರೂಪಾಯಿಗಳ ನಡುವೆ ನಿಗದಿಪಡಿಸಲಾಗಿದೆ. ಇದರ ಜೊತೆಗೆ ಕೆಲವು ಹಳೆಯ ಮಧುಮೇಹ ಔಷಧಗಳ ಬೆಲೆಯನ್ನೂ ಮರುನಿರ್ಧರಿಸಲಾಗಿದೆ. ಈ ಕ್ರಮವು ಮಧುಮೇಹ ರೋಗಿಗಳಿಗೆ ಆರ್ಥಿಕವಾಗಿ ಕೈಗೆಟುಕುವ ಚಿಕಿತ್ಸೆಯನ್ನು ಒದಗಿಸುವ ಗುರಿಯನ್ನು ಹೊಂದಿದೆ.
ಪ್ಯಾರಸಿಟಮಾಲ್ ಮತ್ತು ಇತರ ಔಷಧಗಳ ಬೆಲೆ:
ಪ್ಯಾರಸಿಟಮಾಲ್ನ ವಿವಿಧ ಫಾರ್ಮುಲೇಷನ್ಗಳಿಗೆ ಕೂಡ ಹೊಸ ಬೆಲೆ ನಿಗದಿಯಾಗಿದೆ. ಉದಾಹರಣೆಗೆ, ಪ್ಯಾರಸಿಟಮಾಲ್ ಸಸ್ಪೆಂಷನ್ನ ಬೆಲೆಯನ್ನು ಪ್ರತಿ ಮಿಲಿಲೀಟರ್ಗೆ 0.66 ರೂಪಾಯಿಗೆ ಇರಿಸಲಾಗಿದೆ. ಅಂತೆಯೇ, ಮುಟ್ಟಿನ ನೋವಿಗೆ ಬಳಸುವ ಮೆಫೆನಾಮಿಕ್ ಆಮ್ಲದ ಸಸ್ಪೆಂಷನ್ ಔಷಧದ ಬೆಲೆಯನ್ನು ಪ್ರತಿ ಮಿಲಿಲೀಟರ್ಗೆ 0.94 ರೂಪಾಯಿಗೆ ನಿಗದಿಪಡಿಸಲಾಗಿದೆ. ಈ ಔಷಧಗಳು ಸಾಮಾನ್ಯವಾಗಿ ಬಳಕೆಯಾಗುವ ಔಷಧಗಳಾಗಿದ್ದು, ಇವುಗಳ ಬೆಲೆ ಕಡಿತವು ರೋಗಿಗಳಿಗೆ ದೊಡ್ಡ ರಿಲೀಫ್ ನೀಡಲಿದೆ.
ಕ್ಯಾನ್ಸರ್ ನಿಗ್ರಹಕ್ಕೆ ಬಳಸುವ ಟ್ರಾಸ್ಟುಜುಮಾಬ್ ಔಷಧದ ಬೆಲೆಯನ್ನು ರಿಲಯನ್ಸ್ ಲೈಫ್ ಸೈನ್ಸಸ್ಗೆ ಪ್ರತಿ ಬಾಟಲಿಗೆ 11.966 ರೂಪಾಯಿಗೆ ನಿಗದಿಪಡಿಸಲಾಗಿದೆ. ಈ ಔಷಧವು ರಾಷ್ಟ್ರೀಯ ಅಗತ್ಯ ಔಷಧಗಳ ಪಟ್ಟಿಯ ಭಾಗವಾಗಿದ್ದು, ಬೆಲೆ ನಿಯಂತ್ರಣಕ್ಕೆ ಒಳಪಟ್ಟಿದೆ. ಈ ಕ್ರಮವು ಕ್ಯಾನ್ಸರ್ ರೋಗಿಗಳಿಗೆ ಚಿಕಿತ್ಸೆಯನ್ನು ಕೈಗೆಟುಕುವಂತೆ ಮಾಡುವ ಗುರಿಯನ್ನು ಹೊಂದಿದೆ.
ಬ್ಯಾನ್ ಆದ ಔಷಧಗಳ ಪಟ್ಟಿ
ಆರೋಗ್ಯ ಇಲಾಖೆಯ ಇತ್ತೀಚಿನ ಆದೇಶದ ಪ್ರಕಾರ, ಕೆಲವು ಔಷಧಗಳ ಬಳಕೆಯನ್ನು ನಿಷೇಧಿಸಲಾಗಿದೆ. ಈ ಔಷಧಗಳನ್ನು ಯಾವುದೇ ಕಾರಣಕ್ಕೂ ವೈದ್ಯಕೀಯ ಸ್ಥಳಗಳು, ಆಸ್ಪತ್ರೆಗಳು, ಅಥವಾ ಮೆಡಿಕಲ್ ಶಾಪ್ಗಳಲ್ಲಿ ಮಾರಾಟ ಮಾಡುವಂತಿಲ್ಲ. ನಿಷೇಧಿತ ಔಷಧಗಳ ಪಟ್ಟಿಯಲ್ಲಿ ಕೆಲವು ಉದಾಹರಣೆಗಳೆಂದರೆ.
-
ಕಾಂಪೌಂಡ್ ಸೋಡಿಯಂ ಲ್ಯಾಕ್ಷೆಟ್ ಇನ್ಜೆಕ್ಷನ್ ಐಪಿ – ಮೆ. ಅಲ್ಮಾ ಲ್ಯಾಬೋರೇಟರಿಸ್ ಪ್ರೈ. ಲಿಮಿಟೆಡ್.
-
ಸೋಡಿಯಂ ಕ್ಲೋರೈಡ್ ಇನ್ಜೆಕ್ಷನ್ ಐಪಿ 0.9% – ಮೆ. ಪುನಿಷ್ಕ ಇನ್ಜೆಕ್ಟಬಲ್ ಪ್ರೈ. ಲಿಮಿಟೆಡ್.
-
ಮಿಟು ಕ್ಯೂ೭ ಸಿರಪ್ – ಮೆ. ಬಯೋನ್ ಥೆರಾಪ್ಯಾಟಿಕ್ಸ್ ಇಂಡಿಯಾ ಪ್ರೈ. ಲಿಮಿಟೆಡ್.
-
ಪಿರಾಸಿಡ್-ಓ ಸಸ್ಪೆಂಷನ್ – ಮೆ. ರೆಡ್ನಕ್ಸ್ ಫಾರ್ಮಾಸೂಟಿಕಲ್ಸ್ ಪ್ರೈ. ಲಿಮಿಟೆಡ್.
-
ಗ್ಲಿಮಿಜ್-೨ (ಗ್ಲಿಮಿಫೆರೈಡ್ ಟ್ಯಾಬ್ಲೆಟ್ಸ್) – ಮೆ. ಕೆಎನ್ಎಂ ಫಾರ್ಮಾ ಪ್ರೈ. ಲಿಮಿಟೆಡ್.
ಈ ಬೆಲೆ ನಿಯಂತ್ರಣ ಕ್ರಮವು ಗಂಭೀರ ಕಾಯಿಲೆಗಳಿಗೆ ಚಿಕಿತ್ಸೆ ಪಡೆಯುವ ರೋಗಿಗಳಿಗೆ ಆರ್ಥಿಕ ಒತ್ತಡವನ್ನು ಕಡಿಮೆ ಮಾಡಲಿದೆ. ಔಷಧ ಉತ್ಪಾದಕರಿಗೆ ಗುಣಮಟ್ಟದ ಔಷಧಗಳನ್ನು ಕಡಿಮೆ ಬೆಲೆಯಲ್ಲಿ ತಯಾರಿಸುವ ಜವಾಬ್ದಾರಿಯನ್ನು ನೀಡಲಾಗಿದೆ. ಇದರಿಂದ ಸಾಮಾನ್ಯ ಜನರಿಗೆ ಗುಣಮಟ್ಟದ ಆರೋಗ್ಯ ಸೇವೆಗಳು ದೊರೆಯಲಿವೆ.
