ಸ್ಟಾರ್ಡಮ್ ಹೆಚ್ಚಾಯ್ತು ಅಂದ್ರೆ ಸಂಭಾವನೆ ಕೂಡ ಹೆಚ್ಚಾಗ್ಲೇಬೇಕಲ್ವಾ..? ಯೆಸ್.. ಇವತ್ತು ನಾವು ಹೇಳೋಕೆ ಹೊರಟಿರೋದು ಕನ್ನಡದ ಡಿವೈನ್ ಸ್ಟಾರ್ ರಿಷಬ್ ಶೆಟ್ಟಿ ತಮ್ಮ ಸಂಭಾವನೆಯನ್ನು ಶೇ. 2400ರಷ್ಟು ಹೆಚ್ಚಿಸಿಕೊಂಡಿದ್ದಾರೆ. ಕಾಂತಾರಗೆ ನಾಲ್ಕು ಕೋಟಿ ಸಂಭಾವನೆ ಪಡೆದಿದ್ದ ರಿಷಬ್, ಈಗ ಕಾಂತಾರ ಪ್ರಿಕ್ವೆಲ್ ಗಾಗಿ ಊಹಿಸೋಕೂ ಸಾಧ್ಯವಿಲ್ಲ.. ಆ ರೇಂಜ್ ಗೆ ಸಂಭಾವನೆ ಪಡೆಯೋದ್ರಲ್ಲಿ ಮುಂಚೂಣಿಯಲಿದ್ದಾರೆ. ಹಾಗಾದ್ರೆ ಎಷ್ಟು ಕೋಟಿ ವ್ಯತ್ಯಾಸದಲ್ಲಿ ರಿಷಬ್ ಸಂಭಾವನೆ ಹೆಚ್ಚಾಗಿದೆ ಅನ್ನೋದ್ರ ಸ್ಟೋರಿ ಇಲ್ಲಿದೆ ನೋಡಿ.
- ಕಾಂತಾರ-1ಗೆ 2400% ಸಂಭಾವನೆ ಹೆಚ್ಚಿಸಿಕೊಂಡ್ರಾ ರಿಷಬ್ ?
- ವಿಶ್ವ ಸಿನಿದುನಿಯಾ ಕಣ್ಣು ಕಾಂತಾರ ಮೇಲೆ ಬೀಳಿಸಿದ್ದ ಮಾಂತ್ರಿಕ
- ಕಾಂತಾರಗೆ 4Cr.. ಕಾಂತಾರ-1ಗೆ 100Cr ರೆಮ್ಯುನರೇಷನ್..!
- ದೈವಿಕ ಅಂಶಗಳಿಂದ ಪ್ರೇಕ್ಷಕರನ್ನ ಮಂತ್ರಮುಗ್ಧರಾಗಿಸೋ ಚಿತ್ರ
ಕಾಂತಾರ.. ಕನ್ನಡ ಚಿತ್ರರಂಗದ ಮಾಸ್ಟರ್ಪೀಸ್ ಸಿನಿಮಾಗಳಲ್ಲಿ ಒಂದು. ಕೆಜಿಎಫ್ ಸಿನಿಮಾದಿಂದ ಪರಭಾಷಿಗರಿಗೆ ಟಫ್ ಕಾಂಪಿಟೇಷನ್ ನೀಡಿದಂತಹ ಹೊಂಬಾಳೆ ಫಿಲಂಸ್ ನಿರ್ಮಾಣ ಸಂಸ್ಥೆಯ ಮತ್ತೊಂದು ಬ್ಲಾಕ್ ಬಸ್ಟರ್ ಹಿಟ್. 16 ಕೋಟಿಯಲ್ಲಿ ತಯಾರಾದ ಈ ಚಿತ್ರ 450ಕ್ಕೂ ಅಧಿಕ ಕೋಟಿ ಲೂಟಿ ಮಾಡಿತ್ತು. ಅಷ್ಟೇ ಅಲ್ಲ, ಕನ್ನಡ ಚಿತ್ರರಂಗದ ತಂತ್ರಜ್ಞರು ಹಾಗೂ ಕಲಾವಿದರ ಬಗ್ಗೆ ಒಂದೊಳ್ಳೆ ಅಭಿಪ್ರಾಯ ಮೂಡಿಸುವಲ್ಲಿ ಕಾಂತಾರ ಭೇಷ್ ಅನಿಸಿಕೊಂಡಿತ್ತು.
ಇದೀಗ ಕಾಂತಾರ ಚಿತ್ರದ ಪ್ರೀಕ್ವೆಲ್ಗೆ ಕೈ ಹಾಕಿರೋ ಡಿವೈನ್ ಸ್ಟಾರ್ ರಿಷಬ್ ಶೆಟ್ಟಿ, ಅದಕ್ಕಾಗಿ ಸುಮಾರು 21 ಎಕರೆಯಲ್ಲಿ ಬೃಹತ್ ಸೆಟ್ಗಳನ್ನ ನಿರ್ಮಿಸಿ, ಕಾಂತಾರ-1 ಚಿತ್ರಿಸಿದ್ದಾರೆ. ಈ ಬಾರಿ ಬೆಳಕಲ್ಲ ಅದು ದರ್ಶನ ಅಂತಿರೋ ಶೆಟ್ರು, ಮತ್ತಷ್ಟು ಮಗದಷ್ಟು ದೈವಿಕ ಅಂಶಗಳಿಂದ ನೋಡುಗರನ್ನ ಸೆಳೆಯಲಿದ್ದಾರಂತೆ. ಸುಮಾರು 3500 ರಿಂದ 4 ಸಾವಿರ ಜೂನಿಯರ್ ಆರ್ಟಿಸ್ಟ್ಗಳನ್ನ ಇಟ್ಟಿಕೊಂಡು ಕಟ್ಟಿರೋ ಕಾಂತಾರ-1 ಜಸ್ಟ್ ಟೀಸರ್ ಹಾಗೂ ಮೇಕಿಂಗ್ನಿಂದ ಸಿಕ್ಕಾಪಟ್ಟೆ ಹೈಪ್ ಕ್ರಿಯೇಟ್ ಮಾಡಿದೆ.
ಕಾಂತಾರ-1 ಇದೇ ಅಕ್ಟೋಬರ್ 2ರಂದು ಗಾಂಧಿಜಯಂತಿ ವಿಶೇಷ ವರ್ಲ್ಡ್ ವೈಡ್ ಗ್ರ್ಯಾಂಡ್ ಆಗಿ ರಿಲೀಸ್ ಆಗ್ತಿದೆ. ಇಂಟರೆಸ್ಟಿಂಗ್ ಅಂದ್ರೆ ಬಾಹುಬಲಿ ಸಿನಿಮಾಗಾಗಿ ರಾಜಮೌಳಿ, ಕೆಜಿಎಫ್ಗಾಗಿ ಪ್ರಶಾಂತ್ ನೀಲ್ ಸಮಯ, ಶ್ರಮವನ್ನು ಮೀಸಲಿಟ್ಟಂತೆ ರಿಷಬ್ ಶೆಟ್ಟಿ ಕೂಡ ಕಾಂತಾರಗಾಗಿ ತನು, ಮನ ಅರ್ಪಿಸಿದ್ದಾರೆ. ಹಗಲಿರುಳು ಸಿನಿಮಾವನ್ನೇ ಉಸಿರಾಡ್ತಾ ಜೀವಿಸ್ತಿದ್ದಾರೆ. ಈ ಸಿನಿಮಾಗಾಗಿ ವರ್ಷಾನುಗಟ್ಟಲೆ ಸಮಯ ಮೀಸಲಿಟ್ಟಿರೋ ಶೆಟ್ರು, ನಟನೆ ಹಾಗೂ ನಿರ್ದೇಶನ ಎರಡನ್ನೂ ನಿಭಾಯಿಸ್ತಿರೋದು ವಿಶೇಷ.
ಹಾಗಾಗಿಯೇ ರಿಷಬ್ ಶೆಟ್ಟಿ ತಮ್ಮ ರೆಮ್ಯುನರೇಷನ್ನ ಹೆಚ್ಚಿಸಿಕೊಂಡಿದ್ದಾರೆ. ಹೌದು.. ಇಷ್ಟೆಲ್ಲಾ ಎಫರ್ಟ್ ಹಾಕಿ ಸಿನಿಮಾ ಮಾಡೋ ಶೆಟ್ರು ಸಂಭಾವನೆ ಜಾಸ್ತಿ ಮಾಡಿಕೊಳ್ಳೋದ್ರಲ್ಲಿ ತಪ್ಪೇನಿಲ್ಲ ಅಂತ ನಾವು ಅಂದ್ಕೋಬಹುದು. ಆದ್ರೆ ಶೆಟ್ರ ಸಂಭಾವನೆ ಜಾಸ್ತಿ ಆಗಿರೋ ಶೇಕಡಾವಾರು ಕೇಳಿದ್ರೆ ಅಕ್ಷರಶಃ ಬೆಚ್ಚಿ ಬೀಳ್ತೀರಾ. ಯೆಸ್.. ಕಾಂತಾರ ಚಿತ್ರದಿಂದ ಕಾಂತಾರ-1ಗೆ ಸುಮಾರು 2400 ಪರ್ಸೆಂಟ್ ರೆಮ್ಯೂನರೇಷನ್ ಏರಿಸಿಕೊಂಡಿದ್ದಾರೆ. ಕಾಂತಾರ ಚಿತ್ರಕ್ಕೆ ಜಸ್ಟ್ 4 ಕೋಟಿ ಪಡೆದಿದ್ದ ಶೆಟ್ರು ಈ ಬಾರಿ 100 ಕೋಟಿ ಪಡೆಯುತ್ತಿದ್ದಾರಂತೆ.
ಅಫ್ಕೋರ್ಸ್.. ಸ್ಟಾರ್ಡಮ್ ಜಾಸ್ತಿ ಆದಂತೆ ರೆಮ್ಯುನರೇಷನ್ ಕೂಡ ಹೆಚ್ಚಿಸಿಕೊಳ್ಳೋದ್ರಲ್ಲಿ ತಪ್ಪೇನಿಲ್ಲ. ಅಲ್ವಾ..? ಇಡೀ ವಿಶ್ವವೇ ತಿರುಗಿ ನೋಡುವಂತಹ ಚಿತ್ರಗಳನ್ನ ಕೊಡುವ ಮಾಂತ್ರಿಕನಾಗಿ ಬೆಳೆದಿರೋ ರಿಷಬ್ಗೆ ಪರಭಾಷೆಗಳಲ್ಲೂ ಡಿಮ್ಯಾಂಡ್ ಇದೆ. ಟಾಲಿವುಡ್ನಿಂದ ಬಾಲಿವುಡ್ವರೆಗೆ ಇವ್ರನ್ನ ಇಟ್ಕೊಂಡು ಸಿನಿಮಾಗಳನ್ನ ಮಾಡೋಕೆ ನಿರ್ಮಾಣ ಸಂಸ್ಥೆಗಳು ಹಾಗು ಡೈರೆಕ್ಟರ್ಗಳು ಕ್ಯೂ ನಿಂತಿದ್ದಾರೆ. ಬಹುಶಃ ಕಾಂತಾರ-1 ಹಿಟ್ ಆದ್ರೆ ಅವ್ರ ಸಂಭಾವನೆ ಮತ್ತೊಮ್ಮೆ ಮುಗಿಲು ಮುಟ್ಟುವುದರಲ್ಲಿ ಯಾವುದೇ ಡೌಟ್ ಇಲ್ಲ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
