ಚೆನ್ನೈ: ತಮಿಳುನಾಡಿನ ರಾಜಕೀಯ ಮತ್ತು ಚಿತ್ರರಂಗದ ದಿಗ್ಗಜ ಕಮಲ್ ಹಾಸನ್ ಅವರು ಕನ್ನಡ ವಿವಾದದ ಬಳಿಕ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ. ಆದರೆ, ಇತ್ತೀಚೆಗೆ ಚೆನ್ನೈನಲ್ಲಿ ನಡೆದ ಮಕ್ಕಳ್‌ ನೀದಿ ಮಯ್ಯಂ (ಎಂಎನ್‌ಎಂ) ಪಕ್ಷದ ಸಾರ್ವಜನಿಕ ಸಭೆಯೊಂದರಲ್ಲಿ ಅವರೊಬ್ಬ ಅಭಿಮಾನಿಯ ಉಡುಗೊರೆಗೆ ತೋರಿದ ಪ್ರತಿಕ್ರಿಯೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.
ತಮಿಳುನಾಡಿನಿಂದ ರಾಜ್ಯಸಭೆಗೆ ಕಮಲ್ ಹಾಸನ್ ಇತ್ತೀಚೆಗೆ ಅವಿರೋಧವಾಗಿ ಆಯ್ಕೆಯಾದ ನಂತರ, ಚೆನ್ನೈನಲ್ಲಿ ಎಂಎನ್‌ಎಂ ಪಕ್ಷವು ಒಂದು ದೊಡ್ಡ ಸಾರ್ವಜನಿಕ ಸಭೆಯನ್ನು ಆಯೋಜಿಸಿತ್ತು. ಈ ಕಾರ್ಯಕ್ರಮಕ್ಕೆ ಸಾವಿರಾರು ಜನ ಸೇರಿದ್ದರು. ಅಭಿಮಾನಿಗಳು ಕಮಲ್ ಜೊತೆ ಫೋಟೋ ತೆಗೆದುಕೊಳ್ಳಲು ಮತ್ತು ಕೈಕುಲುಕಲು ಮುಗಿಬಿಳುತ್ತಿದ್ದರು. ಆದರೆ, ಕಾರ್ಯಕ್ರಮದ ಮಧ್ಯೆ ಓರ್ವ ಕಾರ್ಯಕರ್ತ ವೇದಿಕೆಗೆ ಏರಿ, ಕಮಲ್ ಹಾಸನ್‌ಗೆ ದೊಡ್ಡ ಕತ್ತಿಯೊಂದನ್ನು ಉಡುಗೊರೆಯಾಗಿ ನೀಡಿದರು. ಆರಂಭದಲ್ಲಿ ಕಮಲ್ ಈ ಉಡುಗೊರೆಯನ್ನು ನಗುತ್ತಾ ಸ್ವೀಕರಿಸಿದರು. ಆದರೆ, ಮತ್ತೊಬ್ಬ ಕಾರ್ಯಕರ್ತ ಆ ಕತ್ತಿಯನ್ನು ಕಮಲ್ ಅವರ ಕೈಗೆ ಇನ್ನಷ್ಟು ಸ್ಪಷ್ಟವಾಗಿ ಒತ್ತಾಯಿಸಿ, ಅವರಿಗೆ ಕತ್ತಿಯನ್ನು ಎತ್ತಿಹಿಡಿದು ಫೋಟೋಗೆ ಪೋಸ್‌ ನೀಡುವಂತೆ ಒತ್ತಾಯ ಮಾಡಿದಾಗ ಕಮಲ್ ಕೋಪಗೊಂಡಿದ್ದಾರೆ.
ಕಮಲ್ ಹಾಸನ್, ಕಾರ್ಯಕರ್ತನಿಗೆ ತೀಕ್ಷ್ಣವಾಗಿ ಎಚ್ಚರಿಕೆ ನೀಡಿದರು. “ಕತ್ತಿ ಕೆಳಗಿಡು!” ಎಂದು ಹೇಳಿದರು. ಈ ಸಂದರ್ಭದಲ್ಲಿ, ಅಲ್ಲಿದ್ದ ಭದ್ರತಾ ಸಿಬ್ಬಂದಿ ಮತ್ತು ಪೊಲೀಸ್‌ ಅಧಿಕಾರಿಯೊಬ್ಬರು ತಕ್ಷಣ ಮಧ್ಯಪ್ರವೇಶಿಸಿ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತಂದರು. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಕಮಲ್ ಅವರ ಈ ಕ್ರಿಯೆಗೆ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗಿವೆ.
ಈ ಘಟನೆಯ ಬಗ್ಗೆ ಕೆಲವರು ಕಮಲ್ ಹಾಸನ್‌ರ ಈ ನಡವಳಿಕೆಯನ್ನು ಶ್ಲಾಘಿಸಿದರೆ, ಇನ್ನೂ ಕೆಲವರು ಇದನ್ನು ಟೀಕಿಸಿದ್ದಾರೆ. ಒಬ್ಬ ನೆಟಿಜನ್‌ ತಮ್ಮ ಪೋಸ್ಟ್‌ನಲ್ಲಿ, “ಕಮಲ್ ಹಾಸನ್ ಕತ್ತಿಯ ಉಡುಗೊರೆಗೆ ಕೋಪಗೊಂಡಿದ್ದು ಸರಿಯೇ. ಅವರು ತಮ್ಮ ಪಕ್ಷದ ಕಾರ್ಯಕರ್ತರಿಗೆ ಸ್ಪಷ್ಟವಾಗಿ ಹೇಳಿದ್ದಾರೆ, ‘ನಾವು ಕತ್ತಿಯ ಬದಲಿಗೆ ಕೈಯಲ್ಲಿ ಪುಸ್ತಕ ಮತ್ತು ಪೆನ್ನು ಇಡಬೇಕು.’ ಇದು ರಾಜಕೀಯದಲ್ಲಿ ಒಂದು ಉತ್ತಮ ಸಂದೇಶ. ಕಮಲ್ ಇತರ ರಾಜಕಾರಣಿಗಳಂತೆ ಕತ್ತಿಯನ್ನು ಎತ್ತಿಹಿಡಿದು ಫೋಟೋ ತೆಗೆದಿರಬಹುದಿತ್ತು, ಆದರೆ ಅವರು ತಮ್ಮ ತತ್ವಕ್ಕೆ ಬದ್ಧರಾಗಿದ್ದಾರೆ,” ಎಂದು ಬರೆದಿದ್ದಾರೆ.
Kamal Haasan & his party cadres! One more Kejriwal types joh rajniti badalne aaya hai.😂😂 pic.twitter.com/sXJ3mQudlo
— BhikuMhatre (@MumbaichaDon) June 15, 2025
