ಸಾನ್ವಿ ಸುದೀಪ್.. ಭವಿಷ್ಯದ ಭರವಸೆಯ ಸೂಪರ್ ಸಿಂಗರ್. ಇತ್ತೀಚೆಗೆ ಈಕೆಯ ಕಂಠದಿಂದ ಹೊರಬರ್ತಿರೋ ಹಾಡುಗಳು ಸಖತ್ ಸಂಚಲನ ಮೂಡಿಸಿವೆ. ಟಾಲಿವುಡ್ ಅಂಗಳದಲ್ಲಿ ನ್ಯಾಚುರಲ್ ಸ್ಟಾರ್ ನಾನಿಯ ಹಿಟ್-3 ಸಿನಿಮಾದ ಮೂಲಕ ಚಿತ್ರರಂಗಕ್ಕೆ ಅಫಿಶಿಯಲಿ ಕಾಲಿಟ್ಟಿರೋ ಸಾನ್ವಿ, ಎಲ್ಲರ ಕೇಂದ್ರಬಿಂದು ಆಗಿದ್ದಾರೆ.
ಸಾನ್ವಿ.. ಆಲ್ ಇಂಡಿಯಾ ಕಟೌಟ್ ಕಿಚ್ಚ ಸುದೀಪ್ ಹಾಗೂ ಪ್ರಿಯಾ ಸುದೀಪ್ರ ಮುದ್ದಿನ ಮಗಳು. ಹೈದ್ರಾಬಾದ್ನಲ್ಲಿ ಸೆಟಲ್ ಆಗಿರೋ ಈಕೆ, ಇತ್ತೀಚೆಗೆ ಸಿಕ್ಕಾಪಟ್ಟೆ ಟಾಕ್ನಲ್ಲಿದ್ದಾರೆ. ಝೀ ವೇದಿಕೆಯಲ್ಲಿ ಸಾನ್ವಿ ಹಾಡಿದ ಪರಿ ಎಲ್ಲರ ಹುಬ್ಬೇರಿಸಿತ್ತು. ವ್ಹಾವ್ ಫೀಲ್ ತರಿಸೋದ್ರ ಜೊತೆಗೆ ಭವಿಷ್ಯದ ಸ್ಟಾರ್ ಸಿಂಗಲ್ ಆಗೋದ್ರಲ್ಲಿ ಯಾವುದೇ ಡೌಟ್ ಇಲ್ಲ ಗುರು ಎನ್ನುವಂತಾಗಿತ್ತು.
ಇದೀಗ ಸಾನ್ವಿ ಸುದೀಪ್ ಅದನ್ನ ನಿಜವಾಗಿಸೋಕೆ ಹೊರಟಂತಿದೆ. ತೆಲುಗು ಬ್ಲಾಕ್ ಬಸ್ಟರ್ ಈಗ ಸಿನಿಮಾದಿಂದ ಸುದೀಪ್ ಜೊತೆ ಉತ್ತಮ ಬಾಂಧವ್ಯ ಹೊಂದಿರೋ ನಾನಿ, ಇದೀಗ ತಾವೇ ನಟಿಸಿ, ನಿರ್ಮಿಸ್ತಿರೋ ಹಿಟ್-3 ಸಿನಿಮಾದಲ್ಲಿ ಸಾನ್ವಿಯ ವಾಯ್ಸ್ ಬಳಸಿದ್ದಾರೆ. ಟ್ರೈಲರ್ನಲ್ಲಿ ಹಮ್ಮಿಂಗ್ ವಾಯ್ಸ್ಗೆ ಸಾನ್ವಿ ಸುದೀಪ್ ಕಂಠ ಬಳಸಿಕೊಂಡಿರೋ ನ್ಯಾಚುರಲ್ ಸ್ಟಾರ್, ಮುಂದಿನ ಸಿನಿಮಾದಲ್ಲಿ ಸಾನ್ವಿಯಿಂದ ಒಂದು ಫುಲ್ ಸಾಂಗ್ ಹಾಡಿಸಲಿದ್ದಾರಂತೆ. ಇದನ್ನ ನಮ್ಮ ಗ್ಯಾರಂಟಿ ನ್ಯೂಸ್ ಸಂದರ್ಶನದಲ್ಲಿ ಸ್ವತಃ ಅವರೇ ಬಹಿರಂಗಪಡಿಸಿದ್ದಾರೆ.
ಇನ್ನು ಕೆಜಿಎಫ್ ಚಾಪ್ಟರ್-2 ಬಳಿಕ ನಾಪತ್ತೆ ಆಗಿದ್ದ ಕರಾವಳಿ ಚೆಲುವೆ, ಕನ್ನಡದ ಬ್ಯೂಟಿ ಶ್ರೀನಿಧಿ ಶೆಟ್ಟಿ, ಮೂರು ವರ್ಷಗಳ ಬಳಿಕ ನಾನಿಯೊಂದಿಗೆ ಪ್ರತ್ಯಕ್ಷವಾಗಿದ್ದಾರೆ. ಹೌದು.. ನಾನಿಯ ಹಿಟ್-3 ಸಿನಿಮಾ ಇದೇ ಮೇ 1ಕ್ಕೆ ತೆರೆಗೆ ಬರ್ತಿದ್ದು, ಆ ಸಿನಿಮಾದಲ್ಲಿ ನಾನಿಗೆ ಜೋಡಿಯಾಗಿ ನಟಿಸಿದ್ದಾರೆ. ಅದ್ರ ಪ್ರಮೋಷನ್ಸ್ಗೆ ಬೆಂಗಳೂರಿಗೆ ಆಗಮಿಸಿದ್ದ ನಾನಿ ಜೊತೆ ಶ್ರೀನಿಧಿ ತಮ್ಮ ಅಜ್ಞಾತವಾಸ ಹಾಗೂ ಕಿಚ್ಚ ಸುದೀಪ್ ಜೊತೆಗಿನ ಅವಕಾಶದ ಬಗ್ಗೆ ಮುಕ್ತವಾಗಿ ಮಾತನಾಡಿದ್ರು.
ಇನ್ನು ನಾನಿ ಕೂಡ ಸಿನಿಮಾದ ಬಗ್ಗೆ ಅತೀವ ನಿರೀಕ್ಷೆ ಇಟ್ಟುಕೊಂಡಿದ್ದು, ನಟ ಸುದೀಪ್ ಹಾಗೂ ಶಿವಣ್ಣ ಅವರ ಹಾಸ್ಪಿಟಾಲಿಟಿ ಹಾಗೂ ಕಿಚ್ಚ ತಯಾರಿಸೋ ಚಿಕನ್ ಪಕೋಡ ಬಗ್ಗೆ ಮಾತನಾಡಿದ್ರು. ಅಲ್ಲದೆ, ರಾಜಮೌಳಿಯ ಮಹಾಭಾರತ ಸಿನಿಮಾದಲ್ಲಿ ನಟಿಸೋದ್ರ ಬಗ್ಗೆ ಸ್ವತಃ ಅವರೇ ಕ್ಲ್ಯಾರಿಟಿ ಕೊಟ್ಟರು.
ಅದೇನೇ ಇರಲಿ, ನಾನಿಯಿಂದ ನಮ್ಮ ಕನ್ನಡದ ಪ್ರತಿಭೆ ಸಾನ್ವಿಗೆ ಅವಕಾಶ ಸಿಕ್ಕಿರೋದು ಖುಷಿಯ ವಿಚಾರ. ಸಾನ್ವಿ ಸ್ಟಾರ್ ಸಿಂಗರ್ ಆಗೋದನ್ನೇ ಕಾಯ್ತಿರೋ ಕನ್ನಡದ ಮಾಣಿಕ್ಯ ಸುದೀಪ್ ಅವರು ಹೆಮ್ಮೆ ಪಡುವ ದಿನಗಳು ದೂರ ಉಳಿದಿಲ್ಲ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
