ಒಬ್ರು ಟಾಲಿವುಡ್ ಸ್ಟಾರ್.. ಮತ್ತೊಬ್ರು ಕಾಲಿವುಡ್ ಸೂಪರ್ ಸ್ಟಾರ್. ಇವರಿಬ್ಬರ ನಡುವೆ ನಾನಾ-ನೀನಾ ಫೈಟ್ ಶುರುವಾಗ್ತಿದೆ. ಅದಕ್ಕೆ ವಿಜಯ್ ದೇವರಕೊಂಡ ಕೂಡ ತಲೆ ಹಾಕಿದ್ದು, ತನ್ನೂರಿನವರನ್ನ ಬಿಟ್ಟು, ಪಕ್ಕದೂರಿನವರಿಗೆ ಸಾಥ್ ನೀಡಿರೋದು ಎಲ್ಲರ ಹುಬ್ಬೇರಿಸಿದೆ. ಏನು ಈ ತಿಕ್ಕಾಟದ ಸ್ಟೋರಿ ಅಂತೀರಾ..? ಒಮ್ಮೆ ಈ ಸ್ಟೋರಿ ನೋಡಿ.
ರೆಟ್ರೋ ಹಾಗೂ ಹಿಟ್-3.. ಇದೇ ಮೇ 1ಕ್ಕೆ ಬಿಗ್ ಸ್ಕ್ರೀನ್ಗೆ ಎಂಟ್ರಿ ಕೊಡ್ತಿರೋ ಎರಡು ಹೈ ವೋಲ್ಟೇಜ್ ಆ್ಯಕ್ಷನ್ ಎಂಟರ್ಟೈನರ್ಗಳು. ಹೌದು.. ಒಂದು ಟಾಲಿವುಡ್ ಅಂಗಳದಲ್ಲಿ ನಾನಿ ನಟಿಸಿದ್ರೆ, ಮತ್ತೊಂದರಲ್ಲಿ ಕಾಲಿವುಡ್ ಸೂಪರ್ ಸ್ಟಾರ್ ಸೂರ್ಯ ಲೀಡ್ನಲ್ಲಿ ಕಾಣಸಿಗಲಿದ್ದಾರೆ.
ಎರಡೂ ಆ್ಯಕ್ಷನ್ ಥ್ರಿಲ್ಲರ್ ಜಾನರ್ ಸಿನಿಮಾಗಳಾಗಿದ್ದು, ಬಿಗ್ ಬಾಕ್ಸ್ ಆಫೀಸ್ ಕ್ಲ್ಯಾಶ್ಗೆ ನಾಂದಿ ಹಾಡ್ತಿವೆ. ಅಂದಹಾಗೆ ನಾನಿಗೆ ಸಪೋರ್ಟ್ ಮಾಡಬೇಕಿದ್ದ ವಿಜಯ್ ದೇವರಕೊಂಡ, ಪಕ್ಕದೂರಿನ ಸೂರ್ಯಗೆ ಸಾಥ್ ನೀಡಿರೋದು ಎಲ್ಲರಲ್ಲೂ ಅಚ್ಚರಿ ತಂದಿದೆ. ಸಾಕಷ್ಟು ಚರ್ಚೆಗೆ ಗ್ರಾಸವಾಗಿದೆ.
ಇತ್ತೀಚೆಗೆ ರೆಟ್ರೋ ಸಿನಿಮಾದ ಗ್ರ್ಯಾಂಡ್ ಇವೆಂಟ್ ನಡೆದಿದ್ದು, ಸೂರ್ಯ ನಟನೆಯ ಈ ಸಿನಿಮಾದ ಅದ್ಧೂರಿ ಕಾರ್ಯಕ್ರಮದಲ್ಲಿ ಚೀಫ್ ಗೆಸ್ಟ್ ಆಗಿ ವಿಜಯ್ ದೇವರಕೊಂಡ ಭಾಗಿಯಾಗಿದ್ದಾರೆ. ಇದು ಸೂರ್ಯ & ರೆಟ್ರೋ ಟೀಮ್ಗೆ ಖುಷಿ ಕೊಟ್ಟಿದ್ರೂ, ಒಂದಷ್ಟು ಟಾಲಿವುಡ್ ಫ್ಯಾನ್ಸ್ ಹಾಗೂ ಚಿತ್ರಪ್ರೇಮಿಗಳಿಗೆ ಬೇಸರ ತಂದಿದೆ.
ಅಂದಹಾಗೆ ನಾನಿ ಹಾಗೂ ಸೂರ್ಯ ಇಬ್ಬರೂ ಒಳ್ಳೆಯ ಪ್ಯಾಷನ್ ಇರೋ ಕಲಾವಿದರು. ಅಷ್ಟೇ ಅಲ್ಲ, ಈ ಸಿನಿಮಾಗಳಲ್ಲಿ ಇಬ್ಬರೂ ಕೂಡ ನಟಿಸೋದ್ರ ಜೊತೆಗೆ ನಿರ್ಮಾಣದ ಹೊಣೆ ಕೂಡ ಹೊತ್ತಿದ್ದಾರೆ. ಹಾಗಾಗಿಯೇ ಬಾಕ್ಸ್ ಆಫೀಸ್ ಕಲೆಕ್ಷನ್ ಹಾಗೂ ಪ್ರೇಕ್ಷಕರ ಮೆಚ್ಚುಗೆ ಇಬ್ಬರಿಗೂ ಪ್ರತಿಷ್ಠೆಯಾಗಲಿದೆ.
ಹಿಟ್ ಸಿನಿಮಾದ ಮೂರನೇ ಫ್ರಾಂಚೈಸ್ ಥರ್ಡ್ ಕೇಸ್ ಆಗಿದ್ದು, ಔಟ್ ಅಂಡ್ ಔಟ್ ಕ್ರೈಂ ಥ್ರಿಲ್ಲರ್ ಕಂಟೆಂಟ್ನಿಂದ ನೋಡುಗರ ನಾಡಿಮಿಡಿತ ಹೆಚ್ಚಿಸಿದೆ ಹಿಟ್-3. ಇನ್ನು ರೆಟ್ರೋ ಕೂಡ ಕಾರ್ತಿಕ್ ಸುಬ್ಬರಾಜ್ ನಿರ್ದೇಶನದ ಸಿನಿಮಾ ಅನ್ನೋ ಕಾರಣಕ್ಕೆ ಸಂಥಿಂಗ್ ಡಿಫರೆಂಟ್ ಅನಿಸಿದೆ. ಅಲ್ಲದೆ, ಸೂರ್ಯ ಅವ್ರ ಒಂದೊಂದು ಲುಕ್ ಕೂಡ ಕಿಕ್ ಕೊಡ್ತಿದೆ.
ಐಪಿಎಲ್ ಗುಂಗಲ್ಲಿರೋ ಜನಕ್ಕೆ, ಮಸ್ತ್ ಮನರಂಜನೆ ನೀಡೋಕೆ ನಾನಿ- ಸೂರ್ಯ ಒಟ್ಟೊಟ್ಟಿಗೆ ಬರ್ತಿರೋದು ಇಂಟರೆಸ್ಟಿಂಗ್. ಅದೇನೇ ಇರಲಿ, ಇಬ್ಬರಿಗೂ ಶುಭವಾಗಲಿ. ಎರಡೂ ಸಿನಿಮಾ ಗೆದ್ರೆ ಅವರ ಬತ್ತಳಿಕೆಯಿಂದ ಮತ್ತಷ್ಟು ಸಿನಿಮಾಗಳು ಹೊರಬರಲಿವೆ ಅನ್ನೋದು ಸಿನಿಪಂಡಿತರ ಆಶಯವಾಗಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
