ಪಹಲ್ಗಾಮ್ ದಾಳಿಯ ಮುನ್ನ ಲೆಫ್ಟಿನೆಂಟ್ ವಿನಯ್ ನರ್ವಾಲ್ ಪತ್ನಿಯೊಂದಿಗೆ ಮಾಡಿದ ನೃತ್ಯ: ವೈರಲ್

ಪಹಲ್ಗಾಮ್: ಜಮ್ಮು ಮತ್ತು ಕಾಶ್ಮೀರದ ಪಹಲ್ಗಾಮ್‌ನಲ್ಲಿ ಮಂಗಳವಾರ ನಡೆದ ಭಯೋತ್ಪಾದಕ ದಾಳಿಯಲ್ಲಿ ಹುತಾತ್ಮರಾದ ನೌಕಾಪಡೆಯ ಅಧಿಕಾರಿ ಲೆಫ್ಟಿನೆಂಟ್ ವಿನಯ್ ನರ್ವಾಲ್ ಅವರ ಕೊನೆಯ ವೀಡಿಯೊ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ವೀಡಿಯೊದಲ್ಲಿ, ವಿನಯ್ ನರ್ವಾಲ್ ತಮ್ಮ ಪತ್ನಿ ಹಿಮಾಂಶಿ ಜೊತೆಗೆ ಪಾಕಿಸ್ತಾನದ “ಝೋಲ್” ಹಾಡಿಗೆ ನೃತ್ಯ ಮಾಡುತ್ತಿರುವ ದೃಶ್ಯ ಕಾಣಿಸುತ್ತದೆ. 18 ಸೆಕೆಂಡುಗಳ ಈ ವೀಡಿಯೊದಲ್ಲಿ, ಪಹಲ್ಗಾಮ್‌ನ ರಮಣೀಯ ಸೌಂದರ್ಯದ ನಡುವೆ ಈ ದಂಪತಿಗಳು ಪ್ರೀತಿಯ ಕ್ಷಣವನ್ನು ಹಂಚಿಕೊಳ್ಳುತ್ತಿರುವುದನ್ನು ಕಾಣಬಹುದು. ಈ ಜೋಡಿ ಏಪ್ರಿಲ್ 16, 2025 ರಂದು ವಿವಾಹವಾಗಿದ್ದರು.

दुःखद
नेवी ऑफिसर लेफ्टिनेंट विनय नरवाल की मौत से पहले का आखिरी वीडियो#PahalgamTerroristAttack pic.twitter.com/kIlP6mJc5E

— Manish Yadav लालू (Journalist) (@ManishMedia9) April 23, 2025

ಎಕ್ಸ್ ಪ್ಲಾಟ್‌ಫಾರ್ಮ್‌ನಲ್ಲಿ ಈ ವೀಡಿಯೊವನ್ನು ಹಂಚಿಕೊಂಡಿರುವ ನೆಟ್ಟಿಗರು, ಇದು ಲೆಫ್ಟಿನೆಂಟ್ ವಿನಯ್ ನರ್ವಾಲ್ ಅವರ ಕೊನೆಯ ವೀಡಿಯೊ ಎಂದು ತಿಳಿಸಿದ್ದಾರೆ.

The couple had just tied the knot on April 16, just 7 days ago — and Islamist terrorists killed her Husband, Indian Navy Lieutenant Vinay Narwal in the Pahalgam terror attack.

We can’t even begin to fathom her pain.. Heart-wrenching 💔#PahalgamTerroristAttack #Pahalgam pic.twitter.com/yXRJNqVnYK

— Ashwini Shrivastava (@AshwiniSahaya) April 23, 2025

ದೆಹಲಿಯ ಇಂದಿರಾ ಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ, ಹಿಮಾಂಶಿ ಅವರು ತಮ್ಮ ಹುತಾತ್ಮ ಪತಿಗೆ ಕಣ್ಣೀರಿನ ವಿದಾಯ ಹೇಳಿದರು. “ನಾವು ಪ್ರತಿದಿನ ಅವರ ಬಗ್ಗೆ ಹೆಮ್ಮೆಪಡುತ್ತೇವೆ. ಅವರ ತ್ಯಾಗದಿಂದಾಗಿ ನಾವಿಂದು ಸುರಕ್ಷಿತವಾಗಿದ್ದೇವೆ. ಅವರ ಆತ್ಮಕ್ಕೆ ಶಾಂತಿ ಸಿಗಲಿ. ಎಲ್ಲಿಯೇ ಇದ್ದರೂ ಅವರು ಉತ್ತಮ ಜೀವನ ನಡೆಸಲಿ. ನಾವು ಯಾವಾಗಲೂ ಅವರಿಂದ ಪ್ರೇರಿತರಾಗಿ, ಅವರನ್ನು ಹೆಮ್ಮೆಯಿಂದ ಸ್ಮರಿಸುತ್ತೇವೆ,” ಎಂದು ಅವರು ಭಾವುಕವಾಗಿ ಹೇಳಿದ್ದಾರೆ.