ಕೆಲವೊಂದು ಪ್ರೇಮಕಥೆಗಳೇ ಹಾಗೆ, ಮನಸ್ಸಿಗೆ ತೀರಾ ಹತ್ತಿರವಾಗುತ್ತದೆ. ಆದರೆ ಇತ್ತೀಚಿನ ದಿನಗಳಲ್ಲಿ ಡಿವೋರ್ಸ್‌ ಪ್ರಕರಣಗಳು ಹೆಚ್ಚುತ್ತಿದ್ದು, ನೇಜ ಪ್ರೀತಿ ಹುಡುಕುವುದು ತುಂಬಾನೇ ಕಷ್ಟ. ಕೆಲವೊಂದು ಪ್ರೀತಿಯನ್ನು ಕೇಳೋದೇ ಬೇಡ ಅಷ್ಟು ಭಯ ಎಂದೆನ್ನಿಸುತ್ತದೆ. ಇನ್ನು ಕೆಲವೊಂದು ಪ್ರೀತಿಯೂ ತಮ್ಮ ಪ್ರೀತಿಗಾಗು ಕುಟುಂಬವನ್ನೇ ತೊರೆದು ಮದುವೆಯಾಗಿರುವುದನ್ನು ಕಾಣಬಹುದು. ಇದಕ್ಕೆ ಗುಜರಾತಿನ ವೃದ್ಧ ಜೋಡಿಯೊಂದು ಸಾಕ್ಷಿಯಾಗಿದೆ.
ಗುಜರಾತಿನ ವೃದ್ಧ ದಂಪತಿಗಳು ತಮ್ಮ 64ನೇ ವರ್ಷದ ವಾರ್ಷಿಕೋತ್ಸವದಲ್ಲಿ ಮತ್ತೆ ಮರು ಮದುವೆಯಾಗಿದ್ದಾರೆ. ಈ ಅಮೂಲ್ಯ ಕ್ಷಣಗಳನ್ನು ಪುನಃ ಸ್ಮರಿಸಲು, ಮೊಮ್ಮಕ್ಕಳು ಈ ದಂಪತಿಗಳಿಗೆ ಮರುಮದುವೆಯ ಸುವರ್ಣಾವಕಾಶವನ್ನು ಒದಗಿಸಿದ್ದಾರೆ. ಗುಜರಾತಿನ ಈ ವೃದ್ಧ ದಂಪತಿಗಳ ಕಥೆ ನಿಜವಾದ ಪ್ರೀತಿಯ ಸಂಕೇತವಾಗಿದೆ. 64 ವರ್ಷಗಳ ಹಿಂದೆ ಪ್ರೀತಿಸಿ ಕುಟುಂಬದ ವಿರೋಧದ ನಡುವೆಯೂ ತಮ್ಮ ಸಂಬಂಧವನ್ನು ಕಾಪಾಡಿಕೊಂಡಿದ್ದ ಹರ್ಷ್ ಮತ್ತು ಮೃದು, ತಮ್ಮ 80ನೇ ವಯಸ್ಸಿನಲ್ಲಿ ಮರು ಮದುವೆಯ ಮೂಲಕ ಯೌವನದ ಆ ಸುಂದರ ಕ್ಷಣಗಳನ್ನು ಪುನಃ ಅನುಭವಿಸಿದ್ದಾರೆ.
ಭಾರತೀಯ ಸಮಾಜದಲ್ಲಿ 1960ರ ದಶಕದಲ್ಲಿ ಅಂತರ್ಜಾತಿ ವಿವಾಹಗಳನ್ನು ತೀವ್ರವಾಗಿ ತಿರಸ್ಕರಿಸಲಾಗುತ್ತಿತ್ತು. ಜೈನ ಸಮುದಾಯದವರಾದ ಹರ್ಷ್ ಮತ್ತು ಬ್ರಾಹ್ಮಣ ಸಂಪ್ರದಾಯದ ಮೃದು ಶಾಲೆಯ ದಿನಗಳಲ್ಲಿಯೇ ಪರಿಚಯಿಸಿಕೊಂಡಿದ್ದರು. ಪ್ರೇಮ ಪತ್ರಗಳ ಮೂಲಕ ಪ್ರೀತಿಯಲ್ಲಿ ಬಿದ್ದಿದ್ದರು. ಆದರೆ ಕುಟುಂಬದವರ ವಿರೋಧದ ನಡುವೆ ಇಬ್ಬರೂ ಮನೆ ಬಿಟ್ಟು ಓಡಿ ಹೋಗಿ ಮದುವೆಯಾಗಬೇಕಾಯಿತು. ಆ ಕಾಲದಲ್ಲಿ 10 ರೂಪಾಯಿಯ ಸರಳ ಸೀರೆಯಲ್ಲಿಯೇ ಮದುವೆಯಾಗಿ ಹೊಸ ಜೀವನವನ್ನು ಆರಂಭಿಸಿದರು.
ಮದುವೆಯ ನಂತರ, ಕಷ್ಟ-ಸಂಕಟಗಳನ್ನು ಎದುರಿಸಿ, ಇಬ್ಬರೂ ಜೀವನವನ್ನು ಕಟ್ಟಿಕೊಂಡರು. ವರ್ಷಗಳ ಬಳಿಕ ಕುಟುಂಬದವರು ಅವರ ಪ್ರೀತಿಯನ್ನು ಒಪ್ಪಿಕೊಂಡು, ತವರಿನಿಂದ ಹರ್ಷ್ ಮತ್ತು ಮೃದುಗೆ ಪುನಃ ಮರುಜೊತೆಯಾಗುವ ಅವಕಾಶ ನೀಡಿದರು. ಇವರ ಮಕ್ಕಳ ಮಕ್ಕಳಾದ ಮೊಮ್ಮಕ್ಕಳು, ತಮ್ಮ ಅಜ್ಜಿ-ತಾತನ ಪ್ರೇಮಕಥೆಯನ್ನು ತಿಳಿದು, 64ನೇ ವಿವಾಹ ವಾರ್ಷಿಕೋತ್ಸವದ ಸಂದರ್ಭವನ್ನು ವಿಶೇಷವಾಗಿ ಆಚರಿಸಲು ನಿರ್ಧರಿಸಿದರು. ಮರುಮದುವೆಯ ಮೂಲಕ, ಯೌವನದಲ್ಲಿ ಕಾಣದ ಹೂವಿನಂತೆ, ಈಗ ವೃದ್ಧಾಪ್ಯದಲ್ಲಿಯೂ ಪ್ರೀತಿಯ ಅಕ್ಷಯತೆ ನೀಡಿದರು.
ಕುಟುಂಬದ ವಿರೋಧದ ನಡುವೆಯೂ ಪ್ರೀತಿಯನ್ನು ಪೋಷಿಸಿ, ಇಂದು ಎಲ್ಲರಿಗೂ ಪ್ರೇರಣೆ ಆಗಿರುವ ಈ ದಂಪತಿಗಳ ಕಥೆ, ಪ್ರೀತಿಯ ಶಕ್ತಿಯ ಪ್ರತೀಕವಾಗಿ ಉಳಿಯಲಿದೆ.
