ಜಾಗಿಂಗ್ ಮಾಡೋಕೆ ಪಾರ್ಕ್ ಹೋಗೋರು ಈ ಸುದ್ದಿ ನೋಡ್ಲೇ ಬೇಕು. ಯಾಕಂದ್ರೆ ಈ ಪಾರ್ಕ್ನಲ್ಲಿ ಜಾಗಿಂಗ್ಗೆ ನಿಷೇಧ ಹೇರಲಾಗಿದೆ. ವಾಕ್ ಮಾಡೋಕೂ ತನ್ನದೇ ಆದ ರೂಲ್ಸ್ ಮಾಡಿದೆ. ಬಿಬಿಎಂಪಿ ಪಾರ್ಕ್ನಲ್ಲಿ ಈ ರೀತಿಯ ರೂಲ್ಸ್ ಮಾಡಿದ್ದರ ಹಿಂದೆ ಅದೊಂದು ಕಹಾನಿ ಕೂಡ ಇದೆ.
ಟ್ರಾಫಿಕ್ ಜಂಜಾಟ, ರಣ ಬಿಸಿಲಿಗೆ ಬೆಂಗಳೂರಿಗರು ರೋಸಿ ಹೋಗಿದ್ದಾರೆ. ಜನರಿಗೆ ಆರೋಗ್ಯ ಸಮಸ್ಯೆ ಕಾಡ್ತಿದೆ. ಹೊಟ್ಟೆ ಬೊಜ್ಜು ಕರಗಿಸೋಕೆ ಜನರು ಬೆಳಗ್ಗೆ ಮತ್ತು ಸಂಜೆ ಪಾರ್ಕ್ನಲ್ಲಿ ಜಾಗಿಂಗ್ ಮಾಡೋದು ಸಾಮಾನ್ಯ. ಆದ್ರೆ ಈ ಪಾರ್ಕ್ನಲ್ಲಿ ಜಾಗಿಂಗ್ ನಿಷೇಧ ಹೇರಲಾಗಿದ್ದು, ವಾಕಿಂಗ್ಗೂ ರೂಲ್ಸ್ ಮಾಡ್ಲಾಗಿದೆ.
ಇಂದಿರಾನಗರದಲ್ಲಿರುವ ಬಿಬಿಎಂಪಿ ಪಾರ್ಕ್ನಲ್ಲಿ, ಈ ಪಾರ್ಕ್ನಲ್ಲಿಇದೀಗ ಪ್ರತ್ಯೇಕ ರೂಲ್ಸ್ ಮಾಡಲಾಗಿದೆ. ಪಾರ್ಕ್ ನಲ್ಲಿ”No Jogging,Walk Clock Wise Direction,No Gamming Activities”ಎಂದು ಬೋರ್ಡ್ ಹಾಕಲಾಗಿದೆ. ವಿಚಾರ ಏನಂದ್ರೆ ಈ ಪಾರ್ಕ್ನಲ್ಲಿ ಹೆಣ್ಣುಮಕ್ಕಳು ವಾಕ್ ಮಾಡುವಾಗ ಕೆಲ ಪುರುಷರು ಕೆಟ್ಟ ಉದ್ದೇಶದಿಂದಲೇ ವಿರುದ್ಧ ದಿಕ್ಕಿನಲ್ಲಿ ವಾಕ್ ಮಾಡ್ತಿದ್ರಂತೆ. ಹೆಣ್ಣುಮಕ್ಕಳು ಮುಖಕ್ಕೆ ನೇರವಾಗಿ ವಾಕಿಂಗ್ ಮಾಡ್ತಿದ್ರಿಂದ, ವಾಕಿಂಗ್ ಮಾಡ್ತಿದ್ದ ಹೆಣ್ಣಮಕ್ಕಳಿಗೆ ಅನ್ ಕಂಫಟೇಬಲ್ ಫೀಲ್ ಆಗ್ತಿತ್ತು.
ಈ ಬಗ್ಗೆ ಸೋಶೀಯಲ್ ಮೀಡಿಯಾದಲ್ಲೂ ಕೂಡ ಕೆಲವರು ಅಳಲು ತೋಡ್ಕೊಂಡಿದ್ರು. ಎದುರು ಬದುರು ವಾಕ್ ಮಾಡುವಾಗ ಡ್ಯಾಶ್ ಹೊಡೆದು ಹಿರಿ ಜೀವಗಳು ಆಸ್ಪತ್ರೆ ಪಾಲಾಗಿದ್ರು ಹೀಗಾಗಿ ಈ ಹೊಸ ರೂಲ್ಸ ತರಲಾಗಿದೆ. ಸದ್ಯ ಈ ಪಾರ್ಕ್ನಲ್ಲಿ ಎದುರು ಬದುರಾಗಿ ವಾಕ್ ಮಾಡೋದಕ್ಕೆ ನಿಷೇಧ ಹೇರಿದ್ದು,ಪಾರ್ಕ್ನಲ್ಲಿ ಕ್ಲಾಕ್ ವೈಸ್ ಡೈರೆಕ್ಷನ್ನಲ್ಲಿ ಮಾತ್ರ ವಾಕ್ ಮಾಡುವಂತೆ ನಿಯಮ ಮಾಡಲಾಗಿದೆ. ಹೊಸ ನಿಯಮದಿಂದ ಹೆಣ್ಣುಮಕ್ಕಳು ಹಿರಿಯ ನಾಗರಿಕರು ಫುಲ್ ಖುಷ್ ಆಗಿದ್ದಾರೆ.
ಇನ್ನೂ ಈ ಪಾರ್ಕ್ ಗೆ ಹಿರಿಯರು ಹೆಚ್ಚಿನ ಸಂಖ್ಯೆಯಲ್ಲಿ ಬರ್ತಿದ್ದು, ಹಿರಿಯರು ವಾಕ್ ಮಾಡುವಾಗ, ಬೇರೆಯವರು ಜಾಗಿಂಗ್ ಮಾಡಿದ್ರೆ ಸಮಸ್ಯೆಯಾಗುತ್ತೆ ಅನ್ನೋ ಕಾರಣಕ್ಕೆ ಜಾಗಿಂಗ್ ಮಾಡೋದಕ್ಕೂ ನಿಷೇಧ ಹೇರಲಾಗಿದೆ. ಜಾಗಿಂಗ್ ಮಾಡೋ ವೇಳೆ ಅನೇಕ ಬಾರಿ ಡ್ಯಾಶ್ ಹೊಡೆದುಕೊಂಡಿದ್ದು ಹಿರಿಯ ನಾಗರಿಕರಿಗೆ ಸಮಸ್ಯೆ ತಂದಿದೆ. ಇದರ ಜೊತೆಗೆ ಮಕ್ಕಳು ಮರಿಗಳು ಪಾರ್ಕ್ ಗೆ ಬರೋ ಹಿನ್ನೆಲೆಯಲ್ಲಿ ಜಾಗಿಂಗ್ ಮಾಡೋವಾಗ ಮಕ್ಕಳು ಅಡ್ಡ ಬಂದು ಅನೇಕ ಅಪಾಯಗಳಿಗೆ ಈ ಪಾರ್ಕ್ ಸಾಕ್ಷಿಯಾಗಿದ್ದು. ಈ ಪಾರ್ಕ್ನಲ್ಲಿ ಜಾಂಗಿಗ್ ಬೇಡ ಕಿರಿದಾದ ಜಾಗದಲ್ಲಿ ಓಡೋದು ಸರಿಯಾಗಿರಲ್ಲಾ ,ಜಾಗಿಂಗ್ ಮಾಡೋರು ಬೇಕಾದ್ರೆ ಹೊರಗಡೆ ಮಾಡ್ಲಿ ಅಂತಿದ್ದಾರೆ ಇಲ್ಲಿನ ಸ್ಥಳೀಯರು.
ಇಂದಿರಾನಗರ ಬಿಬಿಎಂಪಿ ಪಾರ್ಕ್ನಲ್ಲಿರುವ ಹೊಸ ನಿಯಮ ಸ್ಥಳೀಯರನ್ನು ಖುಷ್ ಪಡಿಸಿದ್ದು. ಈ ಹೊಸ ಪ್ರಯೋಗಕ್ಕೆ ಯಾವ ರೀತಿ ರೆಸ್ಪಾನ್ಸ್ ಸಿಗುತ್ತೆ ಅನ್ನೋದನ್ನು ನೋಡಬೇಕಿದೆ.
