ಟಾಕ್ಸಿಕ್ ಲೇಡಿ ಗ್ಯಾಂಗ್ ಗೆ ರಾಕಿಂಗ್ ಸ್ಟಾರ್ ಮುಹೂರ್ತ

ಟಾಕ್ಸಿಕ್ ರಿಲೀಸ್ ಡೇಟ್ ಅನೌನ್ಸ್ ಆದ ಬಳಿಕ ಚಿತ್ರತಂಡ ಸಿಕ್ಕಾಪಟ್ಟೆ ಆ್ಯಕ್ಟೀವ್ ಆಗಿದೆ. ಬರೀ ಯಶ್ ಮಾತ್ರ ಹೈಲೆಟ್ ಆಗ್ತಿದ್ದಾರೆ.. ಟಾಕ್ಸಿಕ್ ಲೇಡೀಸ್ ಎಲ್ಲಿ ಅಂತೆಲ್ಲಾ ನೆಟ್ಟಿಗರು ಮಾತಾಡಿಕೊಂಡಿದ್ರು. ಅದಕ್ಕೀಗ ಖಡಕ್ ಉತ್ತರ ಕೊಟ್ಟಿರೋ ರಾಕಿಂಗ್ ರಾಯ, ಪಂಚ್ ಕೊಡೋ ಆ ಪಂಚತಾರೆಯರ ಎಂಟ್ರಿಗೆ ಮುಹೂರ್ತ ಫಿಕ್ಸ್ ಮಾಡಿದ್ದಾರೆ.

ಟಾಕ್ಸಿಕ್ ಲೇಡಿ ಗ್ಯಾಂಗ್‌‌ಗೆ ರಾಕಿಂಗ್ ಸ್ಟಾರ್ ಮುಹೂರ್ತ

ಜುಲೈ 1ರ 11.33ಕ್ಕೆ ಟಾಕ್ಸಿಕ್ ಲೇಡೀಸ್ ರಾಕಿಂಗ್ ಎಂಟ್ರಿ

ಸಮಾಧಾನ.. ಮಹಿಳೆಯರ ಆಗಮನಕ್ಕೆ ಸಮಯ ಬೇಕು

ನಯನ, ಕಿಯಾರಾ, ಹುಮಾ, ತಾರಾ & ರುಕ್ಮಿಣಿ ಪಂಚ್

ಟಾಕ್ಸಿಕ್ ಟಾಕ್ಸಿಕ್ ಟಾಕ್ಸಿಕ್.. ಸಿನಿಮಾ ಸೆಟ್ಟೇರಿದ ದಿನದಿಂದ ಸಿಕ್ಕಾಪಟ್ಟೆ ನಿರೀಕ್ಷೆ ಮೂಡಿಸ್ತಿದೆ. ಅದಕ್ಕೆ ಕಾರಣ ಯಶ್, ಸ್ಟಾರ್‌ಕಾಸ್ಟ್, ಡೈರೆಕ್ಟರ್, ಪ್ರೊಡಕ್ಷನ್ ಹೌಸ್ ಹಾಗೂ ಮೇಕಿಂಗ್. ಅಫ್‌ಕೋರ್ಸ್ ಚಿತ್ರದ ಕಥೆ ಹಾಗೂ ಬ್ಯಾಕ್‌ಡ್ರಾಪ್ ಕೂಡ ಹೌದು. ಸದ್ಯ ಇಲ್ಲಿಯ ತನಕ ಎರಡ್ಮೂರು ಟೀಸರ್‌‌ಗಳು ಹೊರಬಂದಿವೆ. ಅವೆಲ್ಲವೂ ರಾಕಿಂಗ್ ಸ್ಟಾರ್ ಯಶ್‌‌ರನ್ನ ಮಾತ್ರ ಕೇಂದ್ರೀಕರಿಸಿ ಕಟ್ ಮಾಡಿರೋ ದೃಶ್ಯಗುಚ್ಚಗಳೇ ಆಗಿವೆ.

ರಾಯ ಹಾಗೂ ಟಿಕೆಟ್ ಅನ್ನೋ ಡುಯೆಲ್ ರೋಲ್‌‌ನಲ್ಲಿ ತಂದೆ-ಮಗನಾಗಿ ಯಶ್ ಕಮಾಲ್ ಮಾಡಲಿದ್ದು, ಲುಕ್ಸ್ ಸಿಕ್ಕಾಪಟ್ಟೆ ಕಿಕ್ ಕೊಡ್ತಿವೆ. ಎಲ್ಲಾ ಟೀಸರ್‌‌ಗಳಲ್ಲಿ ಯಶ್ ಮಾತ್ರ ಹೈಲೆಟ್ ಆದ್ರೆ ಐದೈದು ಮಂದಿ ಹೀರೋಯಿನ್ಸ್ ಯಾತಕ್ಕಾಗಿ ಅನ್ನೋದು ನೆಟ್ಟಿಗರ ಪ್ರಶ್ನೆಯಾಗಿತ್ತು. ಅದಕ್ಕೀಗ ಸ್ವತಃ ರಾಕಿಂಗ್ ಸ್ಟಾರ್ ಅವ್ರೇ ಉತ್ತರ ಕೊಟ್ಟಿದ್ದಾರೆ. ಟಾಕ್ಸಿಕ್ ಲೇಡೀಸ್ ಎಂಟ್ರಿ ಕೊಡೋಕೆ ರಾಕಿಂಗ್ ರಾಯನೇ ಮುಹೂರ್ತ ಇಟ್ಟಿದ್ದಾರೆ.

ಯೆಸ್.. ಖುದ್ದು ಯಶ್ ಅನೌನ್ಸ್ ಮಾಡಿರೋ ಪ್ರಕಾರ ಇದೇ ಜುಲೈ 1ರ ಬೆಳಗ್ಗೆ 11.33ಕ್ಕೆ ಸರಿಯಾಗಿ ಟಾಕ್ಸಿಕ್ ಲೇಡೀಸ್ ಟೀಸರ್ ಬಿಡುಗಡೆ ಆಗಲಿದೆಯಂತೆ. ಅಂದಹಾಗೆ ಚಿತ್ರದಲ್ಲಿ ಸೌತ್‌ನ ಲೇಡಿ ಸೂಪರ್ ಸ್ಟಾರ್ ನಯನತಾರಾ, ಬಾಲಿವುಡ್ ಬ್ಯೂಟಿಗಳಾದ ಕಿಯಾರಾ ಅಡ್ವಾಣಿ, ತಾರಾ ಸುತಾರಿಯಾ, ಹುಮಾ ಖುರೇಷಿ ಹಾಗೂ ನಮ್ಮ ಕನ್ನಡದ ಪ್ರತಿಭಾನ್ವಿತ ಚೆಲುವೆ ರುಕ್ಮಿಣಿ ವಸಂತ್ ಬಣ್ಣ ಹಚ್ಚಿದ್ದಾರೆ. ಅವರುಗಳ ಫಸ್ಟ್‌ಲುಕ್ಸ್ ಹಾಗೂ ಪಾತ್ರಗಳ ಹೆಸರುಗಳು ಈಗಾಗ್ಲೇ ರಿವೀಲ್ ಆಗಿದ್ದವು. ಆದ್ರೆ ಅಸಲಿ ಪಿಚ್ಚರ್ ನಾಳೆ ಬಯಲಾಗಲಿದೆ.

ವಿಂಟೇಜ್ ರೆಟ್ರೋ ಲುಕ್‌‌ಗಳಲ್ಲಿ ಈ ನಟಿಮಣಿಯರು ಕಾಣಸಿಗಲಿದ್ದು, ಇದೊಂದು ಗೋವಾ-ಪೋರ್ಚುಗಲ್ ಡ್ರಗ್ ವಾರ್ ಹಾಗೂ ಗ್ಯಾಂಗ್‌ಸ್ಟರ್ ವಾರ್ ಆಗಿರಲಿದೆ. ಹಾಗಾಗಿ ಎಷ್ಟು ಡೆಡ್ಲಿ & ಡೇರಿಂಗ್ ಲುಕ್‌‌ಗಳಲ್ಲಿ ಟಾಕ್ಸಿಕ್ ಲೇಡಿ ಗ್ಯಾಂಗ್ ದರ್ಶನ ಕೊಡ್ತಾರೆ ಅನ್ನೋ ಕ್ಯೂರಿಯಾಸಿಟಿ ಸಹಜವಾಗಿಯೇ ಹೆಚ್ಚಿದೆ. ಇನ್ನೂ ನಟ ಯಶ್ ಈ ಕುರಿತು ತಮ್ಮ ಎಕ್ಸ್ ಖಾತೆ ಹಾಗೂ ಇನ್ಸ್‌ಟಾ ಖಾತೆಗಳಲ್ಲಿ ಬರೆದುಕೊಂಡಿದ್ದು, ಸಮಾಧಾನ.. ಮಹಿಳೆಯರು ಬರಬೇಕು ಅಂದ್ರೆ ಸಮಯ ತೆಗೆದುಕೊಳ್ತಾರೆ ಎಂದಿದ್ದಾರೆ. ಅಷ್ಟೇ ಅಲ್ಲ.. ಲೇಡೀಸ್ ಎಲ್ಲಿ ಅಂದೋರಿಗೆ ಇಲ್ಲಿ ಬರ್ತಿದ್ದಾರೆ ಅಂತ ಖಡಕ್ ಆನ್ಸರ್ ಕೂಡ ನೀಡಿದ್ದಾರೆ ನಮ್ಮ ಹೆಮ್ಮೆಯ ಕನ್ನಡಿಗ ಯಶ್. ಅಂದಹಾಗೆ ಗೀತು ಮೋಹನ್‌ದಾಸ್ ನಿರ್ದೇಶನದ ಟಾಕ್ಸಿಕ್ ಇದೇ ಆಗಸ್ಟ್ 26ಕ್ಕೆ ವಿಶ್ವದಾದ್ಯಂತ ತೆರೆಗಪ್ಪಳಿಸುತ್ತಿದೆ.

ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್