ಬಾಹುಬಲಿ ಮತ್ತು RRR ಮೂಲಕ ಇಡೀ ವರ್ಲ್ಡ್ ಬಾಕ್ಸ್ ಆಫೀಸ್ ಅಲ್ಲಾಡಿಸಿದ್ದ ಜಕ್ಕಣ್ಣ, ಈಗ ಗ್ಲೋಬಲ್ ಲೆವೆಲ್ನಲ್ಲಿ ಮತ್ತೊಂದು ಮೈಂಡ್ ಬ್ಲೋಯಿಂಗ್ ಪ್ಲಾನ್ ಮಾಡ್ತಿದ್ದಾರೆ. ಹೌದು, ಸ್ಟಾರ್ ಡೈರೆಕ್ಟರ್ ಎಸ್. ಎಸ್. ರಾಜಮೌಳಿ ಅವರ ವಾರಣಾಸಿ ಬರೋಬ್ಬರಿ 200 ಭಾಷೆಗಳಲ್ಲಿ ವಿಶ್ವದಾದ್ಯಂತ ರಿಲೀಸ್ ಆಗೋಕೆ ರೆಡಿಯಾಗ್ತಿದೆ ಅನ್ನೋ ಕ್ರೇಜಿ ನ್ಯೂಸ್ ಈಗ ಸೋಷಿಯಲ್ ಮೀಡಿಯಾದಲ್ಲಿ ಧೂಳೆಬ್ಬಿಸ್ತಿದೆ. ಚಿತ್ರರಂಗದ ಇತಿಹಾಸದಲ್ಲೇ ಹಿಂದೆಂದೂ ಕಾಣದ ಈ ರೇಂಜ್ ಬಿಗ್ ಅಪ್ಡೇಟ್ನ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ…
- RRR ಬಳಿಕ ರಾಜಮೌಳಿ ಮತ್ತೊಂದು ವರ್ಲ್ಡ್ ವೈಡ್ ಸರ್ಪ್ರೈಸ್..!
- ಜಕ್ಕಣ್ಣನ ಗ್ಲೋಬಲ್ ಪ್ಲ್ಯಾನ್.. 200 ಭಾಷೆಗಳಲ್ಲಿ ವಾರಣಾಸಿ
- ಗ್ಲೋಬಲ್ ಆಡಿಯನ್ಸ್ ಟಾರ್ಗೆಟ್ ಮಾಡಿದ ಜಕ್ಕಣ್ಣ
- ಹಾಲಿವುಡ್ಗೂ ಟಕ್ಕರ್ ಕೊಡಲು ಹೊರಟ ರಾಜಮೌಳಿ
ಎಸ್ ಎಸ್ ರಾಜಮೌಳಿ ಅವರ ‘ವಾರಣಾಸಿ’ ಚಿತ್ರ ಕೇವಲ ಪ್ಯಾನ್-ಇಂಡಿಯಾ ಅಲ್ಲ, ಕಂಪ್ಲೀಟ್ ಆಗಿ ಪ್ಯಾನ್-ವರ್ಲ್ಡ್ ಸಿನಿಮಾ ಆಗಿ ತೆರೆಗೆ ಬರೋಕೆ ಸಜ್ಜಾಗಿದೆ. ಈ ಮೆಗಾ ಪ್ರಾಜೆಕ್ಟ್ ಅನ್ನು ಜಗತ್ತಿನ ಪ್ರತಿಯೊಬ್ಬ ಪ್ರೇಕ್ಷಕನಿಗೂ ತಲುಪಿಸಬೇಕು ಅನ್ನೋ ಹಠಕ್ಕೆ ಬಿದ್ದಿರೋ ಚಿತ್ರತಂಡ, ಇದನ್ನು ವಿಶ್ವದ ಸುಮಾರು 200 ಭಾಷೆಗಳಿಗೆ ಡಬ್ ಮಾಡಿ ರಿಲೀಸ್ ಮಾಡಲು ಭರ್ಜರಿ ಪ್ಲಾನ್ ಮಾಡ್ತಿದೆ. ಭಾರತೀಯ ಚಿತ್ರರಂಗದ ಇತಿಹಾಸದಲ್ಲೇ ಈ ಮಟ್ಟದ ಅಂತರರಾಷ್ಟ್ರೀಯ ರಿಲೀಸ್ ಸ್ಟ್ರ್ಯಾಟಜಿ ಹಿಂದೆಂದೂ ನಡೆದಿಲ್ಲ, ಇದು ಗ್ಲೋಬಲ್ ಮಟ್ಟದಲ್ಲಿ ಹೊಸ ಇತಿಹಾಸ ಸೃಷ್ಟಿಸೋದು ಗ್ಯಾರಂಟಿ.
ಈ ಹೈ-ವೋಲ್ಟೇಜ್ ಮೆಗಾ ಬಜೆಟ್ ಚಿತ್ರದಲ್ಲಿ ಟಾಲಿವುಡ್ ಪ್ರಿನ್ಸ್ ಮಹೇಶ್ ಬಾಬು ಲೀಡ್ ರೋಲ್ನಲ್ಲಿ ಕಾಣಿಸಿಕೊಳ್ತಿದ್ದು, ಅವರಿಗೆ ಸಾಥ್ ಕೊಡಲು ಗ್ಲೋಬಲ್ ಸ್ಟಾರ್ ಪ್ರಿಯಾಂಕಾ ಚೋಪ್ರಾ ಜೋನಾಸ್ ಮತ್ತು ಮಲಯಾಳಂ ಸೂಪರ್ಸ್ಟಾರ್ ಪೃಥ್ವಿರಾಜ್ ಸುಕುಮಾರನ್ ಎಂಟ್ರಿ ಕೊಟ್ಟಿದ್ದಾರೆ. ಇತ್ತೀಚೆಗೆ ಈ ಪ್ರಾಜೆಕ್ಟ್ ಬಗ್ಗೆ ಕ್ಯೂರಿಯಾಸಿಟಿ ಹೆಚ್ಚಿಸಿರೋ ಪ್ರಿಯಾಂಕಾ ಚೋಪ್ರಾ, ಇದೊಂದು “ಎಲ್ಲಾ ಗಡಿಗಳನ್ನು ಬ್ರೇಕ್ ಮಾಡುವ ಸಿನಿಮಾ”ಅಂತ ಬಣ್ಣಿಸಿದ್ದಾರೆ. 200 ಭಾಷೆಗಳಲ್ಲಿ ರಿಲೀಸ್ ಮಾಡ್ತಿರೋದು ಸಿನಿಮಾ ಮೇಲಿರೋ ಮೇಕರ್ಸ್ ನಂಬಿಕೆ ಮತ್ತು ಜಾಗತಿಕ ಪ್ರೇಕ್ಷಕರನ್ನು ಸೆಳೆಯೋ ಅವರ ಅಲ್ಟಿಮೇಟ್ ಅಂಬಿಷನ್ ಅನ್ನು ತೋರಿಸ್ತಿದೆ ಅಂತ ಖುಷಿ ಹಂಚಿಕೊಂಡಿದ್ದಾರೆ.
ಈಗಾಗಲೇ ಇಂಡಿಯನ್ ಸಿನಿಮಾವನ್ನು ಆಸ್ಕರ್ ಮಟ್ಟಕ್ಕೆ ಕೊಂಡೊಯ್ದಿರೋ ರಾಜಮೌಳಿ ಅವರ ಈ ಹೊಸ ಬಿಗ್ ವೆಂಚರ್ ಇಡೀ ಚಿತ್ರರಂಗದಲ್ಲೇ ಮೋಸ್ಟ್ ಎಕ್ಸ್ಪೆಕ್ಟಡ್ ಮೂವಿ ಆಗಿದೆ. 200 ಭಾಷೆಗಳ ಡಬ್ಬಿಂಗ್ ಮತ್ತು ಇಂಟರ್ನ್ಯಾಷನಲ್ ರಿಲೀಸ್ ಪ್ಲಾನ್ ಇರೋದ್ರಿಂದ, ಶೂಟಿಂಗ್ ಕೆಲಸಗಳನ್ನು ಅಷ್ಟೇ ರಹಸ್ಯವಾಗಿ ಮಾಡಲಾಗ್ತಿದೆ.ಗ್ಲೋಬಲ್ ಆಡಿಯನ್ಸ್ ಅನ್ನೇ ಟಾರ್ಗೆಟ್ ಮಾಡಿ ಕಣ್ಣಿಗೆ ಹಬ್ಬ ಉಂಟು ಮಾಡೋ ವಿಶುವಲ್ಸ್ ಮತ್ತು ಹೊಸ ಬೆಂಚ್ಮಾರ್ಕ್ ಸೆಟ್ ಮಾಡೋಕೆ ರಾಜಮೌಳಿ ರೆಡಿಯಾಗಿದ್ದು, ಸದ್ಯದಲ್ಲೇ ಚಿತ್ರದ ಶೂಟಿಂಗ್ ಪ್ರಗತಿ ಹಾಗೂ ಲೇಟೆಸ್ಟ್ ಅಪ್ಡೇಟ್ಸ್ ಬಗ್ಗೆ ಆಫೀಶಿಯಲ್ ಅನೌನ್ಸ್ಮೆಂಟ್ ಸಿಗೋ ಸಾಧ್ಯತೆ ಇದೆ.
