ಬಾಲಿವುಡ್ನ ಮೋಸ್ಟ್ ಎಲಿಜಿಬಲ್ ಬ್ಯಾಚುಲರ್, ವಿವಾದಗಳ ಸರದಾರ ಸಲ್ಮಾನ್ ಖಾನ್ ಸದ್ಯ ಇಂಟರ್ನೆಟ್ನಲ್ಲಿ ಟ್ರೆಂಡಿಂಗ್ನಲ್ಲಿದ್ದಾರೆ. ಅವರು ಹಾಕಿದ ಒಂದೇ ಒಂದು ಲೋನ್ಲಿನೆಸ್ ಪೋಸ್ಟ್ ಅಮ್ಮನೇ ಫೋನ್ ಮಾಡಿ ಏನಾಯ್ತು ಮಗನೇ..? ಅಂತ ಕೇಳೋ ರೇಂಜ್ಗೆ ಬಿರುಗಾಳಿ ಎಬ್ಬಿಸಿದೆ. ‘ಸಲ್ಲುಗೆ ಒಂಟಿತನ ಕಾಡ್ತಿದೆಯೇ..?’ ಅಂತ ಫ್ಯಾನ್ಸ್ ಕಂಗಾಲಾಗಿದ್ದರು. ಇದರ ಫುಲ್ ಡಿಟೇಲ್ಸ್ ಇಲ್ಲಿದೆ ನೋಡಿ…
- ಒಂಟಿತನದ ಪೋಸ್ಟ್ ಮೌನ ಮುರಿದ ಭಾಯಿಜಾನ್
- 60ರ ಹರೆಯದಲ್ಲೂ ಶರ್ಟ್ಲೆಸ್ ಸಿಕ್ಸ್ ಪ್ಯಾಕ್ ಕಿಕ್
- ಒಂಟಿ ಹಕ್ಕಿ ‘ಚಿಲ್ ಮಾರೋ ಯಾರ್’ ಎಂದ ಸಲ್ಲು
- ಸಿಂಗಲ್ ಕಿಂಗ್ ಸಲ್ಲು ಯಾಕಿನ್ನೂ ಮಿಂಗಲ್ ಆಗಿಲ್ಲ?
ಸಲ್ಮಾನ್ ಖಾನ್ ಲವ್ ಲೈಫ್ ಅಂದ್ರೆ ಅದೊಂದು ರೋಲರ್ ಕೋಸ್ಟರ್ ರೈಡ್ ಇದ್ದಂತೆ. 90ರ ದಶಕದ ಸಂಗೀತಾ ಬಿಜ್ಲಾನಿಯಿಂದ ಹಿಡಿದು, ಸೋಮಿ ಅಲಿ, ಐಶ್ವರ್ಯಾ ರೈ ಮತ್ತು ಕತ್ರಿನಾ ಕೈಫ್ವರೆಗೆ ಸಲ್ಲು ಪ್ರೇಮ ವೈಫಲ್ಯಗಳ ದೊಡ್ಡ ಲಿಸ್ಟ್ ಇದೆ. ಸಲ್ಮಾನ್ ಮದುವೆಯಾಗದೇ ಇರಲು ಕೇವಲ ಬ್ರೇಕಪ್ಗಳಷ್ಟೇ ಕಾರಣವಲ್ಲ, ಅವರ ಮೇಲಿದ್ದ ಹಿಟ್ ಅಂಡ್ ರನ್ ಹಾಗೂ ಕೃಷ್ಣಮೃಗ ಬೇಟೆ ಪ್ರಕರಣಗಳ ಕೋರ್ಟ್ ಕೇಸ್ಗಳು ಕೂಡ ಪ್ರಮುಖ ಕಾರಣ. ನನ್ನ ತಲೆಯ ಮೇಲೆ ಕೋರ್ಟ್ ಕೇಸ್ಗಳ ತೂಗುಗತ್ತಿ ಇರುವಾಗ, ಮತ್ತೊಬ್ಬರ ಜೀವನವನ್ನು ನಾನು ಹೇಗೆ ಹಾಳು ಮಾಡಲಿ? ಕೇಸ್ ಗೆದ್ದರೆ ಮದುವೆ ಆಗ್ತೀನಿ ಎಂದು ಸ್ವತಃ ಸಲ್ಲು ಒಮ್ಮೆ ಸಂದರ್ಶನದಲ್ಲಿ ಸತ್ಯ ಬಿಚ್ಚಿಟ್ಟಿದ್ದರು.
ಇತ್ತೀಚೆಗಷ್ಟೇ ಸಲ್ಮಾನ್ ಖಾನ್ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಶರ್ಟ್ಲೆಸ್ ಫೋಟೋ ಒಂದನ್ನು ಹಂಚಿಕೊಂಡು, “ಅಲೋನ್ ಮತ್ತು ಲೋನ್ಲಿ” ನಡುವಿನ ವ್ಯತ್ಯಾಸದ ಬಗ್ಗೆ ಪೋಸ್ಟ್ ಹಾಕಿದ್ದರು. ಅಲೋನ್ ಮತ್ತು ಲೋನ್ಲಿ. ಅಲೋನ್, ಬೈ ಛಾಯ್ಸ್ನಿಂದ. ಲೋನ್ಲಿನೆಸ್, ಯಾರೂ ನಿಮ್ಮೊಂದಿಗೆ ಇರಲು ಬಯಸದಿದ್ದಾಗ ಆಗುತ್ತದೆ. ನೀವೀಗ ಏನು ಮಾಡಬೇಕೆಂಬುದನ್ನು ಫಿಗರ್ ಔಟ್ ಮಾಡಿ” ಎಂದು ಬರೆದುಕೊಂಡಿದ್ದರು. ಇದನ್ನು ನೋಡಿ ಅಭಿಮಾನಿಗಳು ‘ನಮ್ಮ ಸಲ್ಲುಗೆ ಯಾರೂ ಇಲ್ವಾ?’ ಎಂದು ಕಾಮೆಂಟ್ ಮಾಡಿದ್ರು.
ವದಂತಿಗಳು ಹರಡುತ್ತಿದ್ದಂತೆ ಮೌನ ಮುರಿದ ಸಲ್ಲು, ಅರೆ ಯಾರ್, ನಾನು ಒಂಟಿಯಾಗಿಲ್ಲ ಇಷ್ಟೊಂದು ದೊಡ್ಡ ಫ್ಯಾಮಿಲಿ, ಪ್ರೀತಿಪಾತ್ರರು ಇರುವಾಗ ನಾನು ಹೇಗೆ ಲೋನ್ಲಿ ಆಗ್ತೀನಿ? ನನ್ನ ಫೋಟೋ ನೋಡಿ ಅಮ್ಮ ಕೂಡ ‘ಕ್ಯಾ ಹುವಾ ಬೇಟಾ?’ ಅಂತ ಕೇಳಿದ್ರು. ಸೋ.. ಚಿಲ್ ಮಾರೋ ಯಾರ್ ಎಂದು ಸ್ವ್ಯಾಗ್ ಸ್ಟೈಲ್ನಲ್ಲಿ ಕ್ಲಾರಿಟಿ ಕೊಟ್ಟು ವದಂತಿಗಳ ಬಾಯಿ ಮುಚ್ಚಿಸಿದ್ದಾರೆ.
ಸದ್ಯ ಬಾಲಿವುಡ್ನಲ್ಲಿ ಸರಣಿ ಸೋಲುಗಳಿಂದ ಕಂಗೆಟ್ಟಿರುವ ಭಾಯ್ಜಾನ್ಗೆ ಮಾತೃಭೂಮಿ ಮೇ ವಾರ್ ರೆಸ್ಟ್ ಇನ್ ಪೀಸ್ಸಿನಿಮಾ ಅತ್ಯಂತ ಮಹತ್ವದ್ದಾಗಿದೆ. ದೇಶಭಕ್ತಿ ಹಾಗೂ ಹೈ-ವೋಲ್ಟೇಜ್ ಆಕ್ಷನ್ ಸೀಕ್ವೆನ್ಸ್ಗಳನ್ನು ಒಳಗೊಂಡಿರುವ ಈ ಬಿಗ್ ಬಜೆಟ್ ಸಿನಿಮಾ ಸಲ್ಮಾನ್ ಕೆರಿಯರ್ನಲ್ಲಿ ಹೊಸ ಮೈಲಿಗಲ್ಲು ಸೃಷ್ಟಿಸುತ್ತ..?ಒಟ್ಟಿನಲ್ಲಿ, ವೈಯಕ್ತಿಕ ಜೀವನದಲ್ಲಿ ಸಿಂಗಲ್ ಆಗಿದ್ದರೂ, ಬಾಕ್ಸ್ ಆಫೀಸ್ನಲ್ಲಿ ತಾನ್ಯಾವತ್ತೂ ‘ಮಿಂಗಲ್’ ಆಗಿ ಕಿಂಗ್ ಆಗಿ ಇರ್ತೀನಿ ಅನ್ನೋದನ್ನು ಸಲ್ಮಾನ್ ಸಾಬೀತುಪಡಿಸುತ್ತಲೇ ಇದ್ದಾರೆ.
ಕೀರ್ತಿ ಪಾಟೀಲ್, ಫಿಲಂ ಬ್ಯೂರೋ, ಗ್ಯಾರಂಟಿ ನ್ಯೂಸ್
