ಕೊಪ್ಪಳ ಜಿಲ್ಲೆಯ ಪುಟಾಣಿ ಬಾಲಕನೊಬ್ಬ ತನ್ನ ಅಸಾಧಾರಣ ಏಕಾಗ್ರತೆ ಮತ್ತು ವೇಗದ ಮೂಲಕ ರಾಷ್ಟ್ರ ಮಟ್ಟದಲ್ಲಿ ಗಮನ ಸೆಳೆದಿದ್ದಾನೆ. ಕಣ್ಣಿಗೆ ಬಟ್ಟೆ ಕಟ್ಟಿಕೊಂಡು (Blindfold) ಭಾರತದ ನಕಾಶೆಯ ಪಜಲ್ಗಳನ್ನು ಅತ್ಯಂತ ವೇಗವಾಗಿ ಜೋಡಿಸುವ ಮೂಲಕ ಕೊಪ್ಪಳದ ತೇಜಸ್ ‘ಇಂಡಿಯಾ ಬುಕ್ ಆಫ್ ರೆಕಾರ್ಡ್ಸ್-2026’ರಲ್ಲಿ ಸ್ಥಾನ ಪಡೆದಿದ್ದಾನೆ.
ಸಾಧನೆಯ ವಿವರ :
ಕೊಪ್ಪಳ ಜಿಲ್ಲೆಯ ಕಿದದಾಳದ ಶಾರದಾ ಇಂಟರ್ ನ್ಯಾಷನಲ್ ಶಾಲೆಯ 4ನೇ ತರಗತಿ ವಿದ್ಯಾರ್ಥಿಯಾಗಿರುವ ತೇಜಸ್, ಈ ವಿಶಿಷ್ಟ ದಾಖಲೆ ಬರೆದ ಬಾಲಕ. ಕಣ್ಣು ಮುಚ್ಚಿದ ಸ್ಥಿತಿಯಲ್ಲಿ ಭಾರತದ ವಿವಿಧ ರಾಜ್ಯಗಳ ಮ್ಯಾಪ್ ಪಜಲ್ಗಳನ್ನು ಅಚ್ಚುಕಟ್ಟಾಗಿ ಜೋಡಿಸುವ ಸವಾಲನ್ನು ಇವನು ಸ್ವೀಕರಿಸಿದ್ದನು. ನಿಗದಿತ ಸಮಯವಾಗಿದ್ದ 5 ನಿಮಿಷಗಳಿಗಿಂತ ಮುಂಚಿತವಾಗಿಯೇ ಪಜಲ್ಗಳನ್ನು ಪೂರ್ಣಗೊಳಿಸುವ ಮೂಲಕ ಎಲ್ಲರನ್ನೂ ಅಚ್ಚರಿಗೊಳಿಸಿದ್ದಾನೆ.
ಶಾಲೆಯ ಶ್ಲಾಘನೆ :
ತೇಜಸ್ನ ಈ ಸಾಧನೆಯನ್ನು ಶಾಲೆಯ ಆಡಳಿತ ಮಂಡಳಿ ಮತ್ತು ಪ್ರಾಂಶುಪಾಲರು ಮುಕ್ತಕಂಠದಿಂದ ಶ್ಲಾಘಿಸಿದ್ದಾರೆ. ಬಾಲಕನ ಶಿಸ್ತು, ಏಕಾಗ್ರತೆ ಮತ್ತು ವಿದ್ಯಾಭ್ಯಾಸದ ಕಡೆಗಿನ ಆಸಕ್ತಿಯೇ ಈ ದಾಖಲೆಗೆ ಕಾರಣ ಎಂದು ಅವರು ತಿಳಿಸಿದ್ದಾರೆ. ಇಂತಹ ಸಾಧನೆಗಳು ಇತರ ವಿದ್ಯಾರ್ಥಿಗಳಲ್ಲಿ ಸ್ಫೂರ್ತಿ ತುಂಬುತ್ತವೆ ಎಂದು ಪ್ರಾಂಶುಪಾಲರು ಅಭಿಪ್ರಾಯಪಟ್ಟಿದ್ದಾರೆ.
ತಮ್ಮ ಮಗನ ಈ ರಾಷ್ಟ್ರೀಯ ಮಟ್ಟದ ಸಾಧನೆಗೆ ಪೋಷಕರು ಹರ್ಷ ವ್ಯಕ್ತಪಡಿಸಿದ್ದಾರೆ. ಶಾಲೆಯ ಶಿಕ್ಷಕರು ಹಾಗೂ ಜಿಲ್ಲೆಯ ಸಾರ್ವಜನಿಕರು ತೇಜಸ್ನ ಈ ಅಪೂರ್ವ ಪ್ರತಿಭೆಗೆ ಅಭಿನಂದನೆಗಳ ಸುರಿಮಳೆಗರೆಯುತ್ತಿದ್ದಾರೆ. ಕೊಪ್ಪಳದ ಹೆಸರನ್ನು ದೇಶದ ಮಟ್ಟದಲ್ಲಿ ಮಿನುಗಿಸಿದ ತೇಜಸ್ನ ಈ ‘ಮ್ಯಾಪ್ ಪಜಲ್’ ಸಾಧನೆ ನಿಜಕ್ಕೂ ಮೆಚ್ಚುವಂತದ್ದು.
