ತಾಯಿಯ ಪ್ರೀತಿಯ ಮುಂದೆ ಎಲ್ಲವೂ ಶರಣಾಗುತ್ತದೆ. ಮಗುವಿಗೆ ಯಾವುದೇ ಕಷ್ಟವಾದರೂ ತಾಯಿಯ ಹೃದಯ ಒಡದಾಡುತ್ತದೆ. ಈ ವಿಷಯದಲ್ಲಿ ಮನುಷ್ಯರಿಗೂ ಮೂಕ ಪ್ರಾಣಿಗಳಿಗೂ ಯಾವುದೇ ಭೇದವಿಲ್ಲ. ಟರ್ಕಿಯಲ್ಲಿ ತನ್ನ ಅನಾರೋಗ್ಯದ ಮರಿಯನ್ನು ಪಶುವೈದ್ಯಕೀಯ ಆಸ್ಪತ್ರೆಗೆ ಕರೆದೊಯ್ದ ತಾಯಿ ಬೆಕ್ಕಿನ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿದ್ದು, ಜನರ ಮನಗೆದ್ದಿದೆ. ಈ ಘಟನೆ ತಾಯಿಯ ಪ್ರೀತಿಯ ಶಕ್ತಿಯನ್ನು ಎತ್ತಿ ತೋರಿಸುತ್ತದೆ.
X ಖಾತೆಯಾದ @MrLaalpotato ಈ ಘಟನೆಯ ವಿಡಿಯೋವನ್ನು ಹಂಚಿಕೊಂಡಿದ್ದು, ಇದು ಲಕ್ಷಾಂತರ ವೀಕ್ಷಣೆಗಳನ್ನು ಗಳಿಸಿದೆ. ವಿಡಿಯೋದಲ್ಲಿ, ಒಂದು ಬೀದಿ ಬೆಕ್ಕು ತನ್ನ ಅನಾರೋಗ್ಯದ ಮರಿಯನ್ನು ಬಾಯಲ್ಲಿ ಕಚ್ಚಿಕೊಂಡು ಪಶುವೈದ್ಯಕೀಯ ಆಸ್ಪತ್ರೆಗೆ ತರುವ ದೃಶ್ಯವನ್ನು ಕಾಣಬಹುದು. ಆಸ್ಪತ್ರೆಯ ಸಿಬ್ಬಂದಿ ಮರಿಯನ್ನು ಪರೀಕ್ಷಿಸಿದಾಗ, ಅದಕ್ಕೆ ಕಣ್ಣಿನ ಸೋಂಕು ಇರುವುದು ಗೊತ್ತಾಯಿತು. ವೈದ್ಯರು ಮರಿಗೆ ಚಿಕಿತ್ಸೆ ನೀಡಿ, ತಾಯಿ ಬೆಕ್ಕಿಗೆ ಹಿಂದಿರುಗಿಸಿದರು. ಚಿಕಿತ್ಸೆ ಪಡೆದ ಮರಿಯನ್ನು ಬಾಯಲ್ಲಿ ಕಚ್ಚಿಕೊಂಡು ತಾಯಿ ಬೆಕ್ಕು ಓಡಿಹೋಗುವ ದೃಶ್ಯವು ಎಲ್ಲರ ಹೃದಯವನ್ನು ಮುಟ್ಟಿದೆ.
A mother’s instinct: Stray cat brings her sick kitten to local vet, where it was treated for an eye infection and given back to its mother❤️ pic.twitter.com/yCnlebflSZ
— Potato (@MrLaalpotato) July 1, 2025
ಈ ವಿಡಿಯೋವನ್ನು ವೀಕ್ಷಿಸಿದ ಬಳಕೆದಾರರು ತಾಯಿಯ ಪ್ರೀತಿಯ ಬಗ್ಗೆ ಹಲವು ಕಾಮೆಂಟ್‌ಗಳನ್ನು ಮಾಡಿದ್ದಾರೆ. ಒಬ್ಬ ಬಳಕೆದಾರ, “ಈ ವಿಡಿಯೋ ನನಗೆ ತುಂಬಾ ಇಷ್ಟವಾಯಿತು. ತಾಯಿಯ ಪ್ರೀತಿಯ ಶಕ್ತಿಯನ್ನು ತೋರಿಸುತ್ತದೆ,” ಎಂದಿದ್ದಾರೆ. ಇನ್ನೊಬ್ಬರು, “ಇದು ಬುದ್ಧಿವಂತ ಬೆಕ್ಕು! ತನ್ನ ಮರಿಯ ಆರೋಗ್ಯಕ್ಕಾಗಿ ಆಸ್ಪತ್ರೆಗೆ ತಂದಿದೆ,” ಎಂದು ಬರೆದಿದ್ದಾರೆ. “ತಾಯಿಯಾದವಳು ತನ್ನ ಮಕ್ಕಳಿಗಾಗಿ ಏನು ಬೇಕಾದರೂ ಮಾಡುತ್ತಾಳೆ,” ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ. ಹಲವರು ಹೃದಯದ ಎಮೋಜಿಗಳನ್ನು ಕಳುಹಿಸಿ ತಮ್ಮ ಮೆಚ್ಚುಗೆಯನ್ನು ವ್ಯಕ್ತಪಡಿಸಿದ್ದಾರೆ.