ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಾಣಿಗಳಿಗೆ ಸಂಬಂಧಿಸಿದ ವಿಡಿಯೋಗಳು ಆಗಾಗ ವೈರಲ್ ಆಗುತ್ತಲೇ ಇರುತ್ತವೆ. ವಿಶೇಷವಾಗಿ ಕ್ರೂರ ಪ್ರಾಣಿಗಳ ನಡುವಿನ ಭೀಕರ ಕಾಳಗದ ದೃಶ್ಯಗಳು ನೋಡುಗರಲ್ಲಿ ರೋಮಾಂಚನ ಮೂಡಿಸುತ್ತವೆ. ಇದೀಗ ವೈರಲ್ ಆಗಿರುವ ಒಂದು ವಿಡಿಯೋದಲ್ಲಿ ಕರಡಿ ಮತ್ತು ಹುಲಿಯ ನಡುವಿನ ಕಾಳಗ ಗಮನ ಸೆಳೆದಿದೆ. ಈ ವಿಡಿಯೋವನ್ನು ನೋಡಿದ ನೆಟ್ಟಿಗರು ವಿವಿಧ ಕಾಮೆಂಟ್ಗಳ ಮೂಲಕ ತಮ್ಮ ಪ್ರತಿಕ್ರಿಯೆ ವ್ಯಕ್ತಪಡಿಸಿದ್ದಾರೆ.
ಹುಲಿಯಂತಹ ಕ್ರೂರ ಪ್ರಾಣಿಯು ಬೇಟೆಯಲ್ಲಿ ಪಳಗಿದ್ದಾಗಿದೆ. ತನ್ನ ಹಸಿವನ್ನು ತೀರಿಸಿಕೊಳ್ಳಲು ಸಾಧು ಪ್ರಾಣಿಗಳ ಮೇಲೆ ದಾಳಿ ಮಾಡುವುದು ಸಾಮಾನ್ಯ. ಇಂತಹ ಭಯಾನಕ ದೃಶ್ಯಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಾಮಾನ್ಯವಾಗಿ ವೈರಲ್ ಆಗುತ್ತವೆ. ಆದರೆ, ಈ ಬಾರಿಯ ವಿಡಿಯೋದಲ್ಲಿ ಹುಲಿ ಮತ್ತು ಕರಡಿ ಮುಖಾಮುಖಿಯಾಗಿದ್ದು, ಕರಡಿಯ ಘರ್ಜನೆಗೆ ಹೆದರಿ ಹುಲಿಯೇ ಓಡಿಹೋಗಿರುವ ಘಟನೆ ಮಧ್ಯ ಪ್ರದೇಶದ ಸಿಯೋನಿ ಜಿಲ್ಲೆಯ ಪೆಂಚ್ ಹುಲಿ ಅಭಯಾರಣ್ಯದಲ್ಲಿ ನಡೆದಿದೆ ಎನ್ನಲಾಗಿದೆ.
#WATCH | Hilarious! Bear Scares Away Roaring Tiger At Pench Tiger Reserve #MPvideos #MadhyaPradesh #viralvideo pic.twitter.com/FETb4JpEIs
— Free Press Madhya Pradesh (@FreePressMP) April 28, 2025
‘Free Press Madhya Pradesh’ ಖಾತೆಯಲ್ಲಿ ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ. ವಿಡಿಯೋದ ಆರಂಭದಲ್ಲಿ ಹುಲಿ ಮತ್ತು ಕರಡಿ ಮುಖಾಮುಖಿಯಾಗಿರುವುದನ್ನು ಕಾಣಬಹುದು. ಹುಲಿಯು ಕರಡಿಯತ್ತ ಮೆಲ್ಲಗೆ ಹೆಜ್ಜೆ ಇಟ್ಟು ಸಮೀಪಿಸುತ್ತಿದ್ದರೆ, ಕರಡಿಯು ಯಾವುದೇ ಭಯವಿಲ್ಲದೆ ಎದ್ದು ನಿಂತಿದೆ. ಆ ಬಳಿಕ ಕರಡಿಯು ಜೋರಾಗಿ ಘರ್ಜಿಸಿದಾಗ, ಭಯಗೊಂಡ ಹುಲಿಯು ಹಿಂದೆ ಸರಿದು ತಕ್ಷಣವೇ ಓಡಿಹೋಗಿದೆ.
ಈ ವಿಡಿಯೋ ಈಗಾಗಲೇ 700ಕ್ಕೂ ಅಧಿಕ ವೀಕ್ಷಣೆಗಳನ್ನು ಪಡೆದಿದ್ದು, ಬಳಕೆದಾರರು ವಿವಿಧ ಕಾಮೆಂಟ್ಗಳನ್ನು ಮಾಡಿದ್ದಾರೆ. ಒಬ್ಬ ಬಳಕೆದಾರ, “ಹುಲಿಯು ಧೈರ್ಯವಂತ ಪ್ರಾಣಿ ಎಂದು ಕೇಳಿದ್ದೆ, ಆದರೆ ಈ ವಿಡಿಯೋ ನೋಡಿದ ಬಳಿಕ ಅದರ ಧೈರ್ಯ ಎಷ್ಟಿದೆ ಎಂದು ತಿಳಿಯಿತು,” ಎಂದಿದ್ದಾರೆ. ಇನ್ನೊಬ್ಬರು, “ಇಂತಹ ದೃಶ್ಯಗಳನ್ನು ನೋಡುವುದೇ ಒಂದು ರೋಮಾಂಚಕ ಅನುಭವ,” ಎಂದಿದ್ದಾರೆ. ಮತ್ತೊಬ್ಬ ಬಳಕೆದಾರ, “ಈ ಹುಲಿಗೆ ಧೈರ್ಯವೇ ಇಲ್ಲ,” ಎಂದು ಕಾಮೆಂಟ್ ಮಾಡಿದ್ದಾರೆ.
