ರೋಹಿತ್ ಶರ್ಮಾ ಮತ್ತೊಂದು ಐಸಿಸಿ ಕಪ್ಗೆ ಮುತ್ತಿಕ್ಕೋ ಉತ್ಸಾಹದಲ್ಲಿದ್ಧಾರೆ. ರೋಹಿತ್ ಶರ್ಮಾ ಕ್ಯಾಪ್ಟನ್ ಆದ ಮೇಲೆ ಎಲ್ಲ ಮಾದರಿಯ ಐಸಿಸಿ ಟೂರ್ನಿಗಳಲ್ಲಿ ಫೈನಲ್ ತಲುಪಿರುವ ಭಾರತ, ಗೆಲುವಿನ ಉತ್ಸಾಹದಲ್ಲೇನೋ ಇದೆ. ಆ ಉತ್ಸಾಹಕ್ಕೆ ಕಾರಣ ಕೇವಲ ಕೊಹ್ಲಿಯಲ್ಲ, ರೋಹಿತ್ ಅಲ್ಲ, ಗಿಲ್, ಅಯ್ಯರ್, ಹಾರ್ದಿಕ್, ಶಮಿ ಯಾರೂ ಅಲ್ಲ. ಇವರೆಲ್ಲರ ಜೊತೆಗೆ ನಾಲ್ವರು ಮಾಸ್ಟರ್ ಸ್ಪಿನ್ನರ್ಸ್, ನ್ಯೂಜಿಲೆಂಡ್ ಆಟಗಾರರಿಗೆ ಮಿಸ್ಟರಿಯಾಗಿ ಕಾಡ್ತಿದ್ಧಾರೆ. ಕುಲದೀಪ್ ಯಾದವ್, ವರುಣ್ ಚಕ್ರವರ್ತಿ, ಅಕ್ಷರ್ ಪಟೇಲ್ ಮತ್ತು ಅಜಯ್ ಜಡೇಜಾ.
1. ಮಿಸ್ಟರಿ ವರುಣ್ ಚಕ್ರವರ್ತಿ
ಈ ಸಾಲಿನಲ್ಲಿ ನಂ.1 ಮಿಸ್ಟರಿಯಾಗಿ ಕಾಡ್ತಿರೋದು ವರುಣ್ ಚಕ್ರವರ್ತಿ. ಇವರನ್ನ ನಂಬರ್ ಒನ್ ಮಿಸ್ಟರಿ ಸ್ಪಿನ್ನರ್ ಎಂದೇ ಕರೆಯಲಾಗ್ತಿದೆ. ಕೇರಮ್ ಬೋರ್ಡ್, ಗೂಗ್ಲಿ, ಆರ್ಮ್ ಬಾಲ್, ಫ್ಲಿಪರ್ ವರುಣ್ ಚಕ್ರವರ್ತಿಯ ಬತ್ತಳಿಕೆಯಲ್ಲಿರೋ ಬ್ರಹ್ಮಾಸ್ತ್ರಗಳು.
ಲೆಫ್ಟ್ ಮತ್ತು ರೈಟ್ ಎರಡೂ ಕಡೆ ಸ್ಪಿನ್ ಮಾಡೋ ವರುಣ್ ಚಕ್ರವರ್ತಿ, ಆ ಬಾಲುಗಳಿಗೆ ಒಂದಿಷ್ಟು ವೇಗವನ್ನೂ ಕೊಡ್ತಾರೆ. ವರುಣ್ ಚಕ್ರವರ್ತಿ ಬೌಲಿಂಗಿನಲ್ಲಿ ಸ್ಪಿನ್ ಮತ್ತು ಸ್ಪೀಡ್ ಎರಡೂ ಇರೋದ್ರಿಂದ ನ್ಯೂಜೆಲೆಂಡ್ ಬ್ಯಾಟ್ಸ್ಮನ್ನುಗಳು ಪರದಾಡ್ತಿದ್ದಾರೆ.
ವರುಣ್ ಚಕ್ರವರ್ತಿ, ನ್ಯೂಜಿಲೆಂಡ್ ವಿರುದ್ಧ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಮೊದಲು ಬೌಲಿಂಗ್ ಮಾಡಿದ್ದು. ಆ ಪಂದ್ಯದಲ್ಲಿ 5 ವಿಕೆಟ್ ಪಡೆದ ವರುಣ್, ಭಾರತದ 44 ರನ್ನುಗಳ ಗೆಲುವಿಗೆ ಕಾರಣರಾಗಿದ್ದರು.
2. ಅಕ್ಷರ್ ಪಟೇಲ್
ನಂ.2 ಸ್ಥಾನದಲ್ಲಿರೋದು ಅಕ್ಷರ್ ಪಟೇಲ್. ಎಡಗೈ ಸ್ಪಿನ್ನರ್ ಆಗಿರೋ ಅಕ್ಷರ್, ಟೈಟ್ ಲೈನ್ & ಲೆಂಗ್ತ್ ಬೌಲಿಂಗ್ ಮಾಡ್ತಾರೆ. ಪವರ್ ಪ್ಲೇನಲ್ಲಿ ಕೂಡಾ ರೋಹಿತ್ ಶರ್ಮಾ ಅಕ್ಷರ್ ಪಟೇಲ್ ಕೈಗೆ ಬೌಲಿಂಗ್ ಕೊಡ್ತಾರೆ. ಸ್ಪಿನ್ ಜೊತೆಗೆ ಒಂದಿಷ್ಟು ಬೌನ್ಸ್ ಕೊಡೋದ್ರಿಂದ, ಬ್ಯಾಟ್ಸ್ಮನ್ ಆಡಲೇಬೇಕಾಗುತ್ತೆ. ಸಣ್ಣ ರೇಂಜಿನಲ್ಲಿ ಸ್ಪಿನ್ ಆಗುತ್ತೆ. ಕರೆಕ್ಟ್ ಆಗಿ ಜಡ್ಜ್ ಮಾಡದೇ ಇದ್ರೆ, ವಿಕೆಟ್ ಫಿಕ್ಸ್. ಜೊತೆಗೆ ಬ್ಯಾಟಿಂಗಿನಲ್ಲೂ ಸಪೋರ್ಟ್ ಕೊಡೋ ಅಕ್ಷರ್ ಪಟೇಲ್, ಅದ್ಭುತ ಫೀಲ್ಡರ್ ಕೂಡಾ ಹೌದು.
3. ಕುಲದೀಪ್ ಯಾದವ್
ನಂ.3 ಸ್ಥಾನದಲ್ಲಿರೋದು ಕುಲದೀಪ್ ಯಾದವ್. ಐಸಿಸಿ ಟಾಪ್ 10 ಬೌಲರುಗಳಲ್ಲಿ ಸ್ಥಾನ ಪಡೆದಿರುವ ಏಕೈಕ ಭಾರತೀಯ ಬೌಲರ್. ಇವರೂ ಕೂಡಾ ಎಡಗೈ ರಿಸ್ಟ್ ಸ್ಪಿನ್ನರ್. ಕುಲದೀಪ್ ಯಾದವ್ ಶಕ್ತಿ ಎಂದರೆ ಬ್ಯಾಟ್ಸ್ಮನ್ನಿಗೆ ಆಡೋಕೆ ಚಾನ್ಸ್ ಕೊಡ್ತಾರೆ. ದೊಡ್ಡ ಹೊಡೆದ ಹೊಡೆಯೋಕೆ ಕೆಣಕ್ತಾರೆ. ಮಿಸ್ ಆದ್ರೆ ವಿಕೆಟ್ ಹೋಗುತ್ತೆ. ಚಾಂಪಿಯನ್ಸ್ ಟ್ರೋಫಿಯಲ್ಲಿ ಪಾಕಿಸ್ತಾನದ ಮಧ್ಯಮ ಕ್ರಮಾಂಕವನ್ನು ಅಟ್ಟಾಡಿಸಿದ್ದವರೇ ಕುಲದೀಪ್ ಯಾದವ್. ಸ್ಪಿನ್ನಿಗೆ ಅವಕಾಶ ಕೊಡದಿರೋ ಪಿಚ್ಚುಗಳಲ್ಲೂ ಸ್ಪಿನ್ ಮಾಡುವ ಶಕ್ತಿ ಇರುವ ಬೌಲರ್.
4. ರವೀಂದ್ರ ಜಡೇಜ
ನಂ.4 ಅಂತಾ ಬಂದ್ರೆ ಅದು ಒನ್ ಶ್ರೀ & ಓನ್ಲಿ ರವೀಂದ್ರ ಜಡೇಜಾ. ಜಡೇಜಾ ಅವರ ಸ್ಪಿನ್ ಶಕ್ತಿ ಎಂದರೆ ಅದು ಬಾಲನ್ನ ಸ್ಕಿಡ್ ಮಾಡೋದು. ವೇಗವನ್ನ ತನಗೆಷ್ಟು ಬೇಕೋ.. ಅಷ್ಟಕ್ಕೆ ಅಡ್ಜಸ್ಟ್ ಮಾಡಿಕೊಳ್ಳೋ ಜಡೇಜಾ, ಬ್ಯಾಟ್ಸ್ಮನ್ನುಗಳಿಗೆ ಯೋಚಿಸೋದಕ್ಕೂ ಟೈಂ ಕೊಡೋದಿಲ್ಲ. ಕೇವಲ 2-3 ನಿಮಿಷಕ್ಕೆ ಒಂದು ಓವರ್ ಕಂಪ್ಲೀಟ್ ಮಾಡೋ ಜಡೇಜಾ, ಬಾಲ್ನ್ನ ಯಾವಾಗ ಬೌನ್ಸ್ ಮಾಡ್ತಾರೆ ಅನ್ನೋದು ಗೊತ್ತಾಗಲ್ಲ. ಅದ್ಭುತ ಫೀಲ್ಡರ್ ಆಗಿರೋ ಜಡೇಜಾ, ಭಾರತ ಕಂಡ ಬೆಸ್ಟ್ ಆಲ್ ರೌಂಡರುಗಳಲ್ಲಿ ಒಬ್ಬರು.
ಇವರ ಜೊತೆಗೆ ಶಮಿ ಎಂಬ ಮಾರಕ ವೇಗದ ಬೌಲರ್, ಹಾರ್ದಿಕ್ ಪಾಂಡ್ಯ ಎಂಬ ಮೀಡಿಯಂ ಫಾಸ್ಟ್ ಬೌಲರ್ ಇದ್ಧಾರೆ. ಒಂದೇ ಒಂದು ಭಯ ಎಂದರೆ.. ವಿಶ್ವಕಪ್ ಟೂರ್ನಿ ಫೈನಲ್ ಪಂದ್ಯದಲ್ಲೂ ಭಾರತದ ಬೌಲಿಂಗ್ ಸಖತ್ತಾಗಿಯೇ ಇತ್ತು. ಬೂಮ್ರಾ, ಶಮಿ, ಜಡೇಜಾ, ಕುಲದೀಪ್ ಎಲ್ಲರೂ ಇದ್ದರೂ.
ಹಾರ್ದಿಕ್ ಮತ್ತು ವರುಣ್ ಮಾತ್ರ ಇರಲಿಲ್ಲ, ಅಷ್ಟೇ. ಆದರೆ ಲೀಗ್ ಪಂದ್ಯದಲ್ಲಿ ಆಸ್ಟ್ರೇಲಿಯಾವನ್ನು ಕಟ್ಟಿ ಹಾಕಿದ್ದ ಅದೇ ಬೌಲರುಗಳು, ಫೈನಲ್ಲಿನಲ್ಲಿ ಸೋತು ಹೋಗಿದ್ದರು. ಅದು ರಿಪೀಟ್ ಆಗೋದು ಬೇಡ.. ಚೆನ್ನಾಗಿ ಆಡಿ, ಕಪ್ ಗೆಲ್ಲಿ ಅಂತಿದ್ಧಾರೆ ಫ್ಯಾನ್ಸ್.
