ಜನ್ಮಸಂಖ್ಯೆ ಆಧಾರಿತ ಇಂದಿನ ನಿಮ್ಮ ಭವಿಷ್ಯ ಹೇಗಿದೆ..?

ಅಕ್ಟೋಬರ್ 30, 2025 (ಗುರುವಾರ) ಜನ್ಮಸಂಖ್ಯೆಯನ್ನು ತಿಳಿಯಲು ನಿಮ್ಮ ಜನ್ಮ ದಿನಾಂಕದ ಏಕಾಂಕ ಸಂಖ್ಯೆ (ಉದಾ., 1, 10, 19, 28 = 1; 2, 11, 20, 29 = 2). ಈ ಆಧಾರದಲ್ಲಿ ಗುರುವಾರದ ದಿನ ಭವಿಷ್ಯ ಇಲ್ಲಿದೆ.

ಜನ್ಮಸಂಖ್ಯೆ 1 (10, 19, 28ನೇ ತಾರೀಕು)

ಭಾವನಾತ್ಮಕ ಮಾತುಗಳಿಂದ ಮನಸ್ಸಿಗೆ ಭಾರವಾಗಬಹುದು. ವೈಯಕ್ತಿಕ ವಿಷಯಗಳನ್ನು ಮನೆಯೊಳಗೆ ಚರ್ಚಿಸಿ ಮುಗಿಸಿ. ಕಷ್ಟಕರ ಕೆಲಸಗಳನ್ನು ಪ್ರಭಾವ ಬಳಸಿ ಪೂರ್ಣಗೊಳಿಸಲು ತೀರ್ಮಾನಿಸುವಿರಿ. ಉದ್ಯೋಗ ಬದಲಾವಣೆಗೆ ಪ್ರಯತ್ನಿಸುವವರಿಗೆ ಅನಿರೀಕ್ಷಿತ ಸಹಾಯ ಸಿಗಲಿದೆ. ಹೂಡಿಕೆಯ ಹಣವನ್ನು ಹಿಂತೆಗೆದುಕೊಳ್ಳುವ ಯೋಚನೆ ಶುರುವಾಗಲಿದೆ. ಕೆಲವರು ದ್ವಿಚಕ್ರ ವಾಹನ ಅಥವಾ ಕಾರು ಖರೀದಿಗೆ ಯೋಜನೆ ರೂಪಿಸಿ, ಅಡ್ವಾನ್ಸ್ ಹಣ ನೀಡಬಹುದು. ಪ್ರಮುಖ ಕೆಲಸಕ್ಕೆ ಹೊರಡುವಾಗ ಮುಂಚಿತವಾಗಿ ತಯಾರಾಗಿರಿ.

ಜನ್ಮಸಂಖ್ಯೆ 2 (11, 20, 29ನೇ ತಾರೀಕು)

ಗೆಳೆತನದಲ್ಲಿ ಸಹಜವೆಂದು ಭಾವಿಸಿದ್ದು ತಪ್ಪೆನಿಸಬಹುದು. ಅಂತರಂಗದ ವಿಷಯಗಳನ್ನು ಹಂಚಿಕೊಳ್ಳದಂತೆ ಕುಟುಂಬದವರು ಸಲಹೆ ನೀಡಲಿದ್ದಾರೆ. ವ್ಯಾಪಾರಿಗಳು ಆದಾಯದ ಮೂಲಗಳನ್ನು ಹೆಚ್ಚಿಸುವ ಬಗ್ಗೆ ಯೋಚಿಸುವಿರಿ. ಮಕ್ಕಳ ಶಿಕ್ಷಣಕ್ಕೆ ಹಣಕಾಸಿನ ಚರ್ಚೆ ಸಂಗಾತಿಯೊಂದಿಗೆ ನಡೆಯಲಿದೆ. ಭಾರವಾದ ವಸ್ತುಗಳನ್ನು ಎತ್ತುವಾಗ ಎಚ್ಚರಿಕೆ ವಹಿಸಿ, ಇಲ್ಲದಿದ್ದರೆ ಬೆನ್ನುನೋವು ಅಥವಾ ಉಳುಕು ಸಾಧ್ಯತೆ. ಬಾಡಿಗೆ ಮನೆ ಬದಲಾವಣೆಗೆ ಪ್ರಯತ್ನಿಸುವವರಿಗೆ ಸೂಕ್ತ ಮನೆ ದೊರೆಯಲಿದೆ.

ಜನ್ಮಸಂಖ್ಯೆ 3 (12, 21, 30ನೇ ತಾರೀಕು)

ನಿತ್ಯದ ವಿಷಯಗಳಲ್ಲಿ ಬದಲಾವಣೆ ಕಾಣಿಸಲಿದೆ. ವಿವಾಹಕ್ಕೆ ಪ್ರಯತ್ನಿಸುವವರಿಗೆ ಸೂಕ್ತ ಸಂಬಂಧ ದೊರೆಯಬಹುದು. ದೂರದ ಸಂಬಂಧಿಕರು ಸಹಾಯ ಕೇಳಬಹುದು; ಆಲೋಚಿಸಿ ಉತ್ತರಿಸಿ. ಸರ್ಕಾರಿ ಉದ್ಯೋಗಿಗಳಿಗೆ ಹೆಚ್ಚುವರಿ ಜವಾಬ್ದಾರಿಗಳು ಬರಬಹುದು. ಆಹಾರ ಪಥ್ಯದಲ್ಲಿ ರಾಜಿಯಿಲ್ಲ. ಕೆಲವರು ಪೀಠೋಪಕರಣ ಖರೀದಿಗೆ ಕ್ರೆಡಿಟ್ ಕಾರ್ಡ್ ಬಳಸಬಹುದು.

ಜನ್ಮಸಂಖ್ಯೆ 4 (13, 22, 31ನೇ ತಾರೀಕು)

ಕೆಮ್ಮು, ಕಫ, ಗಂಟಲು ನೋವಿನಂತಹ ಆರೋಗ್ಯ ಸಮಸ್ಯೆಗಳು ಕಾಡಬಹುದು. ದಿಢೀರ್ ದೂರ ಪ್ರಯಾಣದ ಅನಿವಾರ್ಯತೆ ಉಂಟಾಗಲಿದೆ. ದೈಹಿಕ ಆಯಾಸದಿಂದ ಕೆಲಸದಲ್ಲಿ ತೊಡಗಲು ಕಷ್ಟವಾಗಬಹುದು. ಉನ್ನತ ಶಿಕ್ಷಣದವರಿಗೆ ಪುಸ್ತಕ, ಲ್ಯಾಪ್‌ಟಾಪ್ ಖರೀದಿಗೆ ಖರ್ಚು. ಟ್ಯಾಕ್ಸ್ ರೀಫಂಡ್ ಬಗ್ಗೆ ಸುಳಿವು ಸಿಗಲಿದೆ. ಗಾಜಿನ ಅಥವಾ ಚೂಪಾದ ವಸ್ತುಗಳ ಬಳಕೆಯಲ್ಲಿ ಜಾಗರೂಕರಾಗಿರಿ. ಹೋಟೆಲ್ ವ್ಯವಹಾರದವರಿಗೆ ಹಣಕಾಸಿನ ಒತ್ತಡ ಸಾಧ್ಯತೆ.

ಜನ್ಮಸಂಖ್ಯೆ 5 (14, 23ನೇ ತಾರೀಕು)

ಕೆಲಸಗಳನ್ನು ಪೂರ್ಣಗೊಳಿಸಲು ಒತ್ತಡ ಎದುರಾಗಲಿದೆ. ದಾಕ್ಷಿಣ್ಯಕ್ಕೆ ಒಳಗಾಗದೆ ಬೇಡವೆನಿಸಿದ್ದನ್ನು ಬಿಟ್ಟುಬಿಡಿ. ಚರ್ಮ, ಕೂದಲಿನ ಸಮಸ್ಯೆಗೆ ವೈದ್ಯೋಪಚಾರ ಪಡೆಯಿರಿ. ಸ್ವಂತ ವ್ಯಾಪಾರ ಆರಂಭಕ್ಕೆ ಹಣಕಾಸು ಒದಗಲಿದೆ. ವಾಹನ ಖರೀದಿಗೆ ಸಾಲಕ್ಕೆ ಪ್ರಯತ್ನಿಸಿದರೆ ಖಾತ್ರಿ ಸಿಗಲಿದೆ.

ಜನ್ಮಸಂಖ್ಯೆ 6 (15, 24ನೇ ತಾರೀಕು)

ಹಳೆಯ ಅಥವಾ ನಿರುಪಯುಕ್ತ ವಸ್ತುಗಳನ್ನು ಮಾರಾಟ ಮಾಡಲು ಅಥವಾ ಕೊಡಲು ನಿರ್ಧರಿಸುವಿರಿ. ದೇವತಾ ಕಾರ್ಯಕ್ಕೆ ಸಿದ್ಧತೆ ಆರಂಭವಾಗಲಿದೆ. ಸಂಬಂಧಿಕರ ಕಾರ್ಯಕ್ರಮಕ್ಕೆ ಓಡಾಟ ಸಾಧ್ಯತೆ. ವೃತ್ತಿಪರರಿಗೆ ಹೊಸ ಅವಕಾಶಗಳು. ಹಿಂದಿನ ಒಪ್ಪಂದಗಳನ್ನು ಮುಂದುವರಿಸಲು ಕೇಳಿಕೊಳ್ಳಬಹುದು. ಕಷ್ಟಕರ ವಿಷಯಗಳಿಂದ ಹೊರಬರಲು ಮಾರ್ಗ ಕಾಣಿಸಲಿದೆ.

ಜನ್ಮಸಂಖ್ಯೆ 7 (16, 25ನೇ ತಾರೀಕು)

ಸಾಲ ತೀರಿಸಲು ಉಳಿತಾಯ ಅಥವಾ ಹೂಡಿಕೆಯ ಹಣವನ್ನು ಹಿಂತೆಗೆದುಕೊಳ್ಳುವ ಯೋಚನೆ. ದೂರದಲ್ಲಿರುವವರಿಗೆ ಕುಟುಂಬದ ನೆನಪು ಕಾಡಲಿದೆ. ಆರೋಗ್ಯಕ್ಕೆ ಸಂಬಂಧಿತ ಉಪಕರಣ ಖರೀದಿಗೆ ಮುಂದಾಗುವಿರಿ. ಹಿಂದಿನ ನಿರ್ಧಾರಗಳನ್ನು ಪರಿಶೀಲಿಸುವಿರಿ. ಅತಿಯಾದ ಚಿಂತೆಯಿಂದ ದೂರವಿರಿ.

ಜನ್ಮಸಂಖ್ಯೆ 8 (17, 26ನೇ ತಾರೀಕು)

ಗೃಹೋಪಯೋಗಿ ವಸ್ತುಗಳಾದ ಟೀವಿ, ಫ್ರಿಜ್ ಖರೀದಿಗೆ ಯೋಗ. ಸಹಾಯ ಭರವಸೆ ನೀಡಿದವರಿಂದ ನೆರವು ಪಡೆಯಲು ಯೋಚಿಸುವಿರಿ. ವ್ಯಾಪಾರಕ್ಕೆ ತಂದೆಯಿಂದ ಸಹಾಯ. ಸಾರ್ವಜನಿಕ ಜೀವನದವರಿಗೆ ಕೆಲಸದ ಒತ್ತಡ. ಕಾಗದಪತ್ರಗಳನ್ನು ಜೋಪಾನವಾಗಿ ಇರಿಸಿ.

ಜನ್ಮಸಂಖ್ಯೆ 9 (9, 18, 27ನೇ ತಾರೀಕು)

ಕೆಲಸದಲ್ಲಿ ಮುಳುಗಿರುವಿರಿ, ಕುಟುಂಬಕ್ಕೆ ಲಕ್ಷ್ಯ ಕಡಿಮೆಯೆಂದು ಆಕ್ಷೇಪ ಸಾಧ್ಯತೆ. ಮನೆ ನಿರ್ಮಾಣ ಅಥವಾ ನವೀಕರಣದಲ್ಲಿ ವೆಚ್ಚ ಹೆಚ್ಚಾಗಬಹುದು. ಕುಟುಂಬದೊಂದಿಗೆ ಕಲಹ ತಪ್ಪಿಸಿ. ಇತರರ ವೈಯಕ್ತಿಕ ವಿಷಯಗಳಲ್ಲಿ ಹಸ್ತಕ್ಷೇಪ ಬೇಡ. ಮಾತಿನ ಆಯ್ಕೆಯಲ್ಲಿ ಎಚ್ಚರಿಕೆ ವಹಿಸಿ.