ಸಂಖ್ಯಾಶಾಸ್ತ್ರ ಪ್ರಕಾರ ಪ್ರತಿ ವ್ಯಕ್ತಿಯ ಜನ್ಮಸಂಖ್ಯೆ ಅವರ ದಿನದ ಗುಣಲಕ್ಷಣಗಳನ್ನು ನಿರ್ಧರಿಸುತ್ತದೆ. ನಿಮ್ಮ ಹುಟ್ಟಿದ ದಿನದ ಸಂಖ್ಯೆ, ಅಂದರೆ 1ರಿಂದ 9ರೊಳಗಿನ ಸಂಖ್ಯೆಯೇ ನಿಮ್ಮ ಜನ್ಮಸಂಖ್ಯೆ. ನವೆಂಬರ್ 20ರ ಗುರುವಾರ ನೀವು ಎದುರಿಸಬಹುದಾದ ಶುಭ-ಸವಾಲುಗಳ ಬಗ್ಗೆ ಇಲ್ಲಿ ವಿವರಿಸಲಾಗಿದೆ.
ಜನ್ಮಸಂಖ್ಯೆ 1 (1, 10, 19, 28)
ಇಂದು ನಿಮ್ಮ ನಾಯಕತ್ವ ಗುಣಗಳು ಸ್ಪಷ್ಟವಾಗಿ ಹೊರಹೊಮ್ಮಲಿವೆ. ಕೆಲಸದ ಸ್ಥಳದಲ್ಲಿ ನಿಮ್ಮ ಅಭಿಪ್ರಾಯಗಳಿಗೆ ಮನ್ನಣೆ ದೊರೆಯುವುದು, ಹೊಸ ಜವಾಬ್ದಾರಿಗಳು ಬರುವುದು ಸಾಧ್ಯ. ಹಳೆಯ ಸಾಲವೂ ತೀರಬಹುದು. ಕುಟುಂಬದ ವಿಷಯಗಳಲ್ಲಿ ಮಧ್ಯವರ್ತಿಯಾಗಿ ಸಮಸ್ಯೆಗಳನ್ನು ಬಗೆಹರಿಸಲು ಸಾಧ್ಯ. ಆದರೆ ಅತಿಯಾದ ಆತ್ಮವಿಶ್ವಾಸ ಅಹಂಕಾರದಲ್ಲಿ ಎಚ್ಚರಿಕೆ ಅಗತ್ಯ. ಎಲ್ಲರ ಅಭಿಪ್ರಾಯಗಳನ್ನು ಮನಸಾರೆ ಕೇಳಿ, ಯಾವುದಕ್ಕೂ ಅತಿಯಾಗಿ ಹಠ ಹಿಡಿಯಬೇಡಿ.
ಜನ್ಮಸಂಖ್ಯೆ 2 (2, 11, 20, 29)
ಕಲೆ-ಸಾಹಿತ್ಯ ಅಥವಾ ಸಂವಹನ ಕ್ಷೇತ್ರದಲ್ಲಿರುವವರು ಯಶಸ್ಸು ಕಾಣಬಹುದು. ಪಾಲುದಾರಿಕೆಯ ವ್ಯವಹಾರದಲ್ಲಿ ಸಣ್ಣಪುಟ್ಟ ಭಿನ್ನಾಭಿಪ್ರಾಯಗಳು ಕಂಡುಬರುವ ಸಾಧ್ಯತೆ ಇದೆ. ದೊಡ್ಡ ಹೂಡಿಕೆ ಮಾಡುವ ಮುನ್ನ ತಜ್ಞರ ಸಲಹೆ ಅಗತ್ಯ. ಭಾವನಾತ್ಮಕವಾಗಿ ಅತಿಸೂಕ್ಷ್ಮತೆ ಹೆಚ್ಚಾಗುವ ಕಾರಣ, ಅಲ್ಪ ವಿಷಯಕ್ಕೂ ಬೇಸರಗೊಳ್ಳಬೇಡಿ. ಕುಟುಂಬದೊಂದಿಗೆ ಸಮಯ ಕಳೆದರೆ ನೆಮ್ಮದಿ ದೊರೆಯುತ್ತದೆ. ಮನಸ್ಸನ್ನು ಅತಿಯಾದ ಚಿಂತೆಗಳಿಂದ ದೂರವಿಡಲು ಆಲೋಚನೆಗಳನ್ನು ಬರೆದುಕೊಳ್ಳುವುದು ಒಳಿತು.
ಜನ್ಮಸಂಖ್ಯೆ 3 (3, 12, 21, 30)
ಶಿಕ್ಷಣ, ಬ್ಯಾಂಕಿಂಗ್, ಕನ್ಸಲ್ಟಿಂಗ್ ಕ್ಷೇತ್ರದವರಿಗೆ ಭಾರೀ ಅನುಕೂಲ. ಜ್ಞಾನ ಮತ್ತು ಅನುಭವಕ್ಕೆ ಇಂದು ಸರಿಯಾದ ಮೌಲ್ಯ ಸಿಗಲಿದೆ. ವ್ಯಾಪಾರ ವಿಸ್ತರಣೆಗಾಗಿ ನೀವು ಕೈಗೊಳ್ಳುವ ಪ್ರಯಾಣ ಲಾಭದಾಯಕ. ಅನಗತ್ಯ ಖರ್ಚುಗಳನ್ನು ನಿಯಂತ್ರಿಸುವುದು ಮುಖ್ಯ. ಧಾರ್ಮಿಕ ಚಟುವಟಿಕೆಗಳತ್ತ ಆಸಕ್ತಿ ಹೆಚ್ಚಬಹುದು. ಕುಟುಂಬದಲ್ಲಿ ಸೌಹಾರ್ದ ವಾತಾವರಣ ಇರುತ್ತದೆ. ಜನರು ಕೇಳಿದಾಗ ಮಾತ್ರ ಸಲಹೆ ನೀಡುವುದು ಉತ್ತಮ.
ಜನ್ಮಸಂಖ್ಯೆ 4 (4, 13, 22, 31)
ಹಿಂದಿನ ಶ್ರಮಕ್ಕೆ ಈ ದಿನ ಸೂಕ್ತ ಪ್ರತಿಫಲ ದೊರೆಯಲಿದೆ. ತಾಂತ್ರಿಕ, ರಾಜಕೀಯ, ರಿಯಲ್ ಎಸ್ಟೇಟ್ ಕ್ಷೇತ್ರದವರಿಗೆ ಶುಭ. ಆದರೆ ಹಣಕಾಸಿನ ನಿರ್ವಹಣೆಯಲ್ಲಿ ಪಾರದರ್ಶಕತೆ ಇರಲಿ. ಕೆಲವರಿಗೆ ಸರ್ಕಾರದಿಂದ ನೋಟಿಸ್ ಅಥವಾ ಆಡಳಿತ ಸಂಬಂಧಿತ ಅಡಚಣೆ ಎದುರಾಗಬಹುದು. ಸ್ನೇಹಿತರೊಂದಿಗೆ ಸಣ್ಣ ವಿವಾದಗಳು ಸಂಭವಿಸಬಹುದು. ಆರೋಗ್ಯ ಕಡೆ ನಿರ್ಲಕ್ಷ್ಯ ಬೇಡ.
ಜನ್ಮಸಂಖ್ಯೆ 5 (5, 14, 23)
ನಿಮ್ಮಲ್ಲಿ ಇಂದು ವೇಗ ಮತ್ತು ಚುರುಕುತನ ಹೆಚ್ಚಿರಲಿದೆ. ಒಂದೇ ಸಮಯಕ್ಕೆ ಹಲವಾರು ಕೆಲಸಗಳನ್ನು ನಿಭಾಯಿಸಬಲ್ಲಿರಿ. ಹೊಸ ಒಪ್ಪಂದಗಳು, ವ್ಯಾಪಾರ ಮಾತುಕತೆಗಳಿಗೆ ಇದು ಉತ್ತಮ ಸಮಯ. ಪ್ರಯಾಣದಿಂದ ಲಾಭದ ಸೂಚನೆ. ಹಳೆಯ ಸ್ನೇಹಿತರ ಭೇಟಿ ಸಾಧ್ಯ. ದಿನದ ಕೊನೆಯಲ್ಲಿ ದಣಿವು ಹೆಚ್ಚಾಗಬಹುದು, ಆದ್ದರಿಂದ ಕೆಲಸದ ಆದ್ಯತೆಗಳನ್ನು ಪಟ್ಟಿ ಮಾಡಿಕೊಳ್ಳುವುದು ಮುಖ್ಯ. ನಿರ್ಧಾರ ತೆಗೆದುಕೊಳ್ಳುವ ಮೊದಲು ಸದೃಢ-ದುರ್ಬಲತೆಗಳನ್ನು ಪರಿಗಣಿಸಿ.
ಜನ್ಮಸಂಖ್ಯೆ 6 (6, 15, 24)
ಕಲೆ, ಅಲಂಕಾರಿಕ ಉತ್ಪನ್ನಗಳು, ಮನರಂಜನೆ, ಐಷಾರಾಮಿ ವಸ್ತುಗಳ ವ್ಯಾಪಾರಿಗಳಿಗೆ ಇಂದು ಲಾಭ ಹೆಚ್ಚಾಗುವ ದಿನ. ಐಟಿ-ಬಿಪಿಒ ಉದ್ಯೋಗಿಗಳಿಗೆ ಸಹೋದ್ಯೋಗಿಗಳ ಬೆಂಬಲ ದೊರೆಯುತ್ತದೆ. ಲೆಕ್ಕಪತ್ರಗಳಲ್ಲಿ ಸ್ಪಷ್ಟತೆ ಇರಲಿ. ಪ್ರೀತಿಪಾತ್ರರೊಂದಿಗೆ ಸುಂದರ ಕ್ಷಣಗಳು ಕಳೆಯುವ ಅವಕಾಶ. ಮನೆಯಲ್ಲಿ ಹಳೆಯ ವಸ್ತುಗಳನ್ನು ಬದಲಿಸಿ ಹೊಸದನ್ನು ಖರೀದಿಸುವ ವಿಚಾರ ಬರಬಹುದು. ಎಲ್ಲರನ್ನೂ ಸಂತೋಷ ಪಡಿಸಲು ಬಯಸುವ ನಿಮ್ಮ ಸ್ವಭಾವ ಉತ್ತಮವಾದರೂ, ಇಂದು ನಿಮ್ಮದೇ ಅಗತ್ಯಗಳಿಗೆ ಗಮನ ಹರಿಸುವುದು ಮುಖ್ಯ.
ಜನ್ಮಸಂಖ್ಯೆ 7 (7, 16, 25)
ಸಂಶೋಧನೆ, ಅಧ್ಯಾತ್ಮ ಕ್ಷೇತ್ರದವರಿಗೆ ಕೆಲಸದಲ್ಲಿ ಪ್ರಗತಿ. ದೀರ್ಘಕಾಲದಿಂದಿರುವ ಹಣಕಾಸು ವ್ಯಾಜ್ಯಗಳಲ್ಲಿ ಪರಿಹಾರ ದೊರೆಯಬಹುದು. ಉದ್ಯೋಗದಲ್ಲಿ ಗೊಂದಲದ ಸ್ಥಿತಿ ಎದುರಾಗಬಹುದು. ಏಕಾಂತದಲ್ಲಿ ಆಳವಾದ ಚಿಂತನ-ಮಂಥನ ಅಗತ್ಯವಾಗಬಹುದು. ವಿದೇಶ ಪ್ರಯತ್ನಗಳಲ್ಲಿ ಶುಭ ಸುದ್ದಿ. ಆದರೆ ಓವರ್ ಥಿಂಕಿಂಗ್ ಹೆಚ್ಚಾಗುವ ಸಾಧ್ಯತೆ ಇದೆ.
ಜನ್ಮಸಂಖ್ಯೆ 8 (8, 17, 26)
ಬಜೆಟ್, ದಾಖಲೆಪತ್ರ, ಹೂಡಿಕೆ, ಭೂಮಿ ಮತ್ತು ಕಾನೂನು ವ್ಯವಹಾರಗಳಲ್ಲಿ ಯಶಸ್ಸು. ನಿಮಗಿರುವ ತಾಳ್ಮೆ ಮತ್ತು ಪರಿಶ್ರಮಕ್ಕೆ ಇಂದು ಉತ್ತಮ ಫಲ ಸಿಗಲಿದೆ. ಕೆಲಸದ ಜವಾಬ್ದಾರಿಗಳು ಹೆಚ್ಚಾಗಬಹುದು, ಅವನ್ನು ಒಂದೊಂದಾಗಿ ನಿರ್ವಹಿಸುವುದು ಉತ್ತಮ. ಮನೆಯ ಹಿರಿಯರ ಆರೋಗ್ಯದಲ್ಲಿ ಸುಧಾರಣೆ ಸಾಧ್ಯ. ಎಲ್ಲ ಕೆಲಸಗಳನ್ನು ತಾವೇ ಮಾಡಬೇಕು ಎಂಬ ಒತ್ತಡ ಬೇಡ, ವಿಂಗಡಿಸಿಕೊಳ್ಳಿ.
ಜನ್ಮಸಂಖ್ಯೆ 9 (9, 18, 27)
ಇಂದು ನಿಮ್ಮ ಶಕ್ತಿ ಮತ್ತು ಉತ್ಸಾಹ ಗರಿಷ್ಠ ಮಟ್ಟದಲ್ಲಿರುತ್ತದೆ. ಉದ್ಯೋಗದಲ್ಲಿ ನಾಯಕತ್ವ ಗುರುತಿಸಲ್ಪಡುತ್ತದೆ, ವ್ಯಾಪಾರದಲ್ಲಿ ಲಾಭ. ಭೂಮಿ ಮತ್ತು ಕಟ್ಟಡ ಕ್ಷೇತ್ರದವರಿಗೆ ಇಂದು ವಿಶೇಷ ಅನುಕೂಲ. ಆದರೆ ರಕ್ತಸಂಬಂಧಿಗಳಿಂದ ಸಣ್ಣ ತೊಂದರೆಗಳ ಸಂಭವ. ಕೋಪವನ್ನು ನಿಯಂತ್ರಿಸುವುದು ಮುಖ್ಯ. ವಿವಾದದ ಸಂದರ್ಭಗಳಲ್ಲಿ ಮಾತನಾಡುವ ಮೊದಲು ಯೋಚಿಸಿ. ವ್ಯಾಯಾಮದಿಂದ ಒತ್ತಡ ಕಡಿಮೆ ಆಗುತ್ತದೆ.
