ಇಂದಿನ ರಾಶಿ ಭವಿಷ್ಯ: ಈ ರಾಶಿಗಳಿಗೆ ಶುಭ ಮತ್ತು ಅದೃಷ್ಟದ ದಿನ

ಮೇಷ (Aries):
ಪಾಲುದಾರಿಕೆ ಕೆಲಸಗಳಲ್ಲಿ ಇಂದು ಲಾಭವಿರಲಿದೆ. ವೃತ್ತಿಜೀವನದಲ್ಲಿ ಒತ್ತಡ ಸ್ವಲ್ಪ ಹೆಚ್ಚಿರಬಹುದು, ಆದರೆ ನಿಮ್ಮ ಆತ್ಮವಿಶ್ವಾಸದಿಂದ ಎಲ್ಲವನ್ನೂ ಸಮರ್ಥವಾಗಿ ನಿಭಾಯಿಸುವಿರಿ. ವಿದ್ಯಾರ್ಥಿಗಳಿಗೆ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಉತ್ತಮ ಫಲಿತಾಂಶ ದೊರೆಯಲಿದ್ದು, ಮನೆಯಲ್ಲಿ ಸಂತೋಷದ ವಾತಾವರಣ ಸೃಷ್ಟಿಯಾಗುವುದು. ಆರ್ಥಿಕವಾಗಿ ಸ್ಥಿರತೆ ಕಾಣಬಹುದು, ಆದರೆ ವೆಚ್ಚಗಳ ಮೇಲೆ ಗಮನವಿರಲಿ.

ವೃಷಭ (Taurus):
ಹೊಸ ಉದ್ಯಮ ಅಥವಾ ವ್ಯಾಪಾರ ಆರಂಭಕ್ಕೆ ಇಂದು ಅತ್ಯಂತ ಶುಭ ದಿನವಾಗಿದೆ. ಮನೆಯಲ್ಲಿ ಎಲೆಕ್ಟ್ರಾನಿಕ್ ಉಪಕರಣಗಳ ರಿಪೇರಿಯಿಂದ ಸ್ವಲ್ಪ ಕಿರಿಕಿರಿಯಾಗಬಹುದು, ಆದರೆ ಇದು ತಾತ್ಕಾಲಿಕವಾಗಿರುತ್ತದೆ. ಹೊಸ ಸಂಘ-ಸಂಸ್ಥೆಗಳೊಂದಿಗೆ ಸಂಪರ್ಕದಿಂದ ಮನಸ್ಸಿಗೆ ಚೈತನ್ಯ ತುಂಬಲಿದೆ. ವಿದ್ಯಾರ್ಥಿಗಳಿಗೆ ವಿದೇಶದಲ್ಲಿ ಉನ್ನತ ಶಿಕ್ಷಣದ ಅವಕಾಶಗಳು ಒಲಿಯಲಿವೆ.

ಮಿಥುನ (Gemini):
ಆಪ್ತರ ಮಾತುಗಳು ಇಂದು ಮನಸ್ಸಿಗೆ ಸ್ವಲ್ಪ ನೋವುಂಟು ಮಾಡಬಹುದು. ಆದರೆ, ಅವುಗಳಲ್ಲಿ ಸತ್ಯಾಂಶವಿದೆಯೇ ಎಂದು ಪರಿಶೀಲಿಸಿ. ಉದ್ಯೋಗದಲ್ಲಿ ದಿನ ಸಾಮಾನ್ಯವಾಗಿರಲಿದೆ, ಆದರೆ ದೂರದ ಪ್ರಯಾಣದಿಂದ ಕೆಲಸದಲ್ಲಿ ಯಶಸ್ಸು ಸಿಗಲಿದೆ. ಮಕ್ಕಳ ಪ್ರಗತಿಯಿಂದ ಮನೆಯಲ್ಲಿ ಸಂತೋಷದ ವಾತಾವರಣ ಇರಲಿದೆ. ರಾಮ ಧ್ಯಾನದಿಂದ ಮಾನಸಿಕ ಶಾಂತಿ ದೊರೆಯುವುದು.

ಕಟಕ (Cancer):
ಉದ್ಯೋಗದಲ್ಲಿ ಬದಲಾವಣೆಯ ಸಾಧ್ಯತೆ ಕಾಣುತ್ತಿದೆ. ತಲೆ, ಕತ್ತು ಅಥವಾ ಬೆನ್ನು ನೋವಿನಿಂದ ಕಿರಿಕಿರಿಯಾಗಬಹುದು, ಆದ್ದರಿಂದ ಆರೋಗ್ಯದ ಕಡೆ ಕಾಳಜಿ ವಹಿಸಿ. ವ್ಯಾಪಾರದಲ್ಲಿ ಒಳ್ಳೆಯ ಲಾಭವಿದ್ದು, ಮನೆಯಲ್ಲಿ ಶುಭ ಕಾರ್ಯಗಳು ನಡೆಯಲಿವೆ. ಇತರರ ಸಮಸ್ಯೆಗಳಿಗೆ ತಲೆಕೆಡಿಸಿಕೊಳ್ಳದಿರಿ. ಲಕ್ಷ್ಮೀ ವೆಂಕಟೇಶ್ವರನ ಸ್ಮರಣೆಯಿಂದ ಶಾಂತಿ ದೊರೆಯುವುದು.

ಸಿಂಹ (Leo):
ಆರೋಗ್ಯದ ಕಡೆಗೆ ಗಮನ ಅಗತ್ಯವಾಗಿದೆ, ವಿಶೇಷವಾಗಿ ಉದರ ಸಂಬಂಧಿ ಸಮಸ್ಯೆಗಳನ್ನು ಕಡೆಗಣಿಸದೆ ವೈದ್ಯರ ಸಲಹೆ ಪಡೆಯಿರಿ. ಪ್ರವಾಸದಿಂದ ಆನಂದವೂ ಸಿಗಲಿದೆ. ಸಂಗಾತಿಯ ಮಾತುಗಳು ಮನಸ್ಸಿಗೆ ಸಂತೋಷ ತರಲಿವೆ. ಗುರು-ಹಿರಿಯರನ್ನು ಸ್ಮರಿಸಿ, ಧನಾತ್ಮಕ ಶಕ್ತಿ ಹೆಚ್ಚಲಿದೆ.

ವೃಶ್ಚಿಕ (Scorpio):
ಹಿರಿಯರ ಸಹಕಾರ ಮತ್ತು ಸಲಹೆಯಿಂದ ವೃತ್ತಿರಂಗದಲ್ಲಿ ಗೆಲುವು ಸಾಧ್ಯ. ಉದ್ಯೋಗದಲ್ಲಿ ಶ್ಲಾಘನೆ ಮತ್ತು ಉಡುಗೊರೆಗಳು ಸಂತಸ ತರಲಿವೆ. ಧಾರ್ಮಿಕ ಮತ್ತು ಸಾಮಾಜಿಕ ಕಾರ್ಯಗಳಲ್ಲಿ ಯಶಸ್ಸು ಸಿಗಲಿದೆ. ಬಡವರಿಗೆ ದಾನ ಮಾಡುವುದರಿಂದ ಒಳ್ಳೆಯ ಫಲಿತಾಂಶ ದೊರೆಯುವುದು.

ಧನುಸ್ಸು (Sagittarius):
ಹಿಂದೆ ಕೈತಪ್ಪಿದ ಯೋಜನೆಯೊಂದು ಇಂದು ಮರಳಿ ಯಶಸ್ಸು ತರಲಿದೆ. ವೃತ್ತಿರಂಗದಲ್ಲಿ ಕೀರ್ತಿ ಮತ್ತು ಪ್ರತಿಷ್ಠೆಯ ಏರಿಕೆಯಾಗಲಿದೆ. ಅನಿರೀಕ್ಷಿತ ಧನಲಾಭದ ಸಾಧ್ಯತೆಯಿದೆ. ಶುಭ ಫಲಕ್ಕಾಗಿ ಹಳದಿ ವಸ್ತ್ರ ಧರಿಸಿ ದೇವಾಲಯಕ್ಕೆ ಭೇಟಿ ನೀಡಿ.

ಮಕರ (Capricorn):
ಅದೃಷ್ಟದಿಂದ ಬಂದರೂ, ಶ್ರಮವಿಟ್ಟರೆ ಮಾತ್ರ ಫಲ ಉಳಿಯುವುದು. ಕುಟುಂಬದಲ್ಲಿ ಸಣ್ಣ ವಾಗ್ವಾದ ಸಾಧ್ಯ, ಆದರೆ ರಾಮ ನಾಮ ಸ್ಮರಣೆಯಿಂದ ಮನಸ್ಸಿಗೆ ಶಾಂತಿ ಸಿಗಲಿದೆ.

ಕುಂಭ (Aquarius):
ವ್ಯಾಪಾರ, ಉದ್ದಿಮೆ, ಮತ್ತು ರಿಯಲ್ ಎಸ್ಟೇಟ್‌ನಲ್ಲಿ ಆಯ್ಕೆಗಳು ಹೆಚ್ಚಾಗಲಿವೆ. ಎಚ್ಚರಿಕೆಯಿಂದ ಲಾಭ-ನಷ್ಟವನ್ನು ಅಳೆದು ತೀರ್ಮಾನಿಸಿ. ಉದ್ಯೋಗದಲ್ಲಿ ಹೊಸತನದ ಸಾಧ್ಯತೆಯಿದೆ.

ಮೀನ (Pisces):
ಬ್ಯಾಂಕ್ ಸಂಬಂಧಿತ ಕೆಲಸಗಳು ಸುಗಮವಾಗಿ ನಡೆಯಲಿವೆ. ತಂದೆಯ ಕಡೆಯಿಂದ ಆಸ್ತಿಯಲ್ಲಿ ಪಾಲು ದೊರೆಯಬಹುದು. ಉದ್ಯೋಗದಲ್ಲಿ ತಪ್ಪುಗಳಿಗೆ ಎಚ್ಚರಿಕೆಯಿಂದಿರಿ, ಅಪವಾದ ಎದುರಾಗಬಹುದು.