ಇಂದು ಕೆಲವು ರಾಶಿಗಳಿಗೆ ಸಂತೋಷದ ವಾತಾವರಣವಿದ್ದರೆ, ಇನ್ನು ಕೆಲವಕ್ಕೆ ಹಣಕಾಸಿನ ಸಮಸ್ಯೆಗಳು ಎದುರಾಗಲಿವೆ. ಉದ್ಯೋಗಿಗಳಿಗೆ ಕಳಂಕವೊಂದು ಕಾಡಬಹುದಾದರೆ, ವಿವಾಹಕ್ಕೆ ಒಪ್ಪಿಗೆ ಸೂಚಿಸುವ ಸಮಯವೂ ಬಂದಿದೆ. ನಿಮ್ಮ ರಾಶಿ ಚಿಹ್ನೆಯ ಆಧಾರದ ಮೇಲೆ ಪ್ರೀತಿ, ವೃತ್ತಿ, ಆರೋಗ್ಯ ಮತ್ತು ಅದೃಷ್ಟದ ಬಗ್ಗೆ ವಿವರವಾದ ಮುನಿಸೂಚನೆಗಳು ಇಲ್ಲಿವೆ.
ಮೇಷ ರಾಶಿ
ನೀವು ಅಂದುಕೊಂಡಂತೆಯೇ ಕಾರ್ಯಗಳು ನಡೆಯಲಿವೆ. ಕುಟುಂಬದೊಂದಿಗೆ ಸಂತೋಷದ ದಿನ ಕಳೆಯುವಿರಿ. ವಾಹನ ಖರೀದಿಗೆ ಮುಂದಾಗಬಹುದು. ಮಹಿಳೆಯರಿಂದ ನಿಮಗೆ ಅನೇಕ ರೀತಿಯ ಸಹಾಯ ಲಭ್ಯವಾಗಲಿದೆ. ಪ್ರತ್ಯಕ್ಷವಾಗಿಲ್ಲದ ಕಾರಣ, ತಪ್ಪುಗಳನ್ನು ನಿಮ್ಮ ಮೇಲೆ ಆರೋಪಿಸುವವರಿದ್ದಾರೆ. ಪತ್ನಿಯ ಬಗ್ಗೆ ದ್ವೇಷದ ಮನಸ್ಸು ಉಂಟಾಗಬಹುದು. ಹಣವನ್ನು ವ್ಯರ್ಥ ಮಾಡುವ ಸಾಧ್ಯತೆಯಿದೆ. ಸೂಕ್ಷ್ಮ ವ್ಯವಹಾರವನ್ನು ಸುಲಭವಾಗಿ ನಿಭಾಯಿಸಬಹುದು.
ವೃಷಭ ರಾಶಿ
ಅಗತ್ಯವಿದ್ದಾಗ ಮಾತ್ರ ಹೊಸ ಉತ್ಪನ್ನಗಳನ್ನು ಖರೀದಿಸಿ. ಆಹಾರದ ಬದಲಾವಣೆ ಅನಾರೋಗ್ಯಕ್ಕೆ ಕಾರಣವಾಗಬಹುದು. ಮಾತಿನ ಮೇಲೆ ನಿಯಂತ್ರಣವಿರಲಿ. ಕಲಾವಿದರು ಅವಕಾಶಗಳನ್ನು ಬೇಡಿ ಪಡೆಯಬೇಕಾಗುತ್ತದೆ. ಶತ್ರುಗಳ ಕಾಟವು ಇತರ ಕೆಲಸಗಳಿಗೆ ಅಡ್ಡಿಯಾಗಬಹುದು. ನಿಮ್ಮವರೇ ನಿಮ್ಮ ಬಗ್ಗೆ ಆಪಾದನೆಗಳನ್ನು ಮಾಡುವ ಸಂಭವವಿದೆ. ನಿಮ್ಮ ಮಾತಿನಲ್ಲಿನ ಸುಳ್ಳು ಇತರರಿಗೆ ಗೊತ್ತಾಗುವುದು. ಅನಗತ್ಯವಾಗಿ ಮಾತನಾಡಿ ಅವಮಾನಕ್ಕೊಳಗಾಗುವ ಸಾಧ್ಯತೆ ಇದೆ.
ಮಿಥುನ ರಾಶಿ
ವೈಷಮ್ಯಗಳಿಂದ ಮಾನಸಿಕ ಯಾತನೆಯಾಗಬಹುದು. ವೈವಾಹಿಕ ಜೀವನದಲ್ಲಿ ಸಂಗಾತಿಯಿಂದ ಒತ್ತಡ ಅನುಭವವಾಗಲಿದೆ. ಆರ್ಥಿಕ ಸಮಸ್ಯೆಗಳಿಂದ ಬೇಸರಗೊಳ್ಳಬೇಡಿ. ಮನಸ್ಸಿನಲ್ಲಿ ನಾನಾ ಆಲೋಚನೆಗಳು ತಲೆದೋರಬಹುದು. ದೂರ ಪ್ರಯಾಣ ಉಂಟಾಗಲಿದ್ದು, ಇಷ್ಟಾರಾಧ್ಯ ದೈವವನ್ನು ಸ್ಮರಿಸಿಕೊಂಡು ಹೊರಡುವುದು ಶ್ರೇಯಸ್ಕರ. ನಿಮ್ಮ ಅಸಹಜ ನಡವಳಿಕೆಯಿಂದ ಇತರರಿಗೆ ಬೇಸರವಾಗಬಹುದು. ಕೆಲಸ ಕೊಡಿಸುವ ಆಮಿಷದಿಂದ ನಿಮ್ಮನ್ನು ಮೋಸಗೊಳಿಸುವ ಪ್ರಯತ್ನವಾಗಬಹುದು. ಆಪ್ತರಿಗೆ ನಿಮ್ಮ ಮನದಾಳವನ್ನು ತೋಡಿಕೊಳ್ಳುವಿರಿ.
ಕರ್ಕಾಟಕ ರಾಶಿ
ಇತರರ ಅಧೀನದಲ್ಲಿ ಕೆಲಸ ಮಾಡಲು ಮನಸ್ಸಿಲ್ಲದಿರಬಹುದು. ಭೂಮಿಯಿಂದ ಲಾಭ ಗಳಿಸುವ ತಂತ್ರ ರೂಪಿಸುವಿರಿ. ಒಳಗೆ ಕಠಿಣ, ಹೊರಗೆ ಸೌಮ್ಯ ವ್ಯಕ್ತಿತ್ವವನ್ನು ಪ್ರದರ್ಶಿಸುವಿರಿ. ಮಕ್ಕಳ ವಿವಾಹದ ಚಿಂತೆ ಕಾಡಬಹುದು. ಕೆಲವು ವಿಚಾರಗಳನ್ನು ಮನವರಿಕೆ ಮಾಡಿಸಿಕೊಳ್ಳುವುದು ಕಷ್ಟವಾಗಲಿದೆ. ಹಳೆಯ ಕಾಯಿಲೆ ಮರುಕಳಿಸುವ ಸಾಧ್ಯತೆ ಇದೆ. ನಿಮ್ಮ ತಮಾಷೆ ಅತಿರೇಕಕ್ಕೆ ಹೋಗಬಹುದು. ಎಲ್ಲವನ್ನೂ ಬದಲಿಸುವ ಮಾತುಗಳು ವ್ಯರ್ಥವಾಗಬಹುದು.
ಸಿಂಹ ರಾಶಿ
ಇಂದಿನ ಕೆಲಸದಲ್ಲಿ ಉತ್ತಮ ಪ್ರಗತಿಯಾಗಲಿದ್ದು, ನಿಮ್ಮ ಪ್ರಯತ್ನದಲ್ಲಿ ವಿಶ್ವಾಸ ಮೂಡುವುದು. ಯಾರಾದರೂ ಸುಳ್ಳು ಹೇಳಿ ಸರಳವಾಗಿ ನಿಮ್ಮನ್ನು ನಂಬಿಸಬಹುದು. ಆಕಸ್ಮಿಕ ಘಟನೆಗಳು ತೊಂದರೆ ನೀಡಬಹುದು. ಅಶಿಸ್ತಿನ ಜೀವನ ಅಸಮಾಧಾನ ತರಬಹುದು. ನಿಮ್ಮ ಪ್ರಾರ್ಥನೆ ಫಲಿಸಿದ್ದು ಅಚ್ಚರಿಯಾಗಲಿದೆ. ಇತರರಿಂದ ಸಂತೋಷವನ್ನು ಪಡೆಯುವಿರಿ. ಉದ್ಯೋಗಕ್ಕಾಗಿ ವಿದೇಶದತ್ತ ಗಮನ ಹರಿಸಬಹುದು. ಇತರರ ಮೇಲಿನ ದ್ವೇಷವನ್ನು ನಿಲ್ಲಿಸಲು ಸಾಧ್ಯವಿಲ್ಲ.
ಕನ್ಯಾ ರಾಶಿ
ಆರೋಪ ಮತ್ತು ಅಪವಾದಗಳನ್ನು ಧೈರ್ಯದಿಂದ ಎದುರಿಸುವಿರಿ. ನಿಮ್ಮ ಉದ್ಯಮಕ್ಕೆ ಸಲಹೆಗಾರರನ್ನು ನೇಮಿಸಿಕೊಳ್ಳುವ ಸಾಧ್ಯತೆಯಿದೆ. ತಾಯಿಯ ಕಡೆಯಿಂದ ಲಾಭದ ನಿರೀಕ್ಷೆಯಿರುವುದು. ಯಾರಾದರೂ ನಿಮ್ಮ ಮೇಲೆ ಅಧಿಕಾರ ಚಲಾಯಿಸಬಹುದು. ದೀರ್ಘ ಕಾಲದಿಂದ ನಿಲ್ಲುತ್ತಿದ್ದ ವಿವಾಹ ಪ್ರಸ್ತಾಪ ನಿಶ್ಚಿತವಾಗುವ ಸಂಭವವಿದೆ. ಸಮಯಕ್ಕೆ ಸರಿಯಾಗಿ ಆಹಾರ ಸೇವಿಸಿ. ಎಲ್ಲವೂ ಬಲ್ಲವರಂತೆ ತೋರಿಸಿಕೊಳ್ಳಲು ಪ್ರಯತ್ನಿಸುವಿರಿ.
ತುಲಾ ರಾಶಿ
ಮನಸ್ಸಿನಲ್ಲಿ ಅವ್ಯಕ್ತ ಆತಂಕ ಮನೆಮಾಡಬಹುದು. ಇಂದು ಕೈಗೊಂಡ ಪ್ರವಾಸದಲ್ಲಿ ಅಸಮಾಧಾನ ಉಂಟಾಗಲಿದೆ. ಮನೆಯಲ್ಲಿ ನಡೆಯುವ ಶುಭಕಾರ್ಯಗಳು ವಿಳಂಬವಾಗಬಹುದು. ಸಹನೆಯಿಂದ ದೊರೆಯುವ ಲಾಭ ಅನುಭವಕ್ಕೆ ಬರುವುದು. ಮಕ್ಕಳು ನಿಮ್ಮ ಮಾತು ಕೇಳದೆ ಸ್ವತಂತ್ರವಾಗಿ ವರ್ತಿಸುವರು. ಕಲಾವಿದರಿಗೆ ವಿದೇಶಗಳಿಗೆ ಹೋಗುವ ಅವಕಾಶವಿದೆ. ನಿಮ್ಮ ಬಗ್ಗೆ ನೀವೇ ಹೇಳಿಕೊಳ್ಳಬೇಕಾಗುವುದು.
ವೃಶ್ಚಿಕ ರಾಶಿ
ಎಲ್ಲವೂ ದೈವಾನುಗ್ರಹದಂತೆ ಆಗುವುದೆಂದು ಸುಮ್ಮನಿರದೇ, ಪ್ರಯತ್ನವನ್ನೂ ಮಾಡಿ. ನಿಷ್ಪ್ರಯೋಜಕ ವಿಷಯಗಳನ್ನು ಮಾತನಾಡಿ ಸಮಯ ವ್ಯರ್ಥ ಮಾಡುವಿರಿ. ಸಂಗಾತಿಯ ಮೌನ ಆತಂಕ ಹುಟ್ಟಿಸಬಹುದು. ನಿರಂಕುಶವಾಗಿ ವಾಹನ ಸಂಚಾರ ಮಾಡಿ ದಂಡಕ್ಕೊಳಗಾಗಬಹುದು. ಮನಸ್ಸಿನಲ್ಲಿ ಹೆಚ್ಚಿನ ಚಿಂತೆಗಳು ಸುಳಿದಾಡುವುದು. ಅಪರಿಚಿತರು ನಿಮ್ಮನ್ನು ಭೇಟಿ ಮಾಡಬಹುದು. ಅವಶ್ಯಕವಾದಷ್ಟನ್ನೇ ಮಾತನಾಡಿ.
ಧನು ರಾಶಿ
ಸರ್ಕಾರಿ ಉದ್ಯೋಗ ಕಿರಿಕಿರಿ ಎನಿಸಿದರೂ ಬಿಡಲಾರಿರಿ. ಶತ್ರುಗಳು ನಿಮಗೆ ಪಾಠ ಕಲಿಸುವ ಪ್ರಯತ್ನ ಮಾಡಬಹುದು. ನಿಮ್ಮನ್ನು ವ್ಯಕ್ತಪಡಿಸಲಾಗದ ಸಮಸ್ಯೆಯೊಂದು ಕಾಡುತ್ತಿದ್ದು, ಅದಕ್ಕೆ ಪರಿಹಾರ ಕಂಡುಕೊಳ್ಳುವಿರಿ. ಒತ್ತಡದ ಕಾರಣ ಕೆಲವು ಕಾರ್ಯಗಳು ತಪ್ಪಿಹೋಗಬಹುದು. ಬಂಧುಗಳನ್ನು ಕಳೆದುಕೊಳ್ಳುವಿರಿ. ಸಂಗಾತಿಯ ಇಚ್ಛೆಯಂತೆ ನಡೆದುಕೊಳ್ಳುವಿರಿ. ಹಿರಿಯರಿಂದ ಸರಿಯಾದ ಮಾರ್ಗದರ್ಶನ ಸಿಗದು.
ಮಕರ ರಾಶಿ
ವ್ಯಕ್ತಿತ್ವ ಬದಲಾವಣೆಯ ಬಗ್ಗೆ ಚಿಂತನೆ ನಡೆಸುವಿರಿ. ಆರ್ಥಿಕ ಕ್ಷೇತ್ರದವರಿಗೆ ತೊಂದರೆಯಿಲ್ಲದೇ ಕಾರ್ಯಗಳು ಮುಗಿಯುವುದು. ಅನಿರೀಕ್ಷಿತ ಹಣಕಾಸಿನ ಲಾಭದಿಂದ ಸಂತೋಷವಾಗಲಿದೆ. ಫಲಿತಾಂಶಕ್ಕೆ ಮೊದಲೇ ಉದ್ಯೋಗ ಲಭ್ಯವಾಗುವುದು. ಸಂತೋಷಕ್ಕಾಗಿ ಇತರರನ್ನು ಅವಲಂಬಿಸಬೇಕಾಗಿಲ್ಲ. ದಾಂಪತ್ಯದಲ್ಲಿ ವೈರಿಗಳಂತೆ ಕಚ್ಚಾಡುವುದನ್ನು ತಪ್ಪಿಸಿ. ದೂರ ಪ್ರಯಾಣ ಅನಿವಾರ್ಯವಾಗಲಿದೆ.
ಕುಂಭ ರಾಶಿ
ನಿಮ್ಮ ಮಿತಿಯನ್ನು ಮೀರಿ ವರ್ತಿಸುವ ಸಂಭವವಿದೆ. ಮನಸ್ಸಿನ ನೆಮ್ಮದಿಯನ್ನು ಹಾಳುಮಾಡಿಕೊಳ್ಳುವಿರಿ. ಸಂಗಾತಿಯಿಂದ ಸಿಗುವ ಸುಖದಿಂದ ವಂಚಿತರಾಗಬಹುದು. ದೀರ್ಘಕಾಲದ ಕೆಲಸಕ್ಕೆ ಅಲ್ಪ ವಿರಾಮ ಬೇಕಾಗುವುದು. ನಿಮ್ಮ ನಿರೀಕ್ಷೆ ಫಲಿಸದಿರಬಹುದು. ಉತ್ತಮ ಆಯ್ಕೆಯಲ್ಲೂ ಸೋಲನ್ನು ಅನುಭವಿಸುವಿರಿ. ಮನಸ್ಸನ್ನು ಖಾಲಿ ಬಿಡದೇ ಯಾವುದಾದರೊಂದು ಯೋಚನೆಯಲ್ಲಿರಿ. ಕುಟುಂಬದ ಭೇದವನ್ನು ಹೊರಗೆಡವದಿರಿ.
ಮೀನ ರಾಶಿ
ಆದಾಯವು ನಿರೀಕ್ಷೆಗಿಂತ ಹೆಚ್ಚಾಗಲಿದೆ. ದಾಂಪತ್ಯದ ಸುಖವು ಅಧಿಕವಾಗಲಿವೆ. ಮನಸ್ಸಿನಲ್ಲಿ ಸಂಯಮವಿರಲಿ. ವೈವಾಹಿಕ ಜೀವನಕ್ಕೆ ಬಂಧುಗಳಿಂದ ಒತ್ತಡ ಬರಬಹುದು. ಆತುರದಲ್ಲಿ ತಪ್ಪು ನಿರ್ಧಾರಗಳನ್ನು ತೆಗೆದುಕೊಳ್ಳಬಹುದು. ಹಣವನ್ನು ವ್ಯರ್ಥ ಮಾಡುವುದನ್ನು ತಪ್ಪಿಸಿ. ದೂರ ಪ್ರಯಾಣದಲ್ಲಿ ದಾರಿತಪ್ಪುವ ಸಾಧ್ಯತೆಯಿದೆ. ಇತರರ ಬಗ್ಗೆ ಹೆಚ್ಚು ಕುತೂಹಲ ಇರಲಿದೆ. ಅನಗತ್ಯ ಚರ್ಚೆಯಿಂದ ದೂರವಿರಿ.