ಇಂದಿನ ದಿನ ಆಪದ್ಧನ ಸಂಗ್ರಹ, ಸಾಮಾಜಿಕ ಕಾರ್ಯಗಳಲ್ಲಿ ತೊಡಗಿಸಿಕೊಳ್ಳುವ ಮನೋಭಾವ, ನಕಾರಾತ್ಮಕ ಆಲೋಚನೆಗಳ ವಿರುದ್ಧ ಹೋರಾಟ ಮತ್ತು ಸರಳತೆಯ ಅಭ್ಯಾಸ ಇವುಗಳಿಗೆ ವಿಶೇಷ ಮಹತ್ವ ಇದೆ. ಕೆಲ ರಾಶಿಯವರು ಅನುಮಾನ ಹಾಗೂ ಆತಂಕ ಎದುರಿಸಬೇಕಾಗಿದ್ದರೂ, ಇನ್ನೂ ಕೆಲವರಿಗೆ ಉತ್ತಮ ಅವಕಾಶಗಳು ದೊರೆಯುವ ಸೂಚನೆ ಇದೆ.
ಮೇಷ ರಾಶಿ
ಇಂದು ನೀವು ಎಲ್ಲರಂತೆ ಬೆರೆತು ಹೋಗುವ ಮನೋಭಾವದಲ್ಲಿರಲಿಕ್ಕಿಲ್ಲ. ಕೆಲವು ಹಳೆಯ ಘಟನೆಗಳು ಮನಸ್ಸನ್ನು ಕಾಡಬಹುದು. ತಪ್ಪಿನ ಗಂಭೀರತೆಯನ್ನು ಅರ್ಥಮಾಡಿಕೊಂಡು ಅಸಮಾಧಾನವನ್ನು ಸರಿಯಾದ ರೀತಿಯಲ್ಲಿ ಹೊರಹಾಕುವುದು ಒಳಿತು. ಹಠಮಾರಿ ಸ್ವಭಾವ ಮನೆಯಲ್ಲಿನ ವಾತಾವರಣವನ್ನು ಕಿರಿಕಿರಿ ಮಾಡಬಹುದು. ನಿಮ್ಮ ಸಾಮರ್ಥ್ಯಕ್ಕೆ ತಕ್ಕ ಕೆಲಸವನ್ನು ಮಾತ್ರ ಸ್ವೀಕರಿಸಿ.
ವೃಷಭ ರಾಶಿ
ಸಂಗಾತಿಯ ಮಾತುಗಳು ನಿಮಗೆ ತಾತ್ಕಾಲಿಕ ಬೇಸರ ತರುವುದು. ತಂದೆಯಿಂದ ಅನಿರೀಕ್ಷಿತ ಸಹಾಯ ಅಥವಾ ಸಂಪತ್ತಿನ ಲಾಭ ಸಾಧ್ಯ. ಕಚೇರಿಯಲ್ಲಿ ಹೆಚ್ಚಿನ ಗಮನ ಅಗತ್ಯ. ಮನಸ್ಸಿನ ನೋವು ಆರೋಗ್ಯದ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಇದೆ. ಧಾರ್ಮಿಕ ಸ್ಥಳದ ಭೇಟಿ ಮನಸ್ಸಿಗೆ ಶಾಂತಿ ನೀಡಲಿದೆ.
ಮಿಥುನ ರಾಶಿ
ಸೃಜನಾತ್ಮಕ ಕಾರ್ಯಗಳಲ್ಲಿ ತೊಡಗಿಸಿಕೊಳ್ಳುವ ದಿನ. ಸ್ಥಿರಾಸ್ತಿಯ ವಿಷಯದಲ್ಲಿ ಸ್ಪಷ್ಟ ಮಾಹಿತಿ ದೊರೆಯಬಹುದು. ಒಂಟಿತನ ಇಷ್ಟವಿಲ್ಲದ ನಿಮಗೆ ಸ್ನೇಹಿತರ ಬೆಂಬಲ ಸಿಗಲಿದೆ. ಆಕರ್ಷಕ ವಸ್ತುಗಳ ಖರೀದಿಗೆ ಮನಸ್ಸು ಒಲಿಯಬಹುದು. ವ್ಯವಹಾರದಲ್ಲಿ ಸ್ವಲ್ಪ ವಿಳಂಬ ಉಂಟಾಗುವ ಸಾಧ್ಯತೆ ಇದೆ.
ಕರ್ಕಾಟಕ ರಾಶಿ
ಉದ್ಯಮದಲ್ಲಿ ಊಹಿಸದ ತೊಂದರೆ ಎದುರಾಗಬಹುದು. ತಜ್ಞರ ಸಲಹೆ ಪಡೆಯುವುದು ಉತ್ತಮ. ಪಾಲುದಾರಿಕೆಯಲ್ಲಿ ಭಿನ್ನಾಭಿಪ್ರಾಯ ಉಂಟಾದರೂ ಶಾಂತಿಯುತವಾಗಿ ಪರಿಹರಿಸಬಹುದು. ಅವಸರದ ನಿರ್ಧಾರ ತಪ್ಪಿಸಿ. ದಿನವನ್ನು ಚಟುವಟಿಕೆಯಿಂದ ಕಳೆಯುವಿರಿ.
ಸಿಂಹ ರಾಶಿ
ಸರ್ಕಾರಿ ಉದ್ಯೋಗಿಗಳಿಗೆ ಹೆಚ್ಚುವರಿ ಜವಾಬ್ದಾರಿ ಬರಲಿದೆ. ಭೂಮಿಯ ವ್ಯವಹಾರದಲ್ಲಿ ನಿರೀಕ್ಷಿತ ಲಾಭ ಸಿಗದಿರಬಹುದು. ಸಂಗಾತಿಯ ಬಗ್ಗೆ ಅನುಮಾನ ಕಾಡಬಹುದು. ಆರ್ಥಿಕ ಸ್ಥಿತಿಯ ಸ್ಪಷ್ಟ ಚಿತ್ರಣ ದೊರೆಯಲಿದೆ. ದೇವರ ಭಕ್ತಿಯಿಂದ ಮನಸ್ಸಿಗೆ ಶಾಂತಿ ಸಿಗುತ್ತದೆ.
ಕನ್ಯಾ ರಾಶಿ
ಹಳೆಯ ವಿಚಾರಗಳು ಮತ್ತೆ ನೆನಪಾಗಿ ಮನಸ್ಸು ದುರ್ಬಲಗೊಳ್ಳಬಹುದು. ಹೂಡಿಕೆಯಲ್ಲಿ ಎಚ್ಚರಿಕೆ ಅಗತ್ಯ. ಬಹುಕಾಲದ ಯೋಜನೆಯನ್ನು ಇಂದು ಆರಂಭಿಸುವ ಸಾಧ್ಯತೆ ಇದೆ. ವಾಗ್ದಾನ ಉಳಿಸಿಕೊಳ್ಳುವುದು ಮುಖ್ಯ. ಸಂಗಾತಿಯೊಂದಿಗೆ ಸಂವಹನದಲ್ಲಿ ಕೊರತೆ ಇರಬಹುದು.
ತುಲಾ ರಾಶಿ
ವಿದ್ಯಾಭ್ಯಾಸದ ಕನಸನ್ನು ಕುಟುಂಬದೊಂದಿಗೆ ಹಂಚಿಕೊಳ್ಳುವಿರಿ. ಕಳೆದುಹೋದ ಅವಕಾಶವನ್ನು ಮರಳಿ ಪಡೆಯಲು ಪ್ರಯತ್ನ ಮಾಡುತ್ತೀರಿ. ವಿವಾಹದ ವಿಚಾರದಲ್ಲಿ ಗೊಂದಲ ಉಂಟಾಗಬಹುದು. ಸಕಾರಾತ್ಮಕ ಚಿಂತನೆ ನಿಮ್ಮನ್ನು ಮುನ್ನಡೆಸುತ್ತದೆ.
ವೃಶ್ಚಿಕ ರಾಶಿ
ಮನೆಯ ಅಗತ್ಯ ವಸ್ತುಗಳ ಖರೀದಿಯಲ್ಲಿ ನಿರತರಾಗುವಿರಿ. ವ್ಯಾಪಾರದಲ್ಲಿ ಹೊಸ ಅನುಭವ ಲಭಿಸುತ್ತದೆ. ಮಕ್ಕಳ ಹಠದಿಂದ ಸ್ವಲ್ಪ ಅಸಮಾಧಾನ. ಆದರೆ ಸಾರ್ವಜನಿಕ ಮನ್ನಣೆ ಮತ್ತು ಉದ್ಯಮ ವಿಸ್ತರಣೆಗೆ ಉತ್ತಮ ಅವಕಾಶ ಇದೆ.
ಧನು ರಾಶಿ
ಇಂದು ಆತಂಕದ ಭಾವನೆ ಹೆಚ್ಚಿರಬಹುದು. ಭೂಮಿಯ ವ್ಯವಹಾರಕ್ಕಾಗಿ ಓಡಾಟ. ವಿದೇಶ ಸಂಬಂಧಿತ ವ್ಯವಹಾರದಲ್ಲಿ ಅಡಚಣೆ. ಇತರರ ಮಾತುಗಳಿಂದ ಖಿನ್ನತೆ ಉಂಟಾಗಬಹುದು. ಧೈರ್ಯ ಕಳೆದುಕೊಳ್ಳಬೇಡಿ.
ಮಕರ ರಾಶಿ
ಆರ್ಥಿಕ ವ್ಯವಹಾರಗಳಲ್ಲಿ ಎಚ್ಚರಿಕೆ ಅಗತ್ಯ. ಕುಟುಂಬದ ಸಮಸ್ಯೆಗಳಿಗೆ ನಿಮ್ಮ ಸಲಹೆ ಮುಖ್ಯವಾಗಲಿದೆ. ಪ್ರೀತಿಯ ಸಂಬಂಧಕ್ಕೆ ಅಧಿಕೃತ ರೂಪ ಸಿಗುವ ಸಾಧ್ಯತೆ ಇದೆ. ಆದಾಯ-ಖರ್ಚು ಸಮತೋಲನದಲ್ಲಿ ಇರಲಿದೆ.
ಕುಂಭ ರಾಶಿ
ಅನಾವಶ್ಯಕ ಅನುಮಾನ ಬೇಡ. ವ್ಯಾಪಾರದಲ್ಲಿ ಜಾಗರೂಕತೆ ಅಗತ್ಯ. ಮನೆಯ ಜವಾಬ್ದಾರಿ ಹೆಚ್ಚಾಗಬಹುದು. ವಿರೋಧಿಗಳು ಕಡಿಮೆಯಾಗುವ ಸೂಚನೆ ಇದೆ. ಇತರರಿಗೆ ಸಹಾಯ ಮಾಡುವ ಮನೋಭಾವ ಪ್ರಶಂಸನೀಯ.
ಮೀನ ರಾಶಿ
ಅಪರಿಚಿತರಿಂದ ಬೆಂಬಲ ದೊರೆಯಬಹುದು. ಕುಟುಂಬಕ್ಕಾಗಿ ಮಾಡಿದ ಶ್ರಮ ಫಲ ನೀಡಲಿದೆ. ವಿದ್ಯಾಭ್ಯಾಸದಲ್ಲಿ ಹೆಚ್ಚು ಗಮನ ಬೇಕು. ಒಳ್ಳೆಯ ಸುದ್ದಿ ಉತ್ಸಾಹ ಹೆಚ್ಚಿಸುತ್ತದೆ. ಮನೆ ಸಂಬಂಧಿತ ಚಿಂತನೆ ಕಾಡಬಹುದು.
