ಪಶ್ಚಿಮ ಬಂಗಾಳದಲ್ಲಿ ಇತ್ತೀಚೆಗಷ್ಟೇ ಅಧಿಕಾರಕ್ಕೆ ಬಂದಿರುವ ಸುವೇಂದು ಅಧಿಕಾರಿ ನೇತೃತ್ವದ ನೂತನ ಬಿಜೆಪಿ ಸರ್ಕಾರದಲ್ಲಿ ಭರ್ಜರಿ ಸಚಿವ ಸಂಪುಟ ವಿಸ್ತರಣೆ ಮಾಡಲಾಗಿದೆ. ಸೋಮವಾರ ಬೆಳಿಗ್ಗೆ 11 ಗಂಟೆಗೆ ಕೋಲ್ಕತ್ತಾದ ಲೋಕಭವನದಲ್ಲಿ ನಡೆದ ಅಧಿಕೃತ ಸಮಾರಂಭದಲ್ಲಿ 35 ಬಿಜೆಪಿ ಶಾಸಕರು ನೂತನ ಸಚಿವರಾಗಿ ಅಧಿಕಾರ ಸ್ವೀಕರಿಸಿದ್ದಾರೆ.
ರಾಜ್ಯಪಾಲ ಆರ್.ಎನ್.ರವಿ ಅವರು ನೂತನ ಸಚಿವರಿಗೆ ಅಧಿಕಾರ ಹಾಗೂ ಗೌಪ್ಯತೆಯ ಪ್ರಮಾಣ ವಚನ ಬೋಧಿಸಿದರು. ಈ ವಿಸ್ತರಣೆಯೊಂದಿಗೆ ಪಶ್ಚಿಮ ಬಂಗಾಳ ಸರ್ಕಾರದ ಒಟ್ಟು ಸಂಪುಟ ಬಲವು 41ಕ್ಕೆ ಏರಿಕೆಯಾಗಿದೆ.
ಸಂಪುಟದ ಹೊಸ ಮುಖಗಳು ಮತ್ತು ವರ್ಗೀಕರಣ
ಹೊಸದಾಗಿ ಸೇರ್ಪಡೆಗೊಂಡ 35 ಸಚಿವರಲ್ಲಿ ವಿವಿಧ ಹಂತದ ಜವಾಬ್ದಾರಿಗಳನ್ನು ಹಂಚಿಕೆ ಮಾಡಲಾಗಿದೆ:
ಸಂಪುಟ ದರ್ಜೆ ಸಚಿವರು : 13 ಶಾಸಕರು
ರಾಜ್ಯ ಸಚಿವರು-ಸ್ವತಂತ್ರ ಉಸ್ತುವಾರಿ: 03 ಶಾಸಕರು
ರಾಜ್ಯ ಸಚಿವರು: 19 ಶಾಸಕರು
ಪ್ರಮುಖ ಸಚಿವರು ಮತ್ತು ಅವರ ಕ್ಷೇತ್ರಗಳ ಪಟ್ಟಿ
ಸಂಪುಟ ದರ್ಜೆ ಸಚಿವರು:
ಸ್ವಪನ್ ದಾಸ್ಗುಪ್ತಾ, ಶಂಕರ್ ಘೋಷ್ (ಸಿಲಿಗುರಿ), ಅರ್ಜುನ್ ಸಿಂಗ್ (ನೋಪಾರಾ), ತಪಸ್ ರಾಯ್ (ಮಾಣಿಕ್ತಾಲಾ), ದೀಪಕ್ ಬರ್ಮನ್ (ಫಲಕಟಾ), ಮನೋಜ್ ಕುಮಾರ್ ಓರಾವ್ (ಕುಮಾರಗ್ರಾಮ್), ಗೌರಿ ಶಂಕರ್ ಘೋಷ್ (ಮುರ್ಷಿದಾಬಾದ್), ಜಗನ್ನಾಥ್ ಚಟರ್ಜಿ (ಸಿಯುರಿ), ಸಾರದ್ವತ್ ಮುಖರ್ಜಿ, ಕಲ್ಯಾಣ್ ಚಕ್ರವರ್ತಿ (ಖಾರ್ದಾ), ಅರುಪ್ ಕುಮಾರ್ ದಾಸ್ (ಕಂಠಿ ದಕ್ಷಿಣ), ಅಜಯ್ ಪೊದ್ದಾರ್ (ಕುಲ್ತಿ) ಮತ್ತು ದೂಧಕುಮಾರ್ ಮಂಡಲ್ (ಮಯೂರೇಶ್ವರ).
ರಾಜ್ಯ ಸಚಿವರು (ಸ್ವತಂತ್ರ ಉಸ್ತುವಾರಿ):
ಮಾಲ್ತಿ ರಾವಾ ರಾಯ್ (ತುಫಂಗಂಜ್), ರಾಜೇಶ್ ಮಹತೋ (ಗೋಪಿಬಲ್ಲಭ್ಪುರ್) ಮತ್ತು ಇಂದ್ರನೀಲ್ ಖಾನ್ (ಬೆಹಲಾ ಪಶ್ಚಿಮ).
ರಾಜ್ಯ ಸಚಿವರು:
ಜ್ಯುವೆಲ್ ಮುರ್ಮು, ಹರೇಕೃಷ್ಣ ಬೇರಾ, ಆನಂದಮಯ್ ಬರ್ಮನ್, ಅಶೋಕ್ ದಿಂಡಾ, ಚಂದನ ಬೌರಿ, ವಿಶಾಲ್ ಲಾಮಾ, ಶಾಂತನು ಪ್ರಮಾಣಿಕ್, ಮೌಮಿತಾ ಬಿಸ್ವಾಸ್, ಪರಮೇಶ್ ರಾವನಿ, ಕೌಶಿಕ್ ಚೌಧರಿ, ಭಾಸ್ಕರ್ ಭಟ್ಟಾಚಾರ್ಯ, ದಿಬಾಕರ್ ಘರಾಮಿ, ಅಮಿಯಾ ಕಿಸ್ಕು, ಕಲಿತಾ ಮಾಝಿ, ಗಾರ್ಗಿ ದಾಸ್ ಘೋಷ್, ಬಿರಾಜ್ ಬಿಸ್ವಾಸ್ ಮತ್ತು ಸಾರ್ಬಿನ್ ಬಿಸ್ವಾಸ್.
ಸಂಪುಟದ ಬಲ: ಪಶ್ಚಿಮ ಬಂಗಾಳದ 294 ಸದಸ್ಯ ಬಲದ ವಿಧಾನಸಭೆಯಲ್ಲಿ ಸರ್ಕಾರ ಹೊಂದಬಹುದಾದ ಗರಿಷ್ಠ ಸಚಿವರ ಸಂಖ್ಯೆಗಿಂತ (44) ಈಗಿನ ಸಂಪುಟದ ಸಂಖ್ಯೆ ಕೇವಲ ಮೂರು ಕಡಿಮೆಯಿದೆ.
ಪ್ರಾದೇಶಿಕ ಹಾಗೂ ಸಾಮಾಜಿಕ ಸಮತೋಲನಕ್ಕೆ ಆದ್ಯತೆ
ಮೇ 9 ರಂದು ಪ್ರಧಾನಿ ನರೇಂದ್ರ ಮೋದಿ ಹಾಗೂ ಗೃಹ ಸಚಿವ ಅಮಿತ್ ಶಾ ಅವರ ಸಮ್ಮುಖದಲ್ಲಿ ಸುವೇಂದು ಅಧಿಕಾರಿ ಮುಖ್ಯಮಂತ್ರಿಯಾಗಿ ಪ್ರಮಾಣ ವಚನ ಸ್ವೀಕರಿಸಿದ್ದರು. ಆ ವೇಳೆ ಕೇವಲ ಆರು ನಾಯಕರು ಮಾತ್ರ ಸಚಿವರಾಗಿದ್ದರು. ಇದೀಗ ನಡೆದಿರುವ ಪೂರ್ಣ ಪ್ರಮಾಣದ ವಿಸ್ತರಣೆಯಲ್ಲಿ ಬ್ರಾಹ್ಮಣ, ಒಬಿಸಿ, ಬುಡಕಟ್ಟು, ಮತುವಾ ಮತ್ತು ರಾಜ್ಬನ್ಶಿ ಸಮುದಾಯಗಳಿಗೆ ಸೂಕ್ತ ಪ್ರಾತಿನಿಧ್ಯ ನೀಡುವ ಮೂಲಕ ಬಿಜೆಪಿ ಪ್ರಾದೇಶಿಕ ಹಾಗೂ ಸಾಮಾಜಿಕ ಸಮತೋಲನ ಕಾಯ್ದುಕೊಳ್ಳುವ ಪ್ರಯತ್ನ ಮಾಡಿದೆ.
ಇತ್ತೀಚೆಗೆ ನಡೆದ ಚುನಾವಣೆಯಲ್ಲಿ ಬಿಜೆಪಿ 208 ಸ್ಥಾನಗಳನ್ನು ಗೆಲ್ಲುವ ಮೂಲಕ ತೃಣಮೂಲ ಕಾಂಗ್ರೆಸ್ನ (TMC) 15 ವರ್ಷಗಳ ಸುದೀರ್ಘ ಆಳ್ವಿಕೆಗೆ ಬ್ರೇಕ್ ಹಾಕಿ ಇತಿಹಾಸ ನಿರ್ಮಿಸಿತ್ತು.
