ರಕ್ಷಣಾ ಕ್ಷೇತ್ರ (Defense) ವಲಯದಲ್ಲಿ ಇತ್ತೀಚಿಗೆ ಭಾರತ ತನ್ನದೇ ಆದ ವಿಶಿಷ್ಟ ವ್ಯಾಪ್ತಿ ಹಾಗೂ ಸಾಮರ್ಥ್ಯವನ್ನು ವಿಸ್ತರಿಸಿಕೊಳ್ಳುತ್ತಿದೆ. ಜಾಗತಿಕ ಮಟ್ಟದಲ್ಲಿ ಭಾರತದ ಮಿತ್ರರಾಷ್ಟ್ರಗಳು ಎಷ್ಟಿವೆಯೋ, ಅಷ್ಟೇ ಪ್ರಮಾಣದಲ್ಲಿ ಪ್ರತಿಸ್ಪರ್ಧಿಗಳೂ ಇದ್ದಾರೆ. ಈ ನಡುವೆ, ಭಾರತೀಯ ರಕ್ಷಣಾ ರಂಗ ಮತ್ತೊಂದು ಐತಿಹಾಸಿಕ ಮೈಲಿಗಲ್ಲು ಸ್ಥಾಪಿಸಲು ಸಜ್ಜಾಗಿದೆ.
ಮಿಸೈಲ್ ಕೂಲರ್ ನಿರ್ಮಾಣಕ್ಕೆ ಮುಂದಾದ ಭಾರತ
ಭಾರತೀಯ ಸೇನೆಯ ಬಳಿ ಈಗಾಗಲೇ ಅಗ್ನಿ, ಪೃಥ್ವಿ, ಶೌರ್ಯ, ಬ್ರಹ್ಮೋಸ್ ಸೇರಿದಂತೆ ಅತ್ಯಾಧುನಿಕ ಕ್ಷಿಪಣಿಗಳ ದೊಡ್ಡ ಶ್ರೇಣಿಯೇ ಇದೆ. ಇದರ ಬೆನ್ನಲ್ಲೇ ಭಾರತ ಮತ್ತೊಂದು ಹೆಜ್ಜೆ ಮುಂದುವರಿಸಿ, ತಾನು ತಯಾರಿಸುವ ಕ್ಷಿಪಣಿಗಳಲ್ಲಿ ‘ಕೂಲರ್ ವ್ಯವಸ್ಥೆ’ (Missile Cooler Technology) ತರಲು ಮುಂದಾಗಿದೆ.
ಯುವ ವಿಜ್ಞಾನಿಗಳ ಮತ್ತು ಮಹಿಳಾ ಶಕ್ತಿಯ ಸಾಧನೆ
ಯುವ ವಿಜ್ಞಾನಿಗಳ ತಂಡವೊಂದು ಈ ನೂತನ ತಂತ್ರಜ್ಞಾನದ ಅಭಿವೃದ್ಧಿಗೆ ಕೈಹಾಕಿದ್ದು, ಇದು ಇಡೀ ದೇಶಕ್ಕೆ ಹೆಮ್ಮೆಯ ವಿಚಾರವಾಗಿದೆ. ಈ ಮಿಸೈಲ್ ತಂತ್ರಜ್ಞಾನದ ಸಂಶೋಧನೆ ಮತ್ತು ತಯಾರಿಕೆಯಲ್ಲಿ ಮಹಿಳಾ ವಿಜ್ಞಾನಿಗಳು ಪ್ರಮುಖ ಪಾತ್ರವಹಿಸುತ್ತಿರುವುದು ಭಾರತದ ಪಾಲಿಗೆ ಮತ್ತಷ್ಟು ಹೆಮ್ಮೆಯ ವಿಷಯ. ಲಿಂಗ ತಾರತಮ್ಯವಿಲ್ಲದೆ ಎಲ್ಲ ಕ್ಷೇತ್ರಗಳಲ್ಲೂ ಮಹಿಳೆಯರಿಗೆ ಸಮಾನ ಪ್ರಾಮುಖ್ಯತೆ ನೀಡುತ್ತ ಬಂದಿರುವ ಭಾರತದ ನೀತಿಗೆ ಇದು ಮತ್ತೊಂದು ಉತ್ತಮ ನಿದರ್ಶನವಾಗಿದೆ. ಭಾರತ ತಯಾರಿಸುತ್ತಿರುವ ಈ ಮಿಸೈಲ್ ಕೂಲರ್ ತಂತ್ರಜ್ಞಾನ ಯಶಸ್ವಿಯಾಗಿ ಯಶಸ್ಸಿನ ಹೆಜ್ಜೆ ಇಡಲಿ ಎಂಬುದು ಎಲ್ಲರ ಆಶಯವಾಗಿದೆ.
ರಷ್ಯಾ-ಚೀನಾ ಬಳಿಯೂ ಇಲ್ಲದ ತಂತ್ರಜ್ಞಾನ!
ಮೂಲಗಳ ಪ್ರಕಾರ, ಈ ನೂತನ ಮಿಸೈಲ್ ಕೂಲರ್ ತಂತ್ರಜ್ಞಾನವು ಪ್ರಸ್ತುತ ಜಾಗತಿಕ ಮಹಾಶಕ್ತಿಗಳಾದ ರಷ್ಯಾ ಹಾಗೂ ಚೀನಾದ ಬಳಿಯೂ ಇಲ್ಲ ಎಂಬುದು ಅತ್ಯಂತ ಕುತೂಹಲಕಾರಿ ಸಂಗತಿಯಾಗಿದೆ. ಇತ್ತೀಚಿನ ಸಂಘರ್ಷಗಳ ಸಂದರ್ಭದಲ್ಲಿ ಈ ತಂತ್ರಜ್ಞಾನದ ಬಳಕೆಯ ಬಗ್ಗೆ ಚರ್ಚೆಗಳು ಮುನ್ನೆಲೆಗೆ ಬಂದಿದ್ದು, ಈ ವಿಶೇಷ ಮಿಸೈಲ್ ತಂತ್ರಜ್ಞಾನವನ್ನು ‘ಜೌಲ್-ಥಾಮ್ಸನ್ ಕೂಲರ್’ (Joule-Thomson or GT Cooler) ಎಂದು ಕರೆಯಲಾಗುತ್ತದೆ.
ಒಟ್ಟಾರೆಯಾಗಿ, ಈ ನಾವೀನ್ಯತೆ ಭಾರತದ ರಕ್ಷಣಾ ರಂಗದ ಕಿರೀಟಕ್ಕೆ ಮತ್ತೊಂದು ಗರಿ ಎಂದೇ ಹೇಳಬಹುದು. ಒಂದು ವೇಳೆ ಈ ತಂತ್ರಜ್ಞಾನ ಯಶಸ್ವಿಯಾಗಿ ಮಿಸೈಲ್‌ಗಳಲ್ಲಿ ಕಾರ್ಯರೂಪಕ್ಕೆ ಬಂದಲ್ಲಿ, ಜಾಗತಿಕ ಮಾರುಕಟ್ಟೆಯಲ್ಲಿ ಭಾರತದ ಈ ಮಿಸೈಲ್ ಕೂಲರ್‌ಗೆ ಭಾರಿ ಬೇಡಿಕೆ ಸೃಷ್ಟಿಯಾಗುವುದರಲ್ಲಿ ಯಾವುದೇ ಸಂದೇಹವಿಲ್ಲ.
