ದೆಹಲಿಯ ರೆಡ್ ಫೋರ್ಟ್ ಮೆಟ್ರೋ ಸ್ಟೇಷನ್ ಬಳಿ ನಡೆದ ಭಯಂಕರ ಕಾರು ಸ್ಫೋಟದಲ್ಲಿ 13 ಜನ ಸಾವು, 24 ಗಾಯಗಳ ನಂತರ ಹೊಸ ತಿರುವುಗಳು ಬಯಲಾಗುತ್ತಿವೆ. ರಾಷ್ಟ್ರೀಯ ತನಿಖಾ ಸಂಸ್ಥೆ (NIA) ಪ್ರಕರಣವನ್ನು ಕೈಗೆತ್ತಿಕೊಂಡು ತೀವ್ರ ತನಿಖೆ ನಡೆಸುತ್ತಿದ್ದು, ಕಾಶ್ಮೀರದಿಂದ 5 ಆರೋಪಿಗಳನ್ನು ಬಂಧಿಸಿದೆ. ಈ ನಡುವೆ ದೆಹಲಿ ಮುಖ್ಯಮಂತ್ರಿ ರೇಖಾ ಗುಪ್ತಾ ಸಂತ್ರಸ್ತ ಕುಟುಂಬಗಳಿಗೆ ಬೃಹತ್ ಪರಿಹಾರ ಘೋಷಿಸಿದ್ದಾರೆ. ಮೃತರ ಕುಟುಂಬಕ್ಕೆ ₹10 ಲಕ್ಷ, ಶಾಶ್ವತ ಅಂಗವಿಕಲರಿಗೆ ₹5 ಲಕ್ಷ, ಗಂಭೀರ ಗಾಯಾಳುಗಳಿಗೆ ₹2 ಲಕ್ಷ. ಈ ಘೋಷಣೆಯೊಂದಿಗೆ ಸರ್ಕಾರ ಸಂತ್ರಸ್ತರ ಪರವಾಗಿ ನಿಂತಿದೆ ಎಂದು ಸಿಎಂ ಹೇಳಿದ್ದಾರೆ.
NIA ತಂಡ ದೆಹಲಿ ಸ್ಫೋಟವನ್ನು “ಭಯೋತ್ಪಾದಕ ದಾಳಿ” ಎಂದು ಗುರುತಿಸಿ, ಕಾಶ್ಮೀರದೊಂದಿಗೆ ಸಂಪರ್ಕ ಹೊಂದಿದ ನೆಟ್‌ವರ್ಕ್‌ನ್ನು ಬೆಳಕಿಗೆ ತಂದಿದೆ. ಬಂಧಿತ ಆರೋಪಿಗಳು ಡಾ. ಅದೀಲ್ ಅಹ್ಮದ್ ರಾಥರ್ (ಖಾಜಿಗುಂಡ್, ಜಮ್ಮು-ಕಾಶ್ಮೀರ), ಡಾ. ಮುಜಮ್ಮಿಲ್ ಅಹ್ಮದ್ ಗನೈ (ಪುಲ್ವಾಮಾ), ಡಾ. ಶಾಹೀನ್ ಸಯೀದ್ (ಪುಲ್ವಾಮಾ), ತಾರಿಕ್ ಅಹ್ಮದ್ ದಾರ್ (ಪುಲ್ವಾಮಾ ಸಂಬೂರಾ), ಉಮರ್ ಅಲಿಯಾಸ್ ಅಮೀರ್ (ಕಾಶ್ಮೀರ)
ಇವರೆಲ್ಲರೂ ವೈದ್ಯ ವೃತ್ತಿಯಲ್ಲಿದ್ದು, ಭಯೋತ್ಪಾದಕ ಚಟುವಟಿಕೆಗಳಲ್ಲಿ ಭಾಗಿಯಾಗಿದ್ದಾರೆ ಎಂದು NIA ಆರೋಪಿಸಿದೆ. ಸ್ಫೋಟಕ್ಕೆ ಬಳಸಿದ ಕಾರು ಫರಿದಾಬಾದ್‌ನಿಂದ ಬಂದಿದ್ದು, ಕಾಶ್ಮೀರದಿಂದ ಸಂಪರ್ಕ ಹೊಂದಿದೆ ಎಂಬ ಮಾಹಿತಿ ಬಂದಿದೆ. NIA ದಾಳಿಗಳು ಮುಂದುವರೆದಿದ್ದು, ಹೆಚ್ಚಿನ ಬಂಧನಗಳ ಸಾಧ್ಯತೆಯಿದೆ.
ಸಿಎಂ ರೇಖಾ ಗುಪ್ತಾ ಪರಿಹಾರ ಘೋಷಣೆ:
ದೆಹಲಿ ಸರ್ಕಾರದ ಪರಿಹಾರ ವಿವರ:
- ಮೃತರ ಕುಟುಂಬ: ₹10 ಲಕ್ಷ
- ಶಾಶ್ವತ ಅಂಗವೈಕಲ್ಯ: ₹5 ಲಕ್ಷ
- ಗಂಭೀರ ಗಾಯ: ₹2 ಲಕ್ಷ
“ದೆಹಲಿ ಸರ್ಕಾರ ಸಂತ್ರಸ್ತರ ಜೊತೆಗಿದೆ. ಈ ದುರಂತದಲ್ಲಿ ಜೀವ ತೆತ್ತವರ ಕುಟುಂಬಕ್ಕೆ ನ್ಯಾಯ ದೊರಕುವಂತೆ ಮಾಡುತ್ತೇವೆ” ಎಂದು ಸಿಎಂ ರೇಖಾ ಗುಪ್ತಾ ಹೇಳಿದ್ದಾರೆ. ಪರಿಹಾರ ಹಣವನ್ನು ತಕ್ಷಣವೇ ವಿತರಿಸುವಂತೆ ಸೂಚನೆ ನೀಡಲಾಗಿದೆ.
ನವೆಂಬರ್ 10ರ ಸಂಜೆ ರೆಡ್ ಫೋರ್ಟ್ ಮೆಟ್ರೋ ಬಳಿ ನಡೆದ ಸ್ಫೋಟದಲ್ಲಿ 8 ಜನ ಸಾವು, 20 ಹೆಚ್ಚು ಜನ ಗಾಯಗೊಂಡಿದ್ದಾರೆ. ಇದು ಭಯೋತ್ಪಾದಕ ದಾಳಿಯೇ ಎಂದು NIA ದೃಢಪಡಿಸಿದೆ. ದೆಹಲಿ ಪೊಲೀಸ್, NIA, NSG ತಂಡಗಳು ಸಂಯುಕ್ತ ತನಿಖೆ ನಡೆಸುತ್ತಿವೆ. ರಾಷ್ಟ್ರ ರಾಜಧಾನಿಯಲ್ಲಿ ಭದ್ರತೆ ಬಿಗಿಗೊಳಿಸಲಾಗಿದೆ.
