ಶುರುವಾಯ್ತು ಕೊರೊನಾ ಆತಂಕ! JN.1 ಹೊಸ ರೂಪಾಂತರ ಎಷ್ಟು ಡೇಂಜರ್?

ಸಿಂಗಾಪುರದ ಒಳಚರಂಡಿಯಲ್ಲಿ ಕೂಡ ಕೋವಿಡ್-19 ವೈರಸ್ ಕಂಡುಬಂದಿದ್ದು, ಈ ರೂಪಾಂತರದ ಹರಡುವಿಕೆಯ ತೀವ್ರತೆಯನ್ನು ತೋರಿಸುತ್ತದೆ. LF.7 ಮತ್ತು NB.1.8 ರೂಪಾಂತರಗಳು ಕೂಡ JN.1 ರ ಉಪವಿಭಾಗಗಳಾಗಿವೆ, ಆದರೆ ಇವು ಹಿಂದಿನ ತಳಿಗಳಿಗಿಂತ ಹೆಚ್ಚು ತೀವ್ರವಾಗಿಲ್ಲ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಲಸಿಕೆಗಳು JN.1 ವಿರುದ್ಧ ಕಾರ್ಯನಿರ್ವಹಿಸುತ್ತವೆಯೇ?

ಹಲವಾರು ಅಧ್ಯಯನಗಳ ಪ್ರಕಾರ, JN.1 ರೂಪಾಂತರವು ದೇಹದ ರೋಗನಿರೋಧಕ ವ್ಯವಸ್ಥೆಯನ್ನು ಭಾಗಶಃ ತಪ್ಪಿಸಿಕೊಳ್ಳುವ ಸಾಮರ್ಥ್ಯವನ್ನು ಹೊಂದಿದೆ. ಲಸಿಕೆಗಳು ಅಥವಾ ಹಿಂದಿನ ಸೋಂಕಿನಿಂದ ಪಡೆದ ಪ್ರತಿಕಾಯಗಳು JN.1 ವಿರುದ್ಧ ಹಿಂದಿನ ತಳಿಗಳಿಗಿಂತ ಕಡಿಮೆ ಪರಿಣಾಮಕಾರಿಯಾಗಿವೆ. ಆದರೆ, XBB.1.5 ಮೊನೊವೆಲೆಂಟ್ ಬೂಸ್ಟರ್ ಲಸಿಕೆಯು JN.1 ವಿರುದ್ಧ ರಕ್ಷಣೆಯನ್ನು ಹೆಚ್ಚಿಸುವಲ್ಲಿ ಪರಿಣಾಮಕಾರಿ ಎಂದು WHO ತಿಳಿಸಿದೆ. ಆದ್ದರಿಂದ, ಲಸಿಕೆ ಪಡೆದವರು ಮತ್ತು ಬೂಸ್ಟರ್ ಡೋಸ್ ತೆಗೆದುಕೊಂಡವರು ತೀವ್ರ ಲಕ್ಷಣಗಳಿಂದ ರಕ್ಷಣೆ ಪಡೆಯಬಹುದು.