ಬೆಂಗಳೂರು; (ಸೆ.21) ಕರ್ನಾಟಕದಲ್ಲಿ ಜಾತಿಗಣತಿಯ ಕಾವು ಜೋರಾಗಿದ್ದು, ಹಲವು ಗೊಂದಲಗಳ ಮಧ್ಯೆ ರಾಜ್ಯಾದ್ಯಂತ ನಾಳೆ (ಸೆಪ್ಟೆಂಬರ್ 22, 2025) ಜಾತಿಗಣತಿ ಆರಂಭವಾಗಲಿದೆ. ಶಿಕ್ಷಕರಿಗೆ ತರಬೇತಿ ನೀಡಲಾಗಿದ್ದು, ನಾಳೆ ಬೆಳಿಗ್ಗೆಯಿಂದ ಸಮೀಕ್ಷೆ ಶುರುವಾಗಲಿದೆ. ಆದರೆ ಕ್ರಿಶ್ಚಿಯನ್ ಧರ್ಮದ ಜೊತೆ ಹಿಂದೂ ಜಾತಿಗಳನ್ನು ಸೇರಿಸಿದ್ದಕ್ಕೆ ಬಿಜೆಪಿ ನಾಯಕರು ಆಕ್ಷೇಪ ವ್ಯಕ್ತಪಡಿಸಿದ್ದರಿಂದ ಆ ಭಾಗವನ್ನು ಕೈಬಿಡಲಾಗಿದೆ. ಜಾತಿಗಣತಿಯ ಸಮಯದಲ್ಲಿ ನಿಮ್ಮ ಮನೆಗೆ ಬರುವ ಸಿಬ್ಬಂದಿಗೆ 60 ಪ್ರಶ್ನೆಗಳಿಗೆ ಉತ್ತರಿಸಬೇಕಾಗುತ್ತದೆ.
ಸಾಕಷ್ಟು ಗೊಂದಲ, ವಿರೋಧ ನಡುವೆಯೂ ಕರ್ನಾಟಕದಲ್ಲಿ ನಾಳೆಯಿಂದ ಜಾತಿಗಣತಿ ಶುರುವಾಗಲಿದೆ. ಸಮುದಾಯಗಳ ಒತ್ತಡಕ್ಕೆ ಮಣಿದ ಸರ್ಕಾರ, ಜಾತಿಗಣತಿ ನಮೂನೆಯಿಂದ ಕ್ರಿಶ್ಚಿಯನ್ ಜೊತೆಗಿನ ಹಿಂದೂ ಜಾತಿಗಳ ಉಲ್ಲೇಖವನ್ನು ತೆಗೆದುಹಾಕಿದೆ. ತೀವ್ರ ವಿರೋಧದ ಬೆನ್ನಲ್ಲೇ ರಾಜ್ಯ ಹಿಂದುಳಿದ ವರ್ಗಗಳ ಆಯೋಗವು 33 ಜಾತಿಗಳನ್ನು ಪಟ್ಟಿಯಿಂದ ಕೈಬಿಟ್ಟಿದೆ. ಆಯಾ ಸಮುದಾಯದ ಮುಖಂಡರು ಮತ್ತು ಸ್ವಾಮೀಜಿಗಳು ಸಭೆ ನಡೆಸಿ, ಜಾತಿಗಣತಿಯ ಲಂನಲ್ಲಿ ಏನು ಬರೆಯಬೇಕೆಂದು ಕರೆ ನೀಡಿದ್ದಾರೆ. ಸಮೀಕ್ಷೆಗೆ ಬರುವವರಿಗೆ 60 ಪ್ರಶ್ನೆಗಳಿಗೆ ಉತ್ತರಿಸಬೇಕಾಗಿದ್ದು, ಈ ಕೆಳಗಿನ ದಾಖಲೆಗಳನ್ನು ಸಿದ್ಧವಾಗಿಟ್ಟುಕೊಳ್ಳಿ.
ಸಮೀಕ್ಷೆಗೆ ಬೇಕಾದ ದಾಖಲೆಗಳು:
ರೇಷನ್ ಕಾರ್ಡ್
ಕುಟುಂಬದ ಎಲ್ಲ ಸದಸ್ಯರ ಆಧಾರ್ ಕಾರ್ಡ್
ಆಧಾರ್‌ಗೆ ಲಿಂಕ್ ಆಗಿರುವ ಮೊಬೈಲ್ ಸಂಖ್ಯೆ
ಮತದಾರರ ಗುರುತಿನ ಚೀಟಿ
ಜಾತಿಗಣತಿಯ 60 ಪ್ರಶ್ನೆಗಳು ;
1. ಮನೆಯ ಮುಖ್ಯಸ್ಥರ ಹೆಸರು
2. ತಂದೆಯ ಹೆಸರು
3. ತಾಯಿಯ ಹೆಸರು
4. ಕುಟುಂಬದ ಕುಲಹೆಸರು
5. ಮನೆಯ ವಿಳಾಸ
6. ಮೊಬೈಲ್ ಸಂಖ್ಯೆ
7. ರೇಷನ್ ಕಾರ್ಡ್ ಸಂಖ್ಯೆ
8. ಆಧಾರ್ ಸಂಖ್ಯೆ
9. ಮತದಾರರ ಗುರುತಿನ ಚೀಟಿ ಸಂಖ್ಯೆ
10. ಕುಟುಂಬದ ಒಟ್ಟು ಸದಸ್ಯರು
11. ಧರ್ಮ
12. ಜಾತಿ/ಉಪಜಾತಿ
13. ಜಾತಿ ವರ್ಗ (SC/ST/OBC/General/Other)
14. ಜಾತಿ ಪ್ರಮಾಣಪತ್ರ ಇದೆಯೇ ?
15. ಪ್ರಮಾಣಪತ್ರ ಸಂಖ್ಯೆ
16. ಜನ್ಮ ದಿನಾಂಕ
17. ವಯಸ್ಸು
18. ಲಿಂಗ (ಪುರುಷ/ಸ್ತ್ರೀ/ಇತರೆ)
19. ವೈವಾಹಿಕ ಸ್ಥಿತಿ
20. ಜನ್ಮ ಸ್ಥಳ
21. ವಿದ್ಯಾಭ್ಯಾಸದ ಮಟ್ಟ
22. ಮನೆಯಲ್ಲಿ ಓದಲು ಬಲ್ಲವರು ಎಷ್ಟು ?
23. ಮಕ್ಕಳು ಶಾಲೆಗೆ ಹೋಗುತ್ತಿದ್ದಾರೆಯೇ ?
24. ಶಾಲೆಯ ಪ್ರಕಾರ (ಸರ್ಕಾರಿ/ಖಾಸಗಿ)
25. ಮನೆಯಲ್ಲಿ ಶಾಲೆ ಬಿಟ್ಟವರು ಇದ್ದಾರೆಯೇ ?
26. ಮನೆಯ ಮುಖ್ಯ ಉದ್ಯೋಗ
27. ಎಷ್ಟು ಜನ ಉದ್ಯೋಗದಲ್ಲಿದ್ದಾರೆ ?
28. ಕೆಲಸದ ಪ್ರಕಾರ (ಸರ್ಕಾರಿ/ಖಾಸಗಿ)
29. ನಿರುದ್ಯೋಗಿಗಳು ಇದ್ದಾರೆಯೇ ?
30. ದಿನಸಿ ಆದಾಯ
31. ತಿಂಗಳ ಆದಾಯ
32. ತಿಂಗಳ ಖರ್ಚು
33. ಸಾಲ ಇದೆಯೇ ?
34. BPL ಕಾರ್ಡ್ ಇದೆಯೇ?
35. ಪಿಂಚಣಿ ಪಡೆಯುತ್ತಿದ್ದೀರಾ?
36. ಒಟ್ಟು ಜಮೀನು
37. ಕೃಷಿ/ನಿವಾಸಿ ಜಮೀನು ?
38. ಮನೆ ಸ್ವಂತದ್ದೇ/ಬಾಡಿಗೆ ?
39. ಮನೆಯ ಪ್ರಕಾರ (ಕಚ್ಚಾ/ಪಕ್ಕಾ)
40. ವಿದ್ಯುತ್ ಸಂಪರ್ಕ ಇದೆಯೇ ?
41. ಕುಡಿಯುವ ನೀರಿನ ಮೂಲ
42. ಶೌಚಾಲಯ ಇದೆಯೇ ?
43. ಮನೆಯಲ್ಲಿ ಎಷ್ಟು ಕೊಠಡಿಗಳು ?
44. ಇಂಟರ್ನೆಟ್/ಮೊಬೈಲ್ ಸೌಲಭ್ಯ ಇದೆಯೇ ?
45. ವಾಹನ ಇದೆಯೇ (ಸೈಕಲ್/ಬೈಕ್/ಕಾರು/ಟ್ರಾಕ್ಟರ್) ?
46. ರೇಷನ್ ಸಬ್ಸಿಡಿ ಸಿಗುತ್ತಿದೆಯೇ ?
47. ವಸತಿ ಯೋಜನೆಯ ಲಾಭ ಪಡೆದಿದ್ದೀರಾ ?
48. ವಿದ್ಯಾರ್ಥಿವೇತನ ಪಡೆದಿದ್ದೀರಾ ?
49. ಮೀಸಲಾತಿ ಲಾಭ ಪಡೆದಿದ್ದೀರಾ ?
50. ಆರೋಗ್ಯ ಯೋಜನೆಯ ಲಾಭ ಇದೆಯೇ ?
51. ಮನೆಯಲ್ಲಿ ವಿಧವೆ ಇದ್ದಾರೆಯೇ ?
52. ಅಂಗವಿಕಲರು ಇದ್ದಾರೆಯೇ ?
53. ಹಿರಿಯ ನಾಗರಿಕರು (60+) ಇದ್ದಾರೆಯೇ ?
54. 6 ವರ್ಷದೊಳಗಿನ ಮಕ್ಕಳು ಎಷ್ಟು?
55. ಯುವಕರು (18–35) ಎಷ್ಟು ?
56. ಯಾವುದೇ ಸಾಮಾಜಿಕ ಸಂಘ/ಸಂಸ್ಥೆಯಲ್ಲಿ ಸೇರಿದ್ದೀರಾ ?
57. ಮನೆಯಲ್ಲಿ ನೋಂದಾಯಿತ ಮತದಾರರು ಎಷ್ಟು ?
58. ಮತದಾನ ಮಾಡುವವರು ಇದ್ದಾರೆಯೇ ?
59. ಜಾತಿ ಆಧಾರದ ಮೇಲೆ ಭೇದಭಾವ ಅನುಭವಿಸಿದ್ದೀರಾ ?
60. ಜಾತಿ ಸಮೀಕ್ಷೆಯಿಂದ ನಿಮಗೆ ಏನು ಪ್ರಯೋಜನ ?
ಈ ಎಲ್ಲಾ ಪ್ರಶ್ನೆಗಳಿಗೂ ಜಾತಿಗಣತಿಯ ಸಮಯದಲ್ಲಿ ಸರಿಯಾದ ಮಾಹಿತಿಯನ್ನು ನೀಡಲು ಮೇಲಿನ ದಾಖಲೆಗಳನ್ನು ಸಿದ್ಧವಾಗಿಟ್ಟುಕೊಳ್ಳಿ.
