ಬೀಜಿಂಗ್‌: ಅಮೆರಿಕವು ಚೀನಾದ ಉತ್ಪನ್ನಗಳ ಮೇಲೆ ಶೇ.34ರಷ್ಟು ಪ್ರತಿತೆರಿಗೆ ವಿಧಿಸಿದ ಬೆನ್ನಲ್ಲೇ, ಚೀನಾ ಕೂಡ ಶಾಕ್ ನೀಡಿದೆ. ಅಮೆರಿಕದ ಉತ್ಪನ್ನಗಳ ಮೇಲೂ ಶೇ.34ರಷ್ಟು ಹೆಚ್ಚುವರಿ ತೆರಿಗೆ ಹೇರುವುದಾಗಿ ಚೀನಾ ಘೋಷಿಸಿದ್ದು, ಇದರೊಂದಿಗೆ ಈ ಎರಡು ಮಹಾಸತ್ತೆಗಳ ನಡುವೆ ನೇರ ತೆರಿಗೆ ಯುದ್ಧ ಆರಂಭವಾಗಿದೆ.
ಈ ಬೆಳವಣಿಗೆಗೂ ಮೊದಲು, ಗುರುವಾರ ಕೆನಡಾ ಕೂಡಾ ಅಮೆರಿಕದ ವಿವಿಧ ಉತ್ಪನ್ನಗಳ ಮೇಲೆ ಶೇ.25ರಷ್ಟು ಹೆಚ್ಚುವರಿ ತೆರಿಗೆ ವಿಧಿಸುವುದಾಗಿ ಪ್ರಕಟಿಸಿತ್ತು. ಟ್ರಂಪ್ ಆಡಳಿತದ ತೆರಿಗೆ ನೀತಿಗೆ ತೀವ್ರ ವಿರೋಧ ವ್ಯಕ್ತಪಡಿಸಿರುವ ದೇಶಗಳಲ್ಲಿ ಚೀನಾ ಮತ್ತು ಕೆನಡಾ ಪ್ರಮುಖವಾಗಿವೆ.
ಚೀನಾದ ತೀವ್ರ ಪ್ರತಿಕ್ರಿಯೆ
ಚೀನಾ ವಾಣಿಜ್ಯ ಇಲಾಖೆ ತೀವ್ರವಾಗಿ ಟೀಕಿಸಿದ್ದು, ಟ್ರಂಪ್ ವಿಧಿಸಿರುವ ಈ ಹೊಸ ತೆರಿಗೆಗಳು ವಿಶ್ವ ವ್ಯಾಪಾರ ಒಕ್ಕೂಟದ (WTO) ನಿಯಮಗಳ ವಿರುದ್ಧವಾಗಿವೆ ಎಂದು ಅಭಿಪ್ರಾಯಪಟ್ಟಿದೆ. “ಪ್ರತಿತೆರಿಗೆಗಳಿಂದ ಯಾರಿಗೂ ಲಾಭವಿಲ್ಲ. ಬದಲಾಗಿ, ಈ ಸಮಸ್ಯೆಗಳನ್ನು ಮಾತುಕತೆ ಮೂಲಕ ಬಗೆಹರಿಸಿಕೊಳ್ಳುವುದು ಉತ್ತಮ” ಎಂದು ಚೀನಾದ ಅಧಿಕೃತ ಹೇಳಿಕೆಯಲ್ಲಿ ತಿಳಿಸಲಾಗಿದೆ.
ಈ ಹಿಂದೆ ಅಮೆರಿಕ, ಚೀನಾದ ಉತ್ಪನ್ನಗಳ ಮೇಲೆ ಶೇ.30ರಷ್ಟು ತೆರಿಗೆ ವಿಧಿಸಿದ್ದರೆ, ಈಗ ಅದನ್ನು ಶೇ.34ರಷ್ಟಕ್ಕೆ ಹೆಚ್ಚಿಸಿದೆ. ಚೀನಾ ವಾರ್ಷಿಕವಾಗಿ ಶೇ.3ರಷ್ಟು ವ್ಯಾಪಾರವನ್ನು ಅಮೆರಿಕದೊಂದಿಗೆ ನಡೆಸುತ್ತಿದ್ದು, 50 ಲಕ್ಷ ಕೋಟಿ ರೂ. ಮೌಲ್ಯದ ವಸ್ತುಗಳನ್ನು ರಫ್ತು ಮಾಡುತ್ತದೆ. ಅಮೆರಿಕವೂ ಪ್ರತಿವರ್ಷ 12 ಲಕ್ಷ ಕೋಟಿ ರೂ. ಮೌಲ್ಯದ ವಸ್ತುಗಳನ್ನು ಚೀನಾಕ್ಕೆ ರಫ್ತು ಮಾಡುತ್ತದೆ.
ಅಮೆರಿಕದ ಕೇಂದ್ರೀಯ ಬ್ಯಾಂಕ್‌ನ ಎಚ್ಚರಿಕೆ
ಅಮೆರಿಕದ ಕೇಂದ್ರ ಬ್ಯಾಂಕ್‌ನ ಅಧ್ಯಕ್ಷ ಜೆರೋಂ ಪವೆಲ್‌ ಈ ಹೊಸ ತೆರಿಗೆ ನೀತಿಗಳ ಬಗ್ಗೆ ಆತಂಕ ವ್ಯಕ್ತಪಡಿಸಿದ್ದಾರೆ. “ತೆರಿಗೆ ದಾಳಿಯಿಂದ ಹಣದುಬ್ಬರ ಖಚಿತವಾಗಿದ್ದು, ಆರ್ಥಿಕ ಕುಸಿತದ ಭೀತಿಯೂ ಇದೆ” ಎಂದು ಅವರು ಹೇಳಿದ್ದಾರೆ. ತಾತ್ಕಾಲಿಕವಾಗಿ ಹಣದುಬ್ಬರ ಏರಿಕೆ ಕಂಡುಬಂದರೂ, ಇದೊಂದು ನಿರಂತರ ಸಮಸ್ಯೆಯಾಗಿ ಮಾರ್ಪಡಬಹುದು ಎಂಬ ಎಚ್ಚರಿಕೆಯನ್ನು ಅವರು ನೀಡಿದ್ದಾರೆ.
ಟ್ರಂಪ್ ಆಡಳಿತವು ಭಾರತದಿಂದ ಆಮದು ಮಾಡುವ ಉತ್ಪನ್ನಗಳ ಮೇಲೆ ಶೇ.27ರಷ್ಟು ತೆರಿಗೆ ವಿಧಿಸಿದ್ದರೂ, ನಂತರ ಅದನ್ನು ಶೇ.26ಕ್ಕೆ ಇಳಿಸಲಾಗಿದೆ. ಈ ಕುರಿತಂತೆ ಬುಧವಾರ ರಾತ್ರಿ ಟ್ರಂಪ್ ಘೋಷಣೆ ಮಾಡಿದ್ದರೆ, ಗುರುವಾರ ಶ್ವೇತಭವನದ ದಾಖಲೆಗಳಲ್ಲಿ ಶೇ.27 ಎಂದು ಉಲ್ಲೇಖಿಸಲಾಯಿತು. ಬಳಿಕ ಬಿಡುಗಡೆಗೊಂಡ ಪರಿಷ್ಕೃತ ಮಾಹಿತಿಯಲ್ಲಿ ಈ ಪ್ರಮಾಣವನ್ನು ಶೇ.26 ಎಂದು ದೃಢಪಡಿಸಲಾಗಿದೆ.
ಶ್ರೀಮಂತರಿಗೆ ಭಾರೀ ನಷ್ಟ
ಟ್ರಂಪ್‌ನ ತೆರಿಗೆ ದಾಳಿಯಿಂದಾಗಿ ಜಾಗತಿಕ ಷೇರು ಮಾರುಕಟ್ಟೆ ಪತನಗೊಂಡಿದ್ದು, ಅಷ್ಟೇ ದಿನದಲ್ಲಿ 500 ಶತಕೋಟ್ಯಾಧೀಶರಿಗೆ ಒಟ್ಟು 17 ಲಕ್ಷ ಕೋಟಿ ರೂ. ನಷ್ಟವಾಗಿದೆ. ಈ ಪೈಕಿ ಫೇಸ್‌ಬುಕ್‌ನ ಮಾಲೀಕ ಮಾರ್ಕ್ ಜುಕರ್‌ಬರ್ಗ್‌ ಒಂದೇ ದಿನ 1.5 ಲಕ್ಷ ಕೋಟಿ ರೂ. ನಷ್ಟ ಅನುಭವಿಸಿದ್ದಾರೆ. ಅಮೆಜಾನ್‌ನ ಜೆಫ್ ಬೆಜೋಸ್‌ 1.3 ಲಕ್ಷ ಕೋಟಿ ನಷ್ಟವನ್ನು ಎದುರಿಸಿದ್ದು, ಎಲಾನ್ ಮಸ್ಕ್‌ ಅವರಿಗೂ 95,000 ಕೋಟಿ ರು. ನಷ್ಟವಾಗಿದೆ. ಇದು ಕೋವಿಡ್ ನಂತರದ ಅತಿದೊಡ್ಡ ಆರ್ಥಿಕ ಕುಸಿತವಾಗಿದೆ.
ನಿಮ್ಮ ನೆಚ್ಚಿನ ಗ್ಯಾರಂಟಿ ನ್ಯೂಸ್ ಈ ಕೆಳಕಂಡ ಕೇಬಲ್ & ಡಿಟಿಎಚ್ ನೆಟ್ ವರ್ಕ್ ಗಳಲ್ಲಿ ಲಭ್ಯ..
- Tata Play-1665
- U-Digital-ಮೈಸೂರು-160
- Metro Cast Network-ಬೆಂಗಳೂರು-ಬೆಳಗಾವಿ-30-828
- V4 digital network-623
- Abhishek network-817
- Malnad Digital network-45
- JBM network-ರಾಮದುರ್ಗ-54
- Channel net nine-ಧಾರವಾಡ-128
- Basava cable network-ಚಳ್ಳಕೆರೆ-54
- City channel network– ಚಳ್ಳಕೆರೆ-54
- RST digital-ಕಾರ್ಕಳ-101
- Vinayak cable-ಪಟ್ಟನಾಯಕನಹಳ್ಳಿ-54
- Mubarak digital-ಸಂಡೂರು-54
- SB cable-ಸವದತ್ತಿ-54
- Bhosale network-ವಿಜಯಪುರ-54
- Surya digital-ಜಗಳೂರು-54
- Gayatri network-ಸಿಂಧನೂರು-54
- Global vision-ದಾವಣಗೆರೆ-54
- Janani cable-ಮಂಡ್ಯ-54
- Hira cable-ಬೆಳಗಾವಿ-ಹುಬ್ಬಳ್ಳಿ-54
- UDC network-ಹಾರೋಗೇರಿ-54
- Moka cable-ಬಳ್ಳಾರಿ-100
- CAN network-ಚಿಕ್ಕೋಡಿ-54
- KK digital-ಗಂಗಾವತಿ-54
- Victory network-ದಾವಣಗೆರೆ-54
