ಪ್ರೇಯಸಿಗಾಗಿ ಪತ್ನಿ ಕೊ*ಲೆ: ಶವದ ಫೋಟೋ ಲವ್ವರ್‌ಗೆ ಕಳುಹಿಸಿ ಸಿಕ್ಕಿಬಿದ್ದ ಟೆಕ್ಕಿ

ವಾಷಿಂಗ್ಟನ್: ಅಮೆರಿಕದಲ್ಲಿ (USA) ಒಬ್ಬ ಭಾರತೀಯ ಮೂಲದ ಟೆಕ್ಕಿ (Indian Techie) ತನ್ನ ಪತ್ನಿಯನ್ನು ನಿರ್ದಾಕ್ಷಿಣ್ಯವಾಗಿ ಕೊಲೆ ಮಾಡಿ, ಆ ಮೃತದೇಹದ ಫೋಟೋವನ್ನು ಭಾರತದಲ್ಲಿದ್ದ ತನ್ನ ಪ್ರೇಯಸಿಗೆ ಕಳುಹಿಸಿರುವ ಘಟನೆ ಬೆಳಕಿಗೆ ಬಂದಿದೆ.

ಬಂಧಿತ ಆರೋಪಿಯ ಹೆಸರು ಅವಿನಾಶ್ ನಾರ್ನೆ (30). ಇವನು ಅಮೆರಿಕದಲ್ಲಿ ನೆಲೆಸಿದ್ದು, ತಂತ್ರಜ್ಞಾನ ಕ್ಷೇತ್ರದಲ್ಲಿ (IT) ಕೆಲಸ ಮಾಡುತ್ತಿದ್ದಾನೆ. ಈತನ ಪತ್ನಿ ರಾಜಿತಾ ಸಬ್ಬಿನೇನಿ (27) ಮೃತ ಮಹಿಳೆ. ಈ ಜೋಡಿಯು ಅಮೆರಿಕದಲ್ಲಿ ವಾಸವಾಗಿದ್ದು, ಘಟನೆ ನಡೆದು ಸುಮಾರು 7 ತಿಂಗಳುಗಳು ಕಳೆದಿವೆ. ಆದರೆ ಪೊಲೀಸ್ ತನಿಖೆಯಲ್ಲಿ ಪ್ರಕರಣದ ಗುಟ್ಟು ಬಯಲಾಗಿದೆ.

ಘಟನೆ ಹೇಗೆ ನಡೆಯಿತು?

ಕಳೆದ ವರ್ಷ ಅಕ್ಟೋಬರ್ 27, 2025ರಂದು ಅವಿನಾಶ್ ಸ್ಥಳೀಯ ಪೊಲೀಸರಿಗೆ ಕರೆ ಮಾಡಿ, “ನನ್ನ ಪತ್ನಿ ರಾಜಿತಾ ಬಾತ್‌ರೂಮ್‌ನಲ್ಲಿ ಬೀಗ ಹಾಕಿಕೊಂಡಿದ್ದಾಳೆ, ಹೊರಗೆ ಬರುತ್ತಿಲ್ಲ. ದಯವಿಟ್ಟು ಬಂದು ಸಹಾಯ ಮಾಡಿ” ಎಂದು ವಿನಂತಿಸಿದ್ದಾನೆ. ಕೂಡಲೇ ಸ್ಥಳಕ್ಕೆ ಆಗಮಿಸಿದ ಪೊಲೀಸರು ಬಾಗಿಲನ್ನು ಒಡೆದು ಒಳಗೆ ನೋಡಿದಾಗ, ರಾಜಿತಾ ಅವರು ಮೃತಪಟ್ಟಿರುವುದು ಕಂಡುಬಂದಿದೆ.

ಪ್ರಾಥಮಿಕ ಹಂತದಲ್ಲಿ ಇದು ಆತ್ಮಹತ್ಯೆ ಅಥವಾ ಆಕಸ್ಮಿಕ ಸಾವು ಎಂದು ಶಂಕಿಸಲಾಗಿತ್ತು. ಆದರೆ, ಪೊಲೀಸರಿಗೆ ಅವಿನಾಶ್ ನಡವಳಿಕೆಯಲ್ಲಿ ಮೊದಲಿನಿಂದಲೂ ಅನುಮಾನ ಕಾಡಿತ್ತು. ತಾನು ಕೆಲಸಕ್ಕೆ ಹೋಗಿ 40 ನಿಮಿಷಗಳ ನಂತರ ಮನೆಗೆ ಬಂದು ವಿಷಯ ತಿಳಿದುಕೊಂಡಿದ್ದಾಗಿ ಅವಿನಾಶ್ ಆರಂಭದಲ್ಲಿ ಹೇಳಿಕೊಂಡಿದ್ದನು. ಆದರೆ, ಪೊಲೀಸರ ತನಿಖೆಯಲ್ಲಿ ಬಯಲು ಮಾಡಿತ್ತು.

ತನಿಖೆಯಲ್ಲಿ ಕಂಡುಬಂದ ಶಾಕಿಂಗ್ ಸತ್ಯ

ಪೊಲೀಸರು ಸ್ಥಳದಲ್ಲಿನ ಸಿಸಿಟಿವಿ (CCTV) ಕ್ಯಾಮೆರಾಗಳ ಫೂಟೇಜ್ ಮತ್ತು ಇತರೆ ತಾಂತ್ರಿಕ ಸಾಕ್ಷ್ಯಗಳನ್ನು ಸೂಕ್ಷ್ಮವಾಗಿ ಪರಿಶೀಲಿಸಿದರು. ಆ ಸಮಯದಲ್ಲಿ ಅವಿನಾಶ್ ಅವರ ಮನೆಗೆ ಬೇರೆ ಯಾವುದೇ ವ್ಯಕ್ತಿಗಳು ಪ್ರವೇಶಿಸಿರಲಿಲ್ಲ ಎಂಬುದು ಸ್ಪಷ್ಟವಾಯಿತು. ಅಲ್ಲದೇ, ರಾಜಿತಾ ಅವರ ಶವದ ಮರಣೋತ್ತರ ಪರೀಕ್ಷೆಯ (Post-mortem) ವರದಿಯಲ್ಲಿ ಅವರ ಕುತ್ತಿಗೆಗೆ  ಬಲವಾಗಿ ಹೊಡೆದಿದ್ದರಿಂದ (Strangulation) ಸಾವು ಸಂಭವಿಸಿರುವುದನ್ನು ದೃಢಪಡಿಸಿತ್ತು. ಇದರಿಂದ ಇದು ಕೊಲೆ (Murder) ಎಂದು ತಿಳಿದುಬಂದಿತು.

ಇದನ್ನು ಅನುಮಾನಿಸಿದ ಪೊಲೀಸರು ಅವಿನಾಶ್‌‌ನ ಮೊಬೈಲ್ ಫೋನ್ ಮತ್ತು ಸಾಮಾಜಿಕ ಜಾಲತಾಣಗಳ ಖಾತೆಗಳನ್ನು ಪರಿಶೀಲಿಸಿದಾಗ ಬೆಚ್ಚಿಬೀಳುವ ಮಾಹಿತಿ ಹೊರಬಿದ್ದಿದೆ. ಅವಿನಾಶ್ ಕಳೆದ ಹಲವಾರು ವರ್ಷಗಳಿಂದ ಭಾರತದ ಒಬ್ಬ ಮಹಿಳೆಯೊಂದಿಗೆ ಸಂಬಂಧ (Love Affair) ಹೊಂದಿದ್ದನು. ತನ್ನ ಪತ್ನಿ ರಾಜಿತಾ ಜೊತೆ ವಿವಾಹವಾದ ನಂತರವೂ ಈ ಸಂಬಂಧವನ್ನು ಅವನು ಮುಂದುವರೆಸಿದ್ದನು.

ಕೊಲೆ ನಡೆದ ದಿನವೇ ಅವಿನಾಶ್ ತನ್ನ ಪ್ರೇಯಸಿಗೆ ಅನೇಕ ಬಾರಿ ಫೋನ್ ಕರೆ ಮಾಡಿದ್ದನು. ಈ ಕರೆಗಳ ಸಮಯ ಮತ್ತು ಕೊಲೆಯ ಸಮಯವು ಹೊಂದಿಕೆಯಾಗುತ್ತಿದ್ದವು. ಅವಿನಾಶ್ ತಾನು ಕೊಲೆ ಮಾಡಿದ ತನ್ನ ಪತ್ನಿ ರಾಜಿತಾ ಅವರ ಮೃತದೇಹದ ಫೋಟೋವನ್ನು (Dead Body Photo) ಆ ಮಹಿಳೆಗೆ ಕಳುಹಿಸಿದ್ದನು. ಪೊಲೀಸ್ ವರದಿಯ ಪ್ರಕಾರ, ಆ ಫೋಟೋ ಪುರಾವೆಯೂ ಈಗ ಅವರ ಬಳಿ ಇದೆ.

ಈ ಎಲ್ಲಾ ತನಿಖೆಗಳು ಮತ್ತು ಸಾಕ್ಷ್ಯಗಳ ಆಧಾರದ ಮೇಲೆ, ಪೊಲೀಸರು ಅವಿನಾಶ್ ವಿರುದ್ಧ ಕೊಲೆ (First-Degree Murder) ಪ್ರಕರಣ ದಾಖಲಿಸಿದ್ದಾರೆ. ಕಳೆದ ಜುಲೈ 5, 2026ರಂದು ಅವಿನಾಶ್ ನಾರ್ನೆನನ್ನು ಬಂಧಿಸಲಾಗಿದ್ದು, ಪ್ರಸ್ತುತ ಅವನು ನ್ಯಾಯಾಂಗ ಬಂಧನದಲ್ಲಿದ್ದಾನೆ.