ಫ್ರಾನ್ಸ್‌ನಲ್ಲಿ ಇಂಜೆಕ್ಷನ್ ಅಟ್ಯಾಕ್: 145ಕ್ಕೂ ​​ಹೆಚ್ಚು ಮಂದಿಗೆ ಚುಚ್ಚುಮದ್ದು

ಫ್ರಾನ್ಸ್‌ನ ವಾರ್ಷಿಕ ಬೀದಿ ಸಂಗೀತ ಉತ್ಸವ ‘ಫೆಟೆ ಡೆ ಲಾ ಮ್ಯೂಸಿಕ್’ ಸಂಭ್ರಮದ ಸಂದರ್ಭದಲ್ಲಿ ದೇಶಾದ್ಯಂತ ಆಘಾತಕಾರಿ ಘಟನೆಯೊಂದು ನಡೆದಿದೆ. ಸಂಗೀತ ಕೇಳುತ್ತಾ, ಆನಂದಿಸುತ್ತಿದ್ದ ಜನರ ಮೇಲೆ ಏಕಾಏಕಿ ಸಿರಿಂಜ್ ದಾಳಿಗಳು (Syringe Attack) ನಡೆದಿವೆ. ಫ್ರೆಂಚ್ ಆಂತರಿಕ ಸಚಿವಾಲಯದ ಪ್ರಕಾರ, ಸೋಮವಾರ 145ಕ್ಕೂ ಹೆಚ್ಚು ಜನರಿಗೆ ಸೂಜಿಯಿಂದ ಇರಿತವಾದ ಘಟನೆಗಳು ವರದಿಯಾಗಿವೆ.

ಪ್ಯಾರಿಸ್‌ನಲ್ಲಿ ಕನಿಷ್ಠ 13 ಪ್ರಕರಣಗಳನ್ನು ಪೊಲೀಸರು ದೃಢೀಕರಿಸಿದ್ದು, 12 ಶಂಕಿತರನ್ನು ಬಂಧಿಸಲಾಗಿದೆ. ರಾಜಧಾನಿಯಲ್ಲಿ “ಅಭೂತಪೂರ್ವ ಜನಸಂದಣಿ”ಯೊಂದಿಗೆ ನಡೆದ ಈ ಉತ್ಸವದಲ್ಲಿ, ಈ ದಾಳಿಗಳು ಭಯದ ವಾತಾವರಣವನ್ನು ಸೃಷ್ಟಿಸಿವೆ. ಒಂದು ಡಜನ್‌ಗಿಂತಲೂ ಹೆಚ್ಚು ಯುವತಿಯರು ಸಿರಿಂಜ್ ಇರಿತದಿಂದ ಅಸ್ವಸ್ಥರಾಗಿ ಆಸ್ಪತ್ರೆಗೆ ದಾಖಲಾಗಿದ್ದಾರೆ. 15 ವರ್ಷದ ಬಾಲಕಿ ಮತ್ತು 18 ವರ್ಷದ ಯುವಕ ಸೇರಿದಂತೆ ಮೂವರು ಗಂಭೀರವಾಗಿ ಅಸ್ವಸ್ಥರಾಗಿದ್ದಾರೆ.

🇫🇷 Chaos at France’s Music Festival 2025 (Fête de la Musique). What was meant to be a night of celebration turned into total mayhem.

🚨 371 arrests
🩸 6 stabbed, 14 seriously injured
💉 145 reported syringe attacks
🧯 1,500+ minor injuries
🔥 51 vehicles torched

Streets of… pic.twitter.com/TZRbciDf2u

— Mayin (@MayinPuri) June 23, 2025

ಈ ದಾಳಿಗಳಲ್ಲಿ GHB ನಂತಹ ಮಾದಕ ದ್ರವ್ಯಗಳನ್ನು ಬಳಸಿರಬಹುದು ಎಂಬ ಶಂಕೆಯಿದೆ. ಈ ರೀತಿಯ ವಸ್ತುಗಳು  ಗೊಂದಲಕ್ಕೀಡುಮಾಡಲು ಅಥವಾ ಲೈಂಗಿಕ ದೌರ್ಜನ್ಯಕ್ಕೆ ಒಳಪಡಿಸಲು ದಾಳಿಕೋರರು ಬಳಸುವ ಸಾಧ್ಯತೆ ಇರಬಹುದೆಂದು ಅಧಿಕಾರಿಗಳು ತನಿಖೆಯಲ್ಲಿ ಪರಿಶೀಲಿಸುತ್ತಿದ್ದಾರೆ. ಉತ್ಸವಕ್ಕೂ ಮುನ್ನ ಟಿಕ್‌ಟಾಕ್‌ನಲ್ಲಿ ವೀಡಿಯೊವೊಂದರ ಮೂಲಕ, ಮಹಿಳೆಯರನ್ನು ಸಿರಿಂಜ್‌ನಿಂದ ಗುರಿಯಾಗಿಸಲು ಸಾಮಾಜಿಕ ಮಾಧ್ಯಮಗಳಲ್ಲಿ ಕರೆಗಳು ಬಂದಿವೆ ಎಂದು ಎಚ್ಚರಿಕೆ ನೀಡಿದ್ದರು. ಆದರೆ, ಈ ಮಾಹಿತಿಯ ಮೂಲವನ್ನು ಅವರು ಬಹಿರಂಗಪಡಿಸಿಲ್ಲ. ಪೊಲೀಸರು ಈ ಕುರಿತು ತನಿಖೆಯನ್ನು ತೀವ್ರಗೊಳಿಸಿದ್ದಾರೆ.

ಅಂಗೌಲೆಮ್ ನಗರದಲ್ಲಿ ನಾಲ್ಕು ಶಂಕಿತರು ಸುಮಾರು 50 ಜನರನ್ನು ಗುರಿಯಾಗಿಸಿದ್ದಾರೆ ಎಂದು ವರದಿಯಾಗಿದೆ. ಈ ದಾಳಿಗಳು ಯೋಜಿತವಾಗಿ ನಡೆದಿರಬಹುದು ಎಂಬ ಆತಂಕವೂ ಇದೆ. ಫೆಟೆ ಡೆ ಲಾ ಮ್ಯೂಸಿಕ್ ಸಮಯದಲ್ಲಿ ಈ ದಾಳಿಗಳ ಜೊತೆಗೆ ಹಿಂಸಾತ್ಮಕ ಜಗಳಗಳ ಅಲೆಯೂ ಭುಗಿಲೆದ್ದಿತ್ತು, ಇದರಿಂದ ಇಡೀ ರಾತ್ರಿ ಗೊಂದಲದ ವಾತಾವರಣವಿತ್ತು.

ಸಿರಿಂಜ್ ದಾಳಿಗಳು ಯುವಕ-ಯುವತಿಯರನ್ನು, ವಿಶೇಷವಾಗಿ ಹದಿಹರೆಯದವರನ್ನು ಗುರಿಯಾಗಿಸಿರುವುದು ಆತಂಕಕಾರಿಯಾಗಿದೆ. ಪೊಲೀಸರು ತನಿಖೆಯನ್ನು ಮುಂದುವರೆಸಿದ್ದು, ದಾಳಿಗಳ ಹಿಂದಿನ ಉದ್ದೇಶ ಮತ್ತು ಯೋಜನೆಯನ್ನು ಪತ್ತೆಹಚ್ಚಲು ಪ್ರಯತ್ನಿಸುತ್ತಿದ್ದಾರೆ.