ಬಿಗ್ ಬಾಸ್ ಜರ್ನಿ ಬಗ್ಗೆ ಕಿಚ್ಚ ಸುದೀಪ್ ಅಚ್ಚರಿ ಪೋಸ್ಟ್

ಬಿಗ್ ಬಾಸ್ ಕನ್ನಡ ಸೀಸನ್ 12ರ ಗ್ರ್ಯಾಂಡ್ ಫಿನಾಲೆ ಇಂದು ಸಂಜೆ 6 ಗಂಟೆಗೆ ಶುರುವಾಗಲಿದೆ. ಆದರೆ ಫಿನಾಲೆಗೂ ಮೊದಲೇ ಹೋಸ್ಟ್ ಕಿಚ್ಚ ಸುದೀಪ್ ಸೋಷಿಯಲ್ ಮೀಡಿಯಾದಲ್ಲಿ ಭಾವೋದ್ರೇಕದ ಪೋಸ್ಟ್ ಹಾಕಿ ಎಲ್ಲರನ್ನೂ ಅಚ್ಚರಿಗೊಳಿಸಿದ್ದಾರೆ. ತಮ್ಮ ಅಧಿಕೃತ ಖಾತೆಯಲ್ಲಿ ಪೋಸ್ಟ್ ಮಾಡಿರುವ ಸುದೀಪ್, ಇಡೀ ಬಿಗ್ ಬಾಸ್ ತಂಡಕ್ಕೆ, ವೀಕ್ಷಕರಿಗೆ ಮತ್ತು ಸ್ಪರ್ಧಿಗಳಿಗೆ ಹೃತ್ಪೂರ್ವಕ ಧನ್ಯವಾದಗಳನ್ನು ಅರ್ಪಿಸಿದ್ದಾರೆ.

ಪೋಸ್ಟ್‌ನಲ್ಲಿ ಸುದೀಪ್ ಬರೆದಿರುವುದು: “ನೀವಿಲ್ಲದೇ ಬಿಗ್ ಬಾಸ್ ಇಲ್ಲ. ಇಂದು ಬಿಗ್ ಬಾಸ್ ಸೀಸನ್-12 ಗ್ರ್ಯಾಂಡ್ ಫಿನಾಲೆ. ಇದು ನಿಜಕ್ಕೂ ಅದ್ಭುತ ಸೀಸನ್. ವೀಕ್ಷಕರಿಗೆ, ಇಡೀ ತಂಡಕ್ಕೆ ಧನ್ಯವಾದಗಳು. ಸೂರ್ಯಾಸ್ತದ ಹೊತ್ತಿಗೆ ಬಿಗ್ ಬಾಸ್ ಸೀಸನ್-12 ಮುಕ್ತಾಯವಾಗಲಿದೆ. ಈ ಶೋಗೆ ಬೆಂಬಲ ನೀಡಿದ ಪ್ರತಿಯೊಬ್ಬ ವೀಕ್ಷಕರಿಗೆ ನನ್ನ ಹೃತ್ಪೂರ್ವಕ ಧನ್ಯವಾದಗಳು. ಸ್ಪರ್ಧಿಗಳಿಗೆ ಹೃತ್ಪೂರ್ವಕ ಅಭಿನಂದನೆಗಳು. ವಿನ್ನರ್‌ಗೆ ನನ್ನ ಹೃದಯಪೂರ್ವಕ ಅಭಿನಂದನೆಗಳು. ಈ ಅದ್ಭುತ ಯಶಸ್ಸಿಗೆ ಕಾರಣರಾದ ಇಡೀ ತಾಂತ್ರಿಕ ತಂಡಕ್ಕೆ ಅಭಿನಂದನೆಗಳು. ನೀವೆಲ್ಲರೂ ಇಲ್ಲದೆ ಇದ್ರೆ ಬಿಗ್ ಬಾಸ್ ಇಲ್ಲ.”

ಈ ಪೋಸ್ಟ್‌ನಿಂದ ಫ್ಯಾನ್‌ಗಳಲ್ಲಿ ಭಾರೀ ಉತ್ಸಾಹ ಮತ್ತು ಕುತೂಹಲ ಮೂಡಿದೆ. ಸುದೀಪ್ ಅವರು ಫಿನಾಲೆಯಲ್ಲಿ ವಿನ್ನರ್ ಮತ್ತು ರನ್ನರ್‌ ಅಪ್‌ಗೆ ಅಭಿನಂದನೆಗಳನ್ನು ಮುಂಚಿತವಾಗಿ ಹೇಳಿರುವುದು ಗಮನಾರ್ಹ. ಇದು ಶೋದ ಭಾವನಾತ್ಮಕ ಮುಕ್ತಾಯಕ್ಕೆ ಸಾಕ್ಷಿಯಾಗಿದೆ.

And thus… by sundown today,, #BBK12 shall come to a close. This remarkable season,, an extraordinary voyage of growth and spectacle,, has borne witness to BigBoss’s growth with every passing season. My profound gratitude to every devoted viewer for unwavering support❤️,,… pic.twitter.com/Y9AF5mKFMN

— Kichcha Sudeepa (@KicchaSudeep) January 18, 2026

ಸೀಸನ್‌ನ ಹೈಲೈಟ್ಸ್ ಮತ್ತು ವೋಟಿಂಗ್ ದಾಖಲೆ ಬಿಗ್ ಬಾಸ್ ಕನ್ನಡ 12 ಈ ಬಾರಿ ಹೊಸ ದಾಖಲೆ ಸೃಷ್ಟಿಸಿದೆ. ಒಟ್ಟು 37 ಕೋಟಿ ವೋಟ್‌ಗಳು ಬಂದಿವೆ ಎಂದು ಸುದೀಪ್ ಹೇಳಿದ್ದಾರೆ. ಕಳೆದ ಸೀಸನ್-11ರಲ್ಲಿ ವಿನ್ನರ್ ಹನುಮಂತ್ 5 ಕೋಟಿ ವೋಟ್ ಪಡೆದಿದ್ದರು. ಈ ಬಾರಿ ವೋಟ್‌ಗಳ ಸಂಖ್ಯೆ ಭರ್ಜರಿಯಾಗಿದ್ದು, ಫಿನಾಲೆಯಲ್ಲಿ ಯಾರು ವಿಜೇತರಾಗುತ್ತಾರೆ ಎಂಬ ಕುತೂಹಲ ಶಿಖರಕ್ಕೇರಿದೆ.

ಫೈನಲಿಸ್ಟ್‌ಗಳು ಮತ್ತು ಚರ್ಚೆಗಳು ಫೈನಲ್‌ಗೆ ತಲುಪಿರುವವರು, ಗಿಲ್ಲಿ ನಟ , ಅಶ್ವಿನಿ ಗೌಡ , ರಕ್ಷಿತಾ ಶೆಟ್ಟಿ , ಧನುಷ್ ಗೌಡ , ಮ್ಯೂಟೆಂಟ್ ರಘು , ಕಾವ್ಯ ಶೈವ . ಸೋಷಿಯಲ್ ಮೀಡಿಯಾದಲ್ಲಿ ಗಿಲ್ಲಿ ನಟ ಅಥವಾ ಅಶ್ವಿನಿ ಗೌಡ ಗೆಲ್ಲುತ್ತಾರೆ ಎಂಬ ಚರ್ಚೆ ತೀವ್ರವಾಗಿದೆ. ಹಲವರು ಗಿಲ್ಲಿ ನಟನ ಗೆಲುವನ್ನು ಭವಿಷ್ಯವಾಣಿ ಮಾಡುತ್ತಿದ್ದಾರೆ.

ಫಿನಾಲೆಯಲ್ಲಿ ಟ್ರೋಫಿ ಜೊತೆಗೆ 50 ಲಕ್ಷ ರೂಪಾಯಿ ಬಹುಮಾನ ಇದೆ. ಶೋವನ್ನು ಕಲರ್ಸ್ ಕನ್ನಡ ಚಾನಲ್ ಮತ್ತು ಜಿಯೋಹಾಟ್‌ಸ್ಟಾರ್‌ನಲ್ಲಿ ನೇರ ಪ್ರಸಾರ ಮಾಡಲಾಗುತ್ತದೆ. ಸುದೀಪ್ ಅವರ ಈ ಭಾವೋದ್ರೇಕದ ಪೋಸ್ಟ್ ಶೋದ ಮುಕ್ತಾಯಕ್ಕೆ ಸರಿಯಾದ ಭಾವನಾತ್ಮಕ ಟಚ್ ನೀಡಿದೆ.