ಈ ವರ್ಷದ ಸಿನಿಮಾಕಾನ್ ಗ್ಲೋಬಲ್ ವೇದಿಕೆಯಲ್ಲಿ ನಮ್ಮ ಹೆಮ್ಮೆಯ ಕನ್ನಡಿಗ ಯಶ್ ಸೆಂಟರ್ ಆಫ್ ಅಟ್ರ್ಯಾಕ್ಷನ್. ಯೆಸ್.. ರಾಮಾಯಣ ಹಾಗೂ ಟಾಕ್ಸಿಕ್ ಚಿತ್ರಗಳನ್ನ ಗ್ಲೋಬಲ್ ಮಾರ್ಕೆಟ್ಗೆ ಪರಿಚಯಿಸ್ತಿದ್ದು, ಆ ಬಗ್ಗೆ ಹಾಲಿವುಡ್ ಮಂದಿ ಜೊತೆ ಮುಕ್ತವಾಗಿ ವಿಚಾರ ವಿನಿಮಯ ನಡೆದಿದೆ. ಈ ಮೂಲಕ ರಾಕಿಂಗ್ ಸ್ಟಾರ್ ಮತ್ತೊಂದು ದಾಖಲೆಗೆ ಮುನ್ನುಡಿ ಬರೆದಿದ್ದಾರೆ.
- ಲಾಸ್ ವೇಗಾಸ್‌ ಸಿನಿಮಾಕಾನ್‌‌ನಲ್ಲಿ ನಮ್ಮ ಕನ್ನಡಿಗ ಯಶ್
- ಜಾಗತಿಕ ವೇದಿಕೆಯಲ್ಲಿ ರಾಮಾಯಣ, ಟಾಕ್ಸಿಕ್ ರಾಕಿಂಗ್..!
- ಅಮೆರಿಕದಲ್ಲಿ ಭಾರತವನ್ನ ಪ್ರತಿನಿಧಿಸಿದ ಸೆನ್ಸೇಷನಲ್ ಸ್ಟಾರ್
- ದಿ ಒಡಿಸ್ಸಿ, ಅವೆಂಜರ್ಸ್, ಡ್ಯೂನ್-3 ಜೊತೆ ರಾಕಿ ಪ್ರಾಜೆಕ್ಟ್ಸ್
ಭಾರತೀಯ ಚಿತ್ರರಂಗದ ಮೋಸ್ಟ್ ಸೆನ್ಸೇಷನಲ್ ಸ್ಟಾರ್ ಯಾರು ಅಂದ್ರೆ ಅದು ಒನ್ ಅಂಡ್ ಓನ್ಲಿ ರಾಕಿಂಗ್ ಸ್ಟಾರ್ ಯಶ್. ಅದಕ್ಕೆ ಕಾರಣ ಕೆಜಿಎಫ್ ಸಿನಿಮಾಗಳು. ಹೌದು.. ಯಶ್ ಬರೀ ಹೆಸರಲ್ಲ. ಒಂದು ಬ್ರ್ಯಾಂಡ್ ಆಗೋಕೆ ಅದು ವೇದಿಕೆ ಆಯ್ತು. ಸಿನಿಮಾದ ಕಥೆ, ಪಾತ್ರಗಳು, ಮೇಕಿಂಗ್, ಪ್ರಮೋಷನ್ಸ್ ಜೊತೆಗೆ ಯಶ್ ಸ್ವ್ಯಾಗ್ ಗ್ಲೋಬಲ್ ಮಾರ್ಕೆಟ್ಗೆ ರೀಚ್ ಆಯ್ತು. ಅಲ್ಲದೆ, ಬಾಲಿವುಡ್‌‌ನ ಖಾನ್, ಕಪೂರ್‌‌ಗಳೆಲ್ಲಾ ಯಶ್ ಲುಕ್ಸ್‌‌ನ ಟ್ರೈ ಮಾಡುವಂತಾಗಿದ್ದು ಸುಳ್ಳಲ್ಲ.
ಸದ್ಯ ನಮ್ಮ ಹೆಮ್ಮೆಯ ಕನ್ನಡಿಗ ಯಶ್ ಕೈಯಲ್ಲಿ ಒಂದಲ್ಲ ಎರಡೆರಡು ಪ್ಯಾನ್ ಇಂಡಿಯಾ ಮೂವಿಗಳಿವೆ. ಇನ್ ಫ್ಯಾಕ್ಟ್ ಅವು ಬರೀ ಇಂಡಿಯನ್ ಚಿತ್ರಗಳಲ್ಲ. ಗ್ಲೋಬಲ್ ಆಡಿಯೆನ್ಸ್‌‌ಗಾಗಿಯೇ ತಯಾರಾಗ್ತಿರೋ ಮಹತ್ವಾಕಾಂಕ್ಷಿಯ ಮೆಗಾ ಪ್ರಾಜೆಕ್ಟ್‌‌ಗಳು. ಒಂದು ರಾಮಾಯಣ ಮತ್ತೊಂದು ಟಾಕ್ಸಿಕ್. ಇವೆರಡೂ ಇಂಡಿಯಾದ ಸೂಪರ್ ಸ್ಟಾರ್ ಯಶ್ ಗತ್ತು, ಗಮ್ಮತ್ತು ಏನು ಅನ್ನೋದಕ್ಕೆ ಸಾಕ್ಷಿ ಆಗಲಿವೆ ಅನ್ನೋದ್ರಲ್ಲಿ ಸಂದೇಹವೇ ಇಲ್ಲ.
ನಾಲ್ಕು ಸಾವಿರ ಕೋಟಿಯಲ್ಲಿ ರಾಮಾಯಣ ಎರಡು ಭಾಗಗಲ್ಲಿ ತಯಾರಾಗ್ತಿದ್ದು, ರಣ್‌ಬೀರ್ ಕಪೂರ್, ಸಾಯಿ ಪಲ್ಲವಿ ಅಂತಹ ಕಲಾವಿದರ ದಂಡು ಇಲ್ಲಿದೆ. ಯಶ್ ಇಲ್ಲಿ ನಟಿಸೋದ್ರ ಜೊತೆಗೆ ನಿರ್ಮಾಪಕರಾಗಿಯೂ ಕೂಡ ಈ ಚಿತ್ರಗಳ ಜವಾಬ್ದಾರಿ ಹೊತ್ತಿದ್ದಾರೆ. ಅದೇ ಕಾರಣದಿಂದ ನಮಿತ್ ಮಲ್ಹೋತ್ರಾ ಜೊತೆಗೂಡಿ ಮನರಂಜನೆಗೆ ಕೇರ್ ಆಫ್ ಅಡ್ರೆಸ್ ಆಗಿರೋ ಅಮೆರಿಕಾದ ಲಾಸ್ ವೇಗಾಸ್‌‌ನಲ್ಲಿ ನಡೆದ ಪ್ರತಿಷ್ಠಿತ ಸಿನಿಮಾಕಾನ್ ವೇದಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ.
ಹೌದು.. ಹಾಲಿವುಡ್ ಸೇರಿದಂತೆ ದೇಶ ವಿದೇಶಗಳ ಸಿನಿಮಾಗಳ ನಿರ್ದೇಶಕ, ನಿರ್ಮಾಪಕ, ನಟ, ನಟಿಯರು ಹಾಗೂ ತಂತ್ರಜ್ಞರು ಈ ಸಿನಿಮಾಕಾನ್ ಕಾರ್ಯಕ್ರಮದಲ್ಲಿ ಭಾಗಿಯಾಗ್ತಾರೆ. ಹಾಗಾಗಿ ಯಶ್ ಇದೇ ಮೊದಲ ಬಾರಿಗೆ ಸಿನಿಮಾಕಾನ್ ವೇದಿಕೆಯಲ್ಲಿ ಭಾಗಿಯಾಗಿ, ನಮ್ಮ ಭಾರತೀಯ ಚಿತ್ರರಂಗವನ್ನು ಪ್ರತಿನಿಧಿಸಿದ್ದಾರೆ. ಅಲ್ಲಿ ರಾಮಾಯಣ ಹಾಗೂ ಟಾಕ್ಸಿಕ್ ಸಿನಿಮಾಗಳ ಮೇಕಿಂಗ್, ಟೆಕ್ನಿಕಲ್ ವಿಷಯಗಳ ಬಗ್ಗೆ ಮುಕ್ತವಾಗಿ ಚರ್ಚಿಸಿದ್ದಾರೆ.
ಇಂಟರೆಸ್ಟಿಂಗ್ ಅಂದ್ರೆ ರಾಮಾಯಣ ಹಾಗೂ ಟಾಕ್ಸಿಕ್ ಚಿತ್ರಗಳು ಹಾಲಿವುಡ್‌ನ ಟಾಪ್ ಮೋಸ್ಟ್ ಸಿನಿಮಾಗಳು ಅನಿಸಿಕೊಂಡಿರೋ ಡ್ಯೂನ್-3, ಅವೆಂಜರ್ಸ್-ಡೋಮ್ಸ್‌‌ಡೇ, ದಿ ಒಡಿಸ್ಸಿ ಜೊತೆ ವೇದಿಕೆ ಹಂಚಿಕೊಂಡಿವೆ. ಅಲ್ಲಿ ಫಸ್ಟ್‌ಲುಕ್ ಪೋಸ್ಟರ್‌‌ಗಳ ಪ್ರದರ್ಶನ ಕೂಡ ಮಾಡಲಾಗಿದೆ. ಅಲ್ಲಿನ ಪ್ರತಿಷ್ಠಿತ ವಾಹಿನಿಗಳು ಸಂದರ್ಶನ ಕೂಡ ನಡೆಸಿದ್ದು, ಸದ್ಯದಲ್ಲೇ ಅವು ಹೊರಬೀಳಲಿವೆ. ಆಗ ಯಶ್ ನಮ್ಮ ಭಾರತೀಯ ಚಿತ್ರರಂಗದ ಬಗ್ಗೆ ಏನೆಲ್ಲಾ ಮಾತಾಡಿದ್ದಾರೆ ಅನ್ನೋದು ರಿವೀಲ್ ಆಗಲಿದೆ.
ಅಂದಹಾಗೆ ಈ ಸಿನಿಮಾಕಾನ್ ವೇದಿಕೆ ಯಶ್‌ರ ಮಹಾತ್ವಾಕಾಂಕ್ಷಿ ಚಿತ್ರಗಳೆರಡರ ಗ್ಲೋಬಲ್ ಮಾರ್ಕೆಟಿಂಗ್‌‌ಗೆ ಪ್ಲಸ್ ಆಗಿದ್ದು, ಈಗಾಗ್ಲೇ ಸ್ಯಾಂಪಲ್ ಟೀಸರ್‌‌ಗಳು ವಿಶ್ವದ ಮೂಲೆ ಮೂಲೆಗೆ ತಲುಪಿ ಆಗಿದೆ. ಸೋ.. ಗ್ಲೋಬಲ್ ಮಾರ್ಕೆಟ್‌ ತೆರೆದುಕೊಂಡಿರೋದ್ರಿಂದ ಬಾಕ್ಸ್ ಆಫೀಸ್‌‌ನಲ್ಲಿ ಎಷ್ಟು ಕೋಟಿ ದೋಚುತ್ತೆ ಅನ್ನೋದನ್ನ ನಿರೀಕ್ಷಿಸಬೇಕಿದೆ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
