ವಿಜಯ್ ದೇವರಕೊಂಡ ಮದ್ವೆಗೆ ಕೌಂಟ್ಡೌನ್ ಶುರುವಾಗಿದೆ. ಆದ್ರೀಗ ಕೊನೆ ಗಳಿಗೆಯಲ್ಲಿ ಬಿಲ್ಜಿಯಂ ಬ್ಯೂಟಿ ಜೊತೆ ಡೇಟಿಂಗ್ ಮಾಡಿದ್ದ ವಿಜಯ್ ಫೋಟೋಸ್ ಸೋಶಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಸಂಚಲನ ಮೂಡಿಸುತ್ತಿವೆ. ಇಷ್ಟಕ್ಕೂ ಈಕೆ ಯಾರು..? ಮಾಜಿ ಪ್ರೇಯಸಿ ಫೋಟೋಸ್ ಈಗ್ಯಾಕೆ ಹರಿದಾಡ್ತಿವೆ..? ಇವು ನಿಜಕ್ಕೂ ರಶ್ಮಿಕಾ-ವಿಜಯ್ ಕಲ್ಯಾಣಕ್ಕೆ ಅಡ್ಡಿ ಆತಂಕ ಸೃಷ್ಠಿಸುತ್ತವಾ..? ಎಲ್ಲಕ್ಕೂ ಉತ್ತರ ಇಲ್ಲಿದೆ ನೋಡಿ.
ಸೆಲೆಬ್ರಿಟಿಗಳ ಲೈಫ್ ಒಂಥರಾ ಮುಳ್ಳಿನ ಹಾದಿ. ಎಷ್ಟೇ ಜಾಗರೂಕರಾಗಿದ್ರೂ ಸಹ ಎಡವಟ್ಗಳು ನಡೆದು ಹೋಗುತ್ತವೆ. ಯಾಕಂದ್ರೆ ಸಮಾಜ ಸ್ಟಾರ್ಗಳನ್ನ ತುಂಬಾ ಹತ್ತಿರದಿಂದ ನೋಡ್ತಿರುತ್ತೆ. ಅದ್ರಲ್ಲೂ ಅವರುಗಳ ಲೈಫ್ನಲ್ಲಿ ಏನೆಲ್ಲಾ ನಡೆಯುತ್ತೆ..? ಅವ್ರ ಖಾಸಗಿ ಜೀವನ ಹೇಗಿರುತ್ತೆ..? ಯಾರೊಟ್ಟಿಗೆ ಡೇಟಿಂಗ್..? ಯಾರ ಜೊತೆ ಮದ್ವೆ..? ಯಾರಿಗೆ ಚೀಟ್ ಮಾಡಿದ್ರು ಅನ್ನೋ ವಿಚಾರಗಳು ಇಂಟರೆಸ್ಟಿಂಗ್ ಅನಿಸುತ್ತವೆ. ಅದ್ರಲ್ಲೂ ರಶ್ಮಿಕಾ-ವಿಜಯ್ ದೇವರಕೊಂಡ ಮದ್ವೆಗೆ ದಿನಗಣನೆ ಶುರುವಾಗಿದೆ. ಇದೀಗ ಸೋಶಿಯಲ್ ಮೀಡಿಯಾದಲ್ಲಿ ಕಿಡಿ ಹೊತ್ತಿಕೊಂಡಿದೆ.
ಮಾಜಿ ಪ್ರೇಯಸಿ ಜೊತೆ ವಿಜಯ್..ಮದುವೆ ವೇಳೆ ಫಜೀತಿ
ಆಡಿಕೊಳ್ಳೋರಿಗೆ ಆಹಾರ ಆದ ರೌಡಿ..ರಶ್ಮಿಕಾ ಏನಂತಾರೆ..?
ಇದೇ ಫೆಬ್ರವರಿ 26ರಂದು ಉದಯಪುರದ ಪ್ಯಾಲೆಸ್ನಲ್ಲಿ ನ್ಯಾಷನಲ್ ಕ್ರಶ್ ರಶ್ಮಿಕಾ ಹಾಗೂ ವಿಜಯ್ ದೇವರಕೊಂಡ ಸಪ್ತಪದಿ ತುಳಿಯುವ ಮೂಲಕ ಸತಿ-ಪತಿಗಳಾಗ್ತಿದ್ದಾರೆ. ಗೀತ ಗೋವಿದಂ ಚಿತ್ರದ ಲಿಪ್ ಕಿಸ್, ನಂತರದ ಡಿಯರ್ ಕಾಮ್ರೆಡ್ ಚಿತ್ರಗಳಲ್ಲಿನ ನಟನೆ ಇವ್ರನ್ನ ಆನ್ಸ್ಕ್ರೀನ್ ಟು ಆಫ್ ಸ್ಕ್ರೀನ್ ಜೋಡಿ ಆಗುವ ತನಕ ತಂದು ನಿಲ್ಲಿಸಿದೆ. ಇದೀಗ ಇವರಿಬ್ಬರೂ ಮತ್ತೊಂದು ಐತಿಹಾಸಿಕ ಚಿತ್ರ ರಣಬಾಲಿಗೆ ಗ್ರೀನ್ ಸಿಗ್ನಲ್ ನೀಡಿದ್ದು, ಫಸ್ಟ್ ಲುಕ್ ಕೂಡ ಸಖತ್ ಸೌಂಡ್ ಮಾಡ್ತಿದೆ.
ಇಂಟರೆಸ್ಟಿಂಗ್ ವಿಷಯ ಅಂದ್ರೆ ಸದ್ಯ ವಿಜಯ್ ದೇವರಕೊಂಡ ತನ್ನ ಮಾಜಿ ಪ್ರೇಯಸಿ ಜೊತೆ ನಡೆಸಿದ್ದ ಲವ್ವಿ ಡವ್ವಿ, ಡೇಟಿಂಗ್, ಇಂಟಿಮಸಿ ಫೋಟೋಗಳು ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗ್ತಿವೆ. ಅರೇ.. ಇದು ನಿಜಾನಾ..? ವಿಜಯ್ಗೆ ಈ ಮೊದಲೇ ಗರ್ಲ್ ಫ್ರೆಂಡ್ ಇದ್ರಾ..? ಆಕೆ ಜೊತೆ ಡೇಟಿಂಗ್ ಮಾಡಿ, ಪ್ರೀತಿ ಸ್ನೇಹ ಅಂತ ಸುತ್ತಾಡಿರೋ ಈತ ಕೊನೆಗೆ ಮದ್ವೆ ಆಗದೆ ಕೈ ಕೊಟ್ಟಿದ್ಯಾಕೆ..? ಇಷ್ಟಕ್ಕೂ ಬಿಳಿ ಜಿರಲೆಯಂತಿರೋ ಈ ಚೆಲುವೆ ಯಾರು..ಹೀಗೆ ನಾನಾ ಪ್ರಶ್ನೆಗಳು ಮೂಡುತ್ತವೆ.
ಬೆಲ್ಜಿಯಂ ಬ್ಯೂಟಿ ವರ್ಜಿನ್..ಓನ್ಲಿ ಡೇಟ್..ನೋ ವೆಡ್ಡಿಂಗ್
ಪೆಳ್ಳಿ ಚೂಪುಲು ಚಿತ್ರದ ನಟಿ ವರ್ಜಿನ್ ಜೊತೆ ವಿಜಿ ರೌಂಡ್ಸ್
ಅಂದಹಾಗೆ ಈಕೆಯ ಹೆಸರು ವರ್ಜಿನ್.. ಯೂರೋಪಿನ ಬೆಲ್ಜಿಯಂ ಮೂಲದ ಮಾಡೆಲ್ ಕಮ್ ನಟಿಮಣಿ. 2016ರಲ್ಲಿ ತೆರೆ ಕಂಡಂತಹ ವಿಜಯ್ ದೇವರಕೊಂಡ ನಟನೆಯ ಪೆಳ್ಳಿ ಚೂಪುಲು ಚಿತ್ರದಲ್ಲಿ ಸಣ್ಣದೊಂದು ಪಾತ್ರ ಮಾಡಿದ್ರು. ಆದರ ಆಸು ಪಾಸಿನಲ್ಲಿ ವಿಜಯ್ ಈ ವರ್ಜಿನ್ಗೆ ಸಿಕ್ಕಾಪಟ್ಟೆ ಕ್ಲೋಸ್ ಆಗಿಬಿಟ್ಟಿದ್ರು. ಹೈದ್ರಾಬಾದ್ನಲ್ಲಿರೋ ತನ್ನ ಮನೆ, ಅಮ್ಮನ ಮಡಿಲು, ತಮ್ಮ, ಫ್ರೆಂಡ್ಸ್ ಜೊತೆ ಪಾರ್ಟಿ, ಮೋಜು, ಮಸ್ತಿಯಿಂದ ಹಿಡಿದು ಯೂರೋಪ್ ಟೂರ್ವರೆಗೂ ಎಲ್ಲಾ ಆಟಗಳನ್ನ ಆಡಿಬಿಟ್ಟಿದ್ದರು.
ಇದೀಗ ಆ ಎಲ್ಲಾ ಫೋಟೋಸ್ ವೈರಲ್ ಆಗ್ತಿವೆ. ಆಡಿಕೊಳ್ಳೋರಿಗೆ ಆಹಾರ ಆಗಿಬಿಟ್ಟಿದ್ದಾರೆ ರೌಡಿ ವಿಜಯ್ ದೇವರಕೊಂಡ. ನೆಟ್ಟಿಗರಂತೂ ಮನಸೋ ಇಚ್ಚೆ ಟ್ರೋಲ್ ಮಾಡ್ತಿದ್ದಾರೆ. ಅಂದಹಾಗೆ ಈ ಬಗ್ಗೆ ರಶ್ಮಿಕಾ ರಿಯಾಕ್ಟ್ ಮಾಡಿಲ್ಲ. ಹಾಗಂತ ಅವರಿಗೆ ಇದೆಲ್ಲಾ ಗೊತ್ತಿಲ್ಲದೆಯೂ ಇಲ್ಲ. ಹಳೆಯ ಲವ್ ಸ್ಟೋರಿಯನ್ನ ಸ್ವತಃ ವಿಜಯ್ ರಶ್ಮಿಕಾಗೆ ಅಪ್ಡೇಟ್ ಮಾಡಿದ್ರಂತೆ. ಇದು 9 ವರ್ಷಗಳ ಹಿಂದಿನ ಕಥೆಯಾಗಿದ್ದು, ರಶ್ಮಿಕಾ ವಿಜಯ್ ಬಾಳಿಗೆ ಬಂದ ಬಳಿಕ ತುಂಬಾ ಹಾನೆಸ್ಟ್ ಆಗಿ ಪ್ರೀತಿಯಲ್ಲಿದ್ದಾರಂತೆ.
ಅಂದಹಾಗೆ ರಶ್ಮಿಕಾ ಮಂದಣ್ಣಗೆ ವಿಜಯ್ ಏನೂ ಮೊದಲ ಬಾಯ್ಫ್ರೆಂಡ್ ಅಲ್ಲ. ಈ ಹಿಂದೆ ಕಿರಿಕ್ ಪಾರ್ಟಿ ಚಿತ್ರದ ನಾಯಕನಟ ರಕ್ಷಿತ್ ಶೆಟ್ಟಿ ಜೊತೆ ಪ್ರೀತಿಸಿ, ಮದ್ವೆ ಆಗುವ ಮನಸ್ಸು ಮಾಡಿದ್ರು ನ್ಯಾಷನಲ್ ಕ್ರಶ್. ಎಂಗೇಜ್ಮೆಂಟ್ ಕೂಡ ಜೋರಾಗೇ ನಡೆದಿತ್ತು. ಆದ್ರೆ ರಕ್ಷಿತ್ ಜೊತೆ ಸಂಬಂಧ ಮುರಿದುಕೊಂಡ ರಶ್ಮಿಕಾ, ವಿಜಯ್ ಜೊತೆ ಹೊಸ ಇನ್ನಿಂಗ್ಸ್ ಶುರು ಮಾಡಿದ್ರು. ಹಾಗಾಗಿ ಇಬ್ಬರಿಗೂ ಒಂದೊಂದು ಹಳೆಯ ಲವ್ ಇದೆ. ಸೋ.. ಅದೆಲ್ಲಾ ಮ್ಯಾಟರ್ ಆಗಲ್ಲ ಅನ್ನೋದು ಇಬ್ಬರೂ ಅಭಿಮಾನಿಗಳು ಸಮಾಧಾನ ಪಟ್ಕೋತಿರೋದು ಖುಷಿಯ ವಿಚಾರ.
