ಬಿಗ್ ಬಾಸ್ ಕನ್ನಡ ಸೀಸನ್ 12 ರಲ್ಲಿ ವೈಲ್ಡ್ ಕಾರ್ಡ್ ಎಂಟ್ರಿ ನೀಡಿ ಫ್ಯಾನ್ಸ್ರ ಹೃದಯ ಗೆದ್ದ ಸೂರಜ್ ಸಿಂಗ್ ಅವರು ಮನೆಯಿಂದ ಎಲಿಮಿನೇಟ್ ಆದ ನಂತರವೂ ತಮ್ಮ ಯಶಸ್ಸಿನ ಹಾದಿಯನ್ನು ಮುಂದುವರೆಸುತ್ತಿದ್ದಾರೆ. ಡಿಸೆಂಬರ್ 27, 2025 ರಂದು ಡಬಲ್ ಎಲಿಮಿನೇಷನ್ನಲ್ಲಿ ಸೂರಜ್ ಸಿಂಗ್ ಮತ್ತು ಮಾಳು ನಿಪನಾಳ್ ಹೊರಬಂದರು. ಆದರೆ ಮನೆಯಿಂದ ಹೊರಬಂದ ಕೇವಲ ಎರಡು ವಾರಗಳಲ್ಲಿಯೇ ಅವರಿಗೆ ಹೊಸ ಅವಕಾಶ ಬಾಗಿಲು ತೆರೆದಿದೆ. ಅದು ಕಲರ್ಸ್ ಕನ್ನಡದ ಹೊಸ ಧಾರಾವಾಹಿ ಪವಿತ್ರ ಬಂಧನ.
ಕಲರ್ಸ್ ಕನ್ನಡ ವಾಹಿನಿಯು ಬಿಗ್ ಬಾಸ್ ಮುಗಿದ ನಂತರ ಪ್ರಸಾರವಾಗುವ ಹೊಸ ಸೀರಿಯಲ್ ‘ಪವಿತ್ರ ಬಂಧನ’ದ ಪ್ರೋಮೋ ಬಿಡುಗಡೆ ಮಾಡಿದೆ. ಈ ಪ್ರಮೋದಲ್ಲಿ ಸೂರಜ್ ಸಿಂಗ್ ಹೀರೋಯಾಗಿ ಫುಲ್ ಮಿಂಚುತ್ತಿದ್ದಾರೆ. ಅವರ ಪಾತ್ರದ ಹೆಸರು ದೇವದತ್ ದೇಶ್ಮುಖ್ ಆಗಿದ್ದು, ಗಂಭೀರ, ಸ್ಟ್ರಿಕ್ಟ್ ಬಾಸ್ ಟೈಪ್ ಪಾತ್ರವನ್ನು ನಿರ್ವಹಿಸುತ್ತಾರೆ. ನಾಯಕಿಯಾಗಿ ಅಮೂಲ್ಯ ಭಾರದ್ವಾಜ್ ನಟಿಸುತ್ತಿದ್ದಾರೆ. ತಮ್ಮನ ಪಾತ್ರದಲ್ಲಿ ವಿಕಾಸ್ ದೇಶ್ಮುಖ್ ಇದ್ದಾರೆ.
ಸ್ಟೋರಿ ಲೈನ್ ಏನು? ಈ ಧಾರಾವಾಹಿ ಅಣ್ಣ-ತಮ್ಮನ ಬಾಂಧವ್ಯದ ಸುತ್ತ ಸುತ್ತುತ್ತದೆ. ಪವಿತ್ರಾ ಮತ್ತು ವಿಕಾಸ್ ಪ್ರೀತಿಸುತ್ತಾರೆ. ಆದರೆ ಪರಿಸ್ಥಿತಿಗಳ ಕಾರಣ ಪವಿತ್ರಾ ದೇವದತ್ (ಸೂರಜ್ ಸಿಂಗ್) ಜೊತೆ ಮದುವೆಯಾಗುತ್ತಾಳೆ. ಮದುವೆಯ ನಂತರವೂ ಪವಿತ್ರಾ “ನಿನ್ನನ್ನು ನನ್ನ ಗಂಡನಾಗಿ ಎಂದಿಗೂ ಒಪ್ಪಿಕೊಳ್ಳುವುದಿಲ್ಲ” ಎಂದು ದೇವದತ್ತನಿಗೆ ಹೇಳುತ್ತಾಳೆ. ಈ ಡ್ರಾಮಾಟಿಕ್ ಡೈಲಾಗ್ ಮತ್ತು ಎಮೋಷನಲ್ ಟ್ವಿಸ್ಟ್ಗಳು ಪ್ರಮೋದಲ್ಲೇ ಫ್ಯಾನ್ಸ್ರನ್ನು ಆಕರ್ಷಿಸಿವೆ. ಕಥೆಯು ಕುಟುಂಬ, ಪ್ರೀತಿ, ಬಲವಂತದ ಮದುವೆ ಮತ್ತು ಭಾವನಾತ್ಮಕ ಸಂಘರ್ಷಗಳನ್ನು ಒಳಗೊಂಡಿದೆ.
ಸೂರಜ್ ಸಿಂಗ್ ಮೂಲತಃ ಮೈಸೂರು ಮೂಲದವರು. ಸಾಫ್ಟ್ವೇರ್ ಇಂಜಿನಿಯರ್ ಆಗಿ ಕೆನಡಾದಲ್ಲಿ ಕೆಲಸ ಮಾಡಿದ್ದರು. ನಂತರ ಬೆಂಗಳೂರಿಗೆ ಬಂದು ಕಂಪನಿಯಲ್ಲಿ ಉದ್ಯೋಗ ಮಾಡುತ್ತಿದ್ದರು. ಪಾರ್ಟ್ಟೈಮ್ ಜಿಮ್ ಟ್ರೇನರ್ ಆಗಿಯೂ ಸೇವೆ ಸಲ್ಲಿಸುತ್ತಿದ್ದರು. ಇನ್ಸ್ಟಾಗ್ರಾಮ್ನಲ್ಲಿ ಮಾಡೆಲಿಂಗ್ ವಿಡಿಯೋಗಳು, ಫ್ಯಾಷನ್ ರೀಲ್ಸ್ ಹಂಚಿಕೊಂಡು ಫಾಲೋಯರ್ಸ್ ಗಳಿಸಿದ್ದರು. ಬಿಗ್ ಬಾಸ್ಗೆ ಅಚಾನಕ್ ವೈಲ್ಡ್ ಕಾರ್ಡ್ ಎಂಟ್ರಿ ಸಿಕ್ಕಿತು. ಅಲ್ಲಿ ರೋಮ್ಯಾಂಟಿಕ್ ಎಂಟ್ರಿ, ಸಿಕ್ಸ್ ಪ್ಯಾಕ್ ಅಬ್ಸ್, ಪಾಸಿಟಿವ್ ಆಟದಿಂದ ಫ್ಯಾನ್ಸ್ರನ್ನು ಫಿದಾ ಮಾಡಿದರು.
ಬಿಗ್ ಬಾಸ್ ಅವರ ಜೀವನಕ್ಕೆ ಹೊಸ ತಿರುವು ನೀಡಿದೆ. ರಿಯಾಲಿಟಿ ಶೋದಿಂದ ನೇರವಾಗಿ ಸೀರಿಯಲ್ ಹೀರೋಯಾಗಿ ಬದಲಾವಣೆಯಾಗಿರುವುದು ಅಪರೂಪ. ಕಲರ್ಸ್ ಕನ್ನಡದ ಮೂಲಕವೇ ಮತ್ತೊಮ್ಮೆ ಮಿಂಚುತ್ತಿರುವ ಸೂರಜ್ ಸಿಂಗ್ ಭವಿಷ್ಯದಲ್ಲಿ ದೊಡ್ಡ ನಟನಾಗಿ ಹೊರಹೊಮ್ಮುವ ಸಾಧ್ಯತೆ ಇದೆ. ಫ್ಯಾನ್ಸ್ ಈಗಾಗಲೇ ಪವಿತ್ರ ಬಂಧನ ಸೀರಿಯಲ್ಗಾಗಿ ಕಾಯುತ್ತಿದ್ದಾರೆ. ಸೂರಜ್ ಅವರ ಈ ಯಶಸ್ಸಿನ ಪಯಣ ಇನ್ನಷ್ಟು ರೋಚಕವಾಗಲಿದೆ.
