ಕೀರ್ತಿ ಪಾಟೀಲ್, ಫಿಲ್ಮ್ ಬ್ಯೂರೋ, ಗ್ಯಾರಂಟಿ ನ್ಯೂಸ್.
ಸೂಪರ್ ಸ್ಟಾರ್ ರಜನಿಕಾಂತ್ ಇಂಡಸ್ಟ್ರಿಗೆ ಕಾಲಿಟ್ಟು 50ವರ್ಷ ಪೂರೈಸಿದ್ದಾರೆ. ರಜನಿಯ ಅದೇ ಚಾರ್ಮ್, ಅದೇ ಜೋಶ್, ಅದೇ ಸ್ಟೈಲ್ ಇಂದಿನ ಯೂಥ್ಸ್ ಕೂಡ ಫಾಲೋ ಮಾಡ್ತಾರೆ. ಸದ್ಯ ರಜನಿಕಾಂತ್ ತಮ್ಮ 74ವಯಸ್ಸಿನಲ್ಲಿ ಜೀವಮಾನ ಸಾಧನೆ ಪ್ರಶಸ್ತಿ ಸ್ವೀಕರಿಸಿದ್ದಾರೆ. ಈ ಬಗ್ಗೆ ಡೀಟೇಲ್ಸ್ ಹೇಳ್ತಿವಿ ಈ ಸ್ಟೋರಿ ನೋಡಿ.
ಸೂಪರ್ ಸ್ಟಾರ್, ತಲೈವಾ ರಜನಿಕಾಂತ್ ಸಿನಿ ಜರ್ನಿ ಕೇಳಿದ್ರೆ ಎಂತವರಿಗೂ ಸ್ಫೂರ್ತಿಯಾಗುತ್ತೆ. ಬೆಂಗಳೂರಿನಲ್ಲಿ ಕಂಡಕ್ಟರ್ ಶಿವಾಜಿ ರಾವ್ ಗಾಯಕ್ವಾಡ್ ಅಗಿದ್ದ ತಮ್ಮ ಬದುಕನ್ನು ಆರಂಭಿಸಿ, ನಂತರ ಭಾರತದ ಅತ್ಯಂತ ಶ್ರೇಷ್ಠ ನಟನಾಗಿ ಬೆಳೆದಿದ್ದಾರೆ ರಜನಿಕಾಂತ್. ಈ 74ರ ವಯಸ್ಸಿನಲ್ಲೂ ಅದೇ ಚಾರ್ಮ್, ಅದೇ ಸ್ಟೈಲ್ ಮತ್ತು ಅದೇ ಯಶಸ್ಸನ್ನು ಮೆಂಟೇನ್ ಮಾಡುತ್ತಿರುವ ಅವರು ತಮ್ಮ ಸಿನಿಮಾಗಳ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಿದ್ದಾರೆ.
ಚಿತ್ರರಂಗದಲ್ಲಿ 50 ವರ್ಷ ಪೂರೈಸಿದ ರಜನಿಗೆ ಗೌರವ
50 ವರ್ಷದಿಂದ ಅದೇ ಚಾರ್ಮ್, ಅದೇ ಜೋಶ್
80ರ ದಶಕದಲ್ಲಿ ಬಾಕ್ಸ್ ಆಫೀಸ್ನಲ್ಲಿ ರಜನಿ ಎಂಬ ಸುನಾಮಿ ಎದ್ದಿತ್ತು. ತಮಿಳು ಮಾತ್ರವಲ್ಲದೇ, ಬಾಲಿವುಡ್ ಮಂದಿಗೂ ರಜನಿಕಾಂತ್ ಬೇಕಾಗಿತ್ತು.1978ರಲ್ಲಿ ‘ಭೈರವಿ’ ಎಂಬ ಸಿನಿಮಾದ ಮೂಲಕ ಹೀರೋ ಆದ ರಜನಿಕಾಂತ್ಗೆ ಆಗಲೇ ಸೂಪರ್ ಸ್ಟಾರ್ ಪಟ್ಟ ನಿರ್ಮಾಪಕರಿಂದ ಸಿಕ್ಕಿತ್ತು. ಮುಳ್ಳುಂ ಮಲರುಂ, ತಿಲ್ಲು ಮುಲ್ಲು, ಪಡಿಕ್ಕಾಧವನ್, ಪಡೆಯಪ್ಪ, ಬಿಲ್ಲಾ, ಚಂದ್ರಮುಖಿ, ನಾನ್ ಸಿಗಪ್ಪು ಮನಿಧನ್, ವೇಲೈಕಾರನ್, ಮನಿಧನ್, ಅಣ್ಣಾಮಲೈ, ಬಾಷಾ, ದಳಪತಿ, ಮುತ್ತು, ಶಿವಾಜಿ, ಕಬಾಲಿ, ಎಂಧಿರನ್, ಜೈಲರ್ ಅಂತಹ ಸೂಪರ್ ಹಿಟ್ ಸಿನಿಮಾಗಳಲ್ಲಿ ರಜನಿ ಅಭಿನಯಿಸಿದ್ರು.
ಸದ್ಯ 50ವರ್ಷ ಸಿನಿಮಾ ರಂಗದಲ್ಲಿ ಸಕ್ರಿಯೆವಾಗಿ ಅಭಿನಯಿಸುತ್ತ ಬರ್ತಿರುವ ರಜನಿಕಾಂತ್ ಗೆ ಗೋವಾದಲ್ಲಿ ನಡೆದ 56ನೇ ಭಾರತೀಯ ಅಂತರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ ಸೂಪರ್ಸ್ಟಾರ್ ರಜನಿಕಾಂತ್ ಜೀವಮಾನ ಸಾಧನೆ ಪ್ರಶಸ್ತಿ ಸ್ವೀಕರಿಸಿದರು. ಈ ವೇಳೆ ಗೋವಾ ಮುಖ್ಯಮಂತ್ರಿ ಪ್ರಮೋದ್ ಸಾವಂತ್, ಮೆಗಾಸ್ಟಾರ್ ರಜನಿಕಾಂತ್, ಕನ್ನಡ ನಟ – ನಿರ್ದೇಶಕ ರಿಷಬ್ ಶೆಟ್ಟಿ, ಬಾಲಿವುಡ್ ನಟ ರಣ್ವೀರ್ ಸಿಂಗ್ ಅವರಂತಹ ಚಿತ್ರರಂಗದ ಗಣ್ಯರು ಸಮಾರೋಪ ಸಮಾರಂಭಕ್ಕೆ ಸಾಕ್ಷಿಯಾಗಿದ್ದರು.
ತಲೈವಾ ಕೈಗೆ ಮುತ್ತು ಕೊಟ್ಟ ರಣವೀರ್ ಸಿಂಗ್
100 ಜನ್ಮಗಳಿದ್ದರೂ, ರಜನಿಕಾಂತ್ ಆಗಿಯೇ ಹುಟ್ಟುತ್ತೇನೆ
ನಟ ರಜನಿಕಾಂತ್ ಪ್ರಶಸ್ತಿ ಸ್ವೀಕರಿಸಲು ವೇದಿಕೆಗೆ ಬಂದಾಗ, ಎಲ್ಲರೂ ಎದ್ದುನಿಂತು ಚಪ್ಪಾಳೆ ತಟ್ಟಿ ಸ್ವಾಗತಿಸಿದರು. ರೇಷ್ಮೆ ಪಂಚೆ ಶರ್ಟ್ನಲ್ಲಿ ರಜನಿಕಾಂತ್ ಜೀವಮಾನ ಸಾಧನೆ ಪ್ರಶಸ್ತಿ ಸ್ವೀಕರಿಸಿದರು. ಸದ್ಯ ಇದರ ಫೋಟೋ.. ವೀಡಿಯೋಸ್ ವೈರಲ್ ಆಗ್ತಿದೆ. ವೇದಿಕೆಯಲ್ಲಿ ಮಾತನಾಡಿದ ರಜನಿ ತಮ್ಮ ಸಿನಿಮಾ ಪಯಣವನ್ನು ನೆನಪಿಸಿಕೊಂಡರು. ಸಿನಿಮಾದಲ್ಲಿ 50 ವರ್ಷ ನಟಿಸಿದ್ದು 10 ಅಥವಾ 15 ವರ್ಷಗಳಂತೆ ಇತ್ತು… ಇನ್ನೂ 100 ಜನ್ಮವೆತ್ತಿದರೂ, ನಾನು ನಟನಾಗಿ ಮತ್ತು ರಜನಿಕಾಂತ್ ಆಗಿಯೇ ಹುಟ್ಟಲು ಬಯಸುತ್ತೇನೆ ಎಂದರು
ರಜನಿಕಾಂತ್ ಇಂಡಸ್ಟ್ರಿ ಯಲ್ಲಿರೋ ಪ್ರತಿ ಕಲಾವಿದರಿಗೂ ಸ್ಫೂರ್ತಿ.. ಧೈರ್ಯ. ಕೇವಲ ಕಾಲಿವುಡ್ ಮಾತ್ರವಲ್ಲದೆ ಕನ್ನಡ ಚಿತ್ರರಂಗದ ಕಲಾವಿದರ ಜೊತೆ ಉತ್ತಮ ಒಡನಾಟ ಹೊಂದಿದ್ದಾರೆ. ತಲೈವಾಗೆ ಜೀವಮಾನ ಸಾಧನೆ ಪ್ರಶಸ್ತಿ ಸಿಕ್ಕಿದ್ದು ಫ್ಯಾನ್ಸ್ ಗೆ ಎಲ್ಲಿಲ್ಲದ ಖುಷಿ ತಂದಿದೆ.
