ಬಾಲಿವುಡ್ ‘ಬಾಯಿಜಾನ್’ ಸಲ್ಮಾನ್ ಖಾನ್ ಮತ್ತೆ ಸೋಶಿಯಲ್ ಮೀಡಿಯಾದಲ್ಲಿ ಸೆನ್ಸೇಷನ್ ಸೃಷ್ಟಿಸಿದ್ದಾರೆ. ಟ್ರೋಲಿಗರಿಗೆ ಶೋಲೆ ಸಿನಿಮಾದ ಮಾಸ್ ಡೈಲಾಗ್ ಹೊಡೆದು ಶಾಕ್ ಕೊಟ್ಟ ಸಲ್ಮಾನ್, ‘ಜೋ ಡರ್ ಗಯಾ ವೋ ಮರ್ ಗಯಾ’ ಅಂತ ಸೈಲೆಂಟ್ ಆಗಿ ಯಾರಿಗೆ ಕೌಂಟರ್ ಕೊಟ್ರು..? ಬಿಗ್ ಬಾಸ್ ಶೈಲಿಯ ಈ ಹೈ-ಡ್ರಾಮಾ ಪೋಸ್ಟ್ನ ಕಂಪ್ಲೀಟ್ ಡೀಟೇಲ್ಸ್ ಇಲ್ಲಿದೆ ನೋಡಿ…
- ‘ಜೋ ಡರ್ ಗಯಾ ವೋ ಮರ್ ಗಯಾ’ ಸಲ್ಮಾನ್ ಕೌಂಟರ್
- ಸಲ್ಲು ಪೋಸ್ಟ್ಗೆ ಸೋಶಿಯಲ್ ಮೀಡಿಯಾ ಶೇಕ್..!
- ಶೋಲೆ ಡೈಲಾಗ್ ಹೊಡೆದು ಟ್ರೋಲ್ಗಳಿಗೆ ತಿರುಗೇಟು
- ಸೋನಮ್ ಪೋಸ್ಟ್ ಬಳಿಕ ಸಲ್ಲು ಮಾಸ್ ಮೂವ್..!
ಬಾಲಿವುಡ್ ಅಂಗಳದ ಸಲ್ಲು ಭಾಯ್ ಅಂದ್ರೇನೆ ವಿವಾದ ಮತ್ತು ಸುದ್ದಿ ಜೊತೆಜೊತೆಗೇ ಇರ್ತವೆ. ಇತ್ತೀಚೆಗಷ್ಟೇ ಹೆಲ್ತ್ ಅಪ್ಡೇಟ್ಸ್ ವಿಷಯದಲ್ಲಿ ಸುದ್ದಿಯಲ್ಲಿದ್ದ ಸಲ್ಮಾನ್ ಖಾನ್, ಈಗ ರಾಜಧಾನಿ ದೆಹಲಿಯ ಜಂತರ್ ಮಂತರ್ನಲ್ಲಿ ನಡೆದಿರೋ ಕಾಕ್ರೋಚ್ ಜನತಾ ಪಾರ್ಟಿ ಪ್ರತಿಭಟನೆ ಹಾಗೂ ಸಾಮಾಜಿಕ ಹೋರಾಟಗಾರ ಸೋನಮ್ ವಾಂಗ್ಚುಕ್ ಅವರ ಉಪವಾಸ ಸತ್ಯಾಗ್ರಹದ ಬಗ್ಗೆ ಪೋಸ್ಟ್ ಹಾಕಿ ಸೋಶಿಯಲ್ ಮೀಡಿಯಾದಲ್ಲಿ ದೊಡ್ಡ ಚರ್ಚೆಯನ್ನೇ ಹುಟ್ಟುಹಾಕಿದ್ರು. ಈ ಪೋಸ್ಟ್ಗೆ ನೆಟ್ಟಿಗರಿಂದ ಬಿಸಿಬಿಸಿ ಕಾಮೆಂಟ್ಸ್ ಮತ್ತು ಟ್ರೋಲ್ಗಳ ಸುರಿಮಳೆಯೇ ಹರಿದುಬಂದಿತ್ತು.
ಪ್ರಧಾನಿ ಮೋದಿ ಅವರ ಮೇಲಿನ ಭರವಸೆಯಿಂದ ಉಪವಾಸ ಸತ್ಯಾಗ್ರಹ ಕೈಬಿಡುವಂತೆ ಸೋನಮ್ ವಾಂಗ್ಚುಕ್ ಅವರಿಗೆ ಮನವಿ ಮಾಡಿದ್ದ ಸಲ್ಮಾನ್, “ಸೋನಮ್ ಅವರೇ, ಇದನ್ನು ಇಲ್ಲಿಗೆ ಮುಗಿಸಿ. ಬೇಕಿದ್ರೆ ನನ್ನ ಮನೆಯಿಂದಲೇ ನಿಮಗೊ strategy ಯಿಷ್ಟವಾದ ಊಟ ಕಳುಹಿಸಿಕೊಡ್ತೀನಿ, ಏನಾದ್ರೂ ತಿನ್ನಿ” ಅಂತ ಕಳಕಳಿಯಿಂದ ಬರೆದುಕೊಂಡಿದ್ರು. ಆದ್ರೆ, ಈ ಪೋಸ್ಟ್ ನೆಟ್ಟಿಗರಲ್ಲಿ ದೊಡ್ಡ ಪರ-ವಿರೋಧ ಚರ್ಚೆಗೆ ಕಾರಣವಾಗಿ, ಸಲ್ಮಾನ್ ಖಾನ್ ಸಖತ್ ಟ್ರೋಲ್ ಆಗೋಕೆ ಶುರುವಾಗಿತ್ತು.
ಯಾವಾಗ ತಮ್ಮ ಪೋಸ್ಟ್ಗೆ ಕೌಂಟರ್ಗಳು ಬರೋಕೆ ಶುರುವಾಯ್ತೋ, ಸಲ್ಮಾನ್ ಖಾನ್ ಮಾತ್ರ ಸುಮ್ಮನಾಗಲಿಲ್ಲ. ಸೀದಾ ಇನ್ಸ್ಟಾಗ್ರಾಮ್ಗೆ ಬಂದು ಶೋಲೆ ಸಿನಿಮಾದ ಐಕಾನಿಕ್ ಡೈಲಾಗ್ ‘ಜೋ ಡರ್ ಗಯಾ, ವೋ ಮರ್ ಗಯಾ’ ಅಂದ್ರೆ ಹೆದರಿದವನು ಸತ್ತಂತೆ ಅಂತ ಕ್ಯಾಪ್ಶನ್ ಕೊಟ್ಟಿದ್ದಾರೆ. ಮೊದಲು ‘ಸಲ್ಮಾನ್ ಖಾನ್ ಡರ್ ಗಯಾ’ ಎಂದು ಬರೆದು, ಆಮೇಲೆ ಶೋಲೆ ಶೈಲಿಯಲ್ಲಿ ಹೆದರೋಗೋಕೆ ನಾನೇನು ಸಾಧಾರಣದವನಲ್ಲ ಅನ್ನೋ ರೇಂಜ್ಗೆ ಮಾಸ್ ಮೆಸೇಜ್ ರವಾನಿಸಿದ್ದಾರೆ.
ಯಾರ ಹೆಸರನ್ನೂ ಉಲ್ಲೇಖಿಸದೇ ಸಲ್ಮಾನ್ ಖಾನ್ ಹಾಕಿರೋ ಈ ನಿಗೂಢ ಪೋಸ್ಟ್, ಈಗ ಸೋಶಿಯಲ್ ಮೀಡಿಯಾದಲ್ಲಿ ಮಿಂಚಿನಂತೆ ವೈರಲ್ ಆಗಿದೆ. ಕೇವಲ ಕೆಲವೇ ಗಂಟೆಗಳಲ್ಲಿ ಈ ಪೋಸ್ಟ್ಗೆ ಬರೋಬ್ಬರಿ 28 ಲಕ್ಷಕ್ಕೂ ಹೆಚ್ಚು ಲೈಕ್ಸ್ ಮತ್ತು 82 ಸಾವಿರಕ್ಕೂ ಅಧಿಕ ಕಾಮೆಂಟ್ಗಳು ಹರಿದುಬಂದಿವೆ. ‘ನೀಟ್ ಪತ್ರಿಕೆ ಸೋರಿಕೆ’ ಹಾಗೂ ‘ಸಿಜೆಪಿ ಪ್ರತಿಭಟನೆ’ ವಿಚಾರದಲ್ಲಿ ತಮಗೆ ಎದುರಾದ ಟೀಕೆಗಳಿಗೆ ಹೆದರಿ ಹಿಂದೆಟು ಹಾಕೋ ಪ್ರಶ್ನೆಯೇ ಇಲ್ಲ ಅನ್ನೋದನ್ನ ಸಲ್ಮಾನ್ ತಮ್ಮ ಜಿಮ್ ವರ್ಕೌಟ್ ಫೋಟೋಗಳ ಜೊತೆ ಪವರ್ಫುಲ್ ಆಗಿ ತೋರಿಸಿಕೊಟ್ಟಿದ್ದಾರೆ.
ಒಟ್ಟಿನಲ್ಲಿ, ಒಂದೆಡೆ ದೇಶದ ಜ್ವಲಂತ ಸನ್ನಿವೇಶಗಳ ಬಗ್ಗೆ ಧ್ವನಿ ಎತ್ತುತ್ತಾ, ಇನ್ನೊಂದೆಡೆ ಬರೋ ಟ್ರೋಲ್ಗಳಿಗೆ ತಮ್ಮದೇ ಸ್ಟೈಲ್ನಲ್ಲಿ ಶೋಲೆ ಕೌಂಟರ್ ಕೊಡ್ತಿರೋ ಸಲ್ಮಾನ್ ಖಾನ್ ನಡೆ ಈಗ ಬಾಲಿವುಡ್ನಿಂದ ಹಿಡಿದು ಸೋಶಿಯಲ್ ಮೀಡಿಯಾವರೆಗೆ ಸಖತ್ ಹೈಪ್ ಸೃಷ್ಟಿಸಿದೆ.