ಯಶ್.. ಭಾರತೀಯ ಚಿತ್ರರಂಗದ ನಟ. ಕೆಜಿಎಫ್ ಸಿನಿಮಾದ ಮೂಲಕ ಕನ್ನಡದ ಗತ್ತುನ್ನು ಸಿನಿದುನಿಯಾಗೆ ಗೊತ್ತು ಮಾಡಿದ ಹೆಮ್ಮೆಯ ಕನ್ನಡಿಗ. ಸಾವಿರಾರು ಕೋಟಿ ಒಡೆಯನೂ ಹೌದು. ಒಂದೇ ಕಡೆ ನೂರು ಎಕರೆ ಜಮೀನು ಹೊಂದಿರೋ ಲ್ಯಾಂಡ್ ಲಾರ್ಡ್ ಕೂಡ ಹೌದು. ಸದ್ಯ ಟಾಕ್ಸಿಕ್ ಸಿನಿಮಾದ ಶೂಟಿಂಗ್ ಜೊತೆ ಜೊತೆಗೆ ಮಾನ್ ಸ್ಟರ್ ಮೈಂಡ್ ಕ್ರಿಯೇಷನ್ಸ್ ಬ್ಯಾನರ್ ನಡಿ ಆ ಸಿನಿಮಾದ ನಿರ್ಮಾಣಕ್ಕೂ ಕೈ ಹಾಕಿದ್ದಾರೆ.
ಬಾಲಿವುಡ್ ನ ಪ್ರತಿಷ್ಠಿತ ಸಿನಿಮಾಗಳಲ್ಲಿ ಒಂದಾಗಿರೋ ರಾಮಾಯಣ ಚಿತ್ರಕ್ಕೂ ಯಶ್ ಒನ್ ಆಫ್ ದಿ ಪ್ರೊಡ್ಯೂಸರ್. ರಣ್ ಬೀರ್ ಕಪೂರ್ ರಾಮನಾಗಿ, ಸಾಯಿ ಪಲ್ಲವಿ ಸೀತೆಯಾಗಿರೋ ರಾಮಾಯಣದಲ್ಲಿ ರಾವಣನಾಗಿ ಯಶ್ ಅಬ್ಬರಿಸೋದು ಕೂಡ ಪಕ್ಕಾ ಆಗಿದೆ. ಹೀಗೆ ಹಾಸನದ ಭುವನಹಳ್ಳಿಯ ಹುಡ್ಗನೊಬ್ಬ ದೇಶ, ವಿದೇಶಗಳಲ್ಲಿ ನೇಮು, ಫೇಮು ಮಾಡ್ತಿರೋದು ಹೆಮ್ಮೆಯ ವಿಷಯ.
ದುಬೈನಲ್ಲಿ ಮನೆ ಜೊತೆಗೆ ಬ್ಯುಸಿನೆಸ್ ಹೊಂದಿರೋ ರಾಕಿಭಾಯ್ ಸದಾ ದೊಡ್ಡದಾಗಿಯೇ ಕನಸುಗಳನ್ನ ಕಾಣ್ತಾರೆ. ಅವುಗಳ ಬೆನ್ನತ್ತಿ ಸಾಕಾರ ಕೂಡ ಮಾಡ್ತಾರೆ. ಹಾಗಾಗಿಯೇ ಯೂತ್ ಸೆನ್ಸೇಷನ್, ಯೂತ್ ಐಕಾನ್ ಆಗಿ ಹಾಲಿವುಡ್ ಟೆಕ್ನಿಷಿಯನ್ಸ್ ದಿಲ್ ಗೆದ್ದಿದ್ದಾರೆ. ಸದ್ಯ ಟಾಕ್ಸಿಕ್ ಸಿನಿಮಾದಲ್ಲಿ ವರ್ಲ್ಡ್ ಬೆಸ್ಟ್ ಟೆಕ್ನಿಷಿಯನ್ಸ್ ಜೊತೆಗೆ ಕೆಲಸ ಮಾಡ್ತಿದ್ದಾರೆ. ಇವೆಲ್ಲವುಗಳ ಹೊರತಾಗಿ ಯಶ್ ತಮ್ಮ ಕುಟುಂಬದ ಜೊತೆಗೂ ಕ್ವಾಲಿಟಿ ಟೈಮ್ ಕಳೆಯುತ್ತಾರೆ. ಆನ್ ಸ್ಕ್ರೀನ್ ಗಿಂತ ಹೆಚ್ಚು ಕಲರ್ ಫುಲ್ ಆಗಿರುತ್ತೆ ಯಶ್ ಆಫ್ ಸ್ಕ್ರೀನ್ ಲೈಫು. ಅದಕ್ಕೆ ಮುದ್ದಿನಂಥ ಹೆಂಡ್ತಿ, ಮಕ್ಕಳು, ಒಳ್ಳೆಯ ಕುಟುಂಬ ಕಾರಣ.
ಹೌದು.. ಯಶ್ ತನ್ನ ಮಕ್ಕಳ ನಾಮಕರಣಗಳು, ಬರ್ತ್ ಡೇಗಳು, ಪತ್ನಿ ಕಮ್ ಸ್ಯಾಂಡಲ್ ವುಡ್ ಸಿಂಡ್ರೆಲಾ ರಾಧಿಕಾ ಪಂಡಿತ್ ಬರ್ತ್ ಡೇ, ವೆಡ್ಡಿಂಗ್ ಆ್ಯನಿವರ್ಸರಿಗಳನ್ನ ಅದ್ಭುತವಾಗಿ ಪ್ಲ್ಯಾನ್ ಮಾಡ್ತಾರೆ. ಇಡೀ ಕುಟುಂಬ ಹಾಗೂ ಆಪ್ತ ವಲಯದ ಜೊತೆಗೆ ಅದನ್ನ ಅಷ್ಟೇ ಅರ್ಥಪೂರ್ಣವಾಗಿ ಸೆಲೆಬ್ರೇಟ್ ಮಾಡ್ತಾರೆ. ರೀಸೆಂಟ್ ಆಗಿ ರಾಧಿಕಾ ಬರ್ತ್ ಡೇ ಆಗಿದೆ. ಒಂದ್ಕಡೆ ಡೇ ಟೈಮ್ ತಮ್ಮ ಅಪರೂಪದ ಅಭಿಮಾನಿಗಳನ್ನ ಭೇಟಿ ಮಾಡಿ, ಟಿಶರ್ಟ್ ಗಳ ಮೇಲೆ ಆಟೋಗ್ರಾಫ್ ನೀಡಿದ್ದಾರೆ ರಾಧಿಕಾ. ಮತ್ತೊಂದ್ಕಡೆ ಸ್ವತಃ ಯಶ್ ಒಂದೊಳ್ಳೆ ಪಾರ್ಟಿ ಕೊಡೋದ್ರ ಮೂಲಕ ರಾಧಿಕಾಗೆ ಸರ್ ಪ್ರೈಸ್ ಕೊಟ್ಟಿದ್ದಾರೆ. ಅಷ್ಟೇ ಅಲ್ಲ, ಆ ಪಾರ್ಟಿಯಲ್ಲಿ ಆಕೆಗಾಗಿ ಜೊತೆಯಲ್ಲಿ.. ಜೊತೆ ಜೊತೆಯಲಿ ಅಂತ ರೆಟ್ರೋ ಸಾಂಗ್ ಹಾಡೋ ಮೂಲಕ ಆಕೆಯನ್ನ ಖುಷಿ ಪಡಿಸಿದ್ದಾರೆ. ಆ ವಿಡಿಯೋ ಈಗ ಸಖತ್ ವೈರಲ್ ಆಗ್ತಿದೆ.
ಇನ್ನು ಸಿನಿಮೇತರ ಎಲ್ಲೂ ಹೆಚ್ಚಾಗಿ ಕಾಣಿಸಿಕೊಳ್ಳದ ಯಶ್, ಇತ್ತೀಚೆಗೆ ನಡೆದ ಸಾಲು ಸಾಲು ಮದುವೆಗಳಲ್ಲಿ ಮಿಂಚಿದ್ರು. ಪತ್ನಿ ಸಮೇತ ರಕ್ಷಿತಾ ಪ್ರೇಮ್ ಸಹೋದರ ರಾಣಾ ಕಲ್ಯಾಣೋತ್ಸವದಲ್ಲಿ ಕಾಣಿಸಿಕೊಂಡಿದ್ರು. ಅಲ್ಲದೆ, ನಿನ್ನೆಯಷ್ಟೇ ನಡೆದ ಸಂಸದ ತೇಜಸ್ವಿ ಸೂರ್ಯ ರಾಯಲ್ ರಿಸೆಪ್ಷನ್ ಗೂ ಸಾಕ್ಷಿಯಾಗಿದ್ದಾರೆ. ಯಶ್ ಬಂದಿದ್ದಕ್ಕೆ ಸ್ವತಃ ತೇಜಸ್ವಿ ಸೂರ್ಯ ಕೈ ಮುಗಿದು, ಥ್ಯಾಂಕ್ಸ್ ಫಾರ್ ಕಮಿಂಗ್ ಅಂದ್ರು. ಹೇಯ್.. ಅದೆಲ್ಲಾ ಯಾಕೆ ಬಿಡಿ.. ಶುಭವಾಗಲಿ ಅಂತ ತುಂಬು ಹೃದಯದಿಂದ ಹರಸಿ ಹೋಗಿದ್ದಾರೆ.
ಇನ್ನು ಮಕ್ಕಳೊಟ್ಟಿಗೆ ಇರೋ ಫೋಟೋಸ್, ವಿಡಿಯೋಸ್ ಕೂಡ ಆಗಾಗ ವೈರಲ್ ಆಗ್ತಿರುತ್ತವೆ. ಮಕ್ಕಳಿಗಾಗಿ ಸಾಕಷ್ಟು ಸಮಯವನ್ನು ಮೀಸಲಿಡ್ತಾರೆ ಯಶ್. ಇತ್ತೀಚೆಗೆ ಮಗ ಯಥರ್ವ್ ಯಶ್ ಬರ್ತ್ ಡೇ ವಿಶೇಷ ಯಶ್ ಬೊಂಬಾಟ್ ಸ್ಟೆಪ್ಸ್ ಹಾಕಿದ್ರು. ಇನ್ನು ಹಬ್ಬ ಹರಿದಿನಗಳು ಬಂದ್ರೆ ಸಾಂಪ್ರದಾಯಿಕ ಉಡುಗೆಯಲ್ಲಿ, ಕುಟುಂಬ ಸಮೇತ ಬಾಳೆ ಎಲೆ ಊಟ ಸವಿಯುತ್ತಾರೆ. ಇದೊಂಥರಾ ನಮ್ಮ ಪರಂಪರೆಯನ್ನ ಮುಂದುವರೆಸುವುದರ ಜೊತೆಗೆ ನಮ್ಮ ಆಚಾರ, ನಂಬಿಕೆಗಳನ್ನ ಜೀವಂತವಾಗಿಡೋ ಪ್ರಯತ್ನ ಕೂಡ ಹೌದು. ಯಶ್ ರನ್ನ ನೋಡಿ ಸಾಕಷ್ಟು ಮಂದಿ ಕಲಿಯೋದಿದೆ. ಎಲ್ಲವನ್ನೂ ಬ್ಯಾಲೆನ್ಸ್ ಮಾಡುವ ಪರ್ಫೆಕ್ಟ್ ಫ್ಯಾಮಿಲಿ ಮ್ಯಾನ್ ಸಹ ಹೌದು.. ಒಳ್ಳೆಯ ಸಿನಿಕರ್ಮಿಯೂ ಹೌದು.
