ಮಾಸ್ ಮಹಾರಾಜ ರವಿತೇಜಾ ಕೂಡ ಅಲ್ಲು ಅರ್ಜುನ್, ವಿಜಯ್ ದೇವರಕೊಂಡ ಹಾಗೂ ಪ್ರಿನ್ಸ್ ಮಹೇಶ್ ಬಾಬು ದಾರಿಯಲ್ಲಿ ಹೆಜ್ಜೆ ಹಾಕ್ತಿದ್ದಾರೆ. ಸಿನಿಮಾಗಳನ್ನ ಮಾಡಿ ಕೋಟಿ ಕೋಟಿ ಗಳಿಸೋದಷ್ಟೇ ಅಲ್ಲ, ಅದ್ರಿಂದ ಮತ್ತೆ ಚಿತ್ರರಂಗಕ್ಕೆ ಏನು ಮಾಡ್ತಾರೆ ಅನ್ನೋದು ಕೂಡ ಮುಖ್ಯ ಆಗುತ್ತೆ. ಆ ನಿಟ್ಟಿನಲ್ಲಿ ಟಾಲಿವುಡ್ ಬಚ್ಚನ್ಗೆ ಪ್ರಶಂಸೆಗಳ ಸುರಿಮಳೆ ಆಗ್ತಿದೆ. ಅಂಥದ್ದೇನು ಮಾಡಿದ್ರು ರವಿತೇಜಾ ಅಂತೀರಾ..? ನೀವೇ ನೋಡ್ಕೊಂಡ್ ಬನ್ನಿ.
- ಅಲ್ಲು, ದೇವರಕೊಂಡ ಸಾಲಿಗೆ ರವಿತೇಜಾ.. ಹೇಗಿದೆ ART..?
- ಚಿತ್ರರಂಗದಿಂದ ಪಡೆದದ್ದನ್ನು ಮತ್ತೆ ಚಿತ್ರರಂಗಕ್ಕಾಗಿ ಮುಡಿಪು
- ನಶಿಸಿ ಹೋಗ್ತಿರೋ ಥಿಯೇಟರ್ಗಳ ಕಾಲದಲ್ಲಿ ಮಲ್ಟಿಪ್ಲೆಕ್ಸ್
- ತೆಲುಗು ಸ್ಟಾರ್ಸ್ನ ನೋಡಿ ಕಲಿಯಬೇಕಿದೆ ಕನ್ನಡ ಸ್ಟಾರ್ಸ್
ಇದು ತೆಲುಗು ಚಿತ್ರರಂಗದ ಮಾಸ್ ಮಹಾರಾಜ ರವಿತೇಜಾ ಹೊಸದಾಗಿ ಶುರು ಮಾಡಿರೋ ART ಅನ್ನೋ ಮಲ್ಟಿಪ್ಲೆಕ್ಸ್ ಸಿನಿಮಾಸ್ ಹಾಲ್ನ ಝಲಕ್. ಹೌದು.. ಹೈದ್ರಾಬಾದ್ನ ವನಸ್ಥಳಿಪುರಂನಲ್ಲಿ ತಲೆ ಎತ್ತಿರೋ ಕಟ್ಟಡದಲ್ಲಿ ಸುಮಾರು ಆರು ಸ್ಕ್ರೀನ್ಗಳ ಎಆರ್ಟಿ ಮಲ್ಟಿಪ್ಲೆಕ್ಸ್ ಆರಂಭಿಸಿದ್ದಾರೆ. ಇದರಲ್ಲಿ ಸುಮಾರು 50 ಅಡಿ ಅಷ್ಟು ದೊಡ್ಡದಾದ ಅರ್ಧ ಚಂದ್ರಾಕಾರದ ಸ್ಕ್ರೀನ್ ಕೂಡ ಇದ್ದು, ವಿಜಯ್ ದೇವರಕೊಂಡ ನಟನೆಯ ಕಿಂಗ್ಡಮ್ ಚಿತ್ರದ ಇಲ್ಲಿ ಪ್ರದರ್ಶನಗೊಂಡ ಮೊಟ್ಟ ಮೊದಲ ಚಿತ್ರ ಅನಿಸಿಕೊಂಡಿದೆ.
ಏಷಿಯನ್ ಗ್ರೂಪ್ ಆಫ್ ಕಂಪೆನಿ ಜೊತೆಗೂಡಿ ಈಗಾಗ್ಲೇ ಪ್ರಿನ್ಸ್ ಮಹೇಶ್ ಬಾಬು, ಅಲ್ಲು ಅರ್ಜುನ್ ಹಾಗೂ ವಿಜಯ್ ದೇವರಕೊಂಡ ಮಲ್ಟಿಪ್ಲೆಕ್ಸ್ ಶುರು ಮಾಡಿ ಆಗಿದೆ. ಇವರುಗಳ ಮಾಲೀಕತ್ವದಲ್ಲಿರೋ ಥಿಯೇಟರ್ನಲ್ಲಿ ಪ್ರತೀ ದಿನ ಸಾವಿರಾರು ಮಂದಿ ಸಿನಿಮಾಗಳನ್ನ ಕಣ್ತುಂಬಿಕೊಳ್ತಿದ್ದಾರೆ. ಇದೀಗ ಅವರುಗಳ ಸಾಲಿಗೆ ರವಿತೇಜಾ ಕೂಡ ಹೆಜ್ಜೆ ಇಟ್ಟಿರೋದು ಇಂಟರೆಸ್ಟಿಂಗ್.
ಇವರೆಲ್ಲಾ ಸಾಲು ಸಾಲು ಸಿನಿಮಾಗಳನ್ನ ಮಾಡಿ ಕೋಟ್ಯಂತರ ರೆಮ್ಯುನರೇಷನ್ ಪಡೆಯುತ್ತಿರಬಹುದು. ಆದ್ರೆ ಇಷ್ಟೆಲ್ಲಾ ನೇಮು ಫೇಮು ನೀಡಿದಂತಹ ಸ್ಟಾರ್ಗಳು ಚಿತ್ರರಂಗಕ್ಕೂ ಏನನ್ನಾದ್ರೂ ಕೊಡಬೇಕು ಅಲ್ಲವೇ..? ಅದೇ ನಿಟ್ಟಿನಲ್ಲಿ ಚಿತ್ರರಂಗಕ್ಕೆ ಅಳಿಲು ಸೇವೆ ಮಾಡೋಕೆ ಸಜ್ಜಾಗಿರೋ ಇವರುಗಳು, ಸಿಂಗಲ್ ಸ್ಕ್ರೀನ್ ಥಿಯೇಟರ್ಗಳು ನಶಿಸಿ ಹೋಗ್ತಿರೋ ಈ ಕಾಲಘಟ್ಟದಲ್ಲಿ ಒಳ್ಳೆಯ ಫೆಸಿಲಿಟೀಸ್ ಜೊತೆ ಸುಸಜ್ಜಿತ ಸಿನಿಮಾ ಥಿಯೇಟರ್ಗಳನ್ನ ಕಡಿಮೆ ಟಿಕೆಟ್ ದರಕ್ಕೆ ಒದಗಿಸಿಕೊಟ್ಟಿರೋದು ವಿಶೇಷ.
ಟಾಲಿವುಡ್ನಲ್ಲಿ ಸ್ಟಾರ್ಗಳು ಒಬ್ಬರಿಂದ ಒಬ್ಬರು ಸ್ಫೂರ್ತಿಗೊಂಡು ಹೀಗೆ ಥಿಯೇಟರ್ಗಳನ್ನ ಕಟ್ಟಿ ಚಿತ್ರಗಳ ಪ್ರದರ್ಶನಕ್ಕೆ ಸಾಥ್ ನೀಡ್ತಿದ್ದಾರೆ. ಆದ್ರೆ ನಮ್ಮ ಸ್ಯಾಂಡಲ್ವುಡ್ನಲ್ಲಿ ಸ್ಟಾರ್ ವಾರ್, ಸ್ಟಾರ್ ಫ್ಯಾನ್ಸ್ ವಾರ್ ಅಂತ ಒಬ್ಬರ ಕಾಲನ್ನು ಮತ್ತೊಬ್ಬರು ಎಳೆದುಕೊಳ್ಳುವ ಮೂಲಕ ಯಾರೂ ಬೆಳೆಯದಂತಾಗ್ತಿದೆ. ನಿಜಕ್ಕೂ ನಮ್ಮ ಕನ್ನಡದ ಸ್ಟಾರ್ ನಟರು ಪಕ್ಕದ ತೆಲುಗು ಸ್ಟಾರ್ಸ್ ನ ನೋಡಿ ಕಲಿಯೋದು ಸಾಕಷ್ಟಿದೆ. ಕರ್ನಾಟಕದಲ್ಲಿ ಒಬ್ಬ ಸ್ಟಾರ್ ನಟನ ಹೆಸರಲ್ಲಿ ಕೂಡ ಥಿಯೇಟರ್ ಇಲ್ಲದಿರೋದು ದುರಂತ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್