ಸರಿಗಮಪ ಖ್ಯಾತಿಯ ಗಾಯಕಿ ಪೃಥ್ವಿ ಭಟ್ ಮತ್ತು ಅಭಿಷೇಕ್ ತಮ್ಮ ಮದುವೆಯ ಸಂಭ್ರಮವನ್ನು ಅದ್ಧೂರಿಯಾಗಿ ಆಚರಿಸಿದ್ದಾರೆ. ಮಾರ್ಚ್ 27ರಂದು ದೇವಾಲಯವೊಂದರಲ್ಲಿ ಖಾಸಗಿಯಾಗಿ ನಡೆದ ಅವರ ಮದುವೆ, ಪೋಷಕರ ವಿರೋಧದ ನಡುವೆಯೂ ಗಮನ ಸೆಳೆದಿತ್ತು. ಈಗ ಈ ಜೋಡಿ ಭವ್ಯ ರಿಸೆಪ್ಷನ್ನೊಂದಿಗೆ ತಮ್ಮ ಸಂತೋಷವನ್ನು ಎಲ್ಲರೊಂದಿಗೆ ಹಂಚಿಕೊಂಡಿದ್ದಾರೆ.
ಪೃಥ್ವಿ ಭಟ್ ಮತ್ತು ಅಭಿಷೇಕ್ರ ಆರತಕ್ಷತೆ ಸಮಾರಂಭ ಕನ್ನಡ ಚಿತ್ರರಂಗ ಮತ್ತು ಸಂಗೀತ ಲೋಕದ ತಾರೆಗಳ ಸಮಾಗಮವಾಗಿತ್ತು. ಅಭಿಮಾನಿಗಳು ಈ ಜೋಡಿಯ ಫೋಟೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡು ಶುಭಾಶಯಗಳನ್ನು ತಿಳಿಸುತ್ತಿದ್ದಾರೆ. ಈ ಸಮಾರಂಭದಲ್ಲಿ ಕನ್ನಡದ ಖ್ಯಾತನಾಮರಾದ ಹಲವರು ಭಾಗವಹಿಸಿ, ಈ ಕ್ಷಣವನ್ನು ಮರೆಯಲಾಗದಂತೆ ಮಾಡಿದ್ದಾರೆ.
ಗಾಯಕಿ ಪೃಥ್ವಿ ಭಟ್ ಹಾಗೂ ಅಭಿಷೇಕ್ ರಿಸೆಪ್ಶನ್ಗೆ ನಿರೂಪಕಿ ಅನುಶ್ರೀ, ನಟಿ ಮೋಕ್ಷಿತಾ, ಗಾಯಕ ಹನುಮಂತ ಲಮಾಣಿ, ಗಾಯಕ ವಿಜಯ್ ಪ್ರಕಾಶ್ ದಂಪತಿ, ನಟ ಪ್ರಥಮ್, ಗಾಯಕ ಸುನೀಲ್, ಹಂಸಲೇಖ ಅವರ ಪತ್ನಿ ಲತಾ, ಸರಿಗಮಪ ಸ್ಪರ್ಧಿಗಳು ಕೂಡ ಆಗಮಿಸಿದ್ದಾರೆ.
ಪೃಥ್ವಿ ಭಟ್ರ ಮದುವೆ ಮತ್ತು ರಿಸೆಪ್ಷನ್ನ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿವೆ. ಅಭಿಮಾನಿಗಳು ಈ ಜೋಡಿಗೆ ಶುಭಾಶಯಗಳನ್ನು ತಿಳಿಸುತ್ತಾ, ಅವರ ಒಡನಾಟವನ್ನು ಶ್ಲಾಘಿಸುತ್ತಿದ್ದಾರೆ. ಪೃಥ್ವಿಯ ತಂದೆ ಶಿವಪ್ರಸಾದ್ ಅವರ ಆರಂಭಿಕ ವಿರೋಧದ ಬಳಿಕವೂ, ಈ ಜೋಡಿಯ ಸಂತೋಷದ ಕ್ಷಣಗಳು ಎಲ್ಲರ ಮನ ಗೆದ್ದಿವೆ.
ಸರಿಗಮಪದ ಈ ಖ್ಯಾತ ಗಾಯಕಿ ತಮ್ಮ ಸಂಗೀತ ಪಯಣವನ್ನು ಮುಂದುವರೆಸುವುದರ ಜೊತೆಗೆ, ಈ ಹೊಸ ಅಧ್ಯಾಯನದಲ್ಲಿ ತಮ್ಮ ವೈವಾಹಿಕ ಜೀವನವನ್ನು ಸಂತೋಷದಿಂದ ಆರಂಭಿಸಿದ್ದಾರೆ. ಅಭಿಮಾನಿಗಳು ಪೃಥ್ವಿಯ ಮುಂದಿನ ಸಂಗೀತ ಕಾರ್ಯಕ್ರಮಗಳಿಗಾಗಿ ಕಾತುರದಿಂದ ಕಾಯುತ್ತಿದ್ದಾರೆ.
