ಪ್ರಭಾಸ್ ರಾಜಾಸಾಬ್‌ಗೆ ವಿಘ್ನಗಳ ಮೇಲೆ ವಿಘ್ನಗಳು ಎದುರಾಗ್ತಿವೆ. ಒಂದ್ಕಡೆ ರಿಲೀಸ್ ಡೇಟ್ ಪೋಸ್ಟ್‌ಪೋನ್ ಆದ್ರೆ, ಮತ್ತೊಂದ್ಕಡೆ ಅಂದುಕಜೊಂಡ ಡೇಟ್‌‌ಗಿಂತ ಮೊದಲೇ ಕಿಡಿಗೇಡಿಗಳು ಟೀಸರ್‌ನ ಲೀಕ್ ಮಾಡಿದ್ದಾರೆ. ಗರಂ ಆಗಿರೋ ರಾಜಾಸಾಬ್ ಸ್ಟ್ರಿಕ್ಟ್ ವಾರ್ನಿಂಗ್ ಕೂಡ ಕೊಟ್ಟಿದ್ದಾರೆ.
ರಾಜಾಸಾಬ್ ಬಾಹುಬಲಿ ಪ್ರಭಾಸ್ ನಟನೆಯ ಮೋಸ್ಟ್ ಅವೈಟೆಡ್ ಮೂವಿ. ಇತ್ತೀಚೆಗೆ ಈ ಚಿತ್ರದ ಟೀಸರ್ ರಿಲೀಸ್ ಹಾಗೂ ಸಿನಿಮಾ ಬಿಡುಗಡೆ ದಿನಾಂಕವನ್ನು ಅಫಿಶಿಯಲಿ ಚಿತ್ರತಂಡ ಅನೌನ್ಸ್ ಮಾಡಿತ್ತು. ಜೂನ್ 16ಕ್ಕೆ ಚಿತ್ರದ ಫಸ್ಟ್ ಲುಕ್ ಟೀಸರ್ ಬಂದ್ರೆ, ಡಿಸೆಂಬರ್ 5ಕ್ಕೆ ಸಿನಿಮಾನೇ ಪ್ರೇಕ್ಷಕರ ಮುಂದೆ ಬರಲಿದೆ ಎನ್ನಲಾಗಿತ್ತು. ಆದ್ರೀಗ ಕಿಡಿಗೇಡಿಗಳು ರಾಜಾಸಾಬ್ ಟೀಸರ್‌ನ ಲೀಕ್ ಮಾಡಿದ್ದಾರೆ.
ಅತೀವ ನಿರೀಕ್ಷೆಯಿಂದ ಕಾಯ್ತಿದ್ದ ಪ್ರಭಾಸ್ ಫ್ಯಾನ್ಸ್ ಹಾಗೂ ಚಿತ್ರಪ್ರೇಮಿಗಳಿಗೆ ಆ ಸರ್‌ಪ್ರೈಸ್ ಬ್ರೇಕ್ ಆಗಿ ಬಿಟ್ಟಿದೆ. ಕೂಡಲೇ ಎಚ್ಚೆತ್ತುಕೊಂಡ ಚಿತ್ರತಂಡ, ಆ ಎಲ್ಲಾ ವಿಡಿಯೋ ಲಿಂಕ್ಸ್ ಡಿಲೀಟ್ ಮಾಡಿಸಿದೆ. ಈ ಕುರಿತು ಸೈಬರ್ ಕ್ರೈಂನಲ್ಲೂ ದೂರು ದಾಖಲಿಸಿದ್ದು, ಸೋರಿಕೆ ಮಾಡುವವರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲಾಗುವುದು ಎಂದು ಗಂಭೀರವಾಗಿಯೇ ವಾರ್ನಿಂಗ್ ಕೂಡ ಮಾಡಿದೆ.
ಅಂದಹಾಗೆ ಸೋರಿಕೆ ಆಗಿರೋ ಎಲ್ಲಾ ಟೀಶರ್ ವಿಡಿಯೋ ಲಿಂಕ್ಸ್ ಸಸ್ಪೆಂಡ್ ಮಾಡಲಾಗಿದೆ. ಆದ್ರೆ ಒಂದಷ್ಟು ಟೀಸರ್ ದೃಶ್ಯದಲ್ಲಿನ ಸ್ಟಿಲ್ ಫೋಟೋಸ್ ಸೋಶಿಯಲ್ ಮೀಡಿಯಾದಲ್ಲಿ ಜೋರಾಗಿ ಹರಿದಾಡ್ತಿವೆ. ಒಂದ್ರಲ್ಲಿ ಪ್ರಭಾಸ್ ಹೆದರಿಕೊಂಡಂತೆ ಸಿಲ್ಲಿಯಾಗಿ ಕಾಣ್ತಿದ್ದು, ಮತ್ತೊಂದೆಡೆ ಸಹ ಕಲಾವಿದರ ಜೊತೆ ಕಾಣಿಸಿಕೊಂಡಿದ್ದಾರೆ.
ಅಂದಹಾಗೆ ಈ ಸಿನಿಮಾಗೆ ದಶಕದಲ್ಲಿ ಹತ್ತಕ್ಕೂ ಅಧಿಕ ಚಿತ್ರಗಳನ್ನ ನಿರ್ದೇಶಿಸಿರೋ ಮಾರುತಿ ಆ್ಯಕ್ಷನ್ ಕಟ್ ಹೇಳಿದ್ದು, ಇದೇ ಫಸ್ಟ್ ಟೈಂ ಪ್ರಭಾಸ್ ಹಾರರ್ ಕಾಮಿಡಿ ಎಂಟರ್‌ಟೈನರ್‌ನ ಟ್ರೈ ಮಾಡಿದ್ದಾರೆ ಎನ್ನಲಾಗ್ತಿದೆ. 350 ಕೋಟಿ ಬಿಗ್ ಬಜೆಟ್‌‌ನಲ್ಲೇ ಸಿನಿಮಾ ತಯಾರಾಗಿದ್ದು, ಮಾಸ್ ಸಿನಿಮಾಗಳ ಮೋಸ್ಟ್ ಡಿಮ್ಯಾಂಡಿಂಗ್ ಪ್ಯಾನ್ ಇಂಡಿಯಾ ಸ್ಟಾರ್ ಇಲ್ಲಿ ಯಾವ ರೀತಿ ಪರ್ಫಾಮ್ ಮಾಡಿದ್ದಾರೆ ಅನ್ನೋ ಕೌತುಕತೆ ಹೆಚ್ಚಾಗಿದೆ.
ಒಳ್ಳೆಯ ಕಾಮಿಡಿ ಸೆನ್ಸ್ ಇರೋ ಫ್ಯಾಮಿಲಿ ಚಿತ್ರಗಳ ಡೈರೆಕ್ಟರ್ ಅನಿಸಿಕೊಂಡಿರೋ ಮಾರುತಿ, ಈ ಚಿತ್ರದಿಂದ ಪ್ರಭಾಸ್‌ಗೆ ಹೊಸ ಇಮೇಜ್ ನೀಡಲಿದ್ದಾರೆ. ಅಲ್ಲದೆ, ಕಲ್ಕಿ ಸಿನಿಮಾದ ಬಿಗ್ಗೆಸ್ಟ್ ಸಕ್ಸಸ್ ಬಳಿಕ ಫೌಜಿ ಹಾಗೂ ಸಲಾರ್-2 ಸಿನಿಮಾಗಳಿಗಿಂತ ಮೊದಲೇ ಡಾರ್ಲಿಂಗ್ ಈ ತರಹದ ಪ್ರಯೋಗದ ಮೂಲಕ ಮನರಂಜನೆ ನೀಡೋಕೆ ಬರ್ತಿರೋದು ಇಂಟರೆಸ್ಟಿಂಗ್ ಅನಿಸಿದೆ.
