ನಮ್ಮ ಕನ್ನಡದ ಕೆವಿಎನ್ಗೆ ಶುಕ್ರದೆಸೆ ಶುರುವಾಗಿದೆ. ನಿನ್ನೆ ರಾತ್ರಿ ತಮಿಳುನಾಡು ಸಿಎಂ ಜೊತೆ ಡಿನ್ನರ್ ಮಾಡಿದ್ರೆ, ಇಂದು ಬೆಳಗ್ಗೆ ಆಂಧ್ರ ಡಿಸಿಎಂ ಜೊತೆ ಬ್ರೇಕ್ ಫಾಸ್ಟ್ ಮಾಡಿದ್ದಾರೆ. ಅದಕ್ಕೆ ಕಾರಣ ಆಗಿರೋದು ಮೆಗಾಸ್ಟಾರ್ ಚಿರಂಜೀವಿ. ಯೆಸ್.. ಚಿರು ಮೆಗಾ-158 ಮೂವಿ ಇಂದು ಸೆಟ್ಟೇರಿದ್ದು, ಅದರ ಹೈಲೈಟ್ಸ್ ಇ್ಲಲಿದೆ ನೋಡಿ…
- ಚಿರು ಮೆಗಾ 158ಗೆ ಕನ್ನಡಿಗ ಪ್ರೊಡ್ಯೂಸರ್.. DCM ಕ್ಲಾಪ್..!!
- ಮತ್ತೆ ಮೆಗಾಸ್ಟಾರ್-ಬಾಬಿ ಕಾಂಬೋ.. ಚಿರು-ಲಾಲ್ ಕಮಾಲ್
ಇದು ಮೆಗಾಸ್ಟಾರ್ ಚಿರಂಜೀವಿ ಅವರ 158ನೇ ಸಿನಿಮಾ ಮೆಗಾ-158 ಮುಹೂರ್ತ ಸಮಾರಂಭದ ಝಲಕ್. ಹೈದ್ರಾಬಾದ್ನಲ್ಲಿ ಇಂದು ಅದ್ಧೂರಿಯಾಗಿ ಸೆಟ್ಟೇರಿದ ಈ ಸಿನಿಮಾಗೆ ಆಂಧ್ರ ಡಿಸಿಎಂ ಪವನ್ ಕಲ್ಯಾಣ್ ಬಂದು ಕ್ಲಾಪ್ ಮಾಡಿ, ಚಿತ್ರತಂಡಕ್ಕೆ ಶುಭ ಕೋರಿದ್ದು ವಿಶೇಷವಾಗಿತ್ತು. ಅದರಲ್ಲೂ ಅಣ್ಣನ ಸಿನಿಮಾಗೆ ಒಡಹುಟ್ಟಿದ ಸಹೋದರನೇ ಬಂದು ಕ್ಲಾಪ್ ಮಾಡಿದ್ದು ಎಲ್ಲರ ಗಮನ ಸೆಳೆದಿದೆ. ಯಾಕಂದ್ರೆ ಇಂದು ಚಿರುಗಿಂತ ದೊಡ್ಡ ಮಟ್ಟಕ್ಕೆ ಪವನ್ ಬೆಳೆದು ನಿಂತಿದ್ದಾರೆ.
ಮೆಗಾ-158 ಸಿನಿಮಾಗೆ ಬಾಬಿ ಆ್ಯಕ್ಷನ್ ಕಟ್ ಹೇಳ್ತಿದ್ದು, ಮೂರು ವರ್ಷಗಳ ನಂತರ ಮತ್ತೊಮ್ಮೆ ಮೋಡಿ ಮಾಡೋಕೆ ಸಜ್ಜಾಗಿದ್ದಾರೆ ಮೆಗಾಸ್ಟಾರ್ ಚಿರಂಜೀವಿ ಹಾಗೂ ಬಾಬಿ. ಹೌದು.. 2023ರಲ್ಲಿ ವಾಲ್ಟೈರ್ ವೀರಯ್ಯ ಅನ್ನೋ ಸಿನಿಮಾನ ಮಾಡಿದ್ದ ಈ ಜೋಡಿ, ಬಾಕ್ಸ್ ಆಫೀಸ್ನಲ್ಲಿ ಧೂಳೆಬ್ಬಿಸಿತ್ತು. 125 ಕೋಟಿ ಬಜೆಟ್ನ ಆ ಸಿನಿಮಾ 236 ಕೋಟಿ ಪೈಸಾ ವಸೂಲ್ನಿಂದ ಡಬಲ್ ಬ್ಯುಸಿನೆಸ್ ಮಾಡಿತ್ತು. ಇದೀಗ 158ನೇ ಚಿತ್ರದ ಮೂಲಕ ಮತ್ತೊಂದು ಅಂಥದ್ದೇ ಹಿಟ್ ನಿಡುವ ಧಾವಂತದಲ್ಲಿದೆ ಟೀಂ.
ಇಂಟರೆಸ್ಟಿಂಗ್ ಅಂದ್ರೆ ವಾಲ್ಟೈರ್ ವೀರಯ್ಯ ಚಿತ್ರದಲ್ಲಿ ಚಿರು ಜೊತೆ ಮಾಸ್ ಮಹಾರಾಜ ರವಿತೇಜಾ ಸ್ಕ್ರೀನ್ ಶೇರ್ ಮಾಡಿದ್ರು. ಈ ಬಾರಿಯೂ ಸಹ ಬಾಬಿ ಮಲ್ಟಿ ಸ್ಟಾರರ್ ಮೂವಿಗೇ ಸ್ಕೆಚ್ ಹಾಕಿದ್ದು, ಮಲಯಾಳಂ ಸೂಪರ್ ಸ್ಟಾರ್ ಲಾಲೆಟ್ಟನ್ ಮೋಹನ್ ಲಾಲ್ ಕಮಾಲ್ ಮಾಡಲಿದ್ದಾರಂತೆ. ಅಲ್ಲಿಗೆ ಇದು ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ದೊಡ್ಡ ಮಟ್ಟಕ್ಕೆ ಹಲ್ಚಲ್ ಎಬ್ಬಿಸೋದು ಗ್ಯಾರಂಟಿ.
- KVNಗೆ ಶುಕ್ರದೆಸೆ.. ಎಲ್ಲಾ ಚಿತ್ರರಂಗಗಳಲ್ಲಿ ಪ್ರಾಜೆಕ್ಟ್ಸ್..!!
- ಒಂದ್ಕಡೆ ತಮಿಳು ಸಿಎಂ.. ಮತ್ತೊಂದ್ಕಡೆ ಆಂಧ್ರ ಡಿಸಿಎಂ
ಕೆವಿಎನ್ ಪ್ರೊಡಕ್ಷನ್ಸ್ಗೆ ಒಂಥರಾ ಶುಕ್ರದೆಸೆ ಶುರುವಾಗಿ ಬಿಟ್ಟಿದೆ. ಯಾಕಂದ್ರೆ ನಿರ್ಮಾಪಕ ಕೆ ವೆಂಕಟ್ ನಾರಾಯಣ್ ಅವರು ಕಳೆದ ರಾತ್ರಿ ತಮಿಳುನಾಡು ಸಿಎಂ ಜೋಸೆಫ್ ವಿಜಯ್ ಜೊತೆ ಡಿನ್ನರ್ ಮಾಡಿದ್ರೆ, ಇಂದು ಬೆಳಗ್ಗೆ ಆಂಧ್ರ ಡಿಸಿಎಂ ಪವನ್ ಕಲ್ಯಾಣ್ ಜೊತೆ ಬ್ರೇಕ್ಫಾಸ್ಟ್ ಮಾಡುವಂತಾಗಿದೆ. ಅಲ್ಲಿಗೆ ತಮಗೆ ಹಾಗೂ ತಮ್ಮ ಕೆವಿಎನ್ ಸಂಸ್ಥೆಗೆ ಹಿಡಿದಿದ್ದ ಗ್ರಹಣ ಬಹುತೇಕ ಸರಿದಿದೆ. ಯಾಕಂದ್ರೆ ಈ ಮೆಗಾ-158 ಮೂವಿಗೆ ನಮ್ಮ ಕನ್ನಡಿಗ ಕೆವಿಎನ್ ಅವರೇ ನಿರ್ಮಾಪಕರು. ಮಕ್ಕಳು, ಪತ್ನಿ ಸಮೇತ ಕೆ ವೆಂಕಟ್ ನಾರಾಯಣ್, ಮೆಗಾ ಬ್ರದರ್ಸ್ ಜೊತೆ ಮಿರ ಮಿರ ಮಿಂಚಿದ್ದು ಹೈಲೈಟ್.
ಕನ್ನಡದಲ್ಲಿ ಶಿವಣ್ಣನ ಬೇಲ್, ತಮಿಳಲ್ಲಿ ವಿಜಯ್ ಜನನಾಯಗನ್, ಬಾಲಿವುಡ್ನಲ್ಲಿ ಅಕ್ಷಯ್ ಕುಮಾರ್ ಹೈವಾನ್ ಹಾಗೂ ಆಂಧ್ರದಲ್ಲಿ ಮೆಗಾ-158.. ಹೀಗೆ ಸಾಲು ಸಾಲು ಪ್ಯಾನ್ ಇಂಡಿಯಾ ಚಿತ್ರಗಳಿಂದ ರಾರಾಜಿಸ್ತಿದೆ ಕೆವಿಎನ್. ಒಟ್ಟಾರೆ ಮೆಗಾಸ್ಟಾರ್ ಚಿರು ಈ ಇಳಿವಯಸ್ಸಿನಲ್ಲೂ ಸಿಕ್ಕಾಪಟ್ಟೆ ವರ್ಕೌಟ್ ಮಾಡಿ, ದೇಹವನ್ನ ಕಟ್ಟುಮಸ್ತಾಗಿ ಇಟ್ಟುಕೊಂಡಿದ್ದು, ಮಗ ರಾಮ್ ಚರಣ್ಗೇ ಕಾಂಪಿಟೇಷನ್ ಕೊಡೋ ರೇಂಜ್ಗೆ ಸಿನಿಮಾಗಳನ್ನ ಮಾಡ್ತಿರೋದು ವಿಶೇಷ.
ಬೀರಗಾನಹಳ್ಳಿ ಲಕ್ಷ್ಮೀನಾರಾಯಣ್, ಫಿಲ್ಮ್ ಬ್ಯೂರೋ ಹೆಡ್, ಗ್ಯಾರಂಟಿ ನ್ಯೂಸ್
