ಬೆಂಗಳೂರಿನ ಬಾಡಿಗೆಗಿಂತ ಥಾರ್ ಕಾರು ಖರೀದಿಸಬಹುದು: ಕೆನಡಿಯನ್‌ನ ವೈರಲ್ ಪೋಸ್ಟ್!

ಭಾರತದ ಐಟಿ ರಾಜಧಾನಿಯಾದ ಬೆಂಗಳೂರಿನಲ್ಲಿ ಮನೆ ಬಾಡಿಗೆ ಮತ್ತು ಅಡ್ವಾನ್ಸ್ ದರಗಳು ಗಗನಕ್ಕೇರಿವೆ. ಇದೀಗ ಕೆನಡಾದ ಪ್ರಜೆಯೊಬ್ಬರು ಬೆಂಗಳೂರಿನ ಮನೆ ಬಾಡಿಗೆಯ ದುಬಾರಿ ದರವನ್ನು ನೋಡಿ, “ಇಷ್ಟು ಹಣಕ್ಕೆ ಮಹೀಂದ್ರ ಥಾರ್ ಕಾರು ಖರೀದಿಸಬಹುದು” ಎಂದು ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿ ವೈರಲ್ ಆಗಿದ್ದಾರೆ. ಮಿಜೋರಾಂನ ಐಜ್ವಾಲ್‌ನಲ್ಲಿ ಕೆಲಸ ಮಾಡುತ್ತಿದ್ದ ಈ ವ್ಯಕ್ತಿ ಈಗ ಬೆಂಗಳೂರಿಗೆ ಸ್ಥಳಾಂತರಗೊಳ್ಳುತ್ತಿದ್ದಾರೆ. ಆದರೆ, ಮನೆ ಹುಡುಕಾಟದಲ್ಲಿ ಎದುರಾದ ಬಾಡಿಗೆ ಮತ್ತು ಅಡ್ವಾನ್ಸ್ ದರಗಳು ಇವರಿಗೆ ಆಘಾತ ನೀಡಿವೆ.

ಕೆನಡಾದ ಸೆಲೆಬ್ ಫ್ರೈಸೆನ್ ಎಂಬಾತ ಎಕ್ಸ್‌ನಲ್ಲಿ ತಮ್ಮ ಮನೆ ಹುಡುಕಾಟದ ಅನುಭವವನ್ನು ಹಂಚಿಕೊಂಡಿದ್ದಾರೆ. ಆನ್‌ಲೈನ್‌ನಲ್ಲಿ ಮನೆ ಹುಡುಕುತ್ತಿರುವಾಗ ಒಂದು ಮನೆ ಆಯ್ಕೆಯಾಗಿದೆ, ಆದರೆ ಅದರ ಅಡ್ವಾನ್ಸ್ 19 ಲಕ್ಷ ರೂಪಾಯಿ ಮತ್ತು ತಿಂಗಳ ಬಾಡಿಗೆ 1.75 ಲಕ್ಷ ರೂಪಾಯಿ ಎಂದು ತಿಳಿದಾಗ ಈತ ದಿಗಿಲಾಗಿದ್ದಾರೆ. “ಈ ಮನೆ ಮಾಲೀಕರು ಏನು ಬಯಸುತ್ತಿದ್ದಾರೆ? ಇಷ್ಟು ಹಣಕ್ಕೆ ನಾನು ಮಹೀಂದ್ರ ಥಾರ್ ಕಾರು ಖರೀದಿಸಬಹುದು” ಎಂದು ಈತ ಎಕ್ಸ್‌ನಲ್ಲಿ ಬರೆದಿದ್ದಾರೆ. ಈ ಪೋಸ್ಟ್ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದೆ.

Rs. 19 lakh for security deposit!

absolutely bonkers what landlords are expecting these days, I could literally buy a new Mahindra Thar for less than this deposit

anyone know of a place in/around Indiranagar with 2-3 months deposit only? rent price range Rs. 80 to 1 lakh pic.twitter.com/jGDfLC3eN0

— Caleb (@caleb_friesen2) June 28, 2025

ಬೆಂಗಳೂರಿನಲ್ಲಿ ಮನೆ ಬಾಡಿಗೆ ಪಡೆಯುವುದು ಸವಾಲಿನ ಕೆಲಸವಾಗಿದೆ. ಹಲವರು ದುಬಾರಿ ಬಾಡಿಗೆ ಮತ್ತು ಅಡ್ವಾನ್ಸ್ ದರಗಳಿಂದ ಜಾಗ ಖಾಲಿ ಮಾಡಿದ್ದಾರೆ. ಕೆಲವರು ಲಕ್ಷಗಟ್ಟಲೆ ಸಂಬಳವಿದ್ದರೂ ಸಾಕಾಗದು ಎಂದು ದೂರಿದ್ದಾರೆ. ಸೆಲೆಬ್ ಫ್ರೈಸೆನ್ ಅವರ ಪತ್ನಿ, ಮಕ್ಕಳು ಮತ್ತು ಮನೆಗೆಲಸದವರೊಂದಿಗೆ ಬೆಂಗಳೂರಿಗೆ ಸ್ಥಳಾಂತರಗೊಳ್ಳುತ್ತಿದ್ದಾರೆ. ಆದರೆ, ಇಷ್ಟು ದುಬಾರಿ ಬಾಡಿಗೆಯಿಂದ ಸೂಕ್ತ ಮನೆ ಸಿಗದಿರುವುದು ಇವರಿಗೆ ನಿರಾಸೆ ತಂದಿದೆ.

ಸೆಲೆಬ್ ಫ್ರೈಸೆನ್ ಇಂದಿರಾನಗರದ ಸುತ್ತಮುತ್ತ 2-3 ತಿಂಗಳ ಅಡ್ವಾನ್ಸ್ ಮತ್ತು 80,000 ರಿಂದ 1 ಲಕ್ಷ ರೂಪಾಯಿ ತಿಂಗಳ ಬಾಡಿಗೆಯಿರುವ ಮನೆಗಳಿದ್ದರೆ ತಿಳಿಸುವಂತೆ ಬೆಂಗಳೂರಿಗರಲ್ಲಿ ಮನವಿ ಮಾಡಿದ್ದಾರೆ. ಈ ಪೋಸ್ಟ್‌ಗೆ ಕೆಲವರು ತಮ್ಮ ಜೊತೆ ಉಚಿತವಾಗಿ ಉಳಿಯುವಂತೆ ಸೂಚಿಸಿದ್ದರೆ, ಇನ್ನು ಕೆಲವರು ಬೆಂಗಳೂರಿನ ಮನೆ ಮಾಲೀಕರು ನಿಯಮಗಳನ್ನು ಪಾಲಿಸದೆ ಇಷ್ಟಕ್ಕಿಷ್ಟ ದರ ನಿಗದಿಪಡಿಸುತ್ತಾರೆ ಎಂದು ಕಮೆಂಟ್ ಮಾಡಿದ್ದಾರೆ.

ಬೆಂಗಳೂರಿನ ರಿಯಲ್ ಎಸ್ಟೇಟ್ ಮಾರುಕಟ್ಟೆಯು ದಿನದಿಂದ ದಿನಕ್ಕೆ ದುಬಾರಿಯಾಗುತ್ತಿದೆ. ಈ ಕೆನಡಾ ಪ್ರಜೆಯ ಅನುಭವವು ಬೆಂಗಳೂರಿನ ಬಾಡಿಗೆ ಸಮಸ್ಯೆಯನ್ನು ಮತ್ತಷ್ಟು ಬೆಳಕಿಗೆ ತಂದಿದೆ. ಈ ಘಟನೆಯು ಸಾಮಾಜಿಕ ಜಾಲತಾಣಗಳಲ್ಲಿ ಚರ್ಚೆಗೆ ಕಾರಣವಾಗಿದ್ದು, ಬೆಂಗಳೂರಿನ ಜೀವನ ವೆಚ್ಚದ ಬಗ್ಗೆ ಮತ್ತೊಮ್ಮೆ ಗಮನ ಸೆಳೆದಿದೆ.

ಬೆಂಗಳೂರಿನ ಬಾಡಿಗೆಗಿಂತ ಥಾರ್ ಕಾರು ಖರೀದಿಸಬಹುದು: ಕೆನಡಿಯನ್‌ನ ವೈರಲ್ ಪೋಸ್ಟ್!

ಚಿನ್ನದ ಸಾಲ ತಗೊಂಡರೆ ಕ್ರೆಡಿಟ್ ಸ್ಕೋರ್‌ ಹೆಚ್ಚಾಗುತ್ತದೆಯೋ, ಕಡಿಮೆಯಾಗುತ್ತದೆಯೋ?

ಬ್ಯುಸಿನೆಸ್ ಫೀಲ್ಡ್ಗೆ ಎಂಟ್ರಿ ಕೊಡಲು ಸಜ್ಜಾದ ಕಿಂಗ್ ಕೊಹ್ಲಿ

100 ಮೆಟ್ರಿಕ್ ಟನ್ ಚಿನ್ನ ವಾಪಸ್ ತಂದ RBI: ಬಂಗಾರದ ಬೆಲೆಯಲ್ಲಿ ಭಾರೀ ಕುಸಿತ?

ಬ್ಯಾಂಕ್‌ಗೆ ಹೋಗುವ ಮೊದಲು ಈ ಸ್ಟೋರಿ ಓದಿ!: ಜುಲೈನಲ್ಲಿ 13 ರಜೆ ದಿನಗಳು

ಶ್ರೀದೇವಿ ಬಿ. ವೈ

ತಾಜಾ ಸುದ್ದಿ

ನಟಿ ರನ್ಯಾ ರಾವ್‌ಗೆ ಜೈಲಿನಲ್ಲಿ ಕೈದಿಗಳಿಂದ ಟಾರ್ಚರ್..!

ಮಲೆ ಮಹದೇಶ್ವರದಲ್ಲಿ ಹುಲಿಗಳ ಕೊಲೆ: ತನಿಖೆ ವೇಳೆ ಇಂಚಿಂಚೂ ಮಾಹಿತಿ ಬಿಚ್ಚಿಟ್ಟ ಆರೋಪಿ ಮಾದ..!

ಚಿನ್ನದ ಸಾಲ ತಗೊಂಡರೆ ಕ್ರೆಡಿಟ್ ಸ್ಕೋರ್‌ ಹೆಚ್ಚಾಗುತ್ತದೆಯೋ, ಕಡಿಮೆಯಾಗುತ್ತದೆಯೋ?

ಡೆಲಿವರಿ ನಂತರದ ಹೊಟ್ಟೆ ಕೊಬ್ಬು ಕರಗಿಸಲು 3 ಸರಳ ವ್ಯಾಯಾಮಗಳು: ಜಿಮ್ ಬೇಕಿಲ್ಲ!

Navigate Site

Welcome Back!

Create New Account!

Retrieve your password

Add New Playlist

ಬೆಂಗಳೂರಿನ ಬಾಡಿಗೆಗಿಂತ ಥಾರ್ ಕಾರು ಖರೀದಿಸಬಹುದು: ಕೆನಡಿಯನ್‌ನ ವೈರಲ್ ಪೋಸ್ಟ್!

RelatedPosts

ತಾಜಾ ಸುದ್ದಿ

ಸಂಬಂಧಿಸಿದ ಪೋಸ್ಟ್‌ಗಳು

Navigate Site

Follow Us

Welcome Back!

Create New Account!

Retrieve your password

Add New Playlist