ಚಿನ್ನವು ಪ್ರಪಂಚದಾದ್ಯಂತ ವಿಶಿಷ್ಟ ಸ್ಥಾನ ಹೊಂದಿರುವ ಅಪರೂಪದ ಲೋಹ. ಇದು ಕೇವಲ ಆಭರಣಗಳಲ್ಲದೆ ಹೂಡಿಕೆ ಮತ್ತು ಆರ್ಥಿಕ ಸ್ಥಿರತೆಯ ಸಂಕೇತವಾಗಿದೆ. ಮೊದಲಿನಿಂದಲೂ ಚಿನ್ನಕ್ಕೆ ಅಪಾರ ಪ್ರಾಮುಖ್ಯತೆ ಇದ್ದು, ಇಂದಿಗೂ ಅದು ಮುಂದುವರಿಯುತ್ತಿದೆ. ಇತ್ತೀಚೆಗೆ ಚಿನ್ನ ಮತ್ತು ಬೆಳ್ಳಿಯ ಬೆಲೆಗಳಲ್ಲಿ ನಿರಂತರ ಏರಿಕೆ ಕಂಡುಬಂದಿದ್ದು, ಖರೀದಿದಾರರ ಮೇಲೆ ಹೆಚ್ಚಿನ ಒತ್ತಡವನ್ನು ತಂದಿದೆ.
ಮಾರ್ಚ್ ತಿಂಗಳಾದ್ಯಂತ ಚಿನ್ನದ ದರದಲ್ಲಿ ಏರಿಕೆ ಕಂಡುಬಂದಿದ್ದು, ಏಪ್ರಿಲ್ ತಿಂಗಳ ಪ್ರಾರಂಭವೂ ಅದೇ ಸ್ವರೂಪವನ್ನು ಮುಂದುವರಿಸಿದೆ. ಸ್ಥಳೀಯ ಆಭರಣ ತಯಾರಕರು ಮತ್ತು ಚಿಲ್ಲರೆ ಮಾರಾಟಗಾರರ ಬೇಡಿಕೆಯೊಂದಿಗೆ ಅಂತಾರಾಷ್ಟ್ರೀಯ ಆರ್ಥಿಕ ತೊಡಕುಗಳು ಕೂಡ ಚಿನ್ನದ ಬೆಲೆಯಲ್ಲಿ ಮಹತ್ತರ ಪಾತ್ರವಹಿಸಿವೆ. ಭಾರತದಲ್ಲಿ ರೂಪಾಯಿ ಮತ್ತು ಡಾಲರ್ ನಡುವಿನ ವ್ಯತ್ಯಾಸವೂ ಚಿನ್ನದ ದರದ ಮೇಲೆ ಪರಿಣಾಮ ಬೀರುತ್ತದೆ.
ನಗರವಾರು ಚಿನ್ನದ ದರಗಳು (10 ಗ್ರಾಂಗೆ):
- ಬೆಂಗಳೂರು: 22 ಕ್ಯಾರಟ್ – ರೂ. 85,100; 24 ಕ್ಯಾರಟ್ (ಅಪರಂಜಿ) – ರೂ. 92,840
- ದೆಹಲಿ: 22 ಕ್ಯಾರಟ್ – ರೂ. 85,250
- ಚೆನ್ನೈ, ಮುಂಬೈ, ಕೊಲ್ಕತ್ತ: 22 ಕ್ಯಾರಟ್ – ರೂ. 85,100
ಕ್ಯಾರಟ್ ವಾರು ಬೆಲೆಗಳು (ಪ್ರತಿ ಗ್ರಾಂ):
- 18 ಕ್ಯಾರಟ್ ಆಭರಣ: ರೂ. 6,963
- 22 ಕ್ಯಾರಟ್ ಆಭರಣ: ರೂ. 8,510
- 24 ಕ್ಯಾರಟ್ ಅಪರಂಜಿ: ರೂ. 9,284
ಬೆಳ್ಳಿ ಬೆಲೆಗಳಲ್ಲೂ ಏರುತ್ತಿದೆ:
ಚಿನ್ನದ ಜೊತೆಗೆ, ಬೆಳ್ಳಿಯ ಬೆಲೆಗಳೂ ಏರಿಕೆಯಾಗಿವೆ. ವೈಜ್ಞಾನಿಕ ಮತ್ತು ಆಭರಣ ಉದ್ಯಮಗಳಲ್ಲಿ ಬೆಳ್ಳಿಯ ಬೇಡಿಕೆ ಹೆಚ್ಚಾಗಿದೆ. ಇಂದು, ಪ್ರತಿ ಕೆಜಿ ಬೆಳ್ಳಿಯ ದರ ರೂ. 1,05,000 (ಬೆಂಗಳೂರು, ದೆಹಲಿ, ಮುಂಬೈ, ಕೊಲ್ಕತ್ತ) ಆಗಿದೆ. ಚೆನ್ನೈನಲ್ಲಿ ಇದು ರೂ. 1,14,000ವರೆಗೆ ಏರಿದೆ.
ಚಿನ್ನದಲ್ಲಿ ಹೂಡಿಕೆ ಮಾಡಿದವರಿಗೆ ಈ ಏರಿಕೆ ಲಾಭದಾಯಕವಾಗಿದೆ. ಆದರೆ, ಮದುವೆ ಅಥವಾ ಆಭರಣ ಖರೀದಿಗಾಗಿ ಇರುವವರಿಗೆ ಇದು ಸಂಕಷ್ಟಕ್ಕೆ ದೂಡಿದೆ. ಬೆಲೆಗಳು ಮುಂದುವರಿಯುತ್ತಿದ್ದರೆ, ಗ್ರಾಹಕರು ಖರೀದಿಯನ್ನು ವಿಳಂಬ ಮಾಡಬಹುದು.
ಚಿನ್ನ ಮತ್ತು ಬೆಳ್ಳಿಯ ಬೆಲೆಗಳು ಅಂತರರಾಷ್ಟ್ರೀಯ ಮಾರುಕಟ್ಟೆ, ದೇಶೀಯ ಬೇಡಿಕೆ ಮತ್ತು ಸರ್ಕಾರಿ ನೀತಿಗಳನ್ನು ಅವಲಂಬಿಸಿವೆ. ಗ್ರಾಹಕರು ಮಾರುಕಟ್ಟೆ ಸ್ಥಿತಿಯನ್ನು ಗಮನಿಸಿ, ಆಭರಣ ಅಥವಾ ಹೂಡಿಕೆ ನಿರ್ಧಾರಗಳನ್ನು ತೆಗೆದುಕೊಳ್ಳಲು ಸಲಹೆ ನೀಡಲಾಗುತ್ತದೆ.
