ದೀಪಾವಳಿ, ದಸರಾ ಮುಗಿದು ಒಂದು ತಿಂಗಳೇ ಆಗಿಲ್ಲ, ಆದರೆ ಚಿನ್ನದ ಬೆಲೆಯಲ್ಲಿ ಸಿಹಿ ಸುದ್ದಿ. ಇಂದು ದೇಶೀಯ ಫ್ಯೂಚರ್ ಮಾರುಕಟ್ಟೆಯಲ್ಲಿ ಚಿನ್ನ ಮತ್ತು ಬೆಳ್ಳಿ ಎರಡೂ ಭಾರೀ ಕುಸಿತ ಕಂಡಿವೆ. MCX ಗೋಲ್ಡ್ ಡಿಸೆಂಬರ್ ಫ್ಯೂಚರ್ಸ್ 0.52% ಕುಸಿದು 10 ಗ್ರಾಂಗೆ ₹1,22,085ಕ್ಕೆ ತಲುಪಿದೆ. ಅದೇ ಸಮಯಕ್ಕೆ MCX ಸಿಲ್ವರ್ ಡಿಸೆಂಬರ್ ಕಾಂಟ್ರಾಕ್ಟ್ 1.82% ಕುಸಿದು ಕೆಜಿಗೆ ₹1,51,345ಕ್ಕೆ ಬಂದಿದೆ.
ಇಂದು ಮಧ್ಯಾಹ್ನ 2:08ರ ಹೊತ್ತಿಗೆ ಇಂಡಿಯಾ ಬುಲಿಯನ್ & ಜ್ಯುವೆಲ್ಲರ್ಸ್ ಅಸೋಸಿಯೇಷನ್ (IBJA) ಪ್ರಕಾರ:
- 24 ಕ್ಯಾರೆಟ್ ಶುದ್ಧ ಚಿನ್ನ – ₹1,22,710 / 10 ಗ್ರಾಂ
- 22 ಕ್ಯಾರೆಟ್ ಚಿನ್ನ – ₹1,12,484 / 10 ಗ್ರಾಂ
- ಬೆಳ್ಳಿ (999 ಫೈನ್) – ₹1,52,140 / ಕೆಜಿ
ಬೆಂಗಳೂರಿನಲ್ಲಿ ಇಂದಿನ ಚಿನ್ನ-ಬೆಳ್ಳಿ ದರ (ನವೆಂಬರ್ 21):
- 24 ಕ್ಯಾರೆಟ್ ಚಿನ್ನ – ₹1,22,580 / 10 ಗ್ರಾಂ
- 22 ಕ್ಯಾರೆಟ್ ಚಿನ್ನ – ₹1,12,365 / 10 ಗ್ರಾಂ
- MCX ಗೋಲ್ಡ್ ರೇಟ್ ಬೆಂಗಳೂರು – ₹1,22,141 / 10 ಗ್ರಾಂ
- ಬೆಳ್ಳಿ ಗಟ್ಟಿ – ₹1,51,870 / ಕೆಜಿ
- MCX ಬೆಳ್ಳಿ 999 – ₹1,51,540 / ಕೆಜಿ
ಅಹಮದಾಬಾದ್, ದೆಹಲಿ, ಮುಂಬೈ, ಚೆನ್ನೈ, ಕೋಲ್ಕತ್ತಾ, ಹೈದರಾಬಾದ್, ಪುಣೆ ಎಲ್ಲ ಕಡೆಯೂ ₹400 ರಿಂದ ₹800ರವರೆಗೆ 10 ಗ್ರಾಂಗೆ ಕುಸಿತ ದಾಖಲಾಗಿದೆ.
ಕಳೆದ 20 ವರ್ಷಗಳಲ್ಲಿ ಚಿನ್ನದ ಚಮತ್ಕಾರ 2005ರಲ್ಲಿ 10 ಗ್ರಾಂ ಚಿನ್ನ ₹7,638 ಇದ್ದರೆ, 2025ರ ಸೆಪ್ಟೆಂಬರ್ವೇಳೆಗೆ ₹1,25,000ಕ್ಕೂ ಮೀರಿತ್ತು, ಅಂದರೆ ಸುಮಾರು 1,200% ಏರಿಕೆ. ಈ 20 ವರ್ಷಗಳಲ್ಲಿ 16 ವರ್ಷ ಸಕಾರಾತ್ಮಕ ರಿಟರ್ನ್ ಕೊಟ್ಟಿದೆ. ಈ ವರ್ಷ ಮಾತ್ರ (YTD) ಚಿನ್ನ 56% ಏರಿಕೆ ಕಂಡಿದೆ. ಆದರೆ ಕಳೆದ ಒಂದು ತಿಂಗಳಿನಿಂದ ಸತತ ಕುಸಿತ ಕಂಡು ಬರುತ್ತಿದೆ.
ಏಕೆ ಕುಸಿತ?
- ಅಮೆರಿಕಾದಲ್ಲಿ ಬಡ್ಡಿದರ ಇಳಿಕೆ ಸಾಧ್ಯತೆ ಕಡಿಮೆಯಾಗಿದೆ
- ಡಾಲರ್ ಇಂಡೆಕ್ಸ್ ಸ್ವಲ್ಪ ಗಟ್ಟಿಯಾಗಿದೆ
- ಜಾಗತಿಕ ಮಟ್ಟದಲ್ಲಿ ಚಿನ್ನದ ಮೇಲಿನ ಬೇಡಿಕೆ ಸ್ವಲ್ಪ ತಗ್ಗಿದೆ
- ಭಾರತದಲ್ಲಿ ಮದುವೆ ಸೀಸನ್ ಮುಗಿದಿದ್ದರಿಂದ ಚಿಲ್ಲರೆ ಬೇಡಿಕೆ ಕಡಿಮೆ
ಖರೀದಿ ಮಾಡೋದಕ್ಕೆ ಸರಿಯಾದ ಸಮಯವೇ? ಹೌದು! ಹಬ್ಬಗಳು ಮುಗಿದ ನಂತರ ಸಾಮಾನ್ಯವಾಗಿ ಚಿನ್ನದ ಬೆಲೆ ಸ್ವಲ್ಪ ಇಳಿಕೆಯಾಗುತ್ತದೆ. ಈಗಲೇ ₹3,000–₹5,000ರವರೆಗೆ 10 ಗ್ರಾಂ ಕುಸಿದಿದೆ. ಮುಂದಿನ ವರ್ಷ ಮದುವೆ ಸೀಸನ್ ಶುರುವಾಗುವ ಮೊದಲು ಈ ಕುಸಿತ ಮುಂದುವರಿದರೆ ಇನ್ನಷ್ಟು ಲಾಭದಾಯಕ ಖರೀದಿ ಮಾಡಬಹುದು. ಆದರೆ ಮೇಕಿಂಗ್ ಚಾರ್ಜ್, ಜಿಎಸ್ಟಿ, TCS ಸೇರಿಸಿ ಚಿಲ್ಲರೆ ಬೆಲೆ ಸ್ವಲ್ಪ ಹೆಚ್ಚಿರುತ್ತದೆ ಎಂಬುದನ್ನು ಮರೆಯಬೇಡಿ.
ತಜ್ಞರ ಸಲಹೆ “₹1,20,000–₹1,22,000 ಮಟ್ಟಕ್ಕೆ ಬಂದರೆ ಖಂಡಿತಾ ಖರೀದಿಸಿ. ಮುಂದಿನ 6–12 ತಿಂಗಳಲ್ಲಿ ಮತ್ತೆ ₹1.35–1.40 ಲಕ್ಷದವರೆಗೆ ಹೋಗುವ ಸಾಧ್ಯತೆ ಇದೆ” ಎಂದು ಮಾರುಕಟ್ಟೆ ತಜ್ಞರು ಹೇಳುತ್ತಿದ್ದಾರೆ.
ಒಟ್ಟಾರೆ, ಚಿನ್ನ ಪ್ರಿಯರಿಗೆ ಇದೊಂದು ಸುವರ್ಣಾವಕಾಶ. ಯೋಚಿಸದೆ ಖರೀದಿ ಮಾಡಿ, ಭವಿಷ್ಯಕ್ಕೆ ಸುರಕ್ಷಿತ ಹೂಡಿಕೆ ಮಾಡಿ.
