ಕನ್ನಡದ ಅತಿದೊಡ್ಡ ರಿಯಾಲಿಟಿ ಶೋ, ಬಿಗ್ ಬಾಸ್ ಕನ್ನಡ ಸೀಸನ್ 12 ಇಂದು (ಸೆಪ್ಟೆಂಬರ್ 28) ಗ್ರ್ಯಾಂಡ್ ಓಪನಿಂಗ್ನೊಂದಿಗೆ ಪ್ರಾರಂಭವಾಗಲಿದೆ. ‘ಓ ಭ್ರಮೆ…’ ಎಂಬ ಥೀಮ್ ಸಾಂಗ್ನಿಂದ ಸದ್ದು ಮಾಡುತ್ತಿರುವ ಈ ಸೀಸನ್, ಪ್ರೇಕ್ಷಕರ ಕುತೂಹಲವನ್ನು ಈಗಾಗಲೇ ಹೆಚ್ಚಿಸಿದೆ. ಸ್ಪರ್ಧಿಗಳು ಯಾರಿರಬಹುದು ಎಂಬ ಊಹಾಪೋಹಗಳ ನಡುವೆ, ಕಾರ್ಯಕ್ರಮದ ನಿರ್ಮಾಪಕರು ಬಿಗ್ ಬಾಸ್ ಮನೆಯ ಅದ್ಭುತ ಸೆಟ್ನ ಫೋಟೋಗಳು ಮತ್ತು ವೀಡಿಯೋವನ್ನು ಬಿಡುಗಡೆ ಮಾಡಿದೆ.
ಮೈಸೂರು ಅರಮನೆಯಿಂದ ಪ್ರೇರಣೆ
ಈ ಬಾರಿಯ ಬಿಗ್ ಬಾಸ್ ಮನೆಯ ವಿನ್ಯಾಸವು ಕರ್ನಾಟಕದ ಸಂಸ್ಕೃತಿ ಮತ್ತು ಐತಿಹಾಸಿಕ ವೈಭವದ ಪ್ರತೀಕವಾದ ಮೈಸೂರು ಅರಮನೆಯ ಥೀಮ್ ಅನ್ನು ಆಧರಿಸಿದೆ. ದಸರಾ ಹಬ್ಬದ ಸಮಯದಲ್ಲಿ ಪ್ರಾರಂಭವಾಗುವ ಈ ಸೀಸನ್ಗೆ ಈ ಥೀಮ್ ಸಂಪೂರ್ಣವಾಗಿ ಹೊಂದಿಕೆಯಾಗಿದೆ. ಸೆಟ್ ಅನ್ನು ‘ಅರಮನೆ’ ಎಂದೇ ಕರೆಯಲಾಗುತ್ತಿದೆ.ಇದು ನಿಜವಾದ ಅರಮನೆಯ ಭವ್ಯತೆ ಮತ್ತು ವೈಭವವನ್ನು ಪ್ರತಿಬಿಂಬಿಸುತ್ತದೆ. ಸಂಕೀರ್ಣವಾದ ಕೆತ್ತನೆಗಳು, ರಾಜಸ್ಥಾನದ ಶೈಲಿಯ ಅಲಂಕಾರಗಳು, ದೀಪಗಳ ಸಾಲುಗಳು ಮತ್ತು ಶ್ರೀಮಂತ ಬಣ್ಣಗಳ ಸಂಯೋಜನೆಯು ಸೆಟ್ಗೆ ರಾಜಕೀಯ ರೂಪ ನೀಡಿದೆ.
ಸುದೀಪ್ ಅವರ ವಿಶೇಷ ಸಂದೇಶ
ಸೆಟ್ ಅನ್ನು ಪರಿಚಯಿಸುವ ವೀಡಿಯೋದಲ್ಲಿ, ನಿರೂಪಕ ಕಿಚ್ಚ ಸುದೀಪ್ ಅವರು ಬಿಗ್ಬಾಸ್ ಮನೆಯನ್ನ ಪರಿಚಯಿಸಿದರು. “ನಮ್ಮ ಶ್ರೀಮಂತವಾಗಿರುವ ಕರ್ನಾಟಕವನ್ನು ಒಂದೇ ಜಾಗದಲ್ಲಿ ಸ್ಕೆಚ್ ಮಾಡಿದ್ರೆ ನೋಡಲಿಕ್ಕೆ ಹೇಗಿರುತ್ತೆ, ಅಂತ ನೋಡಬೇಕು ಅಂದ್ರೆ, ಹೀಗಿರುತ್ತೆ,” ಎಂದು ಸುದೀಪ್ ಹೇಳುತ್ತಾರೆ. ಅರಮನೆಗಳನ್ನು ರಕ್ಷಿಸಿಕೊಳ್ಳಲು ಚರಿತ್ರೆಯುದ್ದಕ್ಕೂ ಯುದ್ಧಗಳು ನಡೆದಿವೆ ಎಂದು ಸೂಚಿಸುತ್ತ, “ಈ ಅರಮನೆಯಲ್ಲಿ ತಮ್ಮನ್ನು ತಾವು ಉಳಿಸಿಕೊಳ್ಳಲಿಕ್ಕೆ ಬಹಳ ಯುದ್ಧಗಳು ನಡೆಯಲಿವೆ ಎಂದು ಸ್ಪರ್ಧೆಯ ತೀವ್ರತೆಗೆ ಸೂಚನೆ ನೀಡಿದ್ದಾರೆ. ನಮ್ಮ ನಾಡಿಗೆ ದಸರಾ ಹಬ್ಬ ಶುರು ಆಗಿ ಒಂದು ವಾರ ಆಯ್ತು. ನಮ್ಮ ಬಿಗ್ ಬಾಯ್ ಮನೆಯಲ್ಲಿ ಮಸ್ತಿ ಹಬ್ಬ ಈಗ ಶುರು ಎಂದು ಅವರು ಘೋಷಿಸಿದರು.
ಮೊದಲ ಸ್ಪರ್ಧಿಗಳ ಹೆಸರು ಬಹಿರಂಗ
ಗೇಮ್ ಶೋ ‘ಕ್ವಾಟ್ಲೆ ಕಿಚನ್’ನ ಫಿನಾಲೆಯ ಸಮಯದಲ್ಲಿ, ಮೂವರು ಸ್ಪರ್ಧಿಗಳ ಹೆಸರುಗಳನ್ನು ಅಧಿಕೃತವಾಗಿ ಬಹಿರಂಗಪಡಿಸಲಾಗಿದೆ.
-
ಕಾಕ್ರೂಚ್ ಸುಧಿ (ನಟ)
-
ಮಂಜು ಭಾಷಿಣಿ (ಟೆಲಿವಿಷನ್ ತಾರೆ)
-
ಮಲ್ಲಮ್ಮ (ಸೋಶಿಯಲ್ ಮೀಡಿಯಾ ಇನ್ಫ್ಲುಯೆನ್ಸರ್)
ಹೀಗೆ, ಈ ಸೀಸನ್ ನಟನೆ, ಟೆಲಿವಿಷನ್ ಮತ್ತು ಡಿಜಿಟಲ್ ಮಾಧ್ಯಮದಿಂದ ಬರುವ ವೈವಿಧ್ಯಮಯ ವ್ಯಕ್ತಿತ್ವಗಳನ್ನು ಒಳಗೊಂಡಿರಲಿದೆ.
ಗ್ರ್ಯಾಂಡ್ ಓಪನಿಂಗ್ ಟುನೈಟ್
ಬಿಗ್ ಬಾಸ್ ಕನ್ನಡ ಸೀಸನ್ 12ನ ಗ್ರ್ಯಾಂಡ್ ಓಪನಿಂಗ್ ಶೋ ಈಗಾಗಲೇ ಪ್ರಾರಂಭವಾಗಿದ್ದು, ಕಲರ್ಸ್ ಕನ್ನಡ ಚಾನಲ್ನಲ್ಲಿ ಕಾರ್ಯಕ್ರಮವನ್ನು ನೇರವಾಗಿ ನೋಡಬಹುದು. ನಿರೂಪಕ ಕಿಚ್ಚ ಸುದೀಪ್ ಅವರ ಜೊತೆಗೆ, ಸ್ಪರ್ಧಿಗಳು ಯಾರಾಗಬಹುದು ಎಂಬುದರ ಅಂತಿಮ ಬಹಿರಂಗ ಮತ್ತು ಅವರ ಮನೆ ಪ್ರವೇಶವನ್ನು ನೇರವಾಗಿ ಕಾಣಬಹುದು. ದಿನನಿತ್ಯದ ಎಪಿಸೋಡ್ಗಳು ಸಂಜೆ 9:30 ಗಂಟೆಗೆ ಪ್ರಸಾರವಾಗಲಿವೆ ಎಂದು ನಿರೀಕ್ಷಿಸಲಾಗಿದೆ.
